روايه فى الحلال ........لرقيه طه

[Amany L]

الروايه بتتكلم عن حياتنا كلنا ، متهيألي مفيش شخص هيقرأها إلا لما يلاقي نفسه جواها ،

كل واحد فيكم هيلاقي حد شبهه في الروايه ، هيلاقي مواقف هو فعلا بيعيشها ، هيلاقي الزقه اللي كان محتاجها من زمان علشان يبدأ حملة التغيير علي نفسه

بإذن الله بإذن الله كل حد حابب يعمل ثوره علي نفسه ويبدأ يعيشها صح بقي هيعرف إزاي من الروايه دي ‏‎

الموضوع مش هيكون مجرد " حب حلال " الموضوع هيكون " حياة حلال "





الحلقه الأولي :

في كافيتريا كلية الهندسه يجلس إسلام ذلك الشاب طويل القامه خمري البشرة حسن المظهر مع صديقه محمد ذو الشعر الناعم والطول المتوسط والوجه الباسم دائما والقلب الحنون .

قال إسلام بهدوء :

- عرفتها من ع النت

زفر محمد بضيق وقال :

- نعــــــم !! وهو إحنا من الناس دي برضو يا إسلام ؟ !!

تنحنح بإحراج وقال مفسرا :

- يابني إصبر هفهمك ، انا بتكلم معاها عادي خالص والله ومش بنقول حاجه حرام ، كله كلام عام كـ تعارف يعني

طأطأ رأسه بحزن وقال لائما :

- بس مش إحنا اللي نلعب ببنات الناس يا إسلام !!

رفع حاجبه قائلا بتعجب :

-وهو حد قالك إني بلعب بيها ، عيييب يا محمد أخوك راجل برضو ، كل الحكاية بس إني لازم اتعرف عليها كويس قبل ما أتقدملها

محمد بتعجب :

- تتقدملها ؟!!

أجابه علي الفور :

- أيووه يابني اومال انا بقول إيه من الصبح ، البنت اللي هتجوزها لازم أكون عارف دماغها وتفكيرها كويس ، علشان كده قلت اتعرف عليها الأول علي النت وأفهم دماغها بعدين أروح اتقدملها إن شاء الله

- طيب وإنت عرفت إزاي بقي إن دي ممكن تكون مناسبه ليك ؟!!

إبتسم إسلام قائلا :

- بصراحه كده هي كانت معانا فـ جروب ( نقاشات حره ) وباين عليها دماغها حلوه وكمان باين عليها محترمه

نظر إليه قائلا بتعجب :

- باين عليها امممم طب وهي لو كانت محترمه كانت هترضي تتكلم معاك كده ؟!!

إنتفض إسلام من مكانه وضرب الطاولة بقوه وقال غاضبا :

- محــــــــــــمد انا مسمحلكش ، يا تتكلم عنها عدل يأما تسكت ، فــــــــاهم

محمد بضيق :

- خلاص يا عم إنت حر ، يلـا علشان المحاضره قربت تبدأ .
________________________

وفي المبني المقابل أمام قاعه 23 بكلية التربيه تجلس سلمي ذات القامه القصيره والوجه البرئ مع صديقاتيها هند وفاطمه ،

نظرت سلمي إلي صديقاتيها بضيق وقالت :

- يا جدعان انا مش فاهمه حاجه من البوتري ده هو انا بفهم شعر عربي لما هفهم شعر إنجليزي ، انا كان مالي ومال قسم إنجليزي بس ياربي ، ماكان قدامي أقسام تانيه كنت دخلتها وخلاص

ضحكت هند ضحكة عاليه وقالت :

- يابنتي هو إنتي كل ما تطلعي من المحاضره دي بالذات تعملي كده ، انا بصراحه مكنتش بحبها فـ الاول بس الدكتور حببني فيها

نظرت له بضيق وقالت متعجبه :

- الدكتور حببك فيها !! يا شيخه حرام عليكي ده علطول يشتم ويهزأ فينا وكرهني في الماده وفي الجامعه كلها ، ربنا يعدينا منها علي خييييير
تنهدت فاطمه بدلع قائله :

- بس شوفي راجل إزاي ، شخصيه وقوه وشياكه بجد جنتــــــل آخر حاجه ، يا بنتي دي بنات الجامعه كلها هيموتوا عليه .

سلمي بنفاذ صبر :

- بت إنتــــــي وهي إمشوا من قدااااااااامي حالا وإلا هفجركم ، جايين إنتوا علشان تدرسوا ولا علشان تتفرجوا علي الدكاتره !!

- ثم أردفت بإبتسامه كبيره :

- عيال عاوزة الضرب

ضربتها هند علي كتفها بخفه وقالت بإستهزاء :

- لأ عاقله يا بت

ضحكت سلمي بمرح وقالت وهي تدفع هند للخلف :

- هششش يلا من هنا علشان هنرش ماية ، وانا كمان هروح بقي علشان لو إتأخرت بابا هيظبطني ، يلـــا أشوفكم بكره بإذن الله , مع السلامه
_____________________

عادت سلمي إلي منزلها وفور إغلاقها لباب المنزل وجدت أختها ولاء الطالبه في المرحله الثانوية تصرخ بحماس وتقول :

- سلمـــي تعالي بسرعه المسلسل لسه بادئ أهو ، كويس لحقتي نفسك

تنهدت سلمي بسعاده وقالت :

- قششششطه جدااااااااا ، هروح أدخل شنطتي الاوضه وآجي حــــالا

وأثناء عودتها قالت لاختها ولاء بصوت هادئ :

- والله يا بت يا ولاء الواحد عاوز يبطل المسلسلات دي !! ويا سلاااااام بقي لو نبطل الأغاني كمااااااان ، الله بجد إحساس حلو وكفايه بقي الذنوب اللي عندنا دي
رفعت ولاء حاجبها وقالت بحنق :

- يا ست إنتي هتعملي فيها ست الشيخه !! يا تتفرجي يا تمشي علشان متبوظيش الحلقه عليا !!

نظرت لها سلمي بضيق وقالت :

- خلاص هتفرج

ثم إستعادت إبتسامتها وقالت :

- قوليلي بقي حصل إيه من الأول
_______________

إنتهت المحاضرة وخرج كل من إسلام ومحمد ، وقف محمد أمام إسلام وأمسك بيده ونظر للأرض وقال معتذرا :

- إسلـــام معلش انا اسف ، مكنش قصدي أتكلم عن البنت اللي بتقول عليها دي كده ، وفعلا مكنش يحق لي إني أظلمها أو أقول عليها حاجه وحشه من وراها ، بس انا بصراحه مش مقتنع بجواز النت ده وشايف اني لازم لما آجي اخطب واحده اخدها من بيت أهلها وأتعرف عليها عندهم علشان كل حاجه تبقي فـ النور ، بس عموما دي أراء برضو معلش متزعلش مني

إبتسم إسلام وقال :

- اولا انت عارف إني مش بعرف أزعل منك لأنك أغلي صديق عندي ، ثانيا بقي انا هوريلك إن وجهة نظرك دي غلط والأيام بيننا يا محمد ، قشطه ؟

محمد بسعاده :

- قشطه جداااااا ^^

نظر إسلام أمامه فإذا به يري شيئا لم يعجبه فقال بضيق :

- يييييييييييي شوف مين جاي علينا

فاروق بإبتسامه خفيفه :

- السلام عليكم
إسلام بإبتسامه مصطنعه :

- وعليكم السلام

محمد بسعاده :

- وعليكم السلام ورحمة الله وبركاته

نظر لهما فاروق للحظات ثم بدأ حديثه قائلا :

- ازيكم يا شباب عاملين إيه ؟ كويس إني شوفتكم والله ، كنت عاوز أقولكم علي الندوه اللي هتتعمل بكره فـ الجامعه يمكن تحبوا تيجوا يعني

نظر له محمد بحماس وقال :

- مـــاشي قول

شرد إسلام عنهما قليلا وأخذ يحدث نفسه :

- هو كل ما يشوف خلقتنا الواد ده هيقولنا علي ندوه دينيه ، وأكيد ندواته كلها بقي هتكون شيوخ كبار وهيقعدوا يتكلموا كالعاده وإحنا مش فاهمين حاجه وفي الآخر ننام زي كل مره !

