اي نموزج تكون انت ؟؟

[world]

يلفت انتباهنا ف مسلسلات رمضان السنة دي بعض اللقطات الي تظهر زوج وزوجه بيتخانقو وتطلب منه الطلاق فيقول لها (مش هطلقك اخلعيني)
ونتزكر مشهد تاني في فيلم "لحظات أنوثة" بين الفنان إبراهيم يسري والفنانة جومانا مراد،
لما فوجئ إن زوجته منى رافعة عليه دعوى خلع وفورا ثار لكرامته وطلع قالها: أنا مايتعملش معايا كده يامنى عارفة ليه لأني راجل وراجل قوي كمان، إنتي طالق وكل حقوقك المادية هتوصلك مع ورقة الطلاق.

ومن هنا لقيت عقلي بيعمل مقارنة بين موقف الرجلين،
راجل بيقول لمراته مش هطلقك عشان يجبرها تروح تخلعه،
وراجل تاني طلق مراته عشان مايديهاش فرصة إنها تخلعه!!!

وسألت نفسي أي النموذجين أقرب للوقائع اللي بتشهدها محاكم الأسرة
لقيته النموذج الأول !!
مع إن مجتمعنا الشرقي الذكوري اللي بيقدس نموذج سي السيد كصورة نموذجية للزوج المصري المفروض يميل أكتر للنموذج الثاني باعتباره أقرب للطبيعة الذكورية

إلا إننا وزي أغلب أمورنا بنعيش ازدواجية محيرة بين معتقداتنا وتصرفاتنا، وأغلب الرجال الآن بيهربوا من مسؤولياتهم المادية تجاه الزوجة والأولاد، وبيتعمد عدم التطليق وإطالة مدة الخلاف عشان يجبر الزوجة على اللجوء للخلع والتنازل عن حقوقها المادية.

ظاهرة منتشرة للاسف

اذا طلبت منك زوجتك الطلاق وكان لها من الحقوق الكثير ماديا
فاي نموزج ستكون انت !!!؟

[الأميرة رودي]

السؤال ده يجيب عليه الشباب اكتر
بس غالبا لما الحياه الزوجيه بتوصل لنهايتها بيكون الطرفين بايعين
محدش باقي على التاني
وبيبقى كل واحد فيهم عاوز يقهر التاني وخصوصا لما الموضوع يبقى فيه عند ومحاكم وكده
الزوج مش عاوزها تاخد اى حاجه من حقوقها
والزوجه عاوزه تقهره وتنتقم وتاخد اللى تقدر عليه
فبيتنازل عن دور سيد السيد الشرقي ويفضّل يبقى مخلوع على انه يبقى مهزوم
لانه بيبصلها من زاويه هازم ومهزوم
مش عارفه اللى زى دول كانو عايشين مع بعض ازاى

الحالات دي كترت جداا
فى بلدي 5 حالات انفصال خلال شهر ونص
واغلبها انتهت بمشاكل بين الطرفين

ربنا يستر

الموضوع جميل والمناقشه فيه اجمل
تسلم ايدك

[world]

اقتباس المشاركة الأصلية كتبت بواسطة الأميرة رودي السؤال ده يجيب عليه الشباب اكتر بس غالبا لما الحياه الزوجيه بتوصل لنهايتها بيكون الطرفين بايعين محدش باقي على التاني وبيبقى كل واحد فيهم عاوز يقهر التاني وخصوصا لما الموضوع يبقى فيه عند ومحاكم وكده الزوج مش عاوزها تاخد اى حاجه من حقوقها والزوجه عاوزه تقهره وتنتقم وتاخد اللى تقدر عليه فبيتنازل عن دور سيد السيد الشرقي ويفضّل يبقى مخلوع على انه يبقى مهزوم لانه بيبصلها من زاويه هازم ومهزوم مش عارفه اللى زى دول كانو عايشين مع بعض ازاى الحالات دي كترت جداا فى بلدي 5 حالات انفصال خلال شهر ونص واغلبها انتهت بمشاكل بين الطرفين ربنا يستر الموضوع جميل والمناقشه فيه اجمل تسلم ايدك

المناقشه فيه جميله فعلا بس اعتاقد الشباب مش هتجاوب فيه بصراحه وهيكون صعب عليهم
موراني ي قمر

[حـيـــــآة ❤]

هو السؤال لآدم ..

لو اعتباريا حطيت نفسي مكان آدم..
فهو من الطبيعي اني اطلقها قبل متخلعني
يعني اتغدي بيه قبل مايتعشى بيك
ده المنطقي للذكور زي ماقولتي
انما ال يقولك مش مطلق واعلى ماف خيلك والشغل ده
مش بالمنطقي انه عايزها تخلعه..
مش ممكن نفكر من جهه تانيه انه متمسك بيها مثلا
وده مستحيل ياحجه
فعشان كده انا برجح النموذج التاني
مش الاول وده ال انا شايفاه

بتعجبني جرئتك ومش اول مره اقولك تقريبا
مواضيك جميله ونقاشاتك جديده
كل فتفوته بتناقشي فيه وبتجعل منها سؤال للنقاش
وده بيثبت انك جديره بذلك..

