الكل يدخل ويتكلم عن مواقف امتحاناته ؟؟؟؟؟؟؟

[sasow]

بصراحة بما اننا معظمنا خلص امتحانات ومفيش غير الثانوية العامة ربنا يوفقهم:SuN006::SuN006: بس انا نفسى كل اللى مر بواقف امتحانات كانت طريفة اوووو ههههه:cv11::cv11: انتو ا عارفين ماشى ياريت كلنا نتكلم فى الموضوع دة واللى حصله ويتكلم بصراحه وكمان اللى خلص دراسة يفكرنا ويفتكر اللى حصله:SuN038::SuN038: بتمنا الكل يشارك :cv9::cv9:

[شاعر الاقصى]

محدش رد ليه ليه بس انا مش هفيدك عارفه ليه

عشان لا اتذكرها ابدا ابدا

وشكرا لكي

شاعر الافصى ........ ولا اقولك رجعت في كلامي وهقولك موقف صعب وحطي نفسك مكانه

انا من الناس الي خطهم لم يقرأ إلا بمعجزه مع إني ولله الحمد شاعر فعلا

ماشي دخل عليه في الإمتحانات في مادة الرياضيات المدرس المراقب العام في المنصوره بلدي

وقلي من إلي هيتهبل ويقرأ خطك ده انا عملت إيه مع إنه قالي والله العظيم بجد حلك كله صح بنسة %90

بس المصحح مش هيدقق المهم انا سبت اللجنه وروحت ومش مهم الباقي عشان مؤلم وشكرا

عشان قربت أبكي فعلا سلام

[الفهد عمرو]

عندما يتحدث شخص بـ قيمة ومكانة " sasow " فـ تأكدوا وان الكثيرين سوف يستمعون إليه ويتأثرون بـ ما يقول .. بـ طريقه او بـ اخرى

يريت اى عضو فى كلية الهندسة يقولى اية اصعب شئ فى الأمتحانات

[Eng lola hamdy]

انا لما كنت فى الصف الثالث الاعدادى كان امتحان الهندسة صعب جدا وانا قاعدة ابكى علشان فى برهان مكنتش عارفة احله وابص للواحدة وهى باردة خالص ولا فى دماغها المهم جبته قبل ما يلموا الورق وربنا ميحطنيش فى الموقف ده تانى

[shr0o0k]

اولا شكرا علي الموضوع

انا الموقف الي اتحطيت فيه في الامتحنات

هو كان اول يوم امتحنات

وانا كنت خايفه جدا ومرتبكه

ولما جيت اكتب اسمي علي ورقه الاجابه

كتبته غلط

لولا المدرسه الي بيراقب علينا بيبص علي الاسم قبل مايمضي

وياخد الورق مكنتش اخذت درجات الماده ديه اصلا وكنت صقت فيها بعد الشر

الحمد لله نجحت

[محمد الشريف]

أذكر فى امتحاناتى الجامعية بينما كنت أؤدى امتحان إحدى المواد التى كنت متفوفا فيها

أن لاحظت حالة الوجوم والصمت على غالبة اللجنة وكا ن المراقيبن متشددين للغاية فى

ضبط الجنة وتحذيراتهم الشفهية تلاحق من يحاول الهمهمة أو النظر دون ورقة إجابته

وتصادف حدوث مشكلة باللجنة حيث أغمى على أكثر من طالبة فى آن واحد فاستغل

الكثير الموقف وبدأو ا يتحاورون فى محاولة لمساعدة بعضهم البعض وبدأ طالب بذكر

لهم بعض المعلومات المغلوطة الخاطئة والجميع يسمع ويكتب ما يمليه عليهم ، وفوجئت

بنفسى بلا شعور وبلا وعى أرفع صوتى عاليا لأقول لمن حولى :

غلط أوعى حد يكتب ده !!!!!!!!!!!!!!!!!!! وهنا فوجئت بالملاحظين وبعض المعيدين يتوجهون

نحوى وكل منهم يحاول سحب ورقة الإجابة ومنهم من هم بإتخاذ إجراءت ضدى وفى وسط

هذا الجو المشحون بالتوتر حضر دكتور المادة التى كنت امنحن فيها وأمسك بكراسة إجابتى

واطلع عليها وزجرنى ببعض الكلمات واكتفى بنقلى من مكانى وأجلسنى فى مدخل اللجنة فى

مواجهة مقاعد لجنة النظام باللجنة وظل يتردد نحوى كلما توجه لتفقد النظام داخل اللجنة

ويلاحظ إجاباتى ويبدو على وجهه الرضا .