قطع فاروق إسلام من شروده وقال متسائلا :

- هاه يا إسلام وإنت مقولتليش ، تحب تعرف أكتر عن الندوه ؟

إسلام بإبتسامه مصطنعه :

- إتفضل

بدأ فاروق حديثه عن الندوه قائلا بلباقه :

- إسم الندوه ( أحبك ولكن لن أصارحك ) وبتتكلم عن ..

قاطعه إسلام متعجبا :

- إسمها إيه ؟!!

قال فاروق بتلقائله :

- أحبك ولكن لن أصارحك

رفع إسلام حاجبه وقال بصوت ساخر :

- ندوه دينيه وإسمها كده إزاي يعني ؟!! إنت بتهرج صح ؟

فاروق بإبتسامه هادئه :

- طيب بص انا مش هتكلم عنها , إنت هتيجي تشوف بنفسك ينفع ولا لأ , مستنيكم بكره الساعه 11:30 في قاعه المناسبات ، يلا بقي هسيبكم علشان ألحق ابلغ باقي الناس

غادر فاروق بينما نظر إسلام إلي محمد بتعجب وقال مؤكدا :

- صاحبك بيضحك علينا يا عم !! بيقولنا أي حاجه وخلاص علشان يجر رجلينا ونروح ، بس الحركات دي مش بتخيل عليا ، هو أكيد بيعمل كده علشان يبان قدام الناس انه شاطر بقي وبيعرف يقنع الناس بالحضور وحاجات كده !!

زفر محمد بضيق وقال :

- فاروق مش بيكدب ابدااااا يا إسلام ، هو صاحبي من زمان وانا عارفه كويس ، عموما نروح بكره ونشوف ، تمام ؟

أومأ برأسه موافقا وقال :

- ماشي مش هنخسر حاجه ، نروح وخلاص ولو طلعت ممله هنمشي زي كل مره ، أصلا فاروق صاحبك ده انا مش بطيقه بصراحه وبحس إن أي حاجه من ناحيته ممله !!

نظر له بغضب وقال بصراخ :

- يابني لييييييه حرام عليك !!! ده محترم جدااااا ما شاء الله عليه ، بجد ياريت كل الشباب زيه

إسلام بضحكة ساخره :

- ياعم تحس إنه واد ملزق كده ومعقد وغريب
ثم أردف ببراءة مصطنعه :

- خلاص بقي انا مش عاوز أتكلم علي حد , والنهارده من بكره مش كتير ، هنشوف !


لو عجبتكم الحلقه الاولى اكمل

[A-rab3awya]

كملى يا سكرة متبعاكى اصلا من اسم الرواية وهى تستاهل المتابعة و توقعاتى ان اسلام دة ممكن تلفت نظره المحاضرة لانى متوقعاها كلام عن حد بيحب شخص مش من حقه يصارحه و مستنية الباقى يا أمانى

[Amany L]

