حشـــــــــــــرية

[phalsteen]

انا عموما مبحبش احس اني مغصوبه علي امر
يعني بكره صيغه الاجبــــــــــــــار
يعني مقدرش اقول اني مبحبش احكي ولا افضفض
ولا كمان بحب احتفظ بأسراري لنفسي
بس احيانا بحس اني عاوزة اتكلم ويمكن اندم بعدها
بس انا كمان مجنونه
مش مهم العواقب المهم اني لما كنت عاوزة اعمل حاجة عشان
كنت فاكره انها هتسعدني عملتها
واحيانا تانية الكلام بيوجعني بجد
عاوزة اسكت مش اكتر ولا اقل

عاوزة الناس تديني حريتي وتسبني لوحدي
وانا لما احتاج اتكلم اكيد هختار اللي هتكلم معاه او اثق انه
يستاهل اني احكيله وهتستفيد من دا

يمكن يكون عندي اللي مغيرني او في سبب مش عاوزه اقوله
او برضو لما اختار اتكلم مش هيكون اللي اطفل عليا بأسئله
ممكون توجع قبل ما تكون ن باب الاطمئنان
او كونك ترضي فضولك لمجرد معرفه السبب

اللي عاوزة اقوله ان في بعض الاحيان بيكون للبعض
كلام جواه او جرح مبيحبش يفتكره
بيحاول يتنساه وكل اللي حواليه بيحاول يكون حذر في التعامل
عشان ميفكروش او يبعده

وتيجي انت لمجرد عادة مستفزه وهي الفضول
تفضل تضغط عليه بأسئله وبلف ودوران بس عشان تبقي فهمت الحوار
وعرفت السبب

من امته خصوصيات الناس بقت مشاع ولا عرضه ليك ولغيرك
من امته السؤال والاطمئنان بيكون باللح والتطفل
ليه حتي لو يهمنا السؤال مبنراعيش ظروف اللي قدامنا
وانه يمكن اجابته توجعه وتصحي جرحه

في فارق في كل العلاقات
يعني في الاخوه وفي الصداقه السطحيه وفي مجرد المعرفه
وبالتالي الخصوصيه بتتوزع
وكمان الاسرار اللي مبتتحكيش

انا اكتر حاجة مأثره فيا ومزعلاني الايام دي
هي الحشرية
وكتر الاسئله من اللي اعرفه واللي ميعرفنيش ولا اعرفه

كل حاجة وليها حدود وكل انسان وليه طاقه
قبل ما تزعل من رد مش مناسب او طبيعي من اثر سؤالك

زي وانت/ي مالك

ما تفكر/ي مش يمكن سؤالك ساب اقوي من رد الفعل

[انا جيجي]

بعيد عنك يا سمسومة الحشرية دى بقت زى الانفلوزااااااااااااااااااااااااااااا حاليا كل واحد بيحشر نفسهم فى اى حاجة ويعمل فيها شسخ المنصر

[ساحر الأحزان]

هو التطفل او الزن على الى قدامك بيكون مش حلو لازم نراعى الخصوصيات

الى بتعتبر شىء مهم قى حياة اى انسان في الحياة

ونترك ية حرية التعبير فى الوقت الى حابب يفضفض ويتكلم فية من دون اى ضغوط علية

[big bốss]

التطفل يا سما و التدخل فى شئون الغير هو سمة العصر

استعملى مبيد حشرى قوى للقضاء عليه

و ربنا يكون فى عونك

[SaMa.]

محبش اكلم وانا مدايقه ولااكلم حد مدايق
وده صح عشان نتجنب الصدام
ولوكل واحد يخليه ف حاله هنرتاح

معلش سما طولي بالك

[phalsteen]

اقتباس المشاركة الأصلية كتبت بواسطة انا جيجي بعيد عنك يا سمسومة الحشرية دى بقت زى الانفلوزااااااااااااااااااااااااااااا حاليا كل واحد بيحشر نفسهم فى اى حاجة ويعمل فيها شسخ المنصر

انتي بتقولي فيها
اها انفلونزا التطفل
ربنا يكفينا شر الناس بئه

[phalsteen]

اقتباس المشاركة الأصلية كتبت بواسطة ساحر الأحزان هو التطفل او الزن على الى قدامك بيكون مش حلو لازم نراعى الخصوصيات الى بتعتبر شىء مهم قى حياة اى انسان في الحياة ونترك ية حرية التعبير فى الوقت الى حابب يفضفض ويتكلم فية من دون اى ضغوط علية

بالظبط كدة
منور امجد
تسلم لوجودك

[phalsteen]

اقتباس المشاركة الأصلية كتبت بواسطة big bốss التطفل يا سما و التدخل فى شئون الغير هو سمة العصر استعملى مبيد حشرى قوى للقضاء عليه و ربنا يكون فى عونك

اجيبه منين انور
وانا اروح اجيبه ع طول والله
تسلم يارب
منور

[phalsteen]

اقتباس المشاركة الأصلية كتبت بواسطة sama. محبش اكلم وانا مدايقه ولااكلم حد مدايق وده صح عشان نتجنب الصدام ولوكل واحد يخليه ف حاله هنرتاح معلش سما طولي بالك

اها انا زيك كدة
هطوله اومال هعمل ايه
تسلميلي يا قلبي