الناقد والفيلسوف

[أميرة محمود]

الموضوع مش مجرد أسئلة
دا تحليل شخصية بناء على الإجابات
فكرة جمالها في انها جديدة

الحلقة التانية رأي الشخصية في بعض الأفكار والأقوال
بتظهر عمق الشخصية اكتر وفلسفتها


عجبنى تحليلك للشخصية كـ مميزات وعيوب
وعجبنى تصنيفك للأهداف:
اهداف داخليه وخارجيه
اهداف بعيده المدى او قريبة المدى
اهداف دينية او دينوية
وعجبنى انك كـ ناقد بتقدم نصائح ولو انها نصيحة واحدة
بس اكيد منتظرين في نهاية التحليل
باقي النصائح
والرأي الشخصي

[رآقيہ بأخلاقـى]

الفكره حلوه يا محمود
مع انها مش واضحه اوى
بس اكيد هتوضح لما تكون على ارض الواقع
منتظرين اولى الحلقات واول ضيف

[رآقيہ بأخلاقـى]

يا نهار اخضر على الاسئله
ايه ده يا محمود
ده انت عصرتها بالاسئله دى
بصراحه بحييك وبحييها على طولة بالها
بس سما شخصيه محترمه وعقله جداً
وده اللى واضح من اجابتها
بحييك محمود على البرنامج
وبتمنى لك دوام النجاح

[الفيلسـوف]

معرفه ان احد ما قد نجا من الفشل تضيف الى الدرع الواقيه لك للقوه المطلوبه اثناء المجازفه (جيل شيهى )

اه طبعا بتشجع كده
قصص النجاح بتساعد على النجاح وقصص الفشل بتسبب نوع من الاحباط




الطريقة الوحيده لتكون فنانا هى ان تعمل اجمع كومه من القش واصنع شيئا من الخشب او الحجاره او الصلصال ثم اذا وجدته شيئا ارمة بعيدا هذا افضل من عمل لا شى ( ابراهام ماسلو .....عالم نفسانى)

ممكن
لكن مش لدرجه اني اعمل اي حاجه وخلاص يعني
هو احاول اعمل حاجه لكن مش اعمل حاجه وارميها




بالخساره تعلم كيف تفوز (توم واطسون )

اكيد
من الفشل بنتعلم ننجح
والي مجربش الفشل عمره ما هينجح



القاعده الاولى لا تغفل الشى الواضح ابدا (شرلوك هولمز )

لا تغفل شيء مش بس الشيء الواضح



ذا استطعت ان تجبر قلبك واعصابك ع تلبيه اغراضك بعد ان تخيلا عنك طويلا ستكون قد المسئوليه يابنى (روديارد كيبلينج)

اه والله
صح جدا دي



الحياه ام ان تكون مغامره او تكون لا شى (نابليون بونابرت )
ممممممم
في حد دايما بيقولي كده بس انا مش مقتنعه
بص هو الحياه رغم عننا بتكون اما مغامره او لا شيء
وده الوحش في الحياه دلوقتي
انك لو مش غامرت وحاربت عشان هدفك مفيش حاجه هتتحقق للاسف


العالم ملى بالمثقفين المهملين الاصرار والتصميم قادرون ع كل شى (كالفن كوليدج )
دول جملتين منفصلتين صح !!
هم الجملتين صح عموما


وندخل ع الجزء التانى من الاسئله
اذا رجع الزمن الى الوراء ماذا تتمنى ان تكون سما
ههههههههه
هقولك حاجه غريبه شويه
لو رجع الزمن بيا ل ورا
مش هدخل المنتدى هنا
هو كله ف الاول والاخر نصيب
لكن على اد ما كان مكان جميل
على اد ما بسببه شوفت وحش كتير
من غير تفسير للي قولته كده وبس



اذا سالنا ف التقصير ف واجبتك هل تجدين نفسك مقصره كزوجه او ام وهل تطمحين الى معالجه عيوبك ف تقصيرك ان وجدت
انا لسه مش بقيت ام
لكن الحمد لله مش مقصره بوجه عام ك زوجه
يمكن الانشغال اوقات بياخد الواحد شويه لكن مش بنوصل لدرجه التقصير
يعني الحمد لله بحاول اوفق بين البيت ك كل وبيع الشغل
خصوصا اننا متفاهمين في موضوع شغلنا وبيتنا ده انا واحمد
وبردوا بناخد اجازات ونسافر يعني وكده
المقصود ان حتى لو شغلنا اخدنا شويه اول ما بنلاقي فرصه بنحاول نعوض الانشغال ده