الحلقه الثانيه :عاد إسلام إلي منزله وظل حائرا طوال اليوم ، هل يمكن أن تكون هناك ندوه دينيه بهذا الإسم ؟ ام ان فاروق يكذب عليهما ليجبرهما علي الحضور ؟!! أخذ يفكر قليلا ثم تذكر فجأة ان اخته هند معه في الجامعه ومن الممكن ان تكون قد سمعت بهذه الندوه من قبل ، فقرر أن يذهب ليسألها ..أخذ إسلام ينقر علي باب غرفة أخته بطريقه موسيقيه وهو يقول بمرح :- بت ياهند إفتحي الباب قالت بطريقه مضحكة :- حــــاضر يا عم عبده ، هجيب كيس الزبالة وجايه حــــــالاضحك بشده ولكنه سرعان ما رفع حاجبه وإعتدل في وقفته وقال بصرامه :- الزباله دي هأكلهالك إن شاء الله ، بس مش وقته دلوقتي ، انا جاي ف حاجه أهم ..قامت هند بفتح الباب وقالت وهي مازالت تضحك :- إنجزززززز وقتي ثمين إسلام بجديه :- إنتي سمعتي إن في ندوه هتتعمل بكره عندنا فـ هندسه إسمها ( أحبك ولكن لن اصارحك ) ؟ثم أردف قائلا :- أصل في واحد قالي عليها وانا بصراحه مش مصدق إن في ندوه دينيه إسمها كده !!أومأت هند برأسها إيجابا وقالت :- أيوه كانت سلمي قالتلي عليها إمبارح ، يمكن نيجي نحضرها إحنا كمان قال إسلام بتلقائيه :- سلمي مين ؟قالت ببراءة :- سلمي جارتنا يا عم اللي معايا فـ القسم إسلام بضحكة عاليه :- ااااه القصيره دي اللي كانت بتلعب معانا في الشارع زمان صح ؟هند بإبتسامه :- أيوه هي دي ثم نظرت للجانب الآخر وكأنها تذكرت شيئا ما وعادت إليه بنظرها وهي تقول بتعجب :- ثانيه ثانيه ، إنت مالك أصلا ؟!! إنت سيبت الندوه ومسكت فـ سلمي ؟!!- عادي ياهنود أدينا بندردشجلست علي طرف فراشها ووضعت ساقا فوق الآخري وقالت بغرور:- هاه عندك أسئله تاني ولا تتفضل من غير مطرود يا باشمهندش ؟إسلام بإبتسامه :- خلاص يا ستي شكرا وسرعان ما تحولت هذه الإبتسامه إلي ضحكة شريره وهو يدفعها للخلف ويقول بمرح :- إتخمدي بقي ، وما تنسيش تشربي اللبن وتغسلي اسنانك قبل ما تنامي علشان السوسه الوحشه متجيش فـ بؤك ضربته هند علي كتفه وقالت بإبتسامه :- اللـــــــه يرحمك يا بابا ، لو كان لسه عايش دلوقتي كان زمانه خنقك ، عيل ظريف إستدار ليعود إلي غرفته وهو يقول بهدوء :- الله يرحمه ، يلا تصبحي علي سوسه حاولت الإمساك به ولكن يبدو أن قفزاته كانت أسرع فصرخت قائله :- إستنـــــــــي يا واد هنا ثم أخدت تحرك رأسها يمينا ويسارا وهي تقول بإبتسامه كبيره :- جرررري الخواف ___________________________وفي اليوم التالي نظر إسلام لصديقه محمد وقال علي الفور :- يلــا يا عم الساعه بقت 11:15 أهي يادوب نلحق نحجز مكان في الندوه دي قبل ما كل الكراسي تتملي محمد بتعجب ممزوج بالسعاده :- غريبه !! مش إسلام اللي يكون مستعجل كده علي ندوه دينيه يعني ! ضحك إسلام بثقه وقال :- علشان بس أأكدلك إن صاحبك ده بيضحك علينا !! محمد بثقه أكبر :- هنشوووووووف ، هيا بناااااا وبدأت الندوه :كانت تتحدث عن الحب الحلال ، وكيف يجب علي الإنسان أن يظل محافظا علي قلبه نظيف وخالي من أي جرح وهو علي يقين ان الله سوف يعوضه خيرا علي هذا الصبر ، ولأن القلوب ليست بأيدينا ومن الممكن ان يحدث تعلق بأحد أفراد الطرف الآخر في أي وقت ، يجب علي الإنسان ان يغض بصره دائما ويحاول بقدر المستطاع ان يبتعد عن أي مكان به إختلاط حفاظا علي قلبه والعهد الذي اخده علي نفسه ، وحتي إذا شعر بأي مشاعر تجاه الطرف الآخر رغما عنه ، فلابد أن يوجه هذه المشاعر في طريقها الشرعي ، إما عن طريق التقدم للخطبه إذا كانت الظروف مناسبه لكل من الطرفين ، او عن طريق الدعاء بأن ييسر الله الأمور إذا كان الخير في هذه الزيجه , وبالطبع لابد أن تظل هذه المشاعر في قلبه فقط ولا يحاول أبدااا إظهار أي شئ منها للطرف الآخر ، فهو من المفترض أن يحافظ عليها حتي من نفسه ويكون علي يقين إنه إذا كان بها الخير له سيجعلها الله من نصيبه , والأفضل ان يدعو الله دائما أن يثبته ويحفظ له قلبه ولا يعلقه بأحد سواه وإنتهت الندوه وخرج الجميع ، نظر محمد إلي إسلام وقال بضحكة واثقه :- إيه رأيك بقي يا عم ؟ طلع مش كذاب أهو أومأ برأسه إيجابا وقال مؤيدا :- لأ بصراحه الله ينور ، كلام جـــامد آخر حاجه ، يعني بصراحه عجبتني الفكره بتاع الندوه وحاجه جديده كده وعلي عكس ما كنت أتوقع تماما ، أي نعم انا مش هقدر أنفذ حاجه من اللي إتقال بس برضو حلوه محمد بإبتسامة رضا : - طيب الحمد لله ، لأ بصراحه الداعيه ده إسلوبه حلو كده ويخليك عاوز تفضل قاعد تسمعه طول اليوم ، وبصراحه بقي انا خلاص عجبني الكلام وقررت أنفذه إسلام بتعجب :- هتعمل إيه يعني ؟ تنهد محمد وهو يتذكر كلام الداعيه وقال بسعاده :- حبيت فكرة ان زوجتي تبقي اول حب فـ حياتي وبإذن الله هفضل محافظ علي قلبي لحد ما أقابلها لأن المشاعر وقتها هتكون طازة ومش مستهلكه ، مش حابب انا اني اتعرف علي دي ودي وفي الآخر اروح أتجوز واحده تانيه خـــــالص !!وأكمل بإبتسامه كبيره :- خليني كده مؤدب ومحترم علشان ربنا يرزقني بواحده مؤدبه زيي إسلام مؤيدا : - مــــاشي يا باشا ربنا معاك ، ويـاريت بجد الناس كلها زي الداعيه ده كان الواحد حضر علطول ، انا بصراحه بخاف من الناس الملتزمين دول , بحس إنهم مش عايشين أصلا ومش بيضحكوا ومملين زي فاروق كده , بس لو في حاجه تانيه كده علي نفس النظام هكون أول الموجودين إن شاء الله نظر له محمد بضيق وقال :- يـــــاض حرام عليك بقي سيب فاروق فـ حاله !! والله لو عرفته عن قرب هتحبه جداااااا نظر إسلام أمامه فإذا به يري فاروق مرة آخري فنظر إلي محمد بملل وقال بصوت منخفض :- يييييي أهو جه تاني فاروق بإبتسامته المعتاده : - السلام عليكم ورحمة الله وبركاته أجابا علي الفور :- وعليكم السلام ورحمة الله وبركاتهفاروق بتساؤل :- هاه قولولي بقي رأيكم فـ الندوه أجاب إسلام مبتسما : - حلوه جميله ثم أردف قائلا بتعجب : - بس هو إنتوا بجد بتعرفوا تحبوا زينا كده ؟!! يعني مش إنتوا بتقولوا إن الحب ده حرام ؟!!ضحك فاروق ضحكة عـــاليه وقال موضحا :- لأ طبعا مين قال كده ؟!! لو الحب حرام مكانش ربنا خلقلنا قلب ، صح ولا إيه ؟!!أومأ برأسه إيجابا وقال بعدم فهم :- صح ، بس إنتوا اللي بتقولوا كده ؟!!إقترب منه فاروق وقال مفسرا :- يا إسلام إفهم ، الحب نفسه عمره ما كان حرام ، اللي بيحصل الأيام دي بإسم الحب هو ده اللي حرام ، الناس اللي بيقولوا إحنا مرتبطين وبنحب بعض وبيسمحوا لنفسهم يعملوا حاجات كتتتتير حرام وكل ده بإسم الحب هو ده اللي حرام ،، يعني هما اللي شوهوا المعني الجميل ده مش إحنا !!إسلام بتعجب :- امممم جايز !فاروق : - عموما يا سيدي الحديث له بقيه ، بس معلش مضطر أمشي دلوقتي علشان محاضرتي هتبدأ ، نكمل بعدين إن شاء الله - ماشي , مع السلامهغادر فاروق ونظر محمد لإسلام بترقب وقال :- هاه إقتنعت ولا إيه النظام ؟إسلام بضحكة شريره :- لأ برضو , مش عارف ليه مش بصدقه الواد ده , بحس إنه بيحاول يبين نفسه كويس ومش معقد ولا حاجه وإن احنا اللي غلط ، مع إن احنا عايشين عادي أهو زي كل الناس وحالنا أحسن من ناس كتير الحمد لله وهو اللي مكبر الموضوع ، يلا ربنا يهدينا ..______________________وفي المساء كانت سلمي تجلس علي الحاسب الخاص بها , وبالتحديد علي موقع الفيس بوك عندما إبتسمت فجأة وقالت لنفسها :- إيه حكايتك يا ست حفصه ، كل شويه تدخليني جروبات كده ، انتي مش بتزهقي ولا إيه ؟!! وكمان إشمعني انا بالذات يعني رغم إننا أصلا متكلمناش قبل كده خااالص ؟!! هههههههههه تلاقيها فاضيه وعمالة تدخل كل الناس اللي عندها ضغطت علي زر الفأره بلا مبالاه وقالت :- لما نشوف مدخلاني في إيه النهارده كمان ، جروب هنعيشها صح // اممم حلو الإسم ، لما ندخل نتفرج بقي وبعد مرور ساعة أو أكثر نقرت ولاء علي باب الغرفه فقالت سلمي :- إدخلي يا بنتي الباب مفتوح - بتعملي إيه يا حجة نظرت لها سلمي وقالت بسعاده :- تعالي بصي كده ، واحده معرفهاش دخلتني في جروب جديد ، بس بجد حاجه فخيمه يعني نظرت ولاء إلي شاشة الحاسوب ثم أعادت النظر إلي سلمي قائله بعدم فهم :- فخيمه إزاي يعني ؟!!قالت بحماس :- ناس كده يا بنتي تحسي إن عقلهم نضيف ماشاء الله وعايشين لهدف معين وبيساعدوا بعض يقربوا من ربنا ، عجبني الجو بصراحه ، وكمان الجروب كبير جداااا وفيه تفاعل ، ده انا قاعده من بدري ومش ملاحقه أقرأ إيه ولا إيه ؟ قالت ولاء بفضول :- وريني كده ..نظرت إلي شاشه الحاسوب ، ولكن يبدو أنها رأت مالا يسرها ، فقالت بملل :- يييييييي لأ يا ست شكرا ، انا هروح أكمل اللي ورايا ، بلاش تقعدي معاهم كتير بدل ما يأثروا عليكي !سلمي بضحكة مرتفعه :- ياعيني ده إتصدم ، خلاص إمشي بقي من هنا وخدي الباب فـ إيدك وبعد ما يقرب من الثلاث ساعات إنتهت ولاء من أعمالها وعادت لغرفتها لتنام ولكنها وجدت سلمي مازالت جالسه علي الحاسب الخاص بها فتنهدت قائله :- يلـــا يا سلمي انا خلصت اللي ورايا ، إقفلي الكمبيوتر بقي وإطفي النور علشان نعرف نناملم تجد جوابا من أختها فإقتربت منها و نظرت الي شاشة الحاسب بدهشه ثم قالت بتعجب :- لالالالالا مش معقوله إنتي أعده ده كله ع الجروب ده ؟!! إلتفتت سلمي إليها وقالت بضحكة متعجبه :- تصدقي بالله ؟ انا حاسه ان حياتي كلها غلــــــط ، يأما هما اللي مزودينها شويه بقي !تنهدت ولاء بعدم إهتمام وقالت :- يا ستي قولتلك سيبك من الناس دي بقي هيعقدوكي في عيشتك ، ويلا بجد علشان لازم انام عندي مدرسه الصبح إبتسمت سلمي قائله : - حاضر حاضر ، بس إستني في حاجه مهمه لازم أعملها الأول . ............................................... .......يـــــاتري يا سلمي هتعملي إيه ؟رأيكم وتوقعاتكم ‫#‏إجباري

[A-rab3awya]

جميل الجزء التانى اما بقى بالنسبه لتوقعاتى ان سلمى هتبدا تغير من نفسها مثلا خطوة بخطوة ،، وان اسلام برضوا هيبدا يتغير جزئيا بعد الندوة ديه ،،،

