قصة حياتى فى كلمتين .

[العقل الباطن]

حياتى /.
حياتى حياه فانيه دا اللى عرفته اول ما اتولدت
انه هيجى يوم و اموت . من ساعتها قلت يبئى مفيش فايده فى المعانده
طالما لكل حاجه نهايه فا مهما تعاند هتلاقى النهايه هتيجى
قلت اعيش حياتى زى ما انا شايف
مكنش بيهمنى حاجه باعمل اول حاجه بتيجى فى دماغى
ساعات كتير بتقلب معايا عكس فتعلمت حاجه تانيه
اعمل اللى انت عاوزه بس فى النهايه اقبل بالنتيجه اللى هتحصل
يا اما دخلت فى مشاكل وعمرى ما زعلت لان لو الموضوع اتكرر معايا 100 مره هعمله بالطريقه اللى عملتها اول مره
تقول غباء تقول ذكاء اقولك مش فارق معايا
وفى مره دخلت الجيش لقيت نفسى مبقتش حر فى نفسى
وناس كتير خبّطت فيهم ربنا بعتلى اللى يخبّط فيا
فا اتعلمت حاجتين
الاولى انى لازم اتعلم من اخطائى
والتانيه الجرأة ولما اقول جرأة بئت جرأه مطلقه - فى الحق -
واخطائى كانت بسيطه انى ابص لقدام حبتين .. لانى اللى هعمله دلوقتى هلاقى نتيجته بعدين .. فبقيت احسب حياتى و افكر فيها كويس
و بقيت جرىء و اعمل اى حاجه يخاف منها الناس و حبيت و اتحبيت
وكرهت و اتكرهت وسافرت هنا وهناك لغاية ما خدتنى الدنيا للاوهام
ومبئتش عارف نفسى ولا ايه اهدافى و لا ايه جابنى هنا
وفجأة قابلته ايوه قابلته .. قابلت الموت بيمسكنى
لما قابلته كأن جسمى فى حته و روحى فى حته و عقلى فى خته
واختفت الدنيا من قدامى
كل تفكيرى انى بموت وانا لسه مش عملت حاجه للاخره
الا شوية تخبيط مش عارف هيعدونى ولا هيرمونى
انا مش هكون الا اللى ربنا عاوزه وهو انى اعبده وبس !
.... النور بدأ يروح و لسانى مبئاش بيتحرك
هو خلاص كدا !! هو دا بئى الموت !
استنى شوية فى ناس كتير آذتهم لسه مش صالحتهم
كنت مستنى قبل اليوم دا ما يجى و اصالهم بس مش عارف جه فجأه ليه
استنى فى كام فرض لسه مش صليته
يااه الموضوع كبير زى ما يكون امتحان مفاجىء
بس اجابته خلاص اتقدمت وانا رايح اعرف النتيجه
طب استنى ابوس رجل امى و رجل ابويا ممكن دا يدخلنى الجنه
الدنيا بئت ساقعه والناس من حواليا بتنادى بس ودانى مبئتش سامعه
طب قولو لامى انا آسف
او حتى ابويا دا انا ياما قرفته
قلبى انا سامع صوته وجسمى كله سامع صوته وهو بيدعى عليّا ..
حتى انتو بتدعو عليا
باينى زعلت الناس كلها وانا فى الطريق و النتيجه بانت ملامحها
ما هو انا نفسى مش فاكر حاجه حلوة اقولها لربنا وانا واقف قدامه
ياريتنى فضلت فاكر ان الدنيا فانيه و لا زم مهما حصل اوصل للنهايه
مكنتش عملت كذا , و كذا , وكذا ولا قولت لفلان كذا ولا فلان كذا !
ياريت!
مليش غيرك يارب

وفجأة افتكرت كلمتين سمعتهم مش عارف فين
إلهى ان يكن ذنبى عظيماً فعفوك ياربى اعظم

[.Lamar]

