( morshooo ) و ( صفحات الاعضاء تانى 12) ^_^

[morshooo]

بسم الله الرحمن الرحيم

مزاج الخير

واهلا بيكم

وحلقه جديده من

( morshooo ) و ( صفحات الاعضاء )

الموسم الثانى





تعالو نشوف جبتلكم ايه النهاردة

كتير مننا بيتمنى انه يسمع كلمه حلوه

وياسلام بقى لو الكلام الحلو دا معاه شويه تدليل

على شويه همس على شويه اى حاجا بس يتقال

مادمت صغيرتك فلتدللني

اشتري لي الحلوى المثلجة

احضر لي أقلام الالوان والورق

اشبك زهرة في جديلتي

اكتب عني ولي كل ما تستطيعه من أشعار

وعندما أغفو اهمس في أذني

عصفورتي الصغيرة... كوني بخير

نعم يا ختى نعم يا قطه نعم يا حلوه

لما تغفو يقولك ( عصفورتى الصغيرة كونى بخير )

طيب عموما شكلك نسيتى

( الشبشب ) لما كان بينزل عليكى

وبيتقالك ( انتى هتنامى يابت ) قومى ياختى

خلصى الى وراكى

بنات غريبه عليها احلام اغرب والله

هاديه




ساعات الواحد بيحتاج دعاء الاخرين

ودا طبيعى فممكن مثلا ينزل مشاركه بيطلب فيها

اننا ندعى فى بيقول السبب وفى مابيقولش

بس العضوة دى طلبت مننا كلنا ندعيلها وقالت السبب

طالبة دعاكم كلكم من قلبكم

حاضر والله انا هجمع الاعضاء فى توبيك

ونفضل ندعيلك والله العظيم بكل حاجا كويسه

ان ربنا يكرمك ويكرم اولادك ويجعلك فى كل خطوة سلامه

ويجعل اولادك من احسن وخيره شباب مصر بس معلش

انتى عايزانا ندعيلك ليه فى حاجا حصلت

القطة بتولد ياجماعة !!!

لا معلش اسمعك تانى كدا عشان حاسس

ان فى حاجا غلط سمعتها وقرتها

القطة بتولد ياجماعة !!!

القطه بتولد وداخله بتقولى ندعيلك من قلبنا

طيب انا ممكن اعملك توبيك وندعى عليكى فيه

وعادى والله ونوفر الدعاء بتاعنا لقططك الى بتولد

ان شاء الله بكره هنلاقيها منزله مشاركه

ارجوكم ارجوكم اختارو اسم للنونو الصغير عشان محتارة

اسميها ايه

جبل عالى




مش عيب يا جماعه اننا نحب الحيوانات

خاصه فى المنتدى بقيت احس اننا فى حديقه حيوانات صغيره

وماشاء كل حاجا موجوده قطط على كلاب على اسود على نمور

واخيرا بقى فى عصافير بتصوصو

صوت العصفورة بيكون حلو

وهى بتصوصو برقة كدا

لكن لو اتجمع مجموعة عصافير

وقعدوا يصوصوا ف نفس اللحظة

بيكون قمة الازعاج ال ف الدنيا

ودى يا جماعه معلومه مهمه جدا

محدش قبل كدا اكلم عنها وهى ان العصفورة

بتصوصو برقه

لكن لو مجموعه عصافير

بيصوصو كدا قمة الازعاج .

بس على فكره لما بيكونو مجموعه وفى ازعاج

اعرفى ان كل دول عصافير رجاله

وفجأة عصفورة رقيقه من بتوعك غلطت ووقفت فى وسطهم

أميرة محمود




ساعات بيكون فى أمور يا جماعه

بتخلى الواحد مش عارف هو عايز يعمل ايه

فبيجرى على صفحاته ويطلب من الاعضاء

انهم ينصحوة بحاجا يعملها

ماليش اي نفس للمذاكرة و عندي 5 امتحانات

يا تري ما الحل

بصى الحل ان شاء الله انك تزاكرى اكيد

وبعدين اعملى الى عليكى واكيد ربنا هيكرمك

وبعد مشاركتك دى احب اطمن منك ياترى

ناويه تعملى ايه طالما الدنيا خربانه معاكى كدا

وعندك امتحانات طمنينا عشان كلنا بجد

صعبتى علينا وعايزين نطمن عليكى هتعملى ايه

أمي مسافرة و عاملة حفلة

ماشاء الله ونعمه التربيه والتعليم

عموما ما تنسيش بقى تشيرلنا اجواء الحفل

وياريت تنزليها هنا فى المنتدى عشان الاعضاء

تتعلم منك ملعون ابو الدراسه على التعليم على الامتحانات

سندس




ودلوقتى يا جماعه مع

the x factor banatmasr

برنامج المواهب الاول بالمنتدى

ومعانا يا جماعه 3 متسابقيين

ومطلوب منكم تصوتو عليهم ايوة عليهم

المتسابق الاول

بتشبه عليا !!