مش عارفه بقى ايه اللى ممكن يحصل فعلا ،،،

عجبنى اوى الجزء ده ،، كملى بقى يا امانى متشوقه اشوف الجزء اللى بعده ،،،

فكره الروايه جدبده و حلوة جدا

[Amany L]

الحلقه الثالثه :قررت سلمي أن ترسل رسالة لـ حفصه لتشكرها علي الجروب وتسألها بعض الأسئلة ،أخذت تستجمع أفكارها للحظات ثم كتبت :السلام وعليكم ورحمة الله وبركاتهاولا كنت عاوزة أشكرك علي الجروب بتاع هنعيشها صح اللي انتي دخلتيهوني ده ومعلش كنت عاوزة أسالك علي حاجه :هما الناس اللي في الجروب دول حقيقيين زينا ؟!! مش عارفه حاسه إني مستغرباهم شويه !يعني بلاقي بوستاتهم إسلوبها حلو جدااا وبتشدك وفي نفس الوقت بحس انهم معقدين الدنيا !!سعات أحس انهم صح وسعات أحس انهم مكبرين المواضيع زياده عن اللزوم ،هو بصي انا بيني وبينك كده بنت عاديه يعني زي كل البنات ،، مش عارفه اذا كانت حياتي كده صح ولا غلط لأن كل اللي حواليا زيي كده ، لكن دايما بحس ان ليا دور في الحياة ، بس مش عارفه إيه هو !!يعني بحس اني مش بعمل كل اللي عليا فـ الدنيا ، رغم اني بحاول بقدر الإمكان اجتهد فـ كليتي اللي هي بالنسبالي الهدف الأساسي ف حياتي ،عاوزاكي تقوليلي بقي : هل انا ليا دور في الحياة غير دراستي حاليا ؟ مع العلم اني في تانيه كلية تربيه انجلش ومش مخطوبه ولا أي حاجه ، يعني متفرغه للدراسه بس ، فـ هل ده كافي ؟ ولا في حاجات تانيه لازم تتعمل ؟معلش انا أسفه جداااااا لو طولت عليكي ، بس انا من ساعة ما دخلت الجروب وانا حسيت انكم ناس مختلفين عننا ، وحسيت بـ راحه لما قعدت أقرأ فيه شويه ، بس لو كلامكم وبوستاتكم دي صح ، معني كده ان حيااااتي كلها غلط بقي ومعني كده برضو إني مش عندي أي هدف في الحياه غير دراستي وإن ده غلط ؟!!بصي مش عارفه بقي انا محتاره وكان لازم اكلمك ، انا عارفه اننا متكلمناش قبل كده ، بس يـــــاريت بلاش تهملي الرسالهأخر سؤال بقي : هو إنتوا معقدين ولا عندكم إسنان زينا ؟ ههههههه اوعي تعملي بلوك ،، انا قولت أهو يلا هستني الرد ، مع السلامه وأغلقت سلمي الحاسب وذهبت للنوم____________________وفي اليوم التالي كان إسلام جالسا مع محمد في كافيتريا الجامعه كالعاده ، تنهد إسلام بإحراج وقال : - محمد انا هقولك علي حاجه بس خليك هادي ، مــــاشي ؟نظر إليه نظرة عميقه وقال بترقب :- طالما قولت خليك هادي يبقي إنت عامل مصيبه ؟!! قول لما نشوف أخرتها معاك بهت وجه إسلام وإبتلع ريقه قائلا :- انا كلمت ساره إمبارح إعتدل في جلسته ونظر إليه بعدم فهم وقال :- طيب وإيه الجديد ؟ نظر إليه بحزن وظل يفرك يده بالآخري بتوتر وهو يقول بندم :- انا طلبت منها صورتها وهي وافقت وشوفتها ، وبصراحه طلعت أحلي بكتتتير مما كنت أتخيل ولاقيتني غصب عني بقولها كلام مكانش ينفع يتقال إحمر وجه محمد وإتسعت عيناه ونظر إلي إسلام بغضب شديد ولم يتحدث ، إبتلع إسلام ريقه وقال محاولا تهدئه الموقف :- يا محمد ماهو مكنش ينفع أبقي بكلمها بقالي 6 شهور ولحد دلوقتي معرفش شكلها !!نظر إليه بغضب شديد وقال بضيق : - يــــــــــــاسلام !!! وكمان بتكلمها من 6 شهور !! الله الله !! وإيه كمان ؟!!حاول الهرب من نظراته الحاده فنظر للأرض وقال بصوت خفيض :- بص هو انا من ساعة ما بدأت أكلمها وانا عاوز أقولك لأني مش متعود أخبي عليك حاجه ، بس كنت عارف انك هتدايق لو عرفت ...قاطعه محمد بنفاذ صبر وقال :- اه ولما لقيت انك بدأت تتجرجر في الحرام قلت تقولي علشان أشوفلك حل !! والله فيك الخير نهض إسلام من مكانه وجلس بجوار ومحمد وقال بهدوء :- يا محمد خلاص بقي إهدي طيب ، انا مش وحش كده وإنت عارف بس بقولك غصب عني ، وانا مش عاوز اللي حصل ده يتكرر تاني علشان كده بقولك تشوفلي حل محمد بنظره غاضبه :- ترضي علي اختك كده ؟!!قال إسلام بضجر :- يا محمد خلاص بقي هو كل شويه تقولي اختك اختك !!قال بنفس الصرامه :- بسأل سؤال ، ترضي حد يعمل مع اختك كده ؟!!نظر إليه بإستسلام وقال :- بصراحه لأ ، بس الموضوع مختلف ، انا فعلا هتجوز سارهضحك محمد بسخريه وقال :- وهتتجوزها إمتي بقي ؟إتسعت إبتسامته وهو يقول بحماس :- بعد ما أتخرج وأشتغل إن شاء الله عاد للخلف قليلا وعقد ذراعيه أمام صدره وقال :- اااه يعني علي الأقل بعد سنه ونص !! ده لو لقيت شغل أصلا بعد ما اتخرجتنظر له بعدم فهم وقال :- طب اعمل إيه يعني ؟لم يهتم محمد لكلامه وقال مكملا حديثه :- وطبعا هتفضل تتكلم معاها لحد ما تيجي تتقدم لها أومأ برأسه إيجابا وقال بتلقائيه :- أكيييد طبعا ضحك ضحكة ساخره وقال :- عاوز تكلمها سنتين بحالهم مش غير ما يحصل تجاوزات ؟! تبقي بتضحك علي نفسك يا إسلام ، لما شوف من 6 شهور وعملت إيه ، اومال هيحصل إيه بقي بعد السنتين دول ؟!!نظر لمحمد بضيق وقال غاضبا :- يا محمد هو انا بكلمك علشان تشوفلي حل ولا علشان تعقدهالي زياده تنهد محمد بعمق وقال بتفكير :- منا مش عارف أقولك إيه والله ، انا اه بعمل ذنوب كتير بس يمكن ييجي عليا يوم وأقرب من ربنا وأتوب وربنا يغفرلي ، إنما حاجه زي كده مستحيل أعملها لأني عندي اخوات بنات ياعم واخاف عليهم ، عموما هو انا عندي حل واحد وعارف انه مش هيعجبك ، انت لـازم تحاول تنسحب من الموضوع ده بهدوء وتبعد عنها خااااالص وتأكد إن لو ليك نصيب فيها هتتجوزها حتي لو حصل إيه ، ولو مش ليك نصيب برضو مش هتتجوزها حتي لو قعدت تكلمها لحد ما تتخرج زي ما بتقول ..رفع إسلام حاجبه وقال بتعجب :- اااايه يابني اللي انتي بتقوله ده ؟!! مش هينفع طبعا ، عاوزها تقول عليا بكدب عليها ده كله ؟!! خلاص بقي انا هحاول اخد بالي من كلامي معاها وخلاص ..محمد بتفهم :- طيب خلاص ، بس حاول برضو تقلل كلامك معاها شويه ، ولو لقيت نفسك في أي وقت هتقول أي حاجه حرام تاني يبقي إقفل الكمبيوتر بسرعه وكأن النت فصل ، امممم رغم ان كلامكم كله تقريبا حرام صرخ به قائلا :- يا راااااااجل !! كلامنا كله حرام !! حتي لو كلام عادي ؟!! هنفتي بقي عاد للخلف قليلا وقال بإنسحاب :- يا عم معرفش ، انا بقول تقريبا ، بس برضو إبقي إسأل شيخ وإتأكد اللــــــــــــه أكبر اللــــــــــه أكبر .. اللــــــه أكبر اللـــــــــه أكبرأحس محمد بالإرتياح عندما سمع صوت الأذان ، فقام في هدوء وقال منهيا هذا الحوار :- بقولك إيه ما تقوم بينا نصلي الظهر وندعي ربنا يعدي الموضوع ده علي خيرنهض إسلام من مكانه وقال مؤيدا :- ماشي بس يلا بسرعه نجيب أي حاجه ناكلها لاني مكلتش أي حاجه من الصبح وبعدها نروح نصلي .وبالفعل تناول كل منهما إفطاره وجاء موعد المحاضره التاليه وذهبا إليها وبالطبع نسيا صلاة الظهر ! ______________________وعلي الجانب الآخر بكلية التربيه كانت تجلس سلمي وصديقاتيها هند وفاطمه ،نظرت لهما سلمي للحظات وقالت بترقب :- يا عيال انا هسألكم سؤال وردوا بـ جديه مره واحده في حياتكم بقي ماااااشي ؟أومأت كل منهما برأسها موافقه فقالت سلمي بهدوء : - إيه رأيكم في الحياه اللي إحنا عايشينها دي ؟ أجابتها هند علي الفور :- ممله !وأردفت فاطمه :- جداااااااااا نظرت لهما سلمي للحظات وقالت بتأكيد :- يعني انتوا مش مبسوطين من حياتكم دي ؟ رغم انكم بتعملوا كل اللي انتوا عاوزينه ؟!!إبتسمت هند بسخريه وقالت : - علي يدك أهو ، بنقعد في الجامعه لحد العصر ونروح ننام شويه ونقوم نقعد ع الفيس وننام تاني علشان الجامعه ، إيه الجديد يعني ؟!!بينما إقتربت منها فاطمه ووضعت يدها علي كتفها وقالت بمرح :- يا بنتي الملل ده بقي صديقنا الصدوق ، عااادي يعني ده حال كل الناس شعرت سلمي بالسعاده مما سمعته وقالت بحماس :- طيب ما تيجوا نكسر الروتين ده ونغير حياتنا شويه ، يعني نخلي عندنا أهداف جديده ، ننظم يومنا شويه ، نعمل اااااي حاجه بقي .إبتسمت هند وقالت : - إيدينا علي كتفك ، عندك أفكار ؟ أومأت برأسها نفيا وقالت بتفاؤل :- حـــاليا لأ ، بس إستنوا عليا يوم ولا إتنين كده وهقولكم علي اللي فـ دماغي ، بس أهم حاجه ان فكرة التغيير دي انتوا موافقين عليها صح ؟أجاباها بالتأييد فشعرت بالإنتصار وقالت بحماس شديد : - قشششطه جدا ، أيون كده هما دول الأصحاب اللي بجد ، بحبكم يا عيال وربنا __________________غادرت سلمي الجامعه وإستلقت أول سيارة أمامها لتعود إلي المنزل ، وأثناء جلوسها أخذت تنظر للشارع بشرود وتفكر أخذت في كل ما حدث وتتسائل بحيره :- إيه يا ست سلمي مالك إتحمستي كده ليه ؟ معقول كام بوست يأثروا فيكي اوي كده ؟نظرت للجانب الآخر وإرتسمت إبتسامه تلقائيه علي شفتيها وقالت بأريحيه :- لأ بس بصراحه كلامهم عقلاني اووي وإحساس الراحه اللي هما بيقولوا عليه ده باين عليه حلو وانا عاوزه أجربه صمتت قليلا ثم تنهدت بحماس وقالت :- طيب وفيها إيه لما أبدأ أغير من نفسي وأكون أحسن من كده ؟ مش انا دايما بقول اني لازم أكون مميزه عن كل البنات واني مش عاوزة أكون عايشه زي ما كل الناس عايشه وخلاص !! أكييييييد انا مش مخلوقه علشان كده ومش هسمح لنفسي ان حياتي تكون روتينيه زي كل الناس .اممممم عموما لما أروح هشوف حفصه دي ردت عليا ولا لسه ، ومن إسلوبها هعرف اذا كانوا هما فعلا اللي صح , ولا معقدين زي ما دايما بسمع عنهم ________________وفور وصول سلمي إلي منزلها ذهبت مسرعة لتفتح الحاسب الخاص بها ، وحتي لم تتذكر أن تلقي التحيه علي اختها او تمرح معها كالعاده ، ألقت حقيبتها علي الفراش وقامت بفتح حسابها علي موقع الفيس بوك وعندما وجدت رسالة إزدادت ضربات قلبها بشده ، فتحت الرسالة الآتيه من حفصه وبدأت تقرأ فيها وإبتسامتها تتسع أكثر وأكثر حتي كادت تصل إلي اذنيها

