تعظيم سلام

[phalsteen]

تعظيم سلام للي انقتل
وتهديد صريح للي اعتصم
ويومين حداد علي كام جدع
ومن تاني هياخدنا الفشل
جنازة دايرة في كل دار
ودموع وام وحلم ضاع
ولو سكت
الضعف عــــــــار
وان صرخت
تموت عدد
جثه ملفوفه بعلم
وام يحضنها الآلم
هتهوه بدمك وسط ناس
ويقولوا اخدها الوبا
من زحمه مات ولا اندهس
لا في رصاص ولا ضرب نار
دي مؤامره مرسومه بهبل
لو حلال تقتل ولادها
تاخد بتارك من نظامها
وتعيش عشان تقلب كيانها
يبقي اولي بيك ترابها
هتموت ومتناش من عيالها
وقولوا للشهيد هانت خلاص
ومش هنسي صوت الصياح
وصورونا علي سور الميدان
قولوا للشهيد الثورة حيه
ومش عشان بنور عنيا
ولا للي كان حاكم تكيه
دا عشان بلدنا تعيش بهيه

بقلمي / nefertiti

[كريم*]

كلمات رائعة ام حمني
وياترى رايحين على فين
ابواق الاعلام شغالة على اخرها

[Aya 7ekaya]

كلمات معبره جدا ي سما

تسلم ايدك
دمتى متألقه

[كبريت]

خلاصة الكلام
لكل شهيد
تعظيم سلام

شكرا جزيلا لك

[phalsteen]

اقتباس المشاركة الأصلية كتبت بواسطة كبريت خلاصة الكلام لكل شهيد تعظيم سلام شكرا جزيلا لك

يستاهلوا واكثر اخي
الله يرحمهم
تسلم

نورت

[phalsteen]

اقتباس المشاركة الأصلية كتبت بواسطة كريم* كلمات رائعة ام حمني وياترى رايحين على فين ابواق الاعلام شغالة على اخرها

سبها ع الله اخي
كل الورد

[phalsteen]

اقتباس المشاركة الأصلية كتبت بواسطة aya 7ekaya كلمات معبره جدا ي سما تسلم ايدك دمتى متألقه

تسلميلي ايوشا
نورتي

[.Lamar]

كلمات جميلة سما
ربي يحفظ مصر وولادها
شبعنا وجع

شكرا ليكى

[ابو نصير]

سيدتى ..
نفرتيتى ..
تعظيم سلام على الخاين والجبان عميل الصهاينه والأمريكان
وعلى وشك يبان يانداغ اللبان
والكل شايف بعينه الحقيقه والعبيد بيؤلو رجل همام
والحر والشريف متعلق وبينضرب بسهام ونبال
وااه يابلد اللى حكمينك شوية أندال وضيعتو شوية الأمال
رقصين وطبلين وزمارين وكبيرهم حاوى وثعبان
والقرصه منه تودى القبر واللمان
وليهم يوم يانفرتيتى ولنا رب لا يغفل ولا ينام
تحياتى وتقديرى سيدتى على الحس الوطنى والصراخ على وطن ينزف دما
ابو نصير

[a7med -3del]

اللى مات ده يمكن معرفوش
بس الظلم كله رافضه ومرضهوش
اللى ييقتل يبقى مين
الله واعلم
ويمكن يكون
البادى اظلم
مين ابتدا ومين انتهى
ده اللى مفهموش
سلام