غيرتك غبية يافلانة

[™Amiliya]

مساء الخيرات ع الجميع

من فترة دار حوار بيني وبين احدى الصديقات المقربات لي وتطرقنا في الكلام عن غيرة البنات من بعض
والغيرة الي بتتحول لكره احيانا وحقد وحسد والعياذ بالله

وطبعا كلنا عارفين محدش مش بيحس ان عندو نقص في حاجة معينة محدش يعرفها غيرو وهو الوحيد الي يقدر يتخلص منها او تستمر معاه

لكن لما تكون بنت زي زيها وتمارس اساليب وحشة في طريقة كلام او كلام عن الاخريات في غيابهم
مع بنات وشباب ومش راحمة نفسها من الغليان الي جواها

هنا نقف نقول في ايه ؟

ايه الي بيحصل دا؟

والغريب لما تكون اصلا البنت دي متعرفكش ولا اتعاملت معاك وتقوم تغير وتنفسن من اي حد هي بس الي شايفة انها احسن منها او غيرها او اي حاجة


بس لما البنت تغير من حب الناس لبنت زيها ( هنا بقا المصيبة)

لما نحسد الناس ع حب الناس ليهم وكلامهم عنهم ويبان في كلامنا اننا بنحترمهم وبنحبهم
وتلاقي الطرف التاني مولع وهيطق ونفسو يدعي ع حد بالموت عشان يرتاح منه

فين رقي الاخلاق هنا؟ ولا احنا بنردد شعارات وخلاص اننا بنحب الخير للكل وبنتمنى للكل السعادة

انا اتاكدت ان مفيش بنت بتحب الخير لبنت زيها خاصة لما تكون البنت دي اصلا ناقصة وعندها تشوهات كتير في حياتها وعايزة تكون احسن وكويسة بس نفسنتها بتخليها بشعة

وبتتعب اوي في التمثيل انها انسانة حلوة من جوا وهي استغفر الله

الي محزني لما يكون في المنتدى شخصيات كدا لا اتعاملت معاها ولا اعرفها وتكون بالشكل البشع دا

ويوصلني واتاكد اني مكروهة من ناس معينة لمجرد لاشيء

اكرهيني ومالو عادي جدا نكره اصل الحب من الله يافلانة

ولو ربنا حرمك من نعمة الحب دي فدي مشكلتك لنواياكي القبيحة
مش مشكلتي بس بلاش النفسنة توصل اننا نجيب سيرة الناس ونحاول بغبائنا المتناهي اننا نفتكرهم يشبهونا

من الاخلاق المحمدية انك تحب لاخيك ماتحب لنفسك

مش شعار دا سلوك بنتربى عليه وطالما هو مش عندك فعيدي حسابات اسرتك في تربيتك

/

بشكرك يافلانة من الناس انك اثبتيلي ان الاسماء المستعارة مجرد شعار لايليق الا ع الكاذبين والمتسترين

طبعا ( الا من رحم ربي) الي تتحط تاج ع الراس
/

اعتذر عن الفضفضة المقصودة

لكن لكل بنت نقية خلي بالك مش بالاسماء الجميلة الي معناها لزيز

تكون وراها شخصيات كويسة

[.Lamar]

المنتدى حبيبتى ما هو الا مجتمع مصغر

فيه الحلو و فيه الوحش

و التجربة بتعلمنا ازاى نختار و نتعلم ان غلطنا فى الاختيار

ان حصل حاجة ضايقتك زى ما وصفتى

احتسبى الامر لله

و اتاكدى ان مهما اتحطت اقنعة على الوجوه لازم توقع فى يوم

و زى ما هتلاقى دولى هتلاقى اللى بيحبك فى الله بجد

ربى يحفظك ايمى و يبعد عنك كل شر

[™Amiliya]

اقتباس المشاركة الأصلية كتبت بواسطة لمار* المنتدى حبيبتى ما هو الا مجتمع مصغر فيه الحلو و فيه الوحش و التجربة بتعلمنا ازاى نختار و نتعلم ان غلطنا فى الاختيار ان حصل حاجة ضايقتك زى ما وصفتى احتسبى الامر لله و اتاكدى ان مهما اتحطت اقنعة على الوجوه لازم توقع فى يوم و زى ما هتلاقى دولى هتلاقى اللى بيحبك فى الله بجد ربى يحفظك ايمى و يبعد عنك كل شر

