وتعيش وتحب

[phalsteen]

مساء الخير

هو مفيش شك ان كلنا بنحب وبنحب نتحب وبدور علي الحب
حبيت او بتحب او هتحب اصل عندك قلب

بس الخلاف دايما بيكون في الحب يعني اللي بنحلم بيه
علي فكرة حتي لو كان خيالي

اها مهو في الاغلب بنحلم بصفات خياليه اوي
بنميل للأنانية نوعا ما كل واحد عاوز كتير حتي لو هنفرض
انه ممكن يكون مش بخياليه دا اذا مكنش اكيد
بس الميزة بئه لو اكتملت المعادله الصعبه ولاقيت قلب يشوفك
احلي ما في الدنيا وعين متشوفش غيرك حد
وهو دا الخيال

زمان كان الحب ان زميلي ابو عيون زرقا هو الحب
اللي في مجرد اني عارفه ان كل البنوتات بيحبوا شكله
فكونه يحبني انا فدا حاجة واووووووووو بئه
احساس طفولي في منتهي البراءة
كونك تفتكره وتضحك فمفيش اجمل من كدة
او حتي بالصدفه تجمعك نظره للحد دا فتضحك اوي
علي نفسك وانت بيبي بفلونكات وازاي كان دا حب

لما تكبر وتشوف نفسك بشكل تاني واحساس تاني خالص
كلامك مع اختك ولا صحابك ولا ماماتك
كلامهم عنك لما تبقي عروسه
عن فرحك عن كل اللي حواليكي من احلام
وتبدأ بئه دوامه فارس الاحلام اللي بشوفه وهمي اوي
اصل الحب قدر والله ما له معني ولا تفسير تاني

من بدايه حلمي اتجوز مغني عشان اعيش دور مريم فخر الدين
وعبد الحليم لحد شاروخان في كل افلامه
ودي تفاهه الحلم يعني انك لسه مكبرتش عشان يوصل
حلمك للمضمون
حلمك بس بفستان ابيض جميل ميكونش ليه شبيه
وحد شاعر ولا فنان لزوم رومانسية الافلام
السطحية دي

وفجأة يجي القدر حد تشوف فيه مدغوشه كدة
مش فيه حاجة منها اصلا بس تبدأ ترسم احلامك من خلاله
وتستحمل كل عيوبه دا اذا شوفتها اصلا
وتفضل تيجي علي نفسك وتقنعها بالحب
عشان بس خوفك من شبح الفراق ومن هنا تبدأ تفوق علي واقع تاني

الحب أمان مفهوش ريحه للخوف ولا ينفع تلاقيها
سند يعني جدار كدة يعزلك من كل ضرر او حد يمسك
ببساطه حد ينفع يبقي اب وام واخ واخت وصديق وحبيب واب لاولادك
مينفعش يبقي حاجة واحدة

ودا مش خيار واحد لانه ممكن تروح طريق تاني بخوفك من الحب
تسيب نفسك لحد ما يجي الحب اجباري يعني بحبه عشان
عشان جوزي وعشان طيب وعشان كل دا ودا
هو دا اها حب وحب بيستمر
لانه اسمه عشرة واسمه تعود واسمه مينفعش افارق عشان هخسر كتير
حب بالعقل بس يعني ودا نسبته اكبر
بس مش يمنع يبقي بالقلب والعقل خصوصا لو مكنش فيه حب قبل

وجايز محبش مهما حاولت عشان قلبي انجبر
وبرضو النهاية واحدة الفراق

ودا مش بيحلي الجواز عن حب ولا حتي بيأيده
لان اخطر وافظع
اها عامل بالظبط زي ما ابوك يقتلك
اها والله بالظبط
يعني صدمه الاستغراب اللي بتاخدها من وجعك منه كفيله
انك تعيش ميت طول عمرك
يعني هنا الوجع مرتين ومش باي حجم بئه
الذكري وجع والعشرة وجع والثقه وجع والعشم وجع
وكل وجع قادر انه يخلص عليك حبه حبه

والمشكله ان في الاخر الفراق اكيد
وبرضو بنروح وبنصدق
وبنخاف من النهاية رغم اننا عارفين انها جايه

وبعد الحب معروف الصورة
ما بين الوجع وقله الثقه والوجع والموت بالبطئ
اي كلمه تقتل وكل ذكري بدمعه
ولا دنيا بترحم ولا قلب بيسمح ننسي
الاصعب لو عرفت تبيع قلبك بارادتك احلي ولا حتي تتبرع بيه
وتعيش بالحب الفطري لانه مبيضرش ولا بيوجع الا بعد الموت وبس


وتعيش وتحب بئه

[™Amiliya]

الله عليكي بجد خدتيني معاكي

تسلمي بجد سما

وتعيشي وتحبي انتي اصلا تتحبي

[The MaSster]

موضوع رائع
عرضتى علينا من خلاله
مقتطفات من قصص الحب
وفعلا اكترنا بيمر بالتجربة دى
أن هو يحب حد ويجى القدر ويفرق
فبعدها نكمل حياتنا بأى طريقه مهما كانت
فالقلب اصبح شبه ميت

بانتظار جديدك فلا تحرمينا
كونى بخير

[السفيره عزيزه]

