أعضاء بنات مصر ورمضان مع ثالث الضيوف (د ندوشة

[ساحر الأحزان]

بسم الله الرحمن الرحيم

وكل عام وانتم بخير

معانا اليوم فى ثالث حلقة من برنامجنا الرمضانى

أعضاء بنات مصر فى رمضان عضوة نشيطة وصاحبة تواجد مميز من مواضيع وردود برغم انتسابها من فترة قريبة

ألا انة ليها بصمة تذكر

وهى

دكتور نوشه

عضو مشارك

أهلا وسهلا بيكى د ندوشة

اهلا بيك وبكل اعصاء المنتدى

والأول ممكن تعرفينا على نفسك؟

اسمي (هنا) 29 سنه صيدلانيه

بحكم أنك مصرية مقيمة فى ****************** ممكن تكلمينا عن الجو الرمضانى فى ****************** وما يميزة عن غيرة ؟

جو وحش جدا

بصراحه لا في فوانيس ولا فرحه رمضان ولا جو الشارع اللي كنت بشوفه ايام الجامعه في مصر

كنت لوحدي وعيلتي في ****************** بس كنت فرحانه جدا بجو مصر

الحاجه الوحيده الحلوة هنا ان ماما وبابا واخواتي هنا وبنتلم .. والقرقيعان

والقرقيعان هو ان يوم 15 رمضان لازم يتعمل للاطفال جرجعان اللي هو حلويات وملبس مكافئه ليهم انهم صامو نص الشهر

لحد دلوقت اهلي بيعملولي القرقعان

حلو الجرجعان والقرقعيان دة ندوشة اول مرة اسمع عنة

أمتى بدائتى الصيام وعمرك كان كام وقتها؟

بدات وانا عندي 7 سنين كنت بصوم للساعه 3 عندي العصر يعتبر المغرب

بعدين شويه شويه صومت يمكن بدات اكمل الشهر وانا عندي 13 سنه

فطرتى كام برة بسبب النسيان أن فية صوم ؟

لا كتييييير

عمدا ونسيان هههههههههههه

عمد وانا صغيرة طبعا

أطرف موقف حصل معاكى فى رمضان ؟

كنت باخد المايه ادخل بيها الحمام واشربها من ورا ماما وبابا عشان اخر اليوم اخد منهم الحاجه الحلوة المكافئه

مرة وانا كبيرة يعتبر عندي 10 سنين اخدت مايه صاقعه من التلاجه وحطيتها في الكوبايه

وداخله بيها الحمام بابا شافني قولتله حتمضمض بيها اصل سناني وجعاني ههههههههه قالي حد يتمضمض بمايه من التلاجه

يعني متخفيه وبعمل الغلط بمزاج

ذكرياتك فى الشهر الكريم ممكن تكلمينا عنها ؟

لمه العيله ساعه الفطار والبرامح الحلوة بتاعت زمان واحنا بنفطر وبنتسحر ذكيه زكريا وعلى فكرة كنت طول عمري اتمنى ان ذكيه زكريه يعمل فيا مقلب وكنت بدعي ديما بس محصلتش

ازاى حتقابلك الكاميرة الخافية وانتى فى ****************** لو كنتى رحتى الموسكى ولا الحسين ولا مدينة نصر كنتى قابلتيها

الخشاف وقمر الدين والسفرة نفسها بتكون لها شكل مختلف

طقوسك الرمضانية أية هية ؟

التراويح والقيام في العشرة الاواخر في المسجد دول اهم حاجه عندي في رمضان من غيرهم محسش اني صايمه

بتحبى تقفى فى المطبخ فى رمضان ولا بتزوغى ؟

بحكم أقامتك فى ****************** ما هى الأكلات ******************ية المشهورة والمحببة ؟

لا كنت بحب وكنت بتفنن لهم بس دلوقت راميه الحمل كله على ماما وماليش مزاح

برياني دجاج وبرياني لحم والمقلووووبه طبعا مع انها فلسطينيه الاصل بس بحبها

وعندنا هنا برضة المقلوبة فى المملكة بحبها جدا

رمضان فى بنات مصر أزاى معاكى ؟

مبسووووووطة جدا خاصه ان اليوم في رمضان بيكون طويل وصادفت اني قاعده في البيت مبنزلش الدوام

حسيت اني مندمجه قوي معاكم وكلكم فعلا بلا استثناء خفاف وسهل الواحد يتاقلم معاكم

حلوة المسابقات قوي وعجبني جدا فكرة مسابقه الموسوعه الفقهيه مناسبه قوي لرمضان

حبيت قوي توبيكات الاستضافه والحوار حسيته مميز ومش موجود عند حد من المنتديات التانيه

مش عارفه بس فعلا حاسه مبسوطه قوي

كلمة لأعضاء المنتدى فى رمضان

كل سنه وانتم طيبين وشكرا على دعمكم ليا من اول مشتركت خليتم رمضان عليا احلى بكتير من لو مدخلتش

وربنا يجعلنا كلنا من المغفور لهم والمعتوقين من النار

وفى نهاية البرنامج بشكرك على قبول الدعوة

شكرا جدا ليك على الاستضافه ورغيت كتير

ولا يهمك المهم انك قلتى الى فى قلبك

وأنتظرون مع عضو أخر

تحياتى

[BaAnOtA 7eKayaa]

كتير دمها خفيف تسلم اخى ^_^

يعطيك العافيه ^_^

[phalsteen]

دمك خفيف امضروبه
حبيت من اول معامله من كام دقيقه كدة لله في لله
منورة المنتدي والله
كل سنه وانتي زي القمر

[الفيلسـوف]

هههههههههههه حلوه بمضمض بقى بمياه ساقعه حوار حوار

بجد فصلتنى ضحك صمتا وعميانا

ربنا يسعدك يارب ورمضان كريم د هنا

[متفائله ف زمن اليأس]

استضافه خفيفه وجمييله
منوره ياهنا

تسلم استاذ امجد

[.Lamar]

استضافة جميلة

و ضيفة خفيفة باجاباتها

و رائعة بتواجدها

تفوت على القلب بسرعة

من تعاملها الحلو

حسيت اننا نعرفها من زمان

نورتى المنتدى يا جميلة

و كل الشكر اخى ساحر

انك عرفتنا عليها اكتر

تحياتى

[morshooo]

بصراحه القرقيعان واضح من اسمه
انه ماشاء الله حاجا ماتتفهمش ^_^
ندوشه
ماشاء الله مميزة وربنا يسهل ونشوفها
معانا دائما واهو لو هتفضل معانا نفتحلها
صيدليه صغيرة متر ف متر
عند حارة ( يوميات الاعضاء ) ^_^

تسلم ساحر على التوبيك
ف انتظار باى الضيوف

[Sea Pearl]

دمك خفيف ندوشة ولا اقولك الدوك هنا
اكيد مبسوطين انك معانا فى المنتدى
يارب تفضلى دايما
حلقة حلوة امجد

[Dr. AnOosHo]

اقتباس المشاركة الأصلية كتبت بواسطة queen madeleine كتير دمها خفيف تسلم اخى ^_^ يعطيك العافيه ^_^

حبيبتي بمادلين تسلمي يحبيبتي

[Dr. AnOosHo]

اقتباس المشاركة الأصلية كتبت بواسطة nefertiti دمك خفيف امضروبه حبيت من اول معامله من كام دقيقه كدة لله في لله منورة المنتدي والله كل سنه وانتي زي القمر

والله وانا كمان قوي
والمنتدى منور بيكي وبساعتك الحلوة .. كل سنه واتتي طيبه يروحي يارب