4 أسباب تهدد فوز الزمالك بالدوري

[الفيلسـوف]

لاشك أن تصدر الفريق الأول لكرة القدم بنادى الزمالك لبطولة الدوري هذا الموسم أثلجت صدور كل محبى وعشاق الفانلة البيضاء بالرغم من المشاكل والأزمات التى مرت على الفريق منذ بداية الموسم ورحيل أكثر من مدير فنى عن الزمالك وفى هذا التقرير نستعرض أهم أعداء النجاح فى حصول الزمالك على لقب الدوري هذا الموسم :.

الأول : احساس المدير الفنى جوسفالدو فيريرا بأنه يحارب من كل الموجودين معه داخل الجهاز وعلى رأسهم اسماعيل يوسف مدير الكرة فضلاً عن رفضه التدخل الفنى لأى شخص داخل الجهاز الفنى المعاون الأمر الذى جعل فيريرا يرفض تواجد أى شخص من مدربى الزمالك السابقين داخل ملعب زامورا لمشاهدة ومتابعة تدريبات الفريق .

الثانى : أزمات رئيس النادى التى لم ولن تنتهى أبداًمع بعض لاعبى الفريق الأول وتدخلاته الفنية فى الفريق فضلاً عن انشغاله الدائم برئيس الأهلي وجماهيره والدخول فى مشاكل وأزمات لا جدوى منها قد تؤثر على سير الأبيض المتصدر قمة الدوري .

الثالث : احساس اللاعبين داخل الزمالك بأن الأهلي البطل دائماً ويعود من بعيد حتى لو كان متأخراً وهو ما فعله المارد الأحمر بعد أن كان الزمالك متصدراً وبفارق 14 نقطة فضلاً عن أن هناك احساس آخر وانطباع غريب لدى اللاعبين داخل ميت عقبة بأنهم لا يملكون كاريزما البطولات ولم يحققوا أى بطولات سابقة مع أنديتهم ونظراً لحداثة خبرتهم فى اللعب على البطولات .

الرابع : أما العدو الأخير فهو عدم جرأة المدير الفنى فى التعامل مع المباريات التى خاضها مع الفريق وعدم حديثه عن الفوز بالدوري أو ارسال العزيمة وروح البطولة للاعبين حيث تعمد فيريرا البرتغالي على الدخول فى مشاكل وأزمات لا حصر لها مع الخماسي رضا العزب وصالح موسى ويوسف أوباما ومحمد عبد المجيد ومحمد خليفة .

[აα∂ Ԑγεა]

4 اسباب تهدد فوز الزمالك بالدوري :
1 - الاعلام
2 - الاعلام
3 - الاعلام
4 - الحكام " في اسابيع الحسم ان شاء الله "

لما مدرب يدوبك درب مباراتين فقط مع الفريق منهم واحده فقط ف الدروي
ويتقال عدم جراءة المدير الفني في المباريات التي خاضها
وعدم حديثه عن الفوز بالدوري ودخوله في مشاكل لا حصر لها !
مع العلم انه " مباراتين " لا يرقوا لكلمة " مباريات "
ومع العلم انه صرح وقال كذا مرة انه هدفه هو الفوز بالدوري بلا شك !

اما عن دوري 2011 فخسارة الزمالك للدوري ليس لها اي علاقة بالكورة !
ولا حتي بعلم النفس ولا بالرياضيات ولا تخضع لاي منطق
الا منطق التحكيم المصري
وهناك ماتشات الجيش والمقاصة والمصري تشهد والاهلي وانبي كذلك


طبعا الكلام من موقع ضد الزمالك سبورت قصدي يورو سبورت

[الفيلسـوف]

لا المره دى من الكوره اون لاين هههههه
المره دى توقعاتك خابت اطلع بره يا محمود
تصدق انى بحب ردودك اوى وبستمتع لما اجيب حاجه للزمالك
ببقى مستنى ردك حبيبى يا حوده

[سارة بنت مصر]

الاعلام والتحكيم هما السبب فى فشل الزمالك

بس ان شاء الله الزمالك هيكسب الدورى

[აα∂ Ԑγεა]

اقتباس المشاركة الأصلية كتبت بواسطة ƧĀƉ_ĿŌ∀Ē لا المره دى من الكوره اون لاين هههههه المره دى توقعاتك خابت اطلع بره يا محمود تصدق انى بحب ردودك اوى وبستمتع لما اجيب حاجه للزمالك ببقى مستنى ردك حبيبى يا حوده

هههه يا راجل شككتني في نفسي حسستني اني ظلمتهم
4 أسباب تهدد فوز الزمالك بالدوري

اسلوب كتابتهم معروف زي توجهم بالظبط
كذلك اليوم الساقع معروفة طريقتهم واخبارهم ونوعها وشكلها
المواقع دي لو مجابتش سيرة الزمالك تموت
فلازم كل يوم ازمة من غير لازمة ومن غير واقع ولا اسباب
اكتر مواقع بتزيف الحقيقة وبتهاجم عمال علي بطال
حتي لو ملقيوش حاجة يهاجموها بيخترعوا زي كلامهم عن المدرب مثلا !

كويس انه في حد بيقرأ ردي الواحد كان اتعود علي انه يكلم نفسه ف القسم
تسلم يا محمود ربنا يخليك يارب

[الفيلسـوف]

اقتباس المشاركة الأصلية كتبت بواسطة აα∂ Ԑγεა هههه يا راجل شككتني في نفسي حسستني اني ظلمتهم :d 4 أسباب تهدد فوز الزمالك بالدوري اسلوب كتابتهم معروف زي توجهم بالظبط كذلك اليوم الساقع معروفة طريقتهم واخبارهم ونوعها وشكلها المواقع دي لو مجابتش سيرة الزمالك تموت فلازم كل يوم ازمة من غير لازمة ومن غير واقع ولا اسباب اكتر مواقع بتزيف الحقيقة وبتهاجم عمال علي بطال حتي لو ملقيوش حاجة يهاجموها بيخترعوا زي كلامهم عن المدرب مثلا ! كويس انه في حد بيقرأ ردي الواحد كان اتعود علي انه يكلم نفسه ف القسم تسلم يا محمود ربنا يخليك يارب

ههههههههه انته عايز ايه بالضبط طيب ايه رايك انا بحب اجيب اخبار الزمالك منهم
علشان نسلى القعده امال انا اجيبك ازاى
اما عن كون انى حد يقرا رايك بعيد عن المجامله والهزار ياحوده
الكل عارف انك شخص محترم ورايك بيكون بناء ع ادله وبراهين يعنى مش بتقول اى حاجه وخلاص وكون انى اقرا راى ليك ده طبعا علشان انته حبيبى بس اهمد ع حيلك وبطل تحط مصدر الخبر ههههههه وخليك فاكر انى بجد بحب دخلوك القسم ياغالى
ههههه ف مقال عاجبنى حجيبه ليك بعد شويه

[აα∂ Ԑγεა]

هههههه ماشي ياعم بتعملي مصيدة يعني بالاخبار علشان ادخل :d
ربنا يخليك يارب يا محمود تسلم يارب