[A-rab3awya]

جميله الحلقه بس غلطه كبيره ان اسلام طلب صورة ساره كان المفروض يحافظ عليها اكتر من كده ،، وكان يصبر فعلا لو نيته خير انه يتقدم لها ،،

وكمان جميل حماس سلمى وانها عايزه تتغير و تغير اللى حوليها للأحسن ،،.


منتظره الحلقه الرابعه يا امانى ،،

نزليها عالطول بقى :-)

[Amany L]

الحلقه الرابعه :فور وصول سلمي إلي منزلها ذهبت مسرعة لتفتح الحاسب الخاص بها ، وحتي لم تتذكر أن تلقي التحيه علي اختها او تمرح معها كالعاده ، ألقت حقيبتها علي الفراش وقامت بفتح حسابها علي موقع الفيس بوك وعندما وجدت رسالة إزدادت ضربات قلبها بشده ، فتحت الرسالة الآتيه من حفصه وبدأت تقرأ فيها وإبتسامتها تتسع أكثر وأكثر حتي كادت تصل إلي اذنيها ، فقد كان محتوي الرسالة :- ههههههههههههههه فطستيني من الضحك وربنا ، اه يا ستي عندنا أسنان وبنعرف نضحك ونألش ونهزر ونعمل كل حاجه ، إحنا جامدين اووووي يا بنتي ، بس كل حاجه في مكانها المناسب بتكون أحلي ، ومش هعمل بلوك متخافيش لأنك أصلا فرحتيني برسالتك جدااااا علي فكره انتي مش محتاجه إجابه لسؤالك لأن انتي عارفه الإجابه كويس ، طبعا الدراسه هدف مهم جدااا في الحياه ، بس ما ينفعش يكون هو هدفنا الوحيد ، ما ينفعش نكون عايشين بس علشان نذاكر وننجح وبعدين نتخرج ونشتغل وخلاص ..وإحنا والله مش مكبرين المواضيع ولا حاجه ، إحنا بس بنحاول نعيش حياتنا صح وبنحاول دايما نكون من الناس اللي ربنا راضي عنهم والرسول يوم القيامه هيكون فخور بيهموعلي فكره مفيش أي تناقض بين الحاجتين ، قد تكوني انتي قابلتي نماذج لملتزمين فاهمين الإلتزام غلط وعلطول مكشرين كده ومش تحبي تتكلمي معاهم علشان كده خوفتي منهم ، لكن إحنا في فريق هنعيشها صح هدفنا إننا نفهم الناس معني الإلتزام الصح وإن الملتزم ده ممكن يعمل كـــــــــــــــــل حاجه بيتمناها لكن بدون ما يغضب ربنا علشان كده يا ستي قررنا نساعد بعض ونكون ملتزمين بجد وبرضو هنعيش حياتنا زي ما إحنا عاوزين ولو مش مصدقه إنه ينفع الـ 2 مع بعض ، جربي وشوفي هينفع ولا لأ إيه رأيك ؟ قرأت سلمي الرسالة مرارا وتكرارا وهي في غاية السعاده ، لا تعرف لماذا ولكنها كانت سعيده وفقط بعدما إنتهت قامت بالرد علي الرسالة وكتبت :- اللــــــه كلامك مريح اووي ، شكلنا كده لسه بيننا كلام كتتتتير ، هكلمك بكره إن شاء الله علشان مش هينفع أفتح النهارده تاني ، إستنيني هـــاه ، يلا السلام عليكم ثم أغلقت حاسبها وقامت بفتح خزانتها لتبدل ملابسها وتذهب لتناول الغداء مع اسرتها ______________وفي المساء ظل إسلام يدور في غرفته لبعض الوقت وكأنه يبحث عن شئ ما ثم أمسك هاتفه بإستسلام وقام بالإتصال علي صديقه محمد وقال بيأس : - إزيك يا محمد ؟ بقولك إيه إنت معاك المذكره بتاع دكتور عبد الرحمن ؟ أصلي تقريبا نسيت أصورها ومحتاجها الإسبوع ده ضروريإبتسم بطيبه وقال :- اه معايا ، خلاص بكره هجيبهالك إن شاء الله - ماااشي شكرااااا ، معلش لو قلقتك من النوم ولا حاجه ضحك محمد رغما عنه وقال :- ياعم ما انت علطول بتقلقني ، يعني هي جات علي النهارده ، بس أصلا انا لسه منمتش ، قاعد بتفرج علي برنامج وبعدين هنام إن شاء الله جلس علي طرف فراشه وقال بفضول :- برنامج إيه ده ؟ يمكن آجي اتفرج معاك أجابه بتلقائيه :- برنامج ديني كده ضحك إسلام بسخريه وقال :- ما شاء الله ما شاء الله ربنا يهديك يابني زفر بضيق ورفع حاجبه قائلا :- عيل رخم وربنا ، ما تسيبني في حالي ياعم يمكن ربنا يهديني وأتغير بقي - خلاص يا شيخ محمد كمل ياخويا كمل ، بس انا مستغرب يعني إشمعني النهارده ؟نظر إلي التلفاز وإبتسم قائلا :- عادي كنت بقلب ولقيته والكلام شدني ، المهم طير إنت بقي علشان الفاصل قرب يخلص وانا عاوز أتفرج ضحك إسلام وقال مازحا :- ماشي يا بطه اتفرجي ، سلام بقيإبتسم رغما عنه وقال بحيره : - والله مانا عارف إيه اللي مصبرني عليك ده كله ، لولا إني بحبك كان زماني خنقتك دلوقتي ، إمشي بقي ورايا برنامج ، ومـــــــاتكلمش ساااره ماااشي ؟ رووووح نام علطووول علشان محاضره الساعه 8 متروحش عليك .نظرت إسلام للمرآه بتعجب وإعتدل في جلسته وقال بتفكير :- زي ما تكون بتقرأ أفكاري ، خلاص مش هكلمها ، كفايه اللي حصل إمبارح بقي ، يلا مع السلامه_________________________وفي السابعه والنصف من صباح اليوم التالي قابل إسلام محمد بـ وجه ضاحك كالعاده وقال مازحا :- بطتي الحلوه اللي كانت بتتفرج علي برنامج ديني جات يا ناااااس ضربه علي كتفه بخفه وأخذ يتذكر البرنامج وقال بسعاده :- بس ياااااض ، والله برنامج تحــــــفه نظر إسلام للمعان عينيه بتعجب ثم قال متسائلا :- كان بيتكلم عن إيه بقي ؟ ضحك محمد بسخريه وقال بيأس :- إشمعني ؟ بتفكر تتغير ولا حاجه ؟أجابه بوجه خالي من أي تعبير :- يمكن !نظر له بذهول وكاد أن يقفز من مكانه وقال بسعاده بالغه :- بجــــد والله ؟!