مش فاكر عينيا .. والحب اللى كان

مش فاكر يا غالى الشوق والليالى

وحنية زمان

لو عامل ناسينى

هات عينك فى عينى يا عينى

بس انت فاكرنى وقلبك ظالمنى

واللى ما بينا هان ..!

( بتشبه عليا ) ( حسين الجاسمى )

بصوت ( راقيه بأخلاقى )

لو عجبتك صوت عليها برقم ( 1 )




المتسابق الثانى

رجعوني عنيك لأيامي اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

قد ايه من عمري قبلك راح وعدّى

يا حبيبي قد ايه من عمري راح

ولا شاف القلب قبلك فرحة واحدة

ولا ذاق في الدنيا غير طعم الجراح

ابتديت دلوقت بس أحب عمري

( انت عمرى ) ( ام كلثوم )

بصوت ( العاشق الذى لم يتب )

لو عجبك صوت عليه برقم ( 2 )




المتسابق الثالث

و عايزنا نرجع زى زماااان

قول للزمان ارجع يا زمان

وهات لى قلب لا داب ولا حب

ولا انجرح و لا شاف حرمان

( فات المعاد ) ( ام كلثوم )

بصوت ( لمار* )

لو عجبك صوت عليها برقم ( 3 )




وبكدا بنكون سمعنا المتسابقين ياترى

مين اكتر واحد الاعضاء هتصوت عليه عشان نخلص




وبكدا بتخلص حلقه النهاردة

ماتقلقوش لسه

الى جاى احلا



الاغنيه دى جامدا على فكره

[السفيره عزيزه]

هو فعلا الصويت هنا بنسمعة كتير
وتقريبا كل الاماكن المتواجد فيها مورشو
بيحلا التصويت والصويت حتى ولو كان بالعافيه..
ربنا يعينك بجد بتعرف تخرج موهبة الصويت باعلى
احساس وصدق مشاعر .ومن الاخر .اللهم لا نسالك
رد القضاء ولكن نسالك اللطف فيه...

الله يكون فى العون
واسترها معانا ياااارب
والله يعينك ويخليك للمواهب المستخبيه

دمت لعمل الخير دائما وابدا
السفيرة

[هادية]

ههههههههههههههه انت تانى يامورشو

وانا اللى قولت انك خلاص نسيتنا وارتحنا من كبساتك علينا وعلي مدوناتنا

روح ياشيخ ربنا يعمر بيتك هههههههههه

[واد حبيب]

هوه انت عمل عقد احتراف مع رفعت ولا ايه
بس حلقه جامده
ربنا يقدرك علي فعل الخير

[سندس]

هههههههههه انت مسخرة
اه والله بلا تعليم بلا بتاااع

[الملكة كيلوباترا]

هههههههههههههههههههه صفحات فى منتهى الجمال يامارشو
وانت قلبتها اكس فاكتور فى الآخر كدة ليه؟

[العاشق الذى لم يتب]

على راى وادحبيب
انت عامل عقد مع رفعت وكمان هادية
هادية دعتلك ربنايسترعليك
واناهدعيلك
ربنايسلط عليك المدام
وتعيش وتعمل جاسوس وتطلع المستخبى

[Stop Ana Eltop]

جامده الحلقه يامورشوو

تسلم بقن وبالتوفيق دايما

[جبل عالي]

ممممممممممممممم
طب وربناااا لسه بسأل هسميهم ايه ؟؟
روووووووح يا شييييييييييخ ربنااااااا يديك زيها بالضبط
اربعة هههههههههههههههه
ويتربوا في عزك يخوياااااا


ماشي ماشي ياحريقة انت

[رآقيہ بأخلاقـى]

منك لله يا شيخ
يصوتوا علينا ؟
هى نقصاك
الواحد ميعرفش يتنفس غير لما تكون فوق راسه
وبعدين الاغنيه بتاعت شيرين
انا سمعتها من شيرين معرفش بتاعتها بقى ولا بتاعت مين
شكراً يا عم على الدعاية اللى ببلاش دى
صوتوا عليا بقى واختارونى يا جماعه