هديك بالبوكس في منخيرك

[اشاعة شمس]

السلام عليكم
تحية طيبة لكل رواد منتديات بنات مصر
الموضوع ممنوع لاصحاب امراض المرارة والسكر والضغط
والناس اللي بتتخنق بسرعة يا ريت متقرأش الموضوع عشان صحتها

الموضوع ببساطة بيتكلم عن تعاملنا كبشر مع بعض
واللي يعيش في بلد زي مصر مثلا
يكتشف اننا دلوقتي عاملين زي اللي عايشين في مصحة نفسية كبيرة
يعني كلنا مجانين وان كان الظاهر غير كده
وان كنا بنشرب الشاي في كباية وبنتفرج علي التلفزيون وبنقلب بالريمود كنترول
ولو كنا بنستحمى وبنطفي السخان بعد الدش
وان كنا لسة بناكل بالمعلقة
وبنتوضى وبنصلي
وبنحب وبنعرف نشحن كرت فدافون من اول مرة
وان كنا لسة بنتظاهر اننا بنتصرف بطبعية
الا ان جوانا خلل كبير
خلل نفسي رهيب
محدش يقدر ينكره
خلل نفسي جوانا احنا
ممكن يكون الخلل ده ضد نفسنا ونكون مع بقيت الناس بنتصرف بحكمة وعقل
ممكن يكون ضد اشخاص معينين ومع ناس تانية بتصرف بحكمة وعقل
ممكن يكون ضد الكل صحيح احنا موصلناش للحالة دي

بس تعالي نتكلم وعينك في عين

مين فينا اللي ملوش خال او خالة او عم او عمة او حد من قريبك بتجيب في سيرته وبتقطع فيه ولما تقبله النفاق الاجتماعي بيفرض عليك انك تسلم عليه ؟؟

ومين فينا وخصوصا البنات اللي معنا هنا مين فينا مبيقطعش في البنت الرخمة الغلسة اللي انت وصحبتك بتفضلي تيجي في سيرة وفي فستنها الوحش اللي مش عجبك وجسمها التخين _ وكلمة _ يا بنتي اصلا دي مش حلوة - وكلمة دي اصلا مغرورة وشايفة نفسها علي اية - النميمة والكلام والعقد النفسية اللي بنطلعها علي ناس تانية

هو دا اللي انا بقول عليه الجنون او المرضي النفسي الجزئي اللي موجود في مجتمعنا كأفراد وكجماعات وكأسر في البيوت

الخلل النفسي ده ممكن يكون طبيعي في حياتنا
زي مثلا العضوة اللي بتدخل بدون ما تسجل في المنتدي عشان تدخل علي العضو الفلاني وتشوف اخر مواضيعه ومشاركته
وبعد ما تخلص تقفل صفحته وتدخل المنتدي بأسمها
والظاهر يبدوا انها لا تهتم بيه
ومضحكش حضرتك ما كلنا بنعمل كده حضرتك برده بتدخل علي صفحة العضوة الفلانية وبتشوف مواضعها ومشاركتها عشان هي متعرفش انك بتابعها

صحيح مش كلنا بيعمل الحاجات دي
لكن جوا كل واحد فينا خلل نفسي بيدفعه انه يعمل حاجات مشابة

لكن انا خدت عهد علي نفسي اني مستخباش من حد حتى لو علاقتي بيه انتهت
حتى لو بكره ولو حتى بيكرهني
هدخل وهتكلم معاه طالما دا عالم افتراضي
انما في الواقع هو بالنسبة ليا مش موجود
دا يدفعني
اقول اني في مرة اول ما خطبت قولت لخطيبتي الحاجة الوحيدة اللي اقدر اوعدك بيها انك تحسي بالامان سواء كنتي معايا او مش معايا

مش هقطع فيكي بعد ما سيبك حتى لو انفصلنا مش همثل تهديد علي حياتك
لاني بعرف ان من ترك شيء لله ابدله الله خيرا منه
واعرف ان من ايات المنافق واذا خاصم فجر
وانا لو اختلفت معاكي عمري ما اسيء ليكي ولو جت سيرتك في يوم لا اذكرك الا بالخير

مفيش تهديدات ولا في حد يعرف اللي كان بينا بتفاصيله
اللي بينا سر لربنا هو اللي مطلع عليه
وان كنت ظلمتك او هظلمك ربنا يبعدني عنك ويرزقك بالاحسن مني

في الوقت دا بس بتلاقي ضحكة صافية من حد واثق فيك يقولك
: لو سبتني هديك بالبوكس في منخيرك
حد لما بتيجي تقعد بعيد عنه بيقرب هو منك
لانه مش خايف منك وعارفك كويس

حد عارف انك لو اتقطعت لحم عمرك ما هتقطع فيه ولا هتسئله
حد عارف انك بتخاف ربنا فهتخاف تأذيه


ارتقوا ارجوكم حسسوا اللي حوليكم بالثقة زواجتكم اخواتكم واصحابكم وكل بنت في حياتك حسسه بالثقة في انك عمرك مهما اختلفت او انتهت علاقتكم ببعض عمرك ما هتمسل تهديد لحياتها
نور قلبك بحب الخير للناس كل الناس حتى اللي سابك حتى اللي جرحك حتى اللي ظلمك

وتأكد ان كل اللي هتعمل هيترد يوم ليك لاهلك او لاولادك
وتاكد ان كل خير بتعمل هتشوف اثره في الدنيا عليه
في رزقك وزوجتك واولادك

مع خالص تحياتي الي مجانين في كامل قواهم العقلية

بقلمي مجنون سابق

[Lamees]

زي ما قلت اخي هو خلل في النفس
محتاجين اننا نقوم انفسنا من تاني ونعود بها
الى الاستقامة والاعتدال
فضفضة راقية كما انها واقعية جداً
فبعض ما ذكرته حقيقي
ربنا يهدينا والله المستعان

شكراً للطرح

[Sea Pearl]

ما الحياة جنون ببعض العقل
عادى كل الكلام اللى بيحصل ده
النميمة مثلا لو ع اتصال بـ دينا مش هنعملها
وذى ما انت بتقول فىه بعض المواقف مجنونة
بس الجنون بصوابه وبخطأه فى بعض المواقف
بيكون جميل و
اهم حاجة تقويم النفس والقرب من ربنا
أحييك على موضوعك الراقى
دمت فى حفظ الرحمن

[العاشق الذى لم يتب]

فعلاالثقة لوموجودة
أكيد هنتغلب على كل المشاكل الطارئة
كلام جميل
وفضفضة راقية
سلمت يمناك

[™Amiliya]

جميل الموضوع
راقني جدا

[SaMa.]

كلامك صح وعجبني الل قولتو لخطيبتك
لو كل واحد يتقي ربنا ف التاني محدش هيتئذي
ثانكس عجبني اوي موضوعك