تنهد إسلام قائلا بملل :- ياعم قووووول وخلصني تنفس بعمق ونظر لإسلام بطمئنينة وقال :- كان يا سيدي بيحكي مواقف حصلت في حياة الرسول عليه الصلاة والسلام والصحابه ، وأد إيه الرسول تعب اووي عقبال ما نشر الدين الإسلامي ، وإن الشباب دلوقتي سايبين الدين ده وكـــــل تفاصيل الحياة اللي بيشملها وبيجروا ورا شوية موضات متخلفه وعاجبهم اووي الحال اللي هما فيه ده ، ولو حد فكر يتمسك بالدين ده الكل بيضحك عليه ويفتكره قديم ورجعي ومعقد !!صوب نظره تجاهه وقال بحزن :بس عارف ؟ كلامهم كان عاجبني اوووي ، رغم اني حسيت ساعتها إني وحش بجد وإني مش هينفع أعيش كده كتتير صمت إسلام لبضع لحظات فأردف محمد قائلا بتأثر :- نفسي تساعدني يا إسلام ونشجع بعض ونبدأ بقي نفهم ديننا شويهنظر إليه إسلام بإبتسامه خفيفه وقال :- يابني ما إحنا حلوين اوي اهو والحمد لله ، يعني لا بنشرب سجاير ولا مخدرات ولا بنعاكس بنات ولا بنروح أماكن مش كويسه ولا حــــاجه ، إحنا احسن من ناس كتتتير الحمد لله أخذ يحرك رأسه يمينا ويسارا بعدم إقتناع وقال :- بس ده مش كفايه يا إسلام ، معتقدش ااااابدا إن دي الحياة اللي المفروض نعيشها ، اه إحنا مش وحشين اوي كده زي ما انت بتقول ، بس برضو لسه مبقيناش حلوين ، بجد واللـــــــه نفسي تشجعني ، مره واااحده من نفسي يا عم ، منا طول عمري معاك علي الحلوه والمره أخذ إسلام يستمع إلي كلمات صديقه بفتور وقال :- ماهي المشكله اني مش مقتنع أصلا !! بحب حياتي كده وراضي بيها ، وبعدين ياعم ربنا يطول عمرنا ونبقي أحسن مع الوقت تنهد محمد بفقدان أمل ولم يتحدث فنظر إليه إسلام بإشفاق وأحب أن يضيف جوا من المرح حتي يزيل عنه حزنه فقال :- طيب بقولك إيه ؟ ما تخلي احـــــم الواد فاروق يشجعك ثم قال مازحا :- مش عارف إزاي هطيقك لو بقيت زيهنظر محمد للجانب الآخر وقال بحزن :- ماهي المشكله ان فاروق مش قريب مني زيك ، هو اه جاري وصاحبي وبحبه برضو ، بس علاقتي بيك انت أقوي وبحب أقضي معاك انت وقت أكتر إبتسم إسلام وقال بحب :- حبيبي يابو صلاح صمت محمد قليلا ثم رفع حاجبه فجأة ونظر لإسلام وقال بتحدي :- بص يا إسلام يا أنا يا إنت ، وأكييييد في يوم هقنعك ، وهتتغير يعني هتتغير، تقريبا البرنامج اللي بكلمك عنه دي جاي الأربعاء الجاي ، هبقي أكلمك بقي في ميعاده وأخليك تشوف حلقه منه وبعدين تقررثم نظر له بحسم وقال :- الموضوع كده منتهي بالنسبالي !____________________________ وفي مساء هذا اليوم فتحت سلمي حساب الفيس بوك الخاص بها ونظرت نظره سريعه علي قائمة الأصدقاء المتصلين حاليا فوجدت حفصه من بينهم فـ سرت كثيرا ، وبعثت لها رسالة :- السلام عليكم ، إنتي موجوده ؟إبتسمت حفصه بحب وكتبت :- وعليكم السلام ورحمة الله وبركاته ، كنت مستنياكي أثلــــــا نظرت سلمي للشاشه بتعجب وكتبت :- بجد ؟ ليه ؟ رفعت كتفيها بتلقائيه وكتبت ببراءة :- مش عارفه !! كنتي جايه علي بالي طول اليوم وقلت أكيد هتكلميني النهارده زي ما قولتيتنهدت سلمي بسعاده وكتبت : - حبيبتي ربنا يخليــــكي ^^ قوليلي بقي هو انا حياتي كلها غلط فعلا ؟- احــــــم أيون نظرت سلمي للشاشه بذهول وقد إتسعت عيناها بشده وكتبت متعجبه :- معقووووووووله !!ضحكت بمرح وكتبت :- ههههههههههههههه لأ مش اوي كده ، إنتي بس عاوزه تظبطي شويه حاجات وهتبقي 100%تنهدت سلمي بحيرة وكتبت : - طيب أبدأ منين ؟ وكمان سعات بحس إني خايفه وبرضو مسيطره عليا فكرة إن الالتزام ده يعني تعقيد وبخاف منه اوووي بصراحه - طبيعي تحسي بكده لأن الموضوع جديد عليكي ، بصي إنتي بلاش تضغطي علي نفسك ، يعني بالراحه عليها خالص ، إبدأي غيري حاجه حاجه ، لأنك لو حاولتي تعملي كل حاجه في نفس الوقت هتحسي بالتعقيد اللي بتقولي عليه وهيكون صعب عليكي .. أسندت وجهها علي كفتها وكتبت بتساؤل :- طيب أبدأ منين برضو مش عارفه ؟ - بصي انا هقولك علي الطريقه اللي انا إتغيرت بيها بس متضحكيش هااااااااا - هههههههههههههههههه ماشي صمتت قليلا لترتب كلماتها وكتبت :- بصي انا البوستات بتاع الفريق هي كانت السبب في تغييري بصراحه ، كنت بقرأ البوست منهم وأقول لنفسي طيب وانا معملش الحاجه الفلانيه دي ليه ؟ طيب وهما اللي بيعملوها أحسن مني في إيه ؟ جات عليا فترة حسيت بقي إنــي مش قادره خلاص ولازم أتغير فكنت الأول بختار الحاجات السهله اللي أقدر أغيرها في نفسي وأبدأ بيها وواحده واحده بقي بدأت أخلي هدفي أكبر وأغير في نفسي أكتر وأديني ماشيه في طريقي أهو ..علشان كده ممكن تجربي الطريقه دي ولو منفعتش معاكي نشوف غيرها ، يعني إقرأي في الجروب كتير وشوفي الخطوه اللي تعجبك وإبدأي بيها وانا معاكي أهو بإذن الله .. تنهدت سلمي بحماس وقد أعجبتها الفكرة وكتبت :- ماشي هحاول - بس علي شرط ، كــــل ما تفكري تغيري حاجه في نفسك حتي لو كانت بسيطه تيجي تقوليلي مــــاشي ، حابه أكون متابعه إلتزامك خطوه بـ خطوه ، وانا واثقه انك هتقدري بإذن اللهثقه حفصه جعلت سلمي في غاية السعاده وقالت مؤكده :- حــــــــاتر ، هروح علي الجروب بقي ________________وبعد نصف ساعه تقريبا أرسلت سلمي رسالة لـ حفصه وكان محتواها :- حفصصصصصه بــــاركيلي أخدت أول قرار- أوام ؟! ما شاء الله برافو عليكي ، قررتي إيه بقي ؟

