حلفت

[دمعه حائره]

وحلفت أكون مرايتك تشوف فيها أخلاقك

وتكشفك قدام حقيقتك..

أرضك اللى هاتحصد منها اللى زرعته

وأيامك اللى كل ما تهرب منها تلاقيها بتسابقك

بطلت أبقا غبيه ومش هاسمحلك تانى تستقل بيا

ولو كانت القسوة عندك مزاج

هاخلى إهمالك عندى غِيه

لازم تفوق وتفهم إنك كل يوم بتخسر

وعشان تحاول تكسرنى عمرك ماهاتقدر

لاهابكى عليك ولاعلى ايامك هاتحسر

وأجرى وراك ولا أستناك... !!

كان غيرك أشطر

بتبيع الغالى وتشترى الرخيص؟

بكره يبيعك ببلاش وهاتبقا انت الضحيه

فاكر نفسك إيه هاتدوس عليا وأستحمل؟

تجرح وتقسي وأرضى وأقبل...!!

كان زمان كلمة آه تقولها تهزنى

ولاكنت أقدرعلى غيابك ده كان بيهدنى

خليتك أستاذى وأتعلمت منك كل حاجه

ولدموعى وأحزانى ما بقتش خلاص محتاجه

هاشيلك من دماغى وأحط بدالك حاجه مفيدة

ولاأقول عليك أنانى ولاتقولي يا عنيدة

هاتخليك فـ حالك وهابقا عنك بعيدة

دى الدنيا مش مستاهله ولاطالبة تعقيدة

دمعه حائره
mena_hassan

7-6-2015

[حـيـــــآة ❤]

يروقني فكرك وكلامك الملئ بالثأر
كلماتك رائعه استاذه منه
سلمتي ودام قلبك بالخير ينبض

[أنين الليل]

الايام بتعلم الواحد والشاطر بقى الايتعلم
كلمات جميله منك منه

[دمعه حائره]

اقتباس المشاركة الأصلية كتبت بواسطة ♥حيآة آلروح♥ يروقني فكرك وكلامك الملئ بالثأر كلماتك رائعه استاذه منه سلمتي ودام قلبك بالخير ينبض

تسلمى اختى نورتينى واسعدنى تواجدك

[دمعه حائره]

اقتباس المشاركة الأصلية كتبت بواسطة أنين الليل الايام بتعلم الواحد والشاطر بقى الايتعلم كلمات جميله منك منه

اكيد طول ما احنا عايشين بنتعلم
تسلمى على تواجدك نورتى

[big bốss]

ما يفعله حسن او سىء سيجد مرأه تترجم افعاله

بحلوها و مرها

هنا سطرة امراه قويه بكبرياءها الثأر لها

جميله ما كتبتى منه

منوره

[دمعه حائره]

اقتباس المشاركة الأصلية كتبت بواسطة big bốss ما يفعله حسن او سىء سيجد مرأه تترجم افعاله بحلوها و مرها هنا سطرة امراه قويه بكبرياءها الثأر لها جميله ما كتبتى منه منوره

ايوة بقا قويه وبنعرف نزعق اهو
تسلم نورردك صح جدا
نورتنى

[big bốss]

اقتباس المشاركة الأصلية كتبت بواسطة دمعه حائره ايوة بقا قويه وبنعرف نزعق اهو تسلم نورردك صح جدا نورتنى

دا مش بتزعقى بس

شكلك حلفتى طلاق بالتلاته

علشان اسم القصيده حلفت

[دمعه حائره]

اقتباس المشاركة الأصلية كتبت بواسطة big bốss دا مش بتزعقى بس شكلك حلفتى طلاق بالتلاته علشان اسم القصيده حلفت

هههه لا ده اسلوب تهديد ووعيد وانت عارفنا بنكلم وخلاص

[قـطر الندى]

ما أجمل أن نستطيع ان نترك ونتخلى عن انسان كنا به نتمسك ولانستطيع له فراقا حتى وهو يجد اشد العقوبات سواءا ببعده او بعدم تقديره او يستغل منكي طيبة القلب اني احييك وكل من يقدر على ان يصمد امام قسم قطعه على نفسه
لكي يحمي كرامة لن يطولها عابث ولا قيمة الشخص الذي كان يملك
فأجعليه يتحسر على ماض لن يعود يقبل له كفيه
دمتي أختي بكل خير ومشكورة على هاته العبارات الجميلة
سلامي لكي قطر الندى تحييك
وبخصوص طلبك انا موافقة عليه لكن حتى اكمل عدد المشاركات المطلوب
لاتواصل معكي