فين العداله ؟؟؟؟

[Lamees]

هي العدالة الاجتماعية هتكون بالتعليم
طيب انا اعرف قاضي كان فاشل ثانوية عامة
ودخل حقوق ودفع عشان يكون قاضي
يعني المدرس اللي مش واخد امتيازات احسن منه
يبقى فين العدالة

[۩۩ elMagic ۩۩]

بلد ماشيه بالواسطه والمحسوبيه عايز منها ايه غير كده ؟!
لو كان فيه مساواه ف المعامله اكيد كانت الامور هتبقى افضل
ماهو الشباب مش بيبقوا عايزين يهجوا من فراغ
ربنا يهدي الاحوال

[(طائر الشرق)]

العدالة في السماء عند من وضع قوانينها

ولكن على الأرض جشع وطمع وبشر بلا

ضمير أو مجرد تفكير في يوم نقف فيه أمام الله

المهم أن نحيا اليوم وغدآ لها الف حل

نورت يا زميل

[Dr. AnOosHo]

هو انا في عندي رايي جزء منه مؤيد ليك وجزء مخالف
الراي المخالف نبدا بيه الاول
هو في كل الدنيا لازم في اختلاف درجات وظيفيه وبالتالي في المرتبات والامتيازات
بمعنى اان في كل الدنيا كبير البلد الرئيس له مرتب خرافي وله مميزات غير اي حد
بينزلوا وراها بقى كل بوزيشن معين له المرتب وله الامتيازات
ماينفعش انا اعادل بين لوا وعسكري
اللوا فترة خدمته اكبر عدى اكيد على مرحله العسكري وكان مرتبه قليل وشويه شويه كبر
وده مش في مصر بس

ومش بس على فكرة الظابط ولا الرتبه ولا القاضي ولا ولا

مدير البنك له مرتب والموظفين درجات لهم مرتبات مختلفه ده لو على مستوى العمل الواحد
لو على مجالات مختلفه ساعات تروح عند بلد تلاقي المدرس مبجل جدا واعلى مرتبات واعلى اهتمام ووو وتلاقي الدكتور بعده
مع ان الدكتور بقى لو حنقيس هو اللي ذاكر اكتر واجتهد اكتر
الفروقات دي بتعتمد على حسب احتياج البلد للوظيفه دي

في بلد ودي حقيقه عندهم الجرافيك ديزاينر بياخد الوفات وتبص للمهندس تلاقيه بياخد مرتب اقل بكتير جدا مقارنه بيه
على حسب زي ماقولت البلد دي محتاجه اكتر لانهي career وعندها عجز فين اكتر
فهي مش بتتقاس زي ما انت قولت
.. وطبعا ده راي يحتمل الصواب ويحتمل الخطأ ..

الراي المؤيد
ان الكل يتمنى ان كل الشعب يبقى مرتاح ومعاه اللي يكفيه وممكن يكون في طريقه انهم يزودوا شويه المميزات او الرواتب للوظايف الضعيفه بحيث تتماشى مع ظروف الغلى في البلد ويكون مرتب الشخص اللي في البوزيشن اللاكبر غير مبالغ فيه


موضوع مميز جدااااا