رب العالمين دايما غفور رحيم

باب التوبة مفتوح بس احنا نبدأ و نثبت

الحياة اتخلقنا فيها عشان نعبد الله

مش نكون عبيد لهوى انفسنا

يا ريت الكل يمر بالتجربة دى و لو حلم

لعله يفوق و يلحق نفسه قبل فوات الاوان


فضفضة كانت كجرس تنبيه

جعلنا الله و اياكم ممن يستمعون القول

فيتبعون احسنه

كل الشكر اخى الكريم

[ŌиĹч.Ḿё]

كويس انك بتعرف فضفض لنفسك



ربنا يوفقك

[Lamees]

من غباء الانسان انه بينسى ان اانهاية جاية قريباً او بعيداً
بينسى ان الموت اقرب اليه من حبل الوريد
بينسى انه ممكن نفسه يدخل ومش يخرج منه تاني
والنسيان ده هو اللي بيخليه يندم وياريت
الندم مش يجي بعد فوات الاوان
فضفضة واقعية للحال
شكراً

[ياسمينااا]

كتير مننا بعيد عن ربنا ومش بنفتكره
غير لما نكون محتاجين ليه وبس
ياريت فعلاً نفوق من الغفلة اللي إحنا فيها
ونتوب ونرجع لربنا ونعمل لأخرتنا
بدل ما إحنا عايشين دنيتنا وناسين آخرتنا
تسلم أخي ربنا يوفقك

[reda galal]

كل من عليها فان ويبقى وجه ربك ذو الجلال والإكرام


جميل ان الواحد يكون قادر على الفضفضه
استمتعت

[العقل الباطن]

اقتباس المشاركة الأصلية كتبت بواسطة لمار* رب العالمين دايما غفور رحيم باب التوبة مفتوح بس احنا نبدأ و نثبت الحياة اتخلقنا فيها عشان نعبد الله مش نكون عبيد لهوى انفسنا يا ريت الكل يمر بالتجربة دى و لو حلم لعله يفوق و يلحق نفسه قبل فوات الاوان فضفضة كانت كجرس تنبيه جعلنا الله و اياكم ممن يستمعون القول فيتبعون احسنه كل الشكر اخى الكريم

لمار
مرورك ضى ينير كلماتى
راق لى عذب كلماتك
و راق لى نبض قلبك فهو ينبض بإيمان
دام لكِ طيب لسانك و عذب كلماتك
ولا تحرمينى مرورك بين صفحاتى ابداً

[العقل الباطن]

اقتباس المشاركة الأصلية كتبت بواسطة ŌиĹч.Ḿё كويس انك بتعرف فضفض لنفسك ربنا يوفقك

ربنا يكرمك
وشكراً لمرورك و دمت متألقاً

[العقل الباطن]

اقتباس المشاركة الأصلية كتبت بواسطة اطياف الماضي من غباء الانسان انه بينسى ان اانهاية جاية قريباً او بعيداً بينسى ان الموت اقرب اليه من حبل الوريد بينسى انه ممكن نفسه يدخل ومش يخرج منه تاني والنسيان ده هو اللي بيخليه يندم وياريت الندم مش يجي بعد فوات الاوان فضفضة واقعية للحال شكراً

حقاً هذه مشكلتنا اننا ننسى دائماً الاهم
و نتمسك بـ الغرور و الامانى
جزيل الشكر لشخصك
ووافر الاحترام لكلماتك و تعليقك
دمتِ فى امان الله

[العقل الباطن]

اقتباس المشاركة الأصلية كتبت بواسطة ياسمينااا كتير مننا بعيد عن ربنا ومش بنفتكره غير لما نكون محتاجين ليه وبس ياريت فعلاً نفوق من الغفلة اللي إحنا فيها ونتوب ونرجع لربنا ونعمل لأخرتنا بدل ما إحنا عايشين دنيتنا وناسين آخرتنا تسلم أخي ربنا يوفقك

لا اعلم ولكنى اشتم بين حروفك رائحة الحزن
اتمنى ان اكون مخطىء
ولكن حضورك مميز جداً
وكلماتك يملؤها المشاعر لذلك احسست ما احسست
اصبحتِ فى سعاده لم تشعرى بها من قبل فلا تيأسى