اذا وجهت لكى دعوه للدراسه والعمل مالبلد التى تودين الذهاب اليها
المانيا
بس الاول لازم اكمل دراسه ف مصر
الله اعلم ايه الي ممكن يحصل .. فلازم شهادتي المصريه تكون معايا عشان اضمن بيها مجال عملي وكل حاجه هنا الاول
الواحد ف الاخر مصيره ل بلده هههههههههه


اذكرى هدف معين تريدى القيام به مع ذكر المراحل التى تسير عليه ف تحقيق الهدف وذكر الخطه البديله حتى نعرف ان هناك ليس غموض ف هدفك وانه واضح وصريح مثلما قولتى ف المرحله الاولى

انت هنا مش حددت هدف ايه بالظبط
مهني ولا البيت ولا ايه
ف انا هختار واحد منهم على مزاجي
نفسي افتح اكبر مركز اسنان للنساء والاطفال فقط
عارفه ان الموضوع محتاج مجهود
اولا معنديش استعداد افتحه قبل ما اكون قده
يعني اولا لازم اخلص الكليه
احضر الماجيستير
اشتغل في عيادات مع دكاتره مختلفين فتره كويسه
افتح عيادتي الخاصه الي هتكون بردو نساء واطفال فقط
عيزاها تكون مبهجه كده مش تخوف الناس
يبقي لونها بمبي كده والاجهزه شكلها حلو
واعمل غرفه الاطفال فيها شبه الملاهي كده هههههههههه بجد من غير ضحك
شغل الاطفال ف الاسنان متعب بشكل فظيع بسبب خوف الطفل من شكل العياده والجو كله
مش عايزه ده يكون موجود
لو لاقيت مشكله في تحضير الماجيستير هنا او ف الخبره وده المحتمل طبعا للأسف
لان هنا غالبا مش بتلاقي حد يعلمك او يحاول يساعدك
هحاول اسافر بره
لاني حاولت بالفعل اتعلم هنا ومش لاقيه تعليم مفيد تحس كله روتيني ومفيش جديد
لو الوضع فضل على كده لحد ما اتخرج هسافر انا واحمد بره وهكمل كل ده بره
واجي هنا بقى افتح المركز بتاعي
للتذكره كمان مره ممنوع وجود الرجال :P



اذا وجهت اليكى خمس دعوات ف سفرك مع من تودى ان تكونين
احمد طبعا زوجي استحملني كتير وربنا ههههههه
وماما ورنا اختي
وسمسم وريم صديقاتي
بس مش عايزه حد تاني معايا



اذا بحثنا عن عيوب سما من وجهه نظرك ايه العيوب الى شايفه ف نفسك ونفسك تعالجيه ده عرض فقط للمرحله ديه وبس وبدون فلوس كمان
ممممم
كنت طيبه اوي اوي اوي لدرجه اني لما اتوجعت بقيت قاسيه اوي او اوي
من وجهه نظري طبعا
بيقولولي اني كده مش قاسيه انتي كده طبيعيه و الاول مكنش صح
بس انا مصره علي ان دلوقتي غلط
انا مبقتش بسامح للأسف
بس غالبا هي فتره وهتعدي بسرعه
هي مش اكتر من رد فعل وحش بس وهيروح
وكمان نفسي انظم وقتي شويه
علي طول متلخبط وقتي وبيضيع كتير بسبب كده


تفتكرى دخولك كليه طب الاسنان كان مجرد مجموع ف الثانوى العام ولا فعلا هدف نفسك فيه وحققتى اول مراحله بدخلوك الكليه والاستمرار والنجاح بها
لا مكنتش هدف خالص ولا كانت علي البال
كان نفسي ادخل هندسه اوي واطلع مهندسه ديكور
واعمل تصاميم بقي واعمل بيتي علي مزاجي من تصميمي انا
بس ماما كانت امنيه حياتها اطلع دكتوره زي بابا
وانا مكنتش حابه ادخل طب بشري
ف حاولت ارضيها يعني و فنفس الوقت مدخلش طب بشري
دخلت طب اسنان
وغيرت مسار الاهداف كله عشان خاطر ست الحبايب هههههههه
بس عملت هدف جديد وان شاء الله هنجح فيه


عايز خطه منك مبدائيه مختصره ف نقاط شايفه نفسك ازاى بعد خمس سنين وياريت ما تقولى انا مابكتب بالورقه والقلم عايزين نعرف اللى ف دماغك علشان نطمن ع نفسنا كمرضى لما نجى نكشف عندك
بعد خمس سنين
هكون خلصت كليتي وبحضر الدراسات العليا ( الماجيستير يعني )
ممكن يكون ربنا كرم وخلصت كمان الماجيستير
هكون بشتغل سواء في عيادتي الخاصه او تبع دكتور كويس
يعني زي ما الامور وقتها تحكم طبعا .. اتمنى تكون عيادتي الخاصه طبعا لو كنت ف مصر وقتها
ان شاء الله يكون عندي بنت وولد حلوين كده



