مـــش عوايــــدك

[شاعر الحب الحزين]

هما قلبي مش رايدهم بس إنتي قلبي رايدك

لو يتغيروا على نفسهم ميهمنيش حد من بعدك

بعاتبك عشان بحبك متستغربيش إني بعاتبك لوحدك

هما ميهمنيش أمرهم إنتي تهميني يا قمري بحبك وأودك

فين الضحكة يا عسل فين الرقة والخجل لا بجد مش عوايدك

نندهلك ما تسمعيش نكلمك ما ترديش تخلفي معانا ونواعدك

أنا حر اجرحهم وازعلهم انتي مالك ومالهم هو أنا جيت عندك ؟

متعرفيش حاجة عنهم طب ليه بيهمك أمرهم إيه اللي مني واخدك

اه خايفة عليا يعني يعني الوش الخشب مش معني ومكنش قصدك

طب قولي كده من بدري ده كان فاضل شوية وكنت من شعرك هشدك

إحنا اتنين محدش تالتنا ولا حد منهم يقدر يخالفنا إنه يعاندني أو يعاندك

بس حلوة وإنتي زعلانة وعاجباني بجد للأمانة قمر وإنتي مش في عوايدك

ف كل الحالات عاجباني إنتي ومش حد تاني وبتعجبيني اكتر ف هجرك وصدك



شــــــــــــــــــــــــــــــ . حــــــــــــــــــــــــــــــــ

[أنين الليل]

شاعر الاحساس
جميله حروفك
الله يعزك يارب

[العاشق الذى لم يتب]

انت غرقان لشوشتك
علشانهابعت الناس كلها
وقلبك مش رايدهم
يريدهم ليه
مدام هى اللى فيه
جميل
خلودة
تسلم الايادى

[.Lamar]

دايما لما نحب
بتبقى الدنيا فى كفة و اللى بنحبه كفة
المشاعر بتخلينا نعامله معاملة غير كل البشر

كلمات جميلة اخى
شكرا ليك

[متفائله ف زمن اليأس]

شاعر الحب الحزين

[السفيره عزيزه]

رسالة واضحة لست البنات
بتوضح فيها وبلاش سكات
ايوة وضح وما خلاص بئه الفات
وماهى عجباك فى كل الحالات
ومش عويدها شكلك بيتهيئ لك
سعاات
ما هى جميلة اهه وشربتات
........
كنت هتشدها من شعرها
مش عويدك ايه ال حصل
دمت بخير يارب
السفيرة

[شاعر الحب الحزين]

اقتباس المشاركة الأصلية كتبت بواسطة أنين الليل شاعر الاحساس جميله حروفك الله يعزك يارب

الأجمل وجودك يا آية

تسلمي غالية ربنا يكرم أصلك

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب انت غرقان لشوشتك علشانهابعت الناس كلها وقلبك مش رايدهم يريدهم ليه مدام هى اللى فيه جميل خلودة تسلم الايادى

غرقان وقدامي بر الأمان يا رفعت

تسلم يا جميل نورتني واسعدني

ردك يا غالي منور المكان رفعت

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة لمار* دايما لما نحب بتبقى الدنيا فى كفة و اللى بنحبه كفة المشاعر بتخلينا نعامله معاملة غير كل البشر كلمات جميلة اخى شكرا ليك

ده بيبقى في القلب ليه معزة خاصة

تسلمي الراقية لمار

لمرورك وتفاعلك الجميل دايما

نورتيني واسعدني حضورك وردك الرائع

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة متفائله ف زمن اليأس شاعر الحب الحزين

أشكرك صاحبة الإسم الرائع

سلمتي لحضور كاسمك يحمل التفائل

أسعدني تواجدك بين سطوري القليلة

ربي يوفقك ويسعدك