تحيتي وودي واحترامي لشخصك~

[world]

اقتباس المشاركة الأصلية كتبت بواسطة ♥حيآة آلروح♥ هو السؤال لآدم .. لو اعتباريا حطيت نفسي مكان آدم.. فهو من الطبيعي اني اطلقها قبل متخلعني يعني اتغدي بيه قبل مايتعشى بيك ده المنطقي للذكور زي ماقولتي انما ال يقولك مش مطلق واعلى ماف خيلك والشغل ده مش بالمنطقي انه عايزها تخلعه.. مش ممكن نفكر من جهه تانيه انه متمسك بيها مثلا وده مستحيل ياحجه فعشان كده انا برجح النموذج التاني مش الاول وده ال انا شايفاه بتعجبني جرئتك ومش اول مره اقولك تقريبا مواضيك جميله ونقاشاتك جديده كل فتفوته بتناقشي فيه وبتجعل منها سؤال للنقاش وده بيثبت انك جديره بذلك.. تحيتي وودي واحترامي لشخصك~

اتمني كلهم يبقو النموزج الثاني اي سي السيد الراجل في النقطه دي
اصل مش نتعب ونخدم ويروح علينا المؤخر والمهر
وبعدين احب اشكرك تاني كلامك دا وسام والله وعادة الردود الايجابيه الي زي ردك بيشجعنا اكتر علي وضع مواضيع مميزة ومختلفه
منوراني ي قمر

[Dr. AnOosHo]

موضوع حلو قوي وشاغل بالي جدا الفترة دي

صح مش بس فكرة طلاق وخلع .. بس شاغل بالي منظومة الكيان الاسري بشكل عام في الزمن ده

على فكرة يمكن انا من الناس عموما اللي ممكن تصنف معقده من الزواج
من كتر المشاكل اللي بشوفها
للاسف كتر قوي عدم الاحترام بين الزوجين .. كتر قوي الخلع وكتر قوي الطلاق والمشاكل والبهدله بين الطرفين وولا بيراعوا ان في اطفال بينهم ولا عشرة ولا اي حاجه من دي

للاسف انا شايفه ان نسبه قليله قوي من الرجال يطلق عليهم كلمه راجل بالمعنى الكامل للكلمه

مبقتش بشوف في رجاله تستاهل ان البنت تتعب وتسيب بيت باباها وتتنازل عن حاجات كتير في معيشتها عشان كيان اسري المكون الاساسي له راجل يحميها ويصونها ويراعيها ويوم ميختلف معاها او هي تختلف معاه يمشوا على شرع ربنا ( طلاق او خلع ) الاتنين حلال ربنا .. اكثد الطلاق اشيك للرجل من مسمى مخلوع لكن بعيد عن شياكه واصل انت تقبل على نفسك تبقى مخلوع ؟؟ انا مش شايفه ان فيها مشكله في زمن الرسول عليه الصلاه والسلام كانت بتتعمل
المهم ان يكون
الطلاق باحترام
الخلع باحترام

اكيد المشاكل الاسريه مبتكونش من الراجل بس بالعكس البنات كمان دلوقت بقت غير زمان وده طبعا مش الموضوع اللي بنكلم فيه بس المهم ان اي ماكان سبب عدم التوافق بدام وصلوا للطلاق يبقى لازم يحصل باحترام
باحترام للعيله واحترام للعشرة واحترام للاطفال وغيره وغيره

ربنا يهدي حالنا جميعا وتسلم ايدك فعلا على الموضوع المميز ده

[world]

اقتباس المشاركة الأصلية كتبت بواسطة دكتور نوشه موضوع حلو قوي وشاغل بالي جدا الفترة دي صح مش بس فكرة طلاق وخلع .. بس شاغل بالي منظومة الكيان الاسري بشكل عام في الزمن ده على فكرة يمكن انا من الناس عموما اللي ممكن تصنف معقده من الزواج من كتر المشاكل اللي بشوفها للاسف كتر قوي عدم الاحترام بين الزوجين .. كتر قوي الخلع وكتر قوي الطلاق والمشاكل والبهدله بين الطرفين وولا بيراعوا ان في اطفال بينهم ولا عشرة ولا اي حاجه من دي للاسف انا شايفه ان نسبه قليله قوي من الرجال يطلق عليهم كلمه راجل بالمعنى الكامل للكلمه مبقتش بشوف في رجاله تستاهل ان البنت تتعب وتسيب بيت باباها وتتنازل عن حاجات كتير في معيشتها عشان كيان اسري المكون الاساسي له راجل يحميها ويصونها ويراعيها ويوم ميختلف معاها او هي تختلف معاه يمشوا على شرع ربنا ( طلاق او خلع ) الاتنين حلال ربنا .. اكثد الطلاق اشيك للرجل من مسمى مخلوع لكن بعيد عن شياكه واصل انت تقبل على نفسك تبقى مخلوع ؟؟ انا مش شايفه ان فيها مشكله في زمن الرسول عليه الصلاه والسلام كانت بتتعمل المهم ان يكون الطلاق باحترام الخلع باحترام اكيد المشاكل الاسريه مبتكونش من الراجل بس بالعكس البنات كمان دلوقت بقت غير زمان وده طبعا مش الموضوع اللي بنكلم فيه بس المهم ان اي ماكان سبب عدم التوافق بدام وصلوا للطلاق يبقى لازم يحصل باحترام باحترام للعيله واحترام للعشرة واحترام للاطفال وغيره وغيره ربنا يهدي حالنا جميعا وتسلم ايدك فعلا على الموضوع المميز ده

