عفوا الادارة لا تصلح / مطلوب تغير الطاقم الاداري

[خارج عن القانون]

يا استوب
انتى حولتى المشكله الى اننا عايزين الماجيك ولا لا
وهى المشكله مش كده اصلا

انا فى اول رد ليا قايل وبالحرف

اقتباس المشكله الاساسية هى عدم وجود اعضاء جدد وديه مشكله فنيه تقنية بحتة ايوه انا مش مقتنع بالاداره بس برضو مش مقتنع ان الحل فى شخص عادى لابد ان تجدو شخص ادارى فاهم فى المشكله ديه واساليب حله مع محركات البحث

يعنى بقاء الطاقم الادارى او تغييره (بما فيهم الماجيك وساحر)
مش هيحل المشكله

بس بما ان الطاقم شايف اللى بيحصل وساكت او مش عارف يعمل حاجه
فيجى يقعد جمب باقى الاعضاء
ايه الاستفاده من وجودهم كاداره ؟؟؟؟؟؟
هل مطلوب انهم يفضلو كمنصب شرفي مثلا ؟؟؟؟؟

[phalsteen]

الي حد كبير راضيه عن التفاعل جوه التوبيك
هتابع الردود اللي مكملتهاش
وهقول رأيي
لانه اكيد مش هيقف ع كدة

[morshooo]

اقتباس المشاركة الأصلية كتبت بواسطة stop ana eltop انا مقللتش من حد منهم كلهم له تاريخ كويس والا مكنوش مسكوها بس لما منه جات تمشى عشان ظروفها كتير مننا اقترح عليها تفضل حتى لو هتدخل وقت قليل بس تفضل افكار للاداره نزلت مشرفين مابيدخلوش لفترة طويله رقت مشرفين عملت المتحدث عن الاعضاء :d ثم انه كان فيه فترة امتحانات فاتت سيبك من الاداره انت اخر مسابقه عملتها عشان تتمسك بزوار اليوميات كانت امتى اخر مسابقه اتعملت فى المنتدى كانت مسابقة الهندليب الاسمر ومن بعدها مفيش نشاط لاى مشرف اصل لو انت زعلان انه وجود الاداره من عدمها مابيفرقش دا عشان كله واقف لو فيه مسابقات كبيره هتتعمل والاداره ماوفقتش ومركبتش بنرات ومحظرتش اعضاء ومضافتش مشاركات واوسمه ولسه كل واحد قايم بدوره مشرفين واعضاء كنت هتلاقى فعلا فيه ازمه بس عشان كل واقف فمحدش حاسس بوجود الاداره من عدمها

انا كمشرف قسم مش مطلوب منى انى انشط المنتدى
او انا كعضو مش مطلوب منى انى انشط المنتدى
لكن الادارى مطلوب منه انه يعمل دا ويشوف حل
امال هو أدارى بناء على ايه عيب الادرة الحاليه ان فكرتهم
عن الادارى غلط اساسا فكرتهم عنه ان دورهم هو تركيب بنرات والشكاوى
ويقولك فى مراقبين وفى مشرفين ودا غلط .
وانا مع عكاشه لو معندهمش حل للحكيه دى يبقى يقعدو جنب الاعضاء فعلا
وعادى يدخولو كل شهر والا اتنين مره عادى مفيش مشكله
لكن اقولك حاجا ممكن حد فيهم يرد يقولك
احنا هنشوف وهنحاول وكلنا بشر يا جماعه وعندنا ظروف
وانتو شايفين المنتدى عامل ازاى وياريت كلنا نتعاون ونشتغل وكلام
لو رجعتى 4 والا 5 شهور هتلاقيهم قالوه قبل كدا ^_6
فدا بيقول ان مفيش فعلا افكار تتقدم .
بخصوص البنرات شوفى حلقه ( دمعه ) اجدد عضو البنر اتعلق بعد الحلقه
باسبوع او اكتر ..

[phalsteen]

الاراء اللي بتميل لعدم الواقعيه
وسايبه المشكله حفاظا علي الزعل
ولسه بتمارس الطبطبه
انا اسفه مش هعلق
ولا كمان الناس اللي دخلت في فرعيات مالهاش اي مكان هنا ولا مجال

انت لما تحب تصلح او تعالج هتروح للاساس
يعني الناس اللي عابت ع الاشراف او المراقبه
انت عاوز ايه من اساس مسوس
دا شئ طبيعي طالما مفيش ادارة
المشرف هيعمل ايه

انا اهو واحدة من الطاقم الاشرافي بقولكم ان شوفت ستين مشكله خلال وجود الادارة
اللي بانت مهزورة بلاش فاشله عشان زعلت ناس
فمابالكوا وهما مش موجودين

انا ايه صلاحياتي خلال تخصص اقسامي
دنا لو عملت بنر محدش هيركبه
لو طلبت حظر عضو مش هلاقي ادارة تتدخل
ولا عملت تكريم مش هيتنفذ
هههههههههههههههههههههههه
وتقوليلي مشرف