مش شايفه انى دكاتره الاسنان الفيزيته بتاعتهم عليا حبتين حشو ب 150 زراعه اسنان ب 3000
لا على فكره لان اصلا الحجات دي غاليه
غاليه ف شرائها
وصعبه في طريقه عملها ف المعامل وكده
ف طبعا بتكون غاليا على الدكتور
ولازم يكسب لان ده زي ما بيقولوا اكل عيشه
بعيدا عن الدكاتره بقى الطماعين
انا بتكلم عن المستوى العادي للدكاتره يعني



هل طموحك بينتهى عند فتح العياده الخاصه ام ماذا
لا انا بتمنى افتح مركز كبير للنساء والاطفال
مركز اسنان يعني بيكون شامل كل حاجه
من اول الحشو والحجات العاديه
لحد الجراحه والتقويم والزراعه والحجات دي



بالنسبه للجزء الاخير من المرحله التالته
اقلام تعتز بها داخل مصر قديمه ولكن مازالت لها صدى
هناك اقلام جديده ف المنتدى تلفت انظارك من هم

مش متابعه اوي لكن في كتير مواضيع ف الاقلام لما بقرأها بتعجبني
طبعا لاني مش متابعه اوي ف مش بركز مع صاحب القلم
بس مشرفات القسم قلمهم حلو
وابو النصير بردو
وطبعا منه واسماء
في كتير والله ربنا يزيد ههههههه
قسم الاقلام بينزل فيه مواضيع بتعجبني جدا

اذكر رايك ف كل من الاقلام الادبيه الاتيه التى تترك اثرا ف المنتدى
دمعه حائره :: من اجمل الاقلام بجد ومعايا من زمان جدا من اول ما كنا اعضاء عاديه
قلمها معبر جدا و بسيط اوي وبيوصل المعنى جدا

طبيب الهوى :: استاذ فاضل شعره راقي
خصوصا اشعاره الرومانتك بحبها اوي
تحس فيها بالوفاء كده

ابونصير :: بشوفه ف الاقلام كتير بيكتب حلو
قرأت له كذا موضوع قلمه حلو بردو ما شاء الله

شاعر الحب الحزين :: مش قرأت له من زمان بردو على ما افتكر
لكن فاكره بردو اني كنت بقرأله كتير
من الاقلام الي بحترمها جدا والله


جبل عالى :: جميله وقلمها اجمل
كنت بقرأ لها كتير وقت ما كنت بتابع
انا من اكتر المعجبين بيها بصراحه
حد محترم جدا


ساحر الاحزان :: زميلي العزيز على رأيه هههههههههههه
امجد قلمه حلو ك فكره لكن هو بيكتب بالاسلوب العامي مش بالاسلوب الادبي
يعني هو فكرته بتكون كويسه وكل حاجه
لكن مش بيكتب بشكل لغوي وادبي
ده مش عيب ده اسلوب عادي وكل واحد وطريقته

الماجيك :: اخويا الصغير هههههههه
هو انا مش فاكره لاني مش قرأت له من زمان بصراحه لكن منورنا دايما

ههههه وع سبيل الشهره يعنى sad _love :: ههههههههههههه هو انت بتكتب !!
ههههههه صراحه مش متابعه اوي مش تزعل لكن التوبيك ده عجبني جدا
بالمناسبه كنت فكراك صغير يعني لكن واضح ان حضرتك سنك كبير
اقصد يعني مش ف جامعه لسه وكده


ودى كانت المرحله الاخيره مع د سما وانتظروا النقدى الشخصى لى وشكرا ابقول معنا

[™Amiliya]

راقية سما

في انتظارك محمود

[طبيب الهوى]

ميرسي أبنتي سَما ثناءك لهذيان قلمي المجنون


والحمد لله أنه نال رِضاكِ وإعجابك أبنتي


حوار راقي وقيم يا محمود


وإجابات قيمة وراقية من أبنتي سَما


في إنتظار نقدك أخي الحبيب


تحياتي وودي وورودي


أبو عصام

[أميرة محمود]

اجابات سما جميلة
وسآآد لاآف اسئلتك جذابة ع فكرة
ومنتظرين نقد الفيلسوف

[dodedodo9393]

حقيقى روووووووووووووعه اوعدنا يارب هعهعهعهعهعهع

[DR.SMA]

يتم تثبيت الموضوع بإعتباره الموضوع الرئيسي
وعند اكتمال كل حلقه
يتم دمجها مع الموضوع الرئيسي
مع تحيات
مشرفي القسم ..

[DR.SMA]

فين النقد :d