[A-rab3awya]

جميله اوى الحلقه ديه

وفعلا المفروض محمد و اسلام ياخدوا بإيد بعض للأحسن ،،،

وكمان احلى حاجه ان حفصه هتابع سلمى ف تغيرها اللى هو حتى ممكن يكون بسيط نسبيا


منتظرة الحلقه الخامسه عشان اعرف ايه اول قرار لسلمى :-d

تسلمى أمانى :-]

[Amany L]

الحلقه الخامسه :أرسلت سلمي رسالة لـ حفصه وكان محتواها :- حفصصصصصه بــــاركيلي أخدت أول قرار- أوام ؟! ما شاء الله برافو عليكي ، قررتي إيه بقي ؟ سلمي بحماس :- أنا قررت اني مش هحط صورة بروفايل تاني عليها بنت بشعرها ، حاسه إنها حاجه صغيره اووي وعبيطه وإنك ممكن تضحكي عليا بس حبيت أقولك علي كل خطواتي زي ما إتفقناإبتسمت حفصه بقبول وكتبت :- لأ بالعكس والله ، انا مبسوووطه جدااا إنك بدأتي ، وبعدين مفيش حاجه إسمها حاجه صغيره وعبيطه ، أي حاجه غلط بنعملها حتي لو كانت صغيره فهي بتشيلنا ذنب وإحنا في غني عن الذنب ده صح ؟ وكل ما ذنوبك تقل كل ما هتقربي من ربنا أكتر علشان كده وووعي تستصغري أي حاجه ، وعلي فكره لازم تبدأي الأول بالحاجات البسيطه خالص دي و واحده واحده إبدأي كبريها شويه بس قوليلي بقي إشمعني صوره البروفايل يعني ؟ - يا ستي لقيت إن صورة البنت الممثله دي ممكن ولد يبص عليها وانا اخد ذنبها ، طب وعلي إيه هو انا ناقصه ؟!! ما الصور الحلوه كتير وبعدين الموضوع بسيط ومش صعب يعني وفي نفس الوقت بيخفف من ذنوبي شويه قراااااار رقم 1 تم بنجاح يا فنـــــــــــــدم حفصه : - هههههههههه حبيبتي يا سلمي ، ربنا يجعلك من أقرب الناس إليه ، يلا يا باشا مستنيه قرار رقم 2 بقي ، ولو انا مش موجوده إبعتيلي الرسالة ولما أفتح هكلمك اوكشن ؟ - اوكشنين تلاته خمسه كده بإذن الله _______________________________وفي اليوم التالي في كافيتريا كلية الهندسه ، كان محمد جالسا علي أحد المقاعد ويرتشف العصير الخاص به في هدوء بينما ظل إسلام ينظر إليه في صمت لفترة طويله ولكنه أخيرا إستجمع شجاعته وقرر أن يخبر صديقه بما يدور في عقله فهمس قائلا بإحراج :- محمد ... انا كلمت ساره إمبارحإتنبه محمد لصوت صديقه فنظر إليه وهو رافعا لحاجبه وقال :- محمد عاوز يشد في شعره ، عملت اااااايه تاني ؟!!طأطأ رأسه وقال بخجل : - بص هو انا كنت بكلمها عادي ومفيش حاجه ، وكنا بنضحك ونهزر ونتخيل مستقبلنا وعيالنا وكده يعني ، بس لما قفلت معاها وبدأت أقرأ المحادثه تاني ضميري أنبني اوووي لأني برضو في نص الكلام قلت حاجات مكنش ينفع تتقال إتسعت عينا محمد وقال بضيق :- حاجات إزاي يعني ؟ إبتلع إسلام ريقه وقال وهو مازال ينظر للأرض :- قعدت أقولها انتي إزاي كــــــده ، واني هخليها أسعد إنسانه في الدنيا وبحبها بقي وحاجات كده زفر محمد بغضب شديد ونظر إليه والشرر يتطاير من عينيه وقال :- يــــــــــــــارب صبرني ، والله ما عارف أقولك إيه ، حاسس اني عاوز أمد إيدي بس ، يـــــارب استرها علي اخواتي واخوات المسلمين جميعااااإسلام محاولا تهدئة صديقه :- طيب بص طيب ، مش هي هتبقي مراتي ؟ فيها إيه لو عرفتها اني بحبها بقي ؟ محمد بنفاذ صبر :- مرااااااتك منين فهمني ؟ هو انت تعرف علم الغيب ؟!!! مش يمكن ربنا كاتبلك واحده تانيه من نصيبك ؟ هيكون إيه موقفك ساعتها بقي هاااااااااهأخذ يحرك رأسه يمينا ويسارا بعدم إقتناع وقال :- ياعم لأ إن شاء الله مش هتجوز غيرها- مــــــاشي ده كلامك حاليا ، بس برضو لو ربنا مش رايد دي تكون مراتك يبقي مش هتتجوزها حتي لو عملت ايه ! وبعدين حتي لو هي هتكون مراتك زي ما بتقول ، مش من حقك تقولها الكلام ده خاااااااااالص إلا بعد الجواز ، أقولك إيه تاني بس !!نظر له إسلام بضيق وقال :- يا محمد طب بهدوء طيب ، انا مش عارف الموضوع ده بالذات بيعصبك كده ليه ؟!!أغمض عينيه قليلا محاولا الإسترخاء ثم نظر لإسلام بهدوء وقال :- علشان انا عندي إخوات بنات يا إسلام وبخاف عليهم جداااااااا ومؤمن جدااا إن كما تدين تدان ، كمان صعبان عليا الذنوب اللي عمالين تشيلوها دي ، وانا عارف ان الإنسان ممكن يضعف علشان كده بقولك بطــــــــل تتكلم معاها خاااااالص أحسن ، وياعم أبقي كلمها لما نتخرج علشان تاخد رقم والدها ، إنما كده لأ بجد حرااام عليك بقينظر له بحيره وقال : - مش عارف بقي ربنا يسترها علي هند وعلي بناتنا كلهمربت علي كتفه وقال بحنان :- يا إسلام انا والله بقول كده من خوفي عليك ، انت عارف انا بحبك ااااد إيه ؟ يمكن بحبك أكتر من نفسي اصلا ، ومش حابب أشوفك كده ، كفااااايه بقي يابني ، هنفوق إمتي بس ؟ إبتسم إسلام بخفه وقال : - ربنا يهدينا صوب محمد نظره تجاهه ورفع حاجبه وقال محذرا :- بص علشان تكون فااااااهم ، لو جيت قولتلي حصل حاجه تاني انا هضربك ، انا قولت أهو ، وساعتها ممكن أغصب عليك وأخليك تفصل النت بقي ، أيوه ماهو مش انا اللي أسيب صاحبي يغرق وانا موجود إتسعت إبتسامه إسلام وهو ينظر إلي صديقه بحب وقال :- ربنا يخليك ليا يا محمد ، مش عارف من غيرك كنت هعمل إيه ؟