مشكله الاحتواء ( تابع مسابقه النقاش )

[Stop Ana Eltop]

السلام عليكم ورحمة الله وبركااته
ازيكم عاملين ايه ان شاء الله تمام

مشاكل الاسره
دايما عندي قناعه شخصيه كدهون انه كتير من الرجاله والستات عاوزين الحرق
ليه الي مش قد الحاجه مايعملهاش بمبدأ انه الي معهوش مايلزموش
والي مش قد الجواز مايتجوزش
تقيله عليه الشيله يادكتور مرسي ماتشلش آآآ اقصد يا اي زوج او زوجه مش مرسي تحديداا

في حياة اي حد بيتمني انه يتجوز ويخلف ويبني بيت واسره
يكون هو فيها الفارس الي بينشأ مربيين اجيال
بس ساعات اللجام بيفلت من الفارس وبينسي حاجه اسمها الاحتواء
الي بيخلي الحصان يتقلب بيه ويدهس بيته وعياله ويموته هو بحسرته


بمعني اكتر توضيح مشكلة الطلاق في مجتمعنا
شبه راجل بيتجوز عيله عشان يكون بيت وبيخلف عيال
بتعدي السنين ورا السنين مبقاش طايقها وهي مش مستحمله
خلاص الطلاق هو الحل ونسوا الكائنات الحيه الي خلفوها والي هيهدموا حياتها

طب فرضاا لو اهل البنت مقبلوش انه بنتهم تتطلق وتبقي عاله عليهم
يبقي الحل لما تغضب تضرب وترجع لجوزها بالذوق او بالعافيه
اصل الراجل عمتا مابيغلطش كله من الواحده
مجتمع متدني ونظرته اضيق من خرم الابره

بس ساعات الكيل بيطفح فيبقي الحل انه البنت تهرب
ويبقي هي وقتها بنت تيت وهربت مع واحد كمان
وياعيني علي جوزها وابوها وسطهم اتقطم


وصلت لسن كبير ورافضه الجواز وسنينه
بتكره اسم الرجاله وشكلها عع
اصل ابوها كان بيضرب امها مع اقرب فرصه
يعني معرفش يوم يحترمها ويقدرها يحتويها
يهينها يطردها ايزي هي ايه اصلاا عشان يعاملها حلو
ومن هنا الفكره بتتولد
مفيش امان للرجال بلا وكسه

ااه ضغوط كبيره واهانه ومرمطه
الوقت بيجري وشخص تافه كل وظيفته تحكميه
تكه وهيبدأ يتحكم في الهواء ويطلع جرعه جرعه
خنقه هتوصل للسماا وعدم قدره علي الاحتمال
مفيش وقت لمراقبة الواد اذا كان بيشرب سجايي ولا لاء
ولا خلق عشان تسمع تفاهات مراهقة بنتها كفايه الي عندها
متوفرش الاحتواء لها عشان تقدر تحتوي عيالها اصلاا تباا

مشاكل الاسره كلها بتتلخص في شبه راجل مكنش قد المسؤليه ومقدرش ع الشيله فسبها تقع علة الارض وقرر يتخلي ما يحتويش

علاجها
الحسابات الدقيقه اووي انه الي قد يعمل والي مش قد بلاش
عادي اني اظلم غيري بس اظلم مجتمع معابا دا الي مش عادي
احسبها كويس قبل ماتقرر تعمل اسره انا قد الكلام دا ولا لاء
الطلاق في يوم لازم يبقي فيه تفكير في الاطفال ال في النص
الطلاق مش عيب طالما انه الي مترتب علي عدمه مصيبه عظمي
مهما كانت الضغوط دايما فيه وقت للمراقبه والسمع
الاشخاص التافهين اشباه الرجال احتوي الي يخصك عشان مايطلعش عليه بعد كداا
مفتقدين التوعيه الدينبه والثقافيه علي مستوي نزيه مش اعلام عربي

حاسه الموضوع قلب فضقضه اكتر من نقاش
بس حلو كدا اكبر مشكله فعلاا بتواجهنا هي عدم الاحتواء الي بيترتب عليه كل حاجه وحشه
زهق قرف طلاق هروب انتحار او قتل للتافه

بس

[شاعر الحب الحزين]