ومع ذلك انا معنديش مشاكل نغير الطاقم كله الادارة اولا
وبعدين كل اللي الطاقم بئه

ليا عودة ع كلام محمود كامل
اللي بشكرة ع تلبيه الدعوة للمتابعه

[phalsteen]

اقتباس المشاركة الأصلية كتبت بواسطة mahmoud kamel خلينـا نتكلم بصراحة بشكل اكبر . كلام خارج عن القانون جزء كبير فعلا من المشكلة هي فنية بحته بس مش هى اللي هتقوم بكامل النشاط اللي انت متخيله ودا حصل في اوائل 2013 ودا بسبب حاجات اسمها search engine updates يطول شرحها وكلام reda galal فعلا هو الجزء اللي بيكمل السبب الاول وهى ثورة السوشيال ميديا زي فيس بوك , تويتر , بينتريست , نت لوج ,, وغيرة كتير هنتكلم في مجموع اعداد المستخدمين العرب بالملايين لـ لتحويلهم علي السوشيال ميديا " مواقع التواصل الاجتماعى " المنتديات كانت مجرد جزء من وظيفة السوشيال ميديا الموجوده حاليا وكله اتنقل لها لاسباب كتيرة جدا وانتشارها بقى اوسع .. ودا مثال علي منتديات كبيرة جدا أكبر مننا في تخصصاتها زي ياهو مكتوب وتم اغلاقة لنفس الاسباب زيدو عليهم جوجل ابديت لوغريتم ودى محتاجة وقت كبير جدا فعلا لحلها انا فعلا وجودى ع السوشيال ميديا أكبر لان ده عملى الوظيفى حاليا كـ digital marketer عاما في السوشيال ميديا او طرق عمل السيرش اينجن لعدة صحف اخبارية فـ كلام مورشو لو كان بيخصنى في النقطة دي فـ هو صح فعلا بس دا بدافع عملى الوظيفى انا المكان دا بنيته وتعبت فيه اكتر من اي شخص من بداية تقسيم ونشاطه من 2008 لـ منتصف 2009 اللي حبيت ان ناس من الاعضاء هى اللي تكون ادارية ويكون في تفاهم أكبر بعكس المنتديات التانيه الي كانت بتجيب اداريين مش من قلب الاعضاء ودا اللي كان بيميزنا ان الاداره تكون من قلب الاعضاء وانهم يكتسبو الخبره في المشوار دا لانهم هيخافو علي المكان اكتر منى فـ وجود التوبيك دا يخليني مش ارضي كل اللي فات دا يروح و على فكرة الاداريين الموجودين مش هما سبب في بدايه انهيار المنتدى الاسباب اللي ذكرتها فوق هى الاسباب الرئيسية مش حاجه تاني هما بيتعبو وبيشتغلو كويس لكن الاسباب اللي فوق اقوى منهم ومن اي شخص تانى في نفس مكانه .. تغيير الطاقم الادارى مش هيعمل شئ وتداول الادارة ما بين اعضاء المنتدى هيفضل مستمر لكن متحكموش علي الطاقم الموجود حاليا بالفشل لانه مش بايده حاجه و هيتم رسم خطه هيتم تطبيقها باذن الله خلال شهر رمضان وهتستمر لمده شهرين لتنشيط المنتدى وحل اول سبب .. لكن السبب التانى صعب جدا حله لانه أمر واقع .

تعليقا علي اخر جزئيه
مش هما السبب الوحيد
بس السبب الواضح لينا
بعيدا عن اي حوارات فنيه معقده احنا عارفين طبيعه عملك
ووجودك النادر هنا
بس لو هنكلم عن وجود المنتدي اساسا يبقي اكيد انت اكتر حد يهمك
وافتكر برضو يا محمود انت لاحظت بسببك التسيب والاهمال الاداري
اللي خلاك تتدخل في اغلب الخلافات اللي فاتت
يعني لو في ادارة قوية مكنتش الدنيا باظت لولا دخولك
ويمكن دا الغرض
اننا نلاقي اداري بالفعل
مش مجرد لون ولا حد سلبي وحد فرحان باللون وبنفسه


واتمني الخطه اللي بتقول عليها انت وهيثم تتم بالفعل ونشوف خطوات
لان كلنا عارفين انسحابك من هنا انت وهيثم وانشغالكوا الدايم عن المكان

[واد حبيب]

زمان كان المنتدي نشيط جداااا علي الرغم ان كان فيه بعد المشاكل مان في اعضاء كتير بتكتب وبتعمل نشاط جامد دلوقتي المنتدي فيه ملل لابعد الحدود وكل ده بسبب الاداره وهيه السبب في غياب الاعضاء عن المنتدي فين الاداره اللي كانت زمان كانت بتعمل نشاط تخالي الكل يشتغل ويطلع كل اللي عنده ساحر بيغيب كتير عن المنتدي واسماء من يوم ما عمل المتحدث عن الاعضاء مدخلتش غير قليل والماجيك دخلو بسيط
بس عوز اعرف دلوقتي من من الاعضاء هينفع يكون اداري في الوقت الحالي ويقدر يرجع المنتدي زي الاول في ظل الانهيار الفظيع اللي موجود ده

