من انهـآرده مفيش مشرفين ؟

[جنون قلب]

بسم الله الرحمن الرحيم


ازيكم يا احلى نــآس / ( يا عم انجز انت هتصـآحبنـآ )
طيب يا عم انت وهو بالرآحه دآ آنــآ جايبلكم السوآد الاسود


من الاخر انـآ لفيت انهـآرده فى المنتدى
لآقيت موضوع للمـآجك فى صفحـآت مكشوفه
قلت ادخل اشوف الرآجل ده بيقول ايه واديله شويه لآيكــآت
ممكن اصعب عليه ويكبرلى الصوره الشخصيه شويه ( اسلوب انتهـآزى بصرآحه )
انـآ اتفـآجئت بصرآحه لمــآ شوفت الرد بتاعه ده
قلت طبعـآ مش هتصدقونى
فعملت ليكم الصوره عشان محدش يقولى انى بهددكم والكلآم ده
او جــآى اقلب نظـآم حكم المنتدى ما هى دى بقت اخف جريمه على لسان القضـآء


اهو يا نــآس
والكلآم على لسـآنه يعنى فى تقلبــآت ونـآس لونهــآ ازرق يعينى هيتحط عليهم
والناس اللى فرحـآنين باللون البمبه المسخسخ ده
هنشوفهم باللون البنى ويارب يكون باللون الاسود وعليه خط
عشان بقى نفرح بقى ونزقطط
انــآ كـ عضو جديد طبعـآ ليــآ رأى فى الموضوع ده
انا من رايى ان المــآجكـ يعمل ايه بقى
يعزل كل المشرفين من منــآصبهم ويبدأ كده ياخدله هدنه قيمه ست او سبع سنين
ويفكر مين يبقى مشرف ومين ميبقــآش
وساعتها الوآحد يكون عمل ليه 300 مشآركه ولا حاجه ويبقى إدأره
انــآ بقترح مجرد اقترآح
والاقترآح التـآنى بقى اننــآ مش عايزين فلول
يعنى اللى كــآن مشرف مينفعش يقوم بنفس المهــآم لانه من النظـآم السابق
وندور على النــآس الجديده اللى هم الورد اللى هيفتح فى جناين المنتدى
والكل ياخد فرصته ما هم المشرفين مش هياخدوآ زمـآنهم وزمن غيرهم
ده كله اقترآحــآت وأرآء ويا تقنعونى يا اقنعكم


.
يـــآه يا ناس الوآحد فرحــآن فرحه المصريين بكــآس العـآلم
قولوآ زى مــآ تقولوآ
بفرح فى المصــآيب / جاى اهدى النفوس
أومثلآ بقلب نظـآم الحكم


يـآه وأشوف كده بنت بلآدى نفرتيتى اللى فرحـآنه بنفسهـآ
وكتبـآلى ملكه جمـآل المنتدى
اشوفهــآ باللون البنى ونبقى انا وهى بصره يعينى يعينى
ياه وابو نصير اللى معرفلوش هو مشرف ايه بالظبط
ولآ رفعت وامنيه الشـآفعى
اللى بيتمخطرولى فى المنتدى وكل واحد مبهور بلونه
لا نبقى كلنــآ سوآ سيـآ
دى آحنــآ هنضحك ضحكـ




,
انا عايز اعرف رأيكم ايه فى اللى انـآ قلته ده
مش هو ده العدل
. ؟

[۩۩ elMagic ۩۩]

فعلا هو دا العدل اللى المفروض يتطبق
الموقع له سبع ولا ثمن سنين عاصر كل الاجيال الماضيه وبيعاصر الحاضر
ومستعد للاجيال المقبله
اعملوا بالمبدأ اللى بيقول
" حب ما تعمل حتى تصل لما تريد "
وربنا ما يقطعلنا عاده بقآ
حلوه الخزعبله
تعيش وتتخزعبل ي معلم

[الفيلسـوف]

ههههههههههههه ايوه ايوه يانصير الغلابه ههههه وياريت والنبى تتكلم يااسلام ع الاقسام المهجوره اقسام الاخبار والرياضى تحس انى فيه ممنوعات
ام عن ام حمنى ياعم انا ماليش دعوه ههههه ده سياسه لوحده

