عارفين يعني ايه بحبه ؟

[phalsteen]

عارفين يعني ايه بحبه ؟

يعني شوفت فيه صورة تانيه لاول حب عرفته
التعريف الاهم لكلمه راجل بمعني الكلمه
الراجل اللي مالوش شبيه ولا ارضي اني اقارنه بحد
اللي امشي في ايديه مغمضه عنيا
واثق فيه اكتر واحد في كل الناس واقربهم ليا
اللي عارفه اني عنده مش بس نقطه ضعفه اللي بيحميها حتي منه
افتكره اول واحد لما اتـــــــــألم
ويحس بجرحي من نظره واحده
ودي اللي هيا لغه القلب
يعني شوفت فيه معني الاب

متغيروش الايـــــــــــام ولا في يوم تتغير نظرته ليا
اللي يشوف عيوبي مينكرهاش ويحاول معايا نغيرياها
وببساطه يقول عارف عيوبها ويهمني مخسرهاش
اكون في عينه تاج النساء واجمل الجميلات
يشوفوا الجمال اللي بجد مش متركب ولا متصنع
يحب قلبي ويهمه روحي
اومال ازاي هطمنله واثق اني عنده مش زي اي حد

بحبه عشان انا هو مش بس جزء منه
قادر يعوض فراغه باي حد

بحبه عشان مبيتنسيش
مهما حاول يقسي مبيهمنيش
اصلي واثقه اني جوه منه
يمكن حتي منتقابلش
ولا النصيب ميردش
بس اكيد ان بنا حلم
ذكري متتكسرش
وفرحه مليانه دموع
بس طعمها اهم
احلي من احساسي انه صعب ينساني
صعب يبدلني
صعب يشوف الدنيا بلون وانا براها

وهو الحب ايه غير ثقه انك جوه قلبه
حتي ولو مكنتش بين ايامه
مهما حاول ينسي ميعرفش
وحبه اللي يجي بعدي يكون محاوله عشان ينسي
ولما يدور علي حب تاني هيشوف اللي تشبهني
ومش بعيد اول بناته تشيل اسمي
ولما يفتكرني يبكي بتنهيده وجع
يوصلني وجعها فدعيله بسعاده تروحله

ولو سمعت اسمه اضحك
واهرب باي كلام
يوجعني كل حرف سمعته
عشان انا برضو بحب
واسمه دا يفضل غالي
اغلي ما ليا واهم

وفي كل يوم افتكره
اهمس لصوره بحب
واشكيلها منه واقول
وعدني انه يضل

[انا جيجي]

احسااسك رائع يا سما

دمتى بالف خير

[SaMa.]

ايوةهو ده معنى الحب الله بجد روعة سما

[عشق الحنين]

ادام الله عليكى نعمة الحب يا سماا
احساسك رائع واكثرر
لكى السعادة وفرحة لاتنتهى

[طبيب الهوى]

باختصار شديد

أنتِ هو وهو أنتِ

الله يجمعكم ولا يفرق بينكم أبداً آمين

فضفضة راقية يا سَما راقت لي كثيراً

لأنها نابعة من قلبك النقي الطيب وصلت قلوبِنا

تحياتي لقلمك المُبدِع والراقي والعذب

أبو عصام

[Lamees]

كلام كبير وليه معاني جميلة
فضفضة حلوة سما

[كبريت]

شكرا لهذا الرجل العظيم
الذي جعل منك
انسانه اكثر عظمه
انحني لهذه المشاعر الوفية الطيبة والصادقه
يدوم الحب يارب
تقديري ونجومي واعجابي وتقييمي
شكرا جزيلا لك

[phalsteen]

اقتباس المشاركة الأصلية كتبت بواسطة انا جيجي احسااسك رائع يا سما دمتى بالف خير

تسلميلي يارب
نورتيني

[phalsteen]

اقتباس المشاركة الأصلية كتبت بواسطة sama. ايوةهو ده معنى الحب الله بجد روعة سما

الاروع كونك بالقرب سماسيمو

[phalsteen]

اقتباس المشاركة الأصلية كتبت بواسطة طبيب الهوى باختصار شديد أنتِ هو وهو أنتِ الله يجمعكم ولا يفرق بينكم أبداً آمين فضفضة راقية يا سَما راقت لي كثيراً لأنها نابعة من قلبك النقي الطيب وصلت قلوبِنا تحياتي لقلمك المُبدِع والراقي والعذب أبو عصام

اسعدني تواجدك استاذي
لروحك كل الود