الاكلات دي مش بتحبها !!! :(

[رآقيہ بأخلاقـى]

اقتباس المشاركة الأصلية كتبت بواسطة فارس الله يجوزه الملوخيه بالارانب ., الملوخيه بحبها لاني اعرف قصص عنها وليه سموها ملوخيه اما الارانب نفسها هي الجزء الاساسي اللى " احبوووووووووووش خالص " وايه السبب " يمكن لان الارانب مفيهاش لحم اساسا ههههههههههه وسلامتكم ,’ .

انت فكرتنى بالارانب
هى كمان مش بحبها ودى عارفه سببها
علشان شبه القطط متعرفش اذا كان ارنب اللى بتاكله ولا قطه

[world]

اقتباس المشاركة الأصلية كتبت بواسطة فارس الله يجوزه الملوخيه بالارانب ., الملوخيه بحبها لاني اعرف قصص عنها وليه سموها ملوخيه اما الارانب نفسها هي الجزء الاساسي اللى " احبوووووووووووش خالص " وايه السبب " يمكن لان الارانب مفيهاش لحم اساسا ههههههههههه وسلامتكم ,’ .

ليه هما سموها كدا ليه فرحني بقه

[world]

اقتباس المشاركة الأصلية كتبت بواسطة رآقيہ بأخلاقـى انت فكرتنى بالارانب هى كمان مش بحبها ودى عارفه سببها علشان شبه القطط متعرفش اذا كان ارنب اللى بتاكله ولا قطه

بصررة ولا انا بحبو
بس مش بحبو لانه شبه الفار

[فارس الله يجوزه]

والله من اول ما شفت الايكات وصلتني قولت بس هما دول اعداء الارانب اللى مش يحبوها ( ههههههههه ) اما عن الملوخية ليه سموها ملوخيه في قصتين للموضوع ده القصة الاولى هي ان الملوخية كانت نبات قديم في عهد الفراعنة ، و كان بيسموها " خية " و كان ييعتقد المصريون انها نبتة سامة واما احتل الهكسوس مصر وبداو يهدموا معالم الحضارة الفرعونية أجبروا المصريين على اكلها عشان يتسمموا ويموتوا و كانوا بيقولو ليهم : " ملو - خية " يعني كلوا " خية " و بعد ما اكلوها المصريين وعلى بالهم انهم هيموتوا بعد لحظات اكتشفوا انها غير سامة و انها تصلح للأكل ودي اول قصة يلا (( ملو -- خيه ) .. اما القصة التانية انها كانت تقدم للملوك بس واسمها كان معروف بـ ( ملوكيه ) مش " ملوخيه زي ما نعرف اسمها " ويقال ايضا ان فيه طبيب وصفها لملك بسبب مرضه ., ودي كانت قصة حياة ( ملوكيه ) او ( ملو - خيه ) او ملوخية ., وسلامتكم

[world]

اقتباس المشاركة الأصلية كتبت بواسطة فارس الله يجوزه والله من اول ما شفت الايكات وصلتني قولت بس هما دول اعداء الارانب اللى مش يحبوها ( ههههههههه ) اما عن الملوخية ليه سموها ملوخيه في قصتين للموضوع ده القصة الاولى هي ان الملوخية كانت نبات قديم في عهد الفراعنة ، و كان بيسموها " خية " و كان ييعتقد المصريون انها نبتة سامة واما احتل الهكسوس مصر وبداو يهدموا معالم الحضارة الفرعونية أجبروا المصريين على اكلها عشان يتسمموا ويموتوا و كانوا بيقولو ليهم : " ملو - خية " يعني كلوا " خية " و بعد ما اكلوها المصريين وعلى بالهم انهم هيموتوا بعد لحظات اكتشفوا انها غير سامة و انها تصلح للأكل ودي اول قصة يلا (( ملو -- خيه ) .. اما القصة التانية انها كانت تقدم للملوك بس واسمها كان معروف بـ ( ملوكيه ) مش " ملوخيه زي ما نعرف اسمها " ويقال ايضا ان فيه طبيب وصفها لملك بسبب مرضه ., ودي كانت قصة حياة ( ملوكيه ) او ( ملو - خيه ) او ملوخية ., وسلامتكم

ونعم الاصل

[Positive]

شوف انا من ساعة ما وعيت عالدنيا دي
مبحبش حاجة اسمها سمك ولا جمبري
مع اني اسكندراني ( تخيل !! )
مبحبش طعمه ولا ريحته ولا بطيقهم
موضوع زي الفل - تسلم ايدك

[Dr. AnOosHo]

ايه كل اللي مبيحبوش السمك والجمبري

ده انا بعشق الجمبري بس لازم يكون صغير ولا بقى السبيط يخراشي على جماله والكابوريا والازازة
هيييييييح جوعتونا

انا بقى مبحبش الفراخ الكبيرة يعني لازم تكون بانيه مش مشويه ولا مسلوقه
ريحتها على طول في مراخيري قبل ما ماما تنضفها
ومبحبش اللحمه المسلوقه برضه عشان فيها دهن
ومبحبش بقى لا السبانخ ولا الفاصوليا ولا الباميه ولا البسله ولا القلقاس
ومبحبش كمان الفاكهه كلها الا التفاح والعنب والبطيخ ممكن اكلهم

حاسه ان فاضل اقول مبحبش نفسي

[Dr. AnOosHo]

ايوة صح وارانب وبط وكوارع ومخ ولسان والحاجات الغريبه دي لا برضه مستحيل ادوقهم حتى
بابا الوحيد اللي بياكلهم بس لما ينزل مصر عند عمتي
بترجعوا الى ارض الوطن تاني هههههه

[mony ma7moud]

احم احم دي علاقة لا يفهمها احد
يعني انا لا بحب الجمبري ولا
السبانخ ولا البفتيك ولا التونة
وحاجات كتيير ومتقتش حاجة فيهم
يعني عاادي ممكن من ريحت الحاجة
ممكن من شكلها والله اعلم

[world]

اقتباس المشاركة الأصلية كتبت بواسطة positive شوف انا من ساعة ما وعيت عالدنيا دي مبحبش حاجة اسمها سمك ولا جمبري مع اني اسكندراني ( تخيل !! ) مبحبش طعمه ولا ريحته ولا بطيقهم موضوع زي الفل - تسلم ايدك

هو تقريبا في اغلبيه هنا ضد السمك ودا محيرني الصراحه وانت كمان ي اسكندراني