[حـيـــــآة ❤]

دي ارزاق متقطعش ارزاقنا
ناوي تخرب بيتي ولا ايه
نايس خزعبلايه

[Lamees]

ان شاء الله ربنا يديلك على قد نيتك ^_^

[جنون قلب]

المــآجكـ
انا مش عارف النـآس دى عايزه ايه
كل واحد بقى مشرف خلآص ينسى انه كان فى يوم عضو
وينفض ومش عاوز ينزل من على الكرسى
وكل اللى بيفكر فيه مره يدهنه بلون تانى او مره تانيه ينجده
النـآس دى لآزم تـآخد جزآئهــآ
ودى مهمتك انت بقى ومحدش يقدر يتكلم معاك
انت لونكـ أحمر
انا لو مكـآنك اعمل انقلآب واشيل كمان النـآس اللى فى الادآره

[جنون قلب]

sad love

من هنـآ ورآيح اعتبرنى الادآره بس متقولش ل حد
واكتبلى كل اللى انت عايزه فى ورقه وابعتهــآلى
وملكش دعوه باى حاجه
بالنسبه ل قسم الريـآضه متخفش انا خلآص كلمت مدحت شلبى
هيجى يمسك اشرآف القسم
وهنعمل استوديوآ ونجيب حازم امام وشيتوس ويـآسر ريــآن
انت بس خليك فى ضهرى والعمليه هتبقى زى الفل
انا نويت ارشح نفسى مكآن صاحب المنتدى
خليك معايا وانا همسككـ اشرآف كل الاقسـآم

[phalsteen]

انت فاكر اننا كمشرفين والوان بمبه هنزعل
لا بالعكس
ابسنوتلي خالص يا اسلام يا اخويا
دحنا بقالنا زمن بنادي بالكلام دا لما صوتنا انتبح
آه والمصحــــــــــــف بئه
وبعدين انت بدل ما تبقي في صفي
بما اننا ولاد بلد
داخل تقطع في فروتي
اخص عليك
الف اخص

يا ابني انا علامه من علامات المكان دا
بص كدة علي الرئيسيه
هتلاقي نفرتيتي وجهه بنات مصــــــــــــــر

انت فاكر اللون دا جه من فراغ
ولا حتي سيدة مصر الاولي غصب عنك كدهون
وملكه جمال بنات مصر
يبني الالقاب مش بالالوان خالص

عشان جديد انت مش متابع
منا جربت الاسود مرتين وناويه اجربه التالته بئه

وبعدين احنا هنا ديمقراطيه
يعني في حركه التغيرات هتبقي شامله الكل
حتي اللون الاحمر
واخد بالك اماجيك
والكلام شامل الزعيم كمان ( ساحر الاحزان )
وابقي قوله اني قولت عليه كدهون

منور يا ابن بلدي وتعيش وتهدي النفوس بئه

[جنون قلب]

حيـآه الروح

انا هقولكـ كلمتين
على راى محمد سعد ادونــآ فرصه بقى
احنـآ نـآخد من كل رجل قبيله ونعمل ثوره عليكوآ
وننزلكم اعضــآء ونسيطر احنـآ على الاشرآف
وبعدين حتى الجبروت فيكم
النـآس اللى كانت مشرفين او ادآره بعد ما تنحوآ عن المنصب
مكتوب تحتهم مشرف سابق وادأرى سابق ومش عارف ايه
ده ظلم
حسووآ بيـآ يحس بيكوآ ربنـآ
ومن قدم شىء بيدآه التقــآه


ربنــآ يسهل بس فى اللى انا جاى اعمله
لانى حاسس انى همشى بمبدآ من حفر حفره ل أخيه
وهلآقى نفسى فى الاخر عضو موقوف ومش بخط واحد لا اتنين موبنيل وفودآفون

[جنون قلب]

اطياف المـآضى
والله انا ما عارف انتى بتدعيلى ولا بتدعى عليــآ
على العموم ان شاء الله هيجى اليوم اللى هفرح فيكم