مــوال (آه يـــا غربـــــة)

[شاعر الحب الحزين]

آه يــا غربــة خدتينـي مـن الأحبــة ل ليـل ونـار بتكوينـي

العيشة صعبة ومفيــش أطبــة تحس بجرحي وتداوينــي

واخداني من ناس وواخدة مني ناس تصبحيني بدمعة وتمسيني

تعبت فيكي الله يجازيكي ولا قادر اسأل على فين دربك هيوديني

آه يا دمعي وحزني آه من الفكر اللي واخدني لجرح وأسى بيرميني

حبايبي وخدتيهم مني قرايبي وبعدتيهم عني فاضللي مين يواسيني

اللي اخترته يبقى حبيبي طلع مش من نصيبي بعـــد حبـي وحنينـي

اللي كان في يوم صاحبي كان صاحب مصلحته مش صاحبي قدر يجافيني

آه يا كبرياء وحدتي راحت فين ضحكتي نابني ايه غير دمعتي وغربة سنيني

عمري عدى فاضللي إيه في غربة ضاعت أيامه ولياليه في دمعــي وأنينــي

عارف إن اللي راح مش راجع لكن لو اللي جاي مواجع أرجوك يارب قوينـــي

اللي فات غصب عني اتحملته طريق طويل مشيته وكملته وأنا فيا اللي مكفيني

يـا بكــرة مش هصحي اللي مات بس لو جايب حزن زي اللي فات ابعد واعفينـي




شـــــــــــــــــــــــــــــــــــــــ . حــــــــــــــــــــــــــــــــــــــــــ

[SaMa.]

يارب بكرا يجيب الخير كله ليك
كلام حلو اوى شاعر

[A-rab3awya]

قلم نابض .. نبض اوتار حزينه..

قلب المواجع والالام .

رسم سفونية حزينه يسودها الفقد ويكسوها الحزن ..
استاذ خالد
ما اجمل طرحك ..

عجبني بساطة الكلمات وتناسق العبارات ..





شكرا لك ولقلمك ..

تقيبم *****

[شاعر الحب الحزين]

اقتباس المشاركة الأصلية كتبت بواسطة sama. يارب بكرا يجيب الخير كله ليك كلام حلو اوى شاعر

يارب لينا وليكي يا سما

الاجمل مرورك ودعوتك الجميلة ربنا يسمع منك

نورتيني واسعدني حضورك الجميل

احترامي وتقديري

[شاعر الحب الحزين]

اقتباس المشاركة الأصلية كتبت بواسطة a-rab3awya قلم نابض .. نبض اوتار حزينه.. قلب المواجع والالام . رسم سفونية حزينه يسودها الفقد ويكسوها الحزن .. استاذ خالد ما اجمل طرحك .. عجبني بساطة الكلمات وتناسق العبارات .. شكرا لك ولقلمك .. تقيبم *****

أصبح يسودها أروع حضور وتكسوها البسمة

بعطر مرورك وصدق مشاعرك الاء

أشكرك رقيقة الحرف والنبض لرقي تواجدك الجميل

أسعدتيني بقدومك هنا وشرفني حضورك الجميل

احترامي وتقديري

[دفاتر القمر]

صعبه الغربه كلماتك
رغم الحزن الا ان الابداع
يفوح من بين سطورك
كما تعودنا منك تجيد صياغه
المفردات وتوظيفها
شكرا لك بحجم هذا الجمال
دمت مبدع وشاعر المنتدي

[انت احلى الناس]

حبايبي وخدتيهم مني قرايبي وبعدتيهم عني فاضللي مين يواسيني

اللي اخترته يبقى حبيبي طلع مش من نصيبي بعـــد حبـي وحنينـي


رائع بجد
تسلم ايدك يا خالد