الفول والبصل الاخضر والتناحه !!!

[كبريت]

الفول والبصل الاخضر والتناحه !!!


صراحة فكرة مجنونه وصلتني وحبيت اكتبها واهو اهرب بيها من جو الملل اللي مالي الحياة شوية ولو حتى على سبيل الشعر الكبريتي المعاصر كده

المهم

كلنا عارفين مفعول الفول وياعيني لما يكون وياه بصل اخضر بقا وموال كبير
بس المشكله معدتي مش بتقبل الكلام ده هي والقولون بعيد عنكم

قبل تعب القولون كنت افطر فول ومعاه بصل اخضر وفلفل اخضر موال تاني خالص
يخليك تعش وتنتعش وتدخل في حاجات ومحتاجات
ومش بعيد تلاقي روحك داخل حرب غازات خانقه وحارقة وغيرها كمان

الفول اختراع مصري صرف
واصبح سيد المواقف في العصر الفولي الحديث

تلاقي الواحد الصبح واقف على عربية الفول ويمكن عايز يقعد فوقها ومحتمل عايز ياخدها بالحضن كمان
المهم تلاقيه شغال بالصلاة على سيدنا النبي وكانه بيجاهد في معركه فوليه حربية بصليه والاخيرة دي نسبة الى البصل الاخضر والمختص باختراع الغازات

ولما صاحبنا اياه يخلص وصلة الشغل والحرب والجهاد والكفاح مع الفول
تلاقيه تنح وبلم وسكت واحيانا تسمع اصوات غريبة شغاله ضد بعضها في بطنه واحيانا كمان هو بنفسه يديها اصوات فظيعه بيسموها ولامؤاخذة ( التكريع )

والمستفز في الموضوع بجد ان صاحبنا اياه يديها تكريع بصوت مستفز ال يعني فتح عكا بسلامته

تيجي بقا تسأله لو سمحت الساعه كام ؟ ورغم ان السؤال خرم ودانه الاتنين ورغم ان سمع واستوعب تلاقية بص لك وبرق وتنح وسكت شوية وممكن ولا مؤاخذه يهرش في صلعته او كرشة الكبير ومرة واحده يقولك ايه ؟

هي دي بقا التناحه
وطبعا البركه في معجنة الفطور الفولي البصلي على الصبح

طيب يبدء صاحبنا ركوب الاوتوبيس من هنا وتشتغل معارك الغازات المحرمه دوليا وعالميا من هنا وياعيني ممكن ع الحظ تيجي في وشي الكمسري الغلبان تلاقيه قام جري من فوق الكرسي شكل ما تكون لدغته عقربة
طبعا مش طا يق فظاعة الروائح دي

شوية وتلاقيه وقف في وسط الاتوبيس والكفاح بردوا يشتغل وحلقات الغازات الخبيثة دي تنفجر وهب تلاقي كل الاوتوبيس كارة الاوتوبيس وكارة نفسه وكله يبص لبعضوا ده يشك في ده ودي تشك في دي

طبعا عمنا الفول ويجعل كلامي خفيف عليه نظرا لتعب القولون عندي له عجايب ونوادر ولا عجايب ونوادر عمنا جحا

ينزل صاحبنا من الاتوبيس بعد ما خلاة واحة غازات فظيعه للغايه
وهب يقوم مديها تكريعه او اتنين على سبيل مثلا انه وصل مقر الشغل

نسيت اوضح بقا ريحة البصل ويا نهار غوامق لو موظف وجيت تتعامل حضرتك وياه وتشم روايح من كل ناحية سواء من فم بسلامته او اماكن اخرى وكلها طبعا غازان شنيعه للغاية ويمكن خنيقه

ينتهى الناس ويفضل صاحبنا في مكتبه والغازات شغاله لدرجة الموظفين والموظفات عايزين يهجوا ويطفشوا من ام المكان كله ومش عارفين طبعا الروايح السودة دي نتاج ايه هو الوحيد اللي واقف ولا فارقه وياه

يمسك شوية ملفات ويدخل على مدير المكتب لتوقيعات على بعض امور الشغل
وهب الحرب تنفجر وتتفاعل والغازات مرة واحده تشتغل والغلبان المدير يقف مرة واحده مسروع ومفزوع ويقول للموظف ده : هو في ايه ؟ الريحة المنيلة دي جاية منين ؟
طبعا عمنا الموظف عارف وفاهم يقوم يتنح ويرد ع المدير ويقول : ريحة ايه ياسيادة المدير ولا مؤاخذه ؟
المدير مفروس وهينفجر ومحتمل يفرقع يرد ويقوله انت يا اخي مش شامم شكل ما يكون المجاري بتاعة مصر كلها ضربت

صاحبنا يحاول يوطي يجيب ملف وقع منه
وهب مرة واحده تشتغل الغازات تاني وبقوة بقا المرة دي والمدير حاطط المنديل على انفه بس يعمل ايه منديل بالجو ده ولا حتى مصنع كارمن نفسه يمنع البلاوي دي