كلمه الكيان الاسري انهارت خلاث
بقو في البيت زي الاعداء مين ينتصر علي التاني ويهرب من المسؤليات
تعليقك جاب المفيد ي جميله
ملحوظه كل ال علقو بنات هما الاولاد مكسوفين يعترفو ولا ايه

[ياسمينااا]

موضوع مهم جدا ومنتشر في أغلب البيوت
بقت في حالات طلاق كتير أوي وأسر كتير بتتهد
واللي بيدفع التمن في المشاكل دي كلها هي الأطفال
قليل جدا لما تلاقي زوج وزوجة لقوا نفسهم اني مفيش وفاق بينهم
وانفصلو في هدوء بدون مشاكل ومحاكم
دلوقتي أغلب الأزواج بيفضلو يزهقو في زوجاتهم ويضايقوهم
عشان يرفعو قضية خلع ومش تاخد حقوقها من نفقة ومؤخر
عشان هو مش عاوز يخسر حاجه
وأحيانا بردو الزوجه مش بتبقي عاوزه تتنازل عن حاجه
وعاوزه تاخد كل حاجه فبيقعدو في المحاكم سنين
أكيد الراجل الشرقي بجد عمره ما هيتنازل عن كرامته ورجولته
ويخلي مراته هي اللي تخلعه ودا بقي نادر وصعب انك تلاقيه دلوقتي
ياريت نشوف ردود الشباب هتكون ايه انا ملاحظة ان اللي رد بنات
ربنا يهدي حال الجميع
تسلمي ي قمراية

[world]

اقتباس المشاركة الأصلية كتبت بواسطة ياسمينااا موضوع مهم جدا ومنتشر في أغلب البيوت بقت في حالات طلاق كتير أوي وأسر كتير بتتهد واللي بيدفع التمن في المشاكل دي كلها هي الأطفال قليل جدا لما تلاقي زوج وزوجة لقوا نفسهم اني مفيش وفاق بينهم وانفصلو في هدوء بدون مشاكل ومحاكم دلوقتي أغلب الأزواج بيفضلو يزهقو في زوجاتهم ويضايقوهم عشان يرفعو قضية خلع ومش تاخد حقوقها من نفقة ومؤخر عشان هو مش عاوز يخسر حاجه وأحيانا بردو الزوجه مش بتبقي عاوزه تتنازل عن حاجه وعاوزه تاخد كل حاجه فبيقعدو في المحاكم سنين أكيد الراجل الشرقي بجد عمره ما هيتنازل عن كرامته ورجولته ويخلي مراته هي اللي تخلعه ودا بقي نادر وصعب انك تلاقيه دلوقتي ياريت نشوف ردود الشباب هتكون ايه انا ملاحظة ان اللي رد بنات ربنا يهدي حال الجميع تسلمي ي قمراية

امين يا رب
وزي م انت شايفه كل التعليقات بنات ودا شيء لا يبشر
شكلهم كدا النموزج الاول و

[Fatma Fareed]

بصى انا عارفه ان السؤال للشباب
بس هتكلم من ناحيه الطرفين

خليناااا متفقين ان المتزوجات دلوقتى مبقوش زى زمان
فى نوعين منهم
واحده ممشيه كلمتها ومش مهتمه ب بيتها وجوزها والنوع التانى طالع عينيها
من مشاكل الاطفال والبيت وجوزها

بصى النوع الاول مش بيهمها تقول اخلعه ومش عايزه حقى
واكسر عينه والكلام ده
ودول منتشرين اوى هتلاقيهم فى الكافيهات

النوع التانى بقا هتلاقيهم مستعده تستنى الهم ده كله وتطلق وتاخد حقها
علشان اولادها وهتفضل بردو شايله الهم من خوها من جوزها علشان هياخد الاطفال والكلام ده كله


سيبك بقا منهم
بالنسبه للرجاله انا شايفه ان صعب عليه شويه كلمة مخلوع دى
ده من رايى
بس مستبعدش ان العيال التوتو دى اللى بنشوفها دلوقتى تعمل كده عادى

بصى مش هقدر افيدك فى موضوع الرجاله ده لانى مش عارفه دماغهم خالص
علشان مش عندى اخوات اولاد
و عمرى متعاملت معاهم :d

تسلمى عالتوبيك