رفع حاجبه وقال بغرور مصطنع :- والله يابني ولا انا متخيل العالم من غيري ، يـــاربي بقي ، بجد هي طيبه قلبي دي اللي مودياني في داهيه أحاطه إسلام بذراعه حتي كاد أن يعتصره وقال بسعاده :- ماهي طيبه قلبك دي اللي بتخليني بحبك وربنا ، حبيبي يابو صلاح ، ربنا يجمعنا سوا فـ الجنه إنتشل نفسه من ذراع إسلام بصعوبه وصرخ به قائلا بمرح :- ياعم حرام عليك كنت هتفعصني ، وبعدين ثانيه ثانيه !! هو اللي انا سمعته ده صح ؟ كرر كده اللي قولته تاني نظر له إسلام ببراءة مصطنعه وقال: - حبيبي يابو صلاح أومأ برأسه يمينا ويسارا برفض وقال :- ياعم لأ دي عارفها ، انا عاوز التانيه ضحك إسلام وقال مازحا : - شكلك بدأت تأثر عليا ياض ، ربنا يستر بقي نظر له محمد وقد ظهر علي وجهه علامات الإنتصار وقال :- هع هع وأخييييييرا بدأ تأثيري عليك يبان ، اااااااااحمدك يــــــارب ، ولسسسسه ، هو انا ورايا حاجه ، انا هوريك إسلام في المستقبل هيكون عامل إزاي ؟ عاد إسلام للخلف قليلا وقال بمرح: - حد ينقذني من الواد ده يا جدعان ، اني أغرق أغرق أغرق نظر إليه محمد بطرف عينيه وقال :- ثئييييييييييل ، قوم هاتلي كانز ياعم خليني أهدي أعصابي - عاوز كام واحده ؟- واحده أكييييد !! ضحك إسلام بشده ثم نظر له بإشفاق وقال مازحا :- يبقي إسمها كاااااان يابو جهل ، كانز دي جمع يا بطه نظر له محمد بملل وقال :- وربنا رخـــــــم ، هات اللي تجيبه وخلصني ، الدكتور مش بيدخل حد بعده يا عم إنت ! ____________________وعلي الجانب الآخر بكلية التربيه وقفت سلمي أمام صديقاتيها وقالت بحماس ممزوج بالإصرار :- يا عيااااااال ، انا قررت أعمل ثوره علي نفسي وأتغير ضحكت هند رغما عنها وقالت بإستهزاء : - هيهيهيهيهيهي ومالو ياختي مش عيب بينما أردفت فاطمه قائله :- وهتعملي إيه بقي ؟ هتطيري ولا هتمشي علي المايه ؟ظهرت ملامح الغضب علي وجه سلمي وقالت بضيق :- انتوا بتهرجوا ؟!!! مكنتش متوقعه منكم رد الفعل ده خالص وقفت هند أمامها وقالت بإبتسامه :- بنهزر يا بنتي ، قوليلنا قررتي إيه ؟إبتهجت سلمي مرة آخري وقالت بحماس : - قررت أحاول أظبط حياتي وأعيد ترتيبها وأعيش صــــح بقي ، يعني من الآخر هحاول أكون ملتزمة نظرت لها فاطمه بعدم فهم وقالت : - ملتزمة ؟! إشمعني ؟قالت سلمي وقد ظهرت علي وجهها ملامح السعاده :- في واحده عرفتها حببتني في الإلتزام اووي وحسيت كده اني بطير وانا بقرأ الرسايل بتاعتها ، كمان لما أخدت قرار التغيير حسيت اني فرحانه اوووي وإن حياتي بقي ليها معني بجد ، بصوا هو الإحساس اللي انا حاسه بيه دلوقتي ده مش هينفع يتوصف ، هو بس بيتحسنظرت لها هند بإعجاب وقالت :- إيـــه ياعم الكلام الكبير ده نظرت لهما سلمي بإبتسامه وقالت بترقب :- علي فكره إنتوا وعدتوني انكم هتتغيروا معايا ، صح ولا ااايه ؟ تنهدت فاطمه بملل وقالت :- بس إحنا كنا متوقعين الموضوع غير كده خااااااالص - ثم اردفت قائله :- بس مش مشكله فهمينا أكتر ^^إعتدلت سلمي في وقفتها وقالت بحماس :- بصوا انا هبقي أدخلكم الجروب وانتوا تشوفوا بنفسكم ، بس عموما انا اول قرار أخدته اني مش هحط صورة بنت بشعرها بروفايل ابـــدااااكادت هند أن تسقط من علي مقعدها من كثره الضحك وقالت بإستهزاء :- يا راجل !! هو ده الإلتزام بقي ؟!! ده إسمه تعقيد وهيافه حضرتك ، سايبين الحاجات المهمه في الحياه وماسكين في قشور ؟!!ظهرت ملامح خيبة الأمل علي وجه سلمي وقالت بضيق : - انا عارفه انها حاجه عبيطه وصغيره ، بس إيه المشكله لما أبدأ واحده واحده ، أي خطوه هاخدها هتنفعني حتي لو كانت صغيره ، هبـــــدأ بأي حاجه حتي لو كانت قشور ، المهم مفضلش واقفه مكاني كده ! مش إنتوا معايا ولا إيه ؟ كنا متفقين سوا علي فكره !! نظرت هند للجانب الآخر وقالت بعدم رضا :- لأ يا ستي شكرااا ، الواحد لما يحب يتغير بيتغير من جوه مش بيمسك في الهيافات دي !!نظرت سلمي لفاطمه وقالت بيأس :- وإنتي يا فاطمه ؟- انا مع هند برضو ، انتي كده بتضحكي علي نفسك يا سلمي !سلمي وقد زادها رفضهما إصرارا فقالت وهي ترفع حاجبها :- امممممم طيب تمام ، هنشوف سلمي دي هتكون عامله إزاي في يوم من الأيام ، وهل فعلا القشور دي هتكون بدايه كويسه لواحده زيي ولا المفروض أبدأ من الصعب الاول ، مع إني أصلا لو بدأت من الصعب هخاف ومش هكمل ، عموما مش مشكله وحتي لو انتوا مش هتساعدوني فأكييييييد ربنا هيساعدني ويقويني ، يلـــا انا ماشيه ، سلام_________________وأثناء عودتها للمنزل أخدت تفكر في كل ماحدث وتتساءل ، هل هي علي حق أم هما ؟ رغم ان كلامهما كان به بعض السخريه إلا انه زادها ثقه وتمسك بمبدأهاووجدت نفسها تقول بكل ثقه : أنــــا هثبتلكم إن كلامي صح ، وهبدأ في طريقي حتي لو الكل إتريق ، مش هيهمني حد طــــــالما عندي هدف ، وهوصــــــله بإذن الله هوصله

[A-rab3awya]

حلوووة الحلقه

وماكنش مفروض ان اصحاب سلمى يستهزؤا بيها كده

فعلا ديه البدايه ،، وبدايه جميله و إن كانت بسيطه

واما نشوف اخرتها مع اسلام و محمد

^^;

كملى أبت أأمانى