ازاى تقوى مناعتك؟؟

[esra2 mohamed]

دايماً الناس بتسعى إنها تدور على حاجات
عشان تتعالج من أمراضها..بس إحنا ليه
ما نمسكش الموضوع من الأول؟؟.
.ليه ما نخليش المرض يوصل أصلاً لينا..
وزى ما بيقولوا دايماً “الوقاية خير من العلاج”..


عشان مناعتك تبقى قوية..لازم تحسن من نظام أكلك..وخصوصاً الأكل اللى فيه الخضار والفاكهة الطازة..زى

• الزبادى: ودا بقى بيحتوى على بكتيريا صحية
بتساعد القناة الهضمية والجهاز الهضمى على
إنها تكون خالية من أى بكتيريا ضارة..
• التوت: دا بيبقى فيه فيتامين “سى” وفيتامين “هـ”
وبيساعدوا على تقوية المناعة..
ويا سلام لو حطيناهم مع الزبادى..
• الثوم: وبيسموه “مضاد للبكتيريا” ودا بقى ب
يبقى فيه مادة فعالة اسمها “آليسين” ودى
بتحارب البكتريا والإصابة..العلماء البريطانيين اثبتوا إن
اللى بياكلوا ثوم بيبقوا أقل عرضة للإصابة بالبرد
وبرضو اقل عرضة بالإصابة بسرطان المعدة..
• شربة الفراخ ويا سلام لو عاليها لمون وتوم كده:
عشان تأثيرها نفس تأثير أدوية الكحة وبتتخلص من
البلغم اللى على الصدر..
• الشاى: الناس اللى بتشرب شاى بيبقى
عندهم فرصة أكبر إنهم يحاربوا الفيروسات اللى
بتهاجمهم لإن الحمض الأمينى اللى مسئول عن
قوة المناعة موجود فى الشاى “الأخضر أو الأسود”.
• اللحوم: لإنها بتحتوى على معدن الزنك..وقلته فى
الأكل بيزيد نسبة الإصابة بالأمراض..عشان بيساعد
على تطوير الخلايا البيضا ومهاجمة البكتيريا الدخيلة والفيروسات..
• البطاطا والجزر والمانجا والفلفل والتونة والكانتلوب والخضار عموماً:
الجلد دا جزء مهم من الجهاز المناعى لأنه حائط الدفاع الأول..وبيحصل على فيتامين “أ” عشان الأنسجة اللى بينتجها الجلد..

فى المقابل لازم تبعد عن الأكل الغير موثوق من مصدره.
وخصوصاً الأكل اللى صعب هضمه أو غير موثوق
من مصدره؛ عشان بيدمر البيئة الداخلية والبكتريا المفيدة للجسم..
وأول شئ بيدمر لما حاجة بيبقى فيها سم بتكون الكبد والكِلى..
ابعد قدر المستطاع عن الأماكن اللى بيبقى فيها المبيدات الحشرية والزئبق وأدخنة المصانع..


لأن مجرد التعرض ليها بنسبة واحد على مليون جرام كفيل
بإنه يؤثر على وظيفة المناعة..وحاول على قد ما تقدر
تقلل تعرضك لدخان السجاير..
خد كفايتك من النوم..
عشان النوم القليل بيقلل المناعة فبتالى بيقلل
عدد الخلايا القاتلة اللى بتحارب الميكروب عشان كده
إصابتك بالمرض بتكون أكتر..وقلة النوم ممكن تؤدى
لمشاكل فى الجهاز الهضمى والقلب..وقلة النوم ممكن
تصيب بالشيخوخة المبكرة..

اخرج من حالة الضغط المستمرة..
لأن حالات الضغط بتسبب قلة جهاز المناعة وعدم قدرته على محاربة الأمراض..وفى أبحاث اثبتت إن الناس اللى
عندهم اكتئاب وأكتر عرضة للضغط بيبقوا أكتر
عرضة للإصابة بأمراض القلب..فحاول تدير مجهودك
ولا تضغط نفسك كتير..

إياك والحياة المستقرة!
أو بمعنى أخر “حياة الخمول”..
الجسم الساكن قليل الحركة بتقل المناعة فيه..
على الأقل 30 دقيقة فى
اليوم (مش شرط رياضة مجهدة للجسم) مجرد
تحريكه عشان تمشط كرات الدم البيضا فى الجسم..

[جبل عالي]

معلومات قيمة ومفيدة
تسلم ايدك
وجزاك الله عنا كل الخير

[.Lamar]

معلومات قيمة و طرح متكامل

شكرا ليكى

تحياتى

[سارة سرسور]

شكراً جزيلاً حبيبتي
موضوع هام ومفيد
تسلم الأيادي