[morshooo]

اقتباس المشاركة الأصلية كتبت بواسطة واد حبيب زمان كان المنتدي نشيط جداااا علي الرغم ان كان فيه بعد المشاكل مان في اعضاء كتير بتكتب وبتعمل نشاط جامد دلوقتي المنتدي فيه ملل لابعد الحدود وكل ده بسبب الاداره وهيه السبب في غياب الاعضاء عن المنتدي فين الاداره اللي كانت زمان كانت بتعمل نشاط تخالي الكل يشتغل ويطلع كل اللي عنده ساحر بيغيب كتير عن المنتدي واسماء من يوم ما عمل المتحدث عن الاعضاء مدخلتش غير قليل والماجيك دخلو بسيط بس عوز اعرف دلوقتي من من الاعضاء هينفع يكون اداري في الوقت الحالي ويقدر يرجع المنتدي زي الاول في ظل الانهيار الفظيع اللي موجود ده

ماهو كل واحد لو دخل يقول
هو فين الادارى الى يصلح دلوقتى
معنى كدا ان هم دول الافضل فخلاص ملوش لزمه التوبيك دا
والا ليه لزمه رئى اى حد هنا ^_^
عموما الادارةدلوقتى عايزة حد متواجد دائما عشان يلبى طلبات الاعضاء
وعايزة عضو يكون عنده فكر ونشيط عشان يساعد الاعضاء ويرد على مواضيعهم
لكن الادارة مش عايزه واحد عبقرى يجى من كوكب تانى يرجع الاعضاء
لانهم مش هيرجعو الا لما يتاكدو ان المنتدى فيه تغيير وفيه نشاط .

[واد حبيب]

انا مش قصدي يا احمد ان مفيش حد ينفع
انا قصدي ان في اعضاء كتير سابو المنتدي وهما كانو عملين نشاط جامد
اللي هيكون اداري دلوقتي هينظلم جامد علشان يرجع المنتدي نص ما كان زمان

[Mind language]

انا من الناس اللى مدايقة جدا ع حال المنتدى
وان مكنش فيه تدخل من الاداره بتغيير الطاقم
الادارى واللى عنده ظروف ياريت تقدروا ظروفه
وتدوه استقاله عن المنصب لو هو عايز متحسبوش
عليه اسمه وتجبروه انه يبقى فى مكان هو مش
عايزة زمان كان اللى بيغيب عن المنتدى شهر ولا
اكتر بيتمسح اسمه ومساهمة باقى الطاقم الادارى فاعادة
المنتدى لشكله السابق هتخسروا اعداد كبيرة
من الاعضاء الموجودين حاليا واحسن نظام اتعمل
للاداره هو الانتخابات الادارية مش مجلس كلمة
مجلس بتحسسنى بشوية قاعدين ع القهوه كل
واحد يحكى اللى عنده ويرجع لبيته ولا اى اندهاش
انما الانتخابات فيها جو حلو منها بتنشط الاعضاء ومنها
بتثبيت مين الاجدر بالمنصب وياريت اللى فى ايده
حاجه للمكان دا ويعز عليه يقدمها وخدوا بالكم من
المراقبين الحاليين لانهم يعتبر هما اللى شايلين المنتدى
ياريت يكون فيه تقدير لاصحاب المجهود وعدم التغاضى عنها
شكرا ياسما موضوعك جميل يستحق المتابعة و
لفت انتباه الجميع وخاللى كل واحد يطلع اللى جواه
وياريت حد يهتم ويلخص كل كلام الاعضاء ويطلع منه
بحاجه مفيده للمنتدى

[Stop Ana Eltop]

اقتباس المشاركة الأصلية كتبت بواسطة خارج عن القانون يا استوب انتى حولتى المشكله الى اننا عايزين الماجيك ولا لا وهى المشكله مش كده اصلا انا فى اول رد ليا قايل وبالحرف يعنى بقاء الطاقم الادارى او تغييره (بما فيهم الماجيك وساحر) مش هيحل المشكله بس بما ان الطاقم شايف اللى بيحصل وساكت او مش عارف يعمل حاجه فيجى يقعد جمب باقى الاعضاء ايه الاستفاده من وجودهم كاداره ؟؟؟؟؟؟ هل مطلوب انهم يفضلو كمنصب شرفي مثلا ؟؟؟؟؟

مش حتة الماجيك ولا لاء
انا بقول انه الناس الى مصممه انه الاداره تتشال دا بسبب خلافتها مع الماجيك
مع كامل اعتراضى ع الاداراه ودا الى انا قولته

اه جزء مش المشكله ع الاداره بس مش كلها
وفى حالة التغيير هتجيب مين يظبط المنتدى ويمسك الاداره صح ؟؟


احنا فى ايدينا نكتب توبيك فيه الحاجات الى احنا عاوزينها من الاداره
زى ماعملنا توبيك نطلب انهم يتشالوا بالظبط
ولما الامور تظبط والمركب تمشى نشوف حد يعرف يشتال الليله صح ونمسكه
بس دا قصدى