المدير يخرج جري من المكتب وينادي على الساعي ويقول له الريحة دي جاية منين شوف حل بسرعه انا هتخنق


شفتم يا حضرات الفول والبصل الاخضر الصبح عملوا ايه
بجد اجرااااااااااااااااااام

حد عايز فول وبصل اخضر بقا

[Lamees]

مصر مشهورة بعربية الفول والطعمية
وفي الصبح تشوف مطعم الاكل الشعبي ده
هتلاقية بالطابور وكل مكان بيتفنن انه يجذب الزباين ليه
ده بم ان العربيات كتير جداً والمطاعم اكتر

هي بس مشكلته في مريض القولون
بيعمله مشاكل وحاجات محشة كتير
بس احنا والحمد لله شعب معدته من حديد
عشان تهضم الفول والحاجات دي
اما البصل ده رغم فوايدة فهو ممنوع
مش ممكن اكله

خزعبلاية حلوة وحقيقية
صباح الفول والطعمية
الاكلة المصرية القوية

[كبريت]

اقتباس المشاركة الأصلية كتبت بواسطة اطياف الماضي مصر مشهورة بعربية الفول والطعمية وفي الصبح تشوف مطعم الاكل الشعبي ده هتلاقية بالطابور وكل مكان بيتفنن انه يجذب الزباين ليه ده بم ان العربيات كتير جداً والمطاعم اكتر هي بس مشكلته في مريض القولون بيعمله مشاكل وحاجات محشة كتير بس احنا والحمد لله شعب معدته من حديد عشان تهضم الفول والحاجات دي اما البصل ده رغم فوايدة فهو ممنوع مش ممكن اكله خزعبلاية حلوة وحقيقية صباح الفول والطعمية الاكلة المصرية القوية

هههههههههههههه
لا سوري
معدتي على ادها خالص
وماليش بالجو ده
اه نفسي فعلا فيه
انما غصب عني

سعيد بوجودك اللطيف
ميرسي جدا
صباحك سعيد

[™Amiliya]

هههههههههههه. هههههههههههه
ايييييييييييه كمية الغازات دي
يييييييييع ياكبريتي حرام عليك انا بموت في الفول
بس مش بتاع العربيات ههههههههه ع الرجالة رمرمرة مش ممكن
الله يرحمك يا تيتا كانت بدمس الفول في البيت ونفطر بيه يوم الجمعة
بس من غير بصل هههههعه

وجعتلي بطني ياكبريت انت هههههههههه

[ساحر الأحزان]

هو فية تناحة احسن من كدة

خلى الناس تنسى

همومها بقى

وتعيش مع نفسها

فى عالم تانى

حلو الخزعبلاية كبريت

[همس الحنين]

الرحمه ع الصبح

بس عادى اغلب المصرين كده اكلات مشهوره بس مش الكل بيتنح

ده اعتقد من طبيعية الشخص

تسلم كبريت

[world]

المهم تلاقيه شغال بالصلاة على سيدنا النبي وكانه بيجاهد في معركه فوليه حربية
اعجبتني اوي
اصل فعلا شكلهم وهما بياكلو علي العربيه تحس انهم عاوزين ساكلو الطبق البلاستيك نفسو مش مجرد اكل

[غربة روح]

يا دي الفول الي ع الصبح
دا مقرر كل جمعه مع البصل
للحمله المصريه الي عندنا
دائما يادوب بس انا مش باكل فول ولا بصل
انا باكل طعميه وبس
وفول مدمس في البيت مش من اي حته تانيه
بس الفول والبصل مش بيعمل تناحه وحاجه
بالعكس دا بيوفر غداء عشاء يوم كامل
ياريت فول وبصل كل يوم
فكرتي لما المدير بتاعنا دخل علينا
المكتب وكنا بنفطر رنجه وبصل ع الصبح
ههههههههههه
يومها المكتب كله اخد حزاء وخصم
هههههههههه
كان يوم منيل بس من اجمل الايام
تسلم ع الضحكه الحلوه

[Fatma eissa]

ده علي كله مش هاكل فول تاني
هههههههههههههههه
مع اني اول حاجه اعملها الصبح باكل فول من غير بصل خالص
انت بيقول فول فيه نسبة ذكاء مش عرفه صح ولا ايه
وتلاقي دلوقتي كل دول الخليخ بيكلو فول
وفكرتني مره بوحده كانت بتسالني انتي بتفطري بفول
احيك علي تسلسل البسيط وجميل ده

[morshooo]

مالها ياعم عربيه الفول
انا بشوف الناس بتقف عليها الصبح
وهاتك يا بصل وبوس واحضان وهيصه
هههههههههههههه
وتحس ان كلهم فى غربه ومابيصدقو يشوفو بعض
على عربيه الفول الصبح
خزعبلايه جامدا يا معلم
تسلم على المجهود العنب دا
هههههههههه