والحمد لله مر اليوم بسلام وحصلت على تقدير فى هذه المادة عند ظهور النتيجة والحمد لله

[نونا الشعنونه]

اوك انا هقولكوا موقف بس ماحدش يضحك عليا
هههههههههههههههه
الكلام ده السنه دى و انا فى تالته ثانوى كنت فى امتحان العربى فجلنا شعر حديث فمكتوب عمودين (ا) و (ب) و المفروض انه بيتقرأ بالطول مش بالعرض يعنى مش ابيات
الحمدلله و بلا فخر كل اللجنه قرأته بالعرض و حلينا و طبعا ما كناش فهمين حاجه
ههههههههههههههه
بس الحمد لله عرفت قبل ما اللجنه تخلص

[yumna]

في اول يوم من الإمتحانات كان عندي فيزياء ،،المهم الفيزياء مليانة قوانين من اولها لآخرها المهم كان في قانون رخم و طويل المهم مقدرتش احفظة رحت كتبته على الآلة الحاسبة من وراء و في اول يوم و لأول مرة في تفتيش على الطاولات و الأقلام و الآلات الحاسبة هههههههههههه اول مرة تحصل الحكاية دي المهم جات الأبلة المقرفة الي بتفتش مسكت الآلة بتاعتي طبعا شافت الي كاتباه راحت ايه مسحته و حطيتلي الآلة الحاسبة تاني على الطاولة ،، انا بقى كنت خايفة لييجي القانون ده في الإمتحان و فضلت احل و خايفة افتح الورقة الي بعديها الاقي مساله عن القانون ده بس الحمد لله الامتحان عدا و مجاش القانون هييييه بقيت فرحانة و الي مدايقني بقى ان باقي الإمتحانات مكانش في تفتيش و انا مش من النوع الغشاش يعني بس القانون الرخم ده ،،، بس فضيحة طبعا ،،،، تحيــــاتي ،،

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxx

[sasow]

اقتباس المشاركة الأصلية كتبت بواسطة شاعر الاقصى محدش رد ليه ليه بس انا مش هفيدك عارفه ليه عشان لا اتذكرها ابدا ابدا وشكرا لكي شاعر الافصى ........ ولا اقولك رجعت في كلامي وهقولك موقف صعب وحطي نفسك مكانه انا من الناس الي خطهم لم يقرأ إلا بمعجزه مع إني ولله الحمد شاعر فعلا ماشي دخل عليه في الإمتحانات في مادة الرياضيات المدرس المراقب العام في المنصوره بلدي وقلي من إلي هيتهبل ويقرأ خطك ده انا عملت إيه مع إنه قالي والله العظيم بجد حلك كله صح بنسة %90 بس المصحح مش هيدقق المهم انا سبت اللجنه وروحت ومش مهم الباقي عشان مؤلم وشكرا عشان قربت أبكي فعلا سلام

وتبكى لية ماكلنا مرت علينا حاجات اكتر من كدة بس والله مضحكة جدا وشكرا لمرورك والردك المشرف ياشاعر الاقصى

[sasow]

اقتباس المشاركة الأصلية كتبت بواسطة الفهد عمرو عندما يتحدث شخص بـ قيمة ومكانة " sasow " فـ تأكدوا وان الكثيرين سوف يستمعون إليه ويتأثرون بـ ما يقول .. بـ طريقه او بـ اخرى يريت اى عضو فى كلية الهندسة يقولى اية اصعب شئ فى الأمتحانات

يااااااااااااا ربنا يخليك دة كتير عليا بس انت لية ماتكلمتش وقلت اية اهم مواقف حياتك فى الامتحانات