والله يالمار المنتدى او اي موقع تواصل فيه ارواح جميلة ونقية حتى لو مش اتقابلنا بس يكفينا اننا بنتعامل باحترام
فيها ايه لو اتعاملت كدا طالما معرفش فلانة او فلان
فيها ايه لو بقينا نظاف من جوا حتى لو من ورا الشاشة

هو صعب اوي اني اتعامل مع الناس في غيبتها باادب واحترام

مش فاهمة حقيقي

بس الحمدلله ع قد ماواحد مثلا بيكره في الف بيحبو

ودا كفاية

بس الي يحزنك انه عيب بنت تعمل كدا

[ايمان طلعت]

المكان هنا زى اي مكان
فيه الكويس وفيه الوحش
عندك حق في غضبك
ان واحدة متعرفكيش وتكرهك
طيب بتكرهك بناءً عن ايه
غلط ان حد يحكم علي حد بدون ما يعرفه
وطبعا محدش هيصلح نفوس حد
فالابتعاد عنهم غنيمه
وانتي ايمي من الناس المحبوبه هنا
فلا تعيري اهتمام بها
تحياتي

[™Amiliya]

اقتباس المشاركة الأصلية كتبت بواسطة ايمان طلعت المكان هنا زى اي مكان فيه الكويس وفيه الوحش عندك حق في غضبك ان واحدة متعرفكيش وتكرهك طيب بتكرهك بناءً عن ايه غلط ان حد يحكم علي حد بدون ما يعرفه وطبعا محدش هيصلح نفوس حد فالابتعاد عنهم غنيمه وانتي ايمي من الناس المحبوبه هنا فلا تعيري اهتمام بها تحياتي

هو دا ياايمو الي بنقولو لما يحصل موقف حد موقف واكره عندك اسبابك لكن من عندك لعندك
وتتكلم مع صحابي كمان كدا كتير بجد

يخليكي حببتي وانتي اكتر حبا والله ياايمو

[phalsteen]

مين قال انه مفيش سبب ايما
هو الحقد مش سبب كافي
القلوب مش زي بعضها حببتي
مش معني ان قلبك ابيض
هتشوفي الكل زيك
في ناس قلوبها مريضه بالكره
بينعكس كل دا علي اخلاقها
وطريقه تعاملها مع اللي حواليها
دع الخلق للخالق
متزعليش نفسك
انتي انقي

[رآقيہ بأخلاقـى]

تعرف فلان اه .. عشرته ؟ .. لا
تبقى متعرفوش دى مقوله مشهورة جداً
وكمان فى مثل بيقول
العين متغيرش الا من اللى احسن منها
واللى هيحقد اكيد غل
انما اللى بيكره ممكن يكون له اسبابه
بس اصلاً الكره ده حاجة مش كويسه
ربنا يهدى الجميع .. ويشفى المرضى
لان اللى زى كدة بيكون شخص مريض

[™Amiliya]

اقتباس المشاركة الأصلية كتبت بواسطة nefertiti مين قال انه مفيش سبب ايما هو الحقد مش سبب كافي القلوب مش زي بعضها حببتي مش معني ان قلبك ابيض هتشوفي الكل زيك في ناس قلوبها مريضه بالكره بينعكس كل دا علي اخلاقها وطريقه تعاملها مع اللي حواليها دع الخلق للخالق متزعليش نفسك انتي انقي

فعلا معاكي حق سيما

حببتي انتي انقى والله

[™Amiliya]

اقتباس المشاركة الأصلية كتبت بواسطة رآقيہ بأخلَآقـى تعرف فلان اه .. عشرته ؟ .. لا تبقى متعرفوش دى مقوله مشهورة جداً وكمان فى مثل بيقول العين متغيرش الا من اللى احسن منها واللى هيحقد اكيد غل انما اللى بيكره ممكن يكون له اسبابه بس اصلاً الكره ده حاجة مش كويسه ربنا يهدى الجميع .. ويشفى المرضى لان اللى زى كدة بيكون شخص مريض

فعلا بس ايه الاسباب الي تخلي حد متعاملتش معاه تدايق منه كدا
بس فعلا ربنا يهدي
منوراني حببتي

[SaMa.]

هي الغيرة ديما بتخلي الشكل وحش والقلب اوحش
يعني موش هتضر غير الل عايشها
فياريت الل بيغير كفايه يغيير
بلاش كمان كمان يبقا. معندوش ضمير