نعم لكل منا مواصفات فى مكنون النفس
لمن نبغي ان يسكن القلب.
ظنا منا ان هناك من تجتمع فيه ميولنا
ورغباتنا وإن كانت معقولة وغير مبالغ فيها.
حتى إذا داهم القلب ذالك الشعور الذى نكتشف
انه الحب.تتغير المعايير ويحدث للنفس شيء
ما كان فى الحسبان .ندفعة بقوه ولكن هو اقوي
نواريه خلف جدار القلب وتفضحنا العيون ورعشات اليد
وإذا بنا نحب ما يحب ونكره مايكره .ما هذا .
حبيب حبيبي حبيبي...وعدو حبيبي عدوي
ولكن اقول تأتلف القلوب وتتعارف .
الأرواح جنود مجندة من تعارف منها إئتلف ومن
تنافر منها اختلف.
الحب مودة ورحمة وتسامح وتوازن فى ردة الفعل.
سواء حلم لم يتحقق .او واقع نعيشة..نقول احساس
رائع واروع ما فية إندماج قلبين ليصبحا قلب واحد
يفرح لفرحة ويحزن لحزنه .هو الدنيا والدنيا هو.
ولا بديل له ان غاب حتى ولو كان اقرب الناس
اليك واعزهم عليك .عجيب امر الحب.. سما

وفقد الحبيب كارثة تثقل خطوات العمر ولا جابر
لها الا الله .والله المستعان.

اسال الله ان يجمع بين المتحابين على خير حال
حال يرضي الله ورسوله .. قولوا امين بسرعة...

مساء الحب والقلوب الجميلة
مساء السعادة والمواضيع الانيقة
مساء الورد والمعاني الرشيقة

دمت بحب بل بكل الحب
السفيرة

[SaMa.]

صح الحب امان وثقه هديه م القدر مينفعش فيها ترتيبات
اهم حاجه الاخلاص وانك تتمنا تسعد الل يتحبو
لكن للاسف فيه ناس واخدينو تسالى ولعب بمشاعر غيرهم
لحد مفقد قيمتو وبقا حاجه يتخاف منها
حلوة فضفضتك سما

[Lamees]

ياريت يا سما فضلنا بحبنا الفطري على الاقل مفهوش مصالح
ومفهوش نفاق المشكلة في الحب يا سما العشم الزايد اوي من الحبيب
وطبعاً العشم ده مش بيحصل زي ما احنا عايزين ومن هنا بتيجي المشاكل
وبنفتكر وقتها ان مفيش حاجة اسمها حب
بس اكيد يا سما في حب ولا مكنتش الحياة ماشية لحد دلوقت بين الناس
فضفضة حلوة وكل سنة وانتِ طيب
الشهر ده عيد الحب

[Words Whisper]

بالنسبة لي
بشوف ان مواصفات فارس الأحلام مش شكل و لطافة فنان
و دي المشكلة اللي البنات بتقع فيها ..


النبي عليه الصلاة والسلام وصف الحب بأنه ( رزق )
يعني هو فعلا قدر
رزق = ان بتعملي حاجه عشان الرزق ييجي وان الرزق لما ييجي هيبئا حاجه حلوة في حياتك
الفلوس رزق يعني قدر بس عشان تيجي لازم تشتغلي فلما تيجي هتكون وسيلة تجيبي اللي عايزاه
بس الفلوس دي حاجه مادية انما الحب دا قيمة ازاي يتعمل له حاجه ؟
ان العقل الواعي يكون أنضج عشان يبئا عنده القدرة يبرمج العقل اللاواعي صح
أصل اللي هيدخل العقل اللاواعي هيصدقه و يسعى له
لما يتبرمج انه عايز شخص خيالي كامل مش هيلقاه فياخد اتجاه أعمى تماما
انما لما أبرمجه ان عايزه صفات معينة وأرتب أولويتها
وأقنعه يلجم المشاعر لحد المنطق مايقرر ان كان مناسب أو لاء ( مش أحبه أو لاء )
يبئا دا اللي هيطبقه الـ لاوعي بشكل تلقائي
هو في الحالتين فالحب مجازفة بدون ضمانات
و في الحالتين في مرحلة ما هتطغى المشاعر على المنطق
و في الحالتين اللي هيقرر يحب بصدق هي المشاعر مش المنطق
بس الفرق ان لما أبرمج اللاوعي صح هيحاول يخليني أقابل الشخص الصح
حب المنطق مش زي حب المشاعر
حب المنطق دا عشرة و العشرة مش هي الغرام و العشق
العشرة مش هتخلي حد يبئا التاني جزء من روحه ..


في النهاية
حتى لو نتيجة اختيارنا غلط
حتى لو دا وجعنا
مش مشكلة
خوض التجربة حتى لو فشلت ووجعت
أفضل من البقاء في سجن الخوف من دخولها
حتى لو فشلت هنتعلم ونقوى و فيه احتمال للنجاح
انما عشان نفضل خايفين ندخلها يبئا مش فيه أي احتمال بالنجاح ..


تسلمي ..

[جنون قلب]

تجربه الحب فى حد ذاتهــآ شىء ممتع
حتى وغن باتت بالفشل
فى النهــآيه ما هى الا تجربه وإن استفدنــآ منهـآ
أقل استفــآده


الحب مدينه منيره بجميع الالوآن
دومـآ مـآ ستجد لون لآ تحبه لكن يجبرك على النظر إليه
رغم انفكـ
ستجد هذآ وذآك
عليك ان ترضى ب الامر آلوآقع
لكن دومـآ مــآ تنتهى هذه القصص ب الفرآق
وتكتمل المسيره مع شخص اخر لآ يمت لك ب صله
وكثيرآ مــآ تنجح هذه المسيره
لآنك مجبورآ عليهـــآ



نفرتيتى
مشكوره اختى على موضوعكـ الرآئع هذآ
والذى وجدنــآ بدآخله رآئحه الحب
بغض النظر الصوره التى صورتيهــآ لنـــآ
لكن هنــآ روعه الكلمـآت وجمـآل المشــآعر
بالتوفيق لكـ