الاكلات دي مش بتحبها !!! :(

[world]

النهاردة موضوعنا عن شيء مهم في رمضان

وهو الاكـــــــــــــــــــــــــــــل

الاكل مش مجرد شيء بيغزينا او عشان نكبر ونبقي حلوين

دا كمان بتقوى علاقات بعضنا ببعض عندما نتناول الطعام معًا (اكلنا عيش وملح مع بعض)

(((المهم كنت بفكر هو ليه في اكلات مش بنحبها ))

((وبيختلف مزاقها من شخص لاخر)

1:: لقيت ان ممكن لا تاكل اكله معينه بسبب حادثه

مثال.. في اليوم ال كنتو طابخين فيه باميه اتوفي حد عزيز عليك تبدأ وقتها تاخد جنب من الباميه

2:: او ممكن لا تاكل اكله لانك شوفت مشهد مكنش المفروض تشوفو

مثال
طفل شاف جاموسه بتندبح فقرر لا ياكل الحوم (دي حصلت معايا شخصيا بشكل مؤقت)

لكن في اكلات مبنكنش دوقناها ومع ذلك ومش بنحب ناكلها !!! دا ال دهشني

انا عن نفسي مليش في الكبده والجمبري


ي تري ايه الاكلات الي مش بتروق ليك مش بتميل ليها؟؟
ويا تري في اسباب خلاتك تتجنبها ولا تميل لها؟؟

[♥○ moOoOoOna ♥○]

معرفش ..
هى حاجه كدا تخليكى تفضلى اكل عن اكل
انا عن نفسى مبحبش السبانخ و الكانتلوب

[رآقيہ بأخلاقـى]

معاكى حق مرمر
انا مش بحب الجمبرى ولا باقى قرايبه
هو السمك المشوى وبس
وكمان اللبن للاسف مش بيحبنى خااالص
ممكن اشربه مع شاى يعنى يكون مج الشاى ناقص رشفه
الرشفه دى ممكن اضيفها لبن
وكمان ماليش تقل على المكرونه بالصلصه
لكن معرفش ايه الاسباب !!

[world]

اقتباس المشاركة الأصلية كتبت بواسطة ♥○ moooooona ♥○ معرفش .. هى حاجه كدا تخليكى تفضلى اكل عن اكل انا عن نفسى مبحبش السبانخ و الكانتلوب

فعلا هي حاجه كدا
انما ايه هي الحاجه الكده دي معرفش

[world]

اقتباس المشاركة الأصلية كتبت بواسطة رآقيہ بأخلاقـى معاكى حق مرمر انا مش بحب الجمبرى ولا باقى قرايبه هو السمك المشوى وبس وكمان اللبن للاسف مش بيحبنى خااالص ممكن اشربه مع شاى يعنى يكون مج الشاى ناقص رشفه الرشفه دى ممكن اضيفها لبن وكمان ماليش تقل على المكرونه بالصلصه لكن معرفش ايه الاسباب !!

وحياتك ولا انا بتحمل المكرونه بالصلصه دي
شكلنا متشابهين في حاجات كتير

[♥○ moOoOoOna ♥○]

اقتباس المشاركة الأصلية كتبت بواسطة world فعلا هي حاجه كدا انما ايه هي الحاجه الكده دي معرفش

هههههههههههه معرفش
معدتك ههههههههههههه

[world]

اقتباس المشاركة الأصلية كتبت بواسطة ♥○ moooooona ♥○ هههههههههههه معرفش معدتك ههههههههههههه

هاهاهاهاهاهاهاهاها انا لازم استجوب معدتي واعرف منها الحقيقه من هنا ورايح

[Lamees]

الحمد لله انا بحب كل الاكل
اصل انا نفسي حلوة
تسلمي يا جميلة

[ELgeneral gEmY]

انا مش بحب اي حاجه فيها توم او بصل

باكل الطبيخ بالعافيه ولو فيه بصل كتير مباكلش هههههه
اي حاجه غير كدا راشق الحمد لله
المشاريب كلها والفواكه كلها اديني وانا اضيع

بس اصلا مفيش اكل مفهوش توم او بصل



السبب في كدا مممش عارف من ساعة ماتولدت وانا الوحيد اللي ف البيت كداا

[فارس الله يجوزه]

الملوخيه بالارانب .,
الملوخيه بحبها لاني اعرف قصص عنها وليه سموها ملوخيه اما الارانب نفسها
هي الجزء الاساسي اللى " احبوووووووووووش خالص "
وايه السبب " يمكن لان الارانب مفيهاش لحم اساسا ههههههههههه

وسلامتكم ,’ .