بتكدب ليه...؟

[عماد الدين زنكي]

بتكدب ليه...؟
د عمر الكدب ميوصل لبر امان
و انا صدقت كدب كتير
كما صدقت ان الخير
حيرجع يغمر الشطآن
الووو يا مصر...
يا حكومة....الو يا ناس
مجاش الخير
وكل حاجة في زيادة
وعود كدابة كالعادة
و انا المطحون انا الغلبان
انا الندمان
انا اللي نزلت في الثورة
وانا اللي هتفت في الميدان
عيش حريةوعدالة
مجاش العيش
وانا المسجون بامر الباشا
والحالة كما القطران
بقول..
يارتني مديته لقب مخلوع
ويا رتني قفلت كتابي ع الموضوع
وعشت خروف مع القطعان
يا ريت يا زمان
تعود تاني
تموت فيا ايماني
باني في يوم اكون انسان

[أنين الليل]

عمرك ما هتعيش انسان
غير لما تكون فعلا من جواك انسان
ودا واقع ومع الاسف مطرين نقبله
كلمات جميله

[السفيره عزيزه]

بيكدب ليه. لان فى ناااس بتصدق كدبة
والناس دى عرفة ومتأكده انها لعبة كبيرة
وفيها اطراف لعيبة..
وجابو لمصر خيبة على خيبه
وربيعها خلاص من القهر بقى شيبة
ومن فتنة لقتل لحبس وحرب الدين دى مصيبة
وحسبنا الله ونعم الوكيل ..نقولها والله المستعان

سلمت ودمت بكل الخير
السفيرة

[كريم*]

بستغربك هنا عماد
الدنيا فيها الخير والشر
صح الكدابين كتار
وصح ربنا قال وما اكثر الناس ولو حرصت بمؤمنين
بس ده مش معناه نيأس
ونقول ياريتنا عشنا قطيع مع الخرفان
الثورة مستمره والخير موجود وان ندر
وبيوم هننتصر
احسنوا الظن بالله اخى
كل الشكر

[عماد الدين زنكي]

أنين الليل..
لا غفر الله لمن قتل الانسان فينا
جزاك الله خيرا اخي الكريم
دمت بكل الخير