ورب خيرا لم تنله كان شرا لو أتاك

هذه المقولة في توقيعك تختصر الكثير مما قلتيه هنا

الإحتواء يحفظ حق البقاء ويحافظ على الترابط الأسري


طرح انساني قيم قمة الواقعية للأسف

أشكرك لفيض قلمك في طرح مشاكل من حياتنا الشخصية هنا

تمنياتي لكي بالتوفيق هبة

احترامي وتقديري

[big bốss]

الاحتواء بيفتقده كثيرا من الابناء و الزوجات و الرجال ايضا

لانه اساس الترابط الاسرى و لو فقد خلاص ستنهار الاسره

كثيرا من الرجال لا يعلمون طريق الاحتواء و يتخلون عن المسئوليه فى اقرب فرصه

موضوعك جميل يا هبه

بالتوفيق فى المسابقه

[™Amiliya]

عجبني مقالك حبوبة
وانتي لخصتيها في عدم وعي كامل لامور

الموضوع منصب حول اسرة مس مهدت أولادها لموضوع الجواز وبعني ايه مسئولية

ومنصب ع شب وبنت فاكرين الجواز لعبة وتنتهي

بجد شكرا ليكي

[همسه دموع]

كل ده وبس
ههههههههه
حرام عليكى
بجد كده اى حد هيتعقد
تحياتى

[الفيلسـوف]

بالعكس بصراحه شدنى الموضوع اوى
بصراحه لو فيه تصويت حصوت ليه
فعلا الاحتواء مشكله كبيره بتواجه بعض الناس
وانا مع حضرتك ف شى وهو فعلا دايما شايفين انى البنت لازم تستحمل وتضرب وتتهان وعادى كله بيعادى وبيطلع ف الغسيل طيب ولو اشتكت ده كان قرارك هو ايه اللى قرارك هو غساله باخده بالضمان كتير من الناس بتتفهم الامور من وجهه نظرها وكتير من الناس مش بتعرف البدايه الصحيحه ولكن مع احترامى لوجهه نظرى انا الذى اتحمل جوانبها اهلا براحتى وما يهمنى اى حكم من مقاليد الناس ف انا الذى اقود وليس هم انا اللى اااتحكم ف دائما اومن بمقوله انا افكر اذن انا مسئول عن تصرفاتى

[فرانكو.هدوء ملك]

موضوع جميل ورائع منك
بس مش كل مشاكل الاسره هيا الطلاق فيه حاجات كتيره جدا

[(طائر الشرق)]

للأسف الشديد مطالب الحياة تفوق قوة تحمل الكثير

والجميع الأن يتمنى العيش فى قصور والظهور فى

أفضل حال من الغير وكأننا فى سباق لا يتوقف أبدآ

لذالك ازدحمت العقول والنفوس بالطمع والتكالب

فكيف لنا أن نجد مكان للأحتواء والحب والاهتمام

عندما يزيد الشئ عن الحد لابد أن يكون هناك أنفجار

أو هروب أو عدم الأدراك والتبلد

موضوع راقى وجميل

خالص دعواتى بالتوفيق دائمآ

[همس الحنين]

الاحتوواء فى الاسره اصبح نادر

لغياب الاب وانشغال الام

بس ساعات كتيره يا هبه الاخت الكبيره

هى اللى بتحتوى الكل بس عارفه المشكله

انها بتشعر وقتها انها فقط مسئوله ومافيش اى حد يقدر يشيل عنها

ولو مجرد التفكير

الحل اننا نتفاهم مع بعض نتشارك فى كل شئ

تسلمى

[Stop Ana Eltop]

اقتباس المشاركة الأصلية كتبت بواسطة شاعر الحب الحزين ورب خيرا لم تنله كان شرا لو أتاك هذه المقولة في توقيعك تختصر الكثير مما قلتيه هنا الإحتواء يحفظ حق البقاء ويحافظ على الترابط الأسري طرح انساني قيم قمة الواقعية للأسف أشكرك لفيض قلمك في طرح مشاكل من حياتنا الشخصية هنا تمنياتي لكي بالتوفيق هبة احترامي وتقديري

تقريبا الاحتواء بيحفظ الحياه
الترابط الاسري حضرتك عبرت بالكلمه دي
وفي نظري ترابط = احتواء
يعني مفيش اسره قايمه ع النفور وعدم الاحساس والقشور الخارجيه

تسلم ع المرو نورت