كم هو مخجل !

[تجملت بالعفآف]

السلام عليكم ورحمه الله

نقااشي :: عن ماذا حل بنا ؟


ليس بالضروره أن نهتم بأي شي

لكن عندما يصل الحد الي كتاب الله والسنه النبويه تقف كل الحدود

كتاب التربيه الدينيه ( طبعاً محدش بمسكه غير ليله الامتحان علشان هيا ماده رسوب او نجاح

وبنحفظ أول عشر أيات علشان نكتبها في الأمتحان وخلاص ،، ولما حد يقولك ازاي مش هتذالكر للأمتحان

ي عم كبر دي أسئله عامه أكتب أي حاجه و تنجح ولو معرفتش طلع برشامك ،،

كل دي مواقف حصلت قدام عينا ويمكن تكون واحد منناَ ،، للدرجه دي أحنا مستهينين بكل شئ

وبنهتم للدنيا الفانيه التي ستبقي فيها مجرد ذكري عابره

كم هو محزن أيها المسلمين !!

أصبحنا كالجاهلين بهذا التصرف !

حتي أصحاب العلم لحد الأن لم يعرفوا قرأءه الفاتحه تلاوه صحيحه !

لمتي سنبقي هكذا ؟

ألن يحين وقت الأستيقاظ !

[۩۩ elMagic ۩۩]

عندك حق
ماهو جميع الناس العرب بيختاروا دايما اسهل وابسط الطرق لتحقيق غاياتهم
بس مبيعرفوش ان مفيش حاجه بتيجى بالساهل الا بعد ما بتروح منهم غاياتهم
بكل بساطه نتيجة الاستهتار والاهمال
نسأل الله الهدايه للجميع
جميل موضوعك نرمين
الله ينور بقآ

[أميرة محمود]

طبعا عندك حق
ومفروض نتكسف من نفسنا
اننا بنهمل كتاب ربنا
وبنهتم بحاجات تانية
ربنا يهدينا ويصلح حالنا
موضوع ونقاش مهم وردة تسلمى

[دفاتر القمر]

هو معاكي حق بس بردوا
نقول اننا بنتعلم دينا الاسلامي
مش تبع المدارس انما من الاسره نفسها
يعني من واحنا صغار بدون ارتباط لمدرسه
بنروح نحفظ دين الاب والام دايما لو عملنا شيء
بيعرفونا ان ده حرام عشان ربنا فابنجمع كل المعلومات
من نشاتنا ليس ارتباط بمناهج الدين بالمدرسه
وبالتالي بنجد فى مذاكره ماده الدين سهوله
لا تطلب سوى ساعه فقط ليس كباقى المواد المعقده التى تحتاج
الي شرح وحفظ وليس معني كلامي اهمال ماده الدين ولكن المواظبه
على تعاليم دينا طيله العام وليس فقط بالمنهج الدراسي
جزاكي الله خيرا على هذا العمل تحياتي

[world]

يااااااااااه فكرتيني انا بقالي كتير بتكلم ف الموضوع ده
اتزكر جيدا ف طفولتي اعلان نتيجه امتحان الشهر بتاعتي ان
وصلت بينا انن تحصل للطلاب حاله من الدهشه ف الفصل
حتي المدرسه تدهش من ان طالبه تجيب 8 من 10
وكأني عديت خط برليف
حتي ف الامتحانات كل الطلبه الترم الاول 3 من 10 ف الدين ويعملو حسابهم ف برشامه للترم التان يترفعهم
الحل دلوقت وف الوضع ده دخول الدين المجموع زي كل المواد ال بيعتبروها اهم منه
المجتمع دلوقت بقي تدين ظاهري فقط
محجبين لكن كلهم صفر ف الدين
هم اساسا ميعرفوش ايه الايه او الحيدث ال اتكلم عن الحجاب
شاب عامل فيها مثل واخلاق وهو مدمن سجاير وترمادول
العبأ كله ع الاهالي لازم تربي مش تسيي اولادها للدنيا تربي فيهم

[السفيره عزيزه]

نعم .مع ان الله قال سبحانة وتعالي
بسم الله الرحمن الرحيم .(وما خلقت الجن والانس إلا ليعبدون)
الغاية الاولي والتى خلقت الدنيا من اجلها وعلى قدر التوفيق
في العبادة تكون النتيجة إما حياة سعيدة فى الدنيا مهما
كانت الحياة كبد وتعب ومشقة ولكن الرضا يضمد ذالك .
وإما معيشة دنكا كما قال الله سبحانة مهما كانت الصحة والثروة
ورفاهية العيش وايضا خسارة الاخرة ويساق المفرط فى الغاية
التى خلق من اجلها الى النار وقد خسر الاثنين معا.نسوا الله فانساهم انفسهم
نسال الله العفو والعافية..

كتاب الله وسنة الحبيب المصطفى صل الله عليه وسلم
هما الحل الوحيد والملجأ المنجي مما وصلت اليه الامور.
اللهم ردنا اليك ردا جميلا
اللهم حبب الينا الايمان وزينة فى قلوبنا
وكرة الينا الكفر والفسوق والعصيان
يلا قولوا امين

سلمت ودمت بكل الخير
السفيرة

[™Amiliya]

من امن العقوبة أساء الادب غاليتي

بشارك الآراء السابقة شملت تحليل قريب من كلامي

سلمتي والنبض

[(طائر الشرق)]

لله الامر من قبل ومن بعد

كم البلاء والغلاء الهموم المتراكمه فوق الرؤس

من اين أتت من السماء ام خرجت علينا من باطن الارض

أم لأننا قد أخذنا طريق أخر بعيدى عن طريق الله

لا لوم على مدارس أو اى شخص أخر غير الأسرة

ومن يأتى بعدها فهو مكمل

خالص دعواتى

[big bốss]

العيب مش على الطلاب

العيب على الوزاره الى خلت كتاب الدين مش ماده اساسيه مادة رسوب و نجاح

مع انها اهم شىء

هما الى بيزرعوا الافكار الغلط و الجيش بيمشى عليها سهوا

موضوع مهم فعلآ

و اهو رديت يا استاذه