صبــــح صبـــــح

[شاعر الحب الحزين]

صبــح صبــح قــوم وصحصح

اسعى لرزقك قول يا كريم

اصحــى وفتــح ولمــا تــروح

جيبلـي معـاك ايس كريـم

اسعى لرزقك متسبش حقك

عشان تفضل ف السليم

رزقتك ربنا موزعها بس انتا جمعها

ومتقولش حبة ملاليم

لقمة من حلال تكفيك بسمة رضا تغنيك

قناعتك تخليك حد عظيم

محدش اتولد وف بقه معلقة دهب دنيا لازم فيها التعب

اصلها دنيا مش جنة نعيم

طارت الطيور تدور على رزقها المتقدر

وانتا لسه بتجري ورا حلم قديم

انسى محدش هينفعك خمولك ده هيضيعك

قوم والحقلك من الرزق تقاسيم

وإياك تعتدي على حق ضعيف حتى لو كان قوتك رغيف

ومتسبش حقك لظالم وتبقى من المظاليم

بس انتا صحصح وقوم كده وفتح ابواب الرزق ليك تتفتح

لو تسعى بجد من قلبك وتقول يا كريم



شــــــــــــــــــــــــــــــــــــــــــ . حــــــــــــــــــــــــــــــــــــــــــ

[reda galal]

عن نفسي انبسط بحروفك دايما متميز

[شاعر الحب الحزين]

اقتباس المشاركة الأصلية كتبت بواسطة reda galal عن نفسي انبسط بحروفك دايما متميز

تسلم ابو جلال باشا ده انا المبسوط

بوجودك الجميل وكلامك يا رضا غالي

اسعدتني بوجودك ونورتني

ربنا يوفقك ويسعدك

[ParoOo]

صبح صبح يا عم الحاج

حلوه كلاماتك ^ ^

[شاعر الحب الحزين]

اقتباس المشاركة الأصلية كتبت بواسطة بنوته مصريه ميه ميه صبح صبح يا عم الحاج حلوه كلاماتك ^ ^

صباحو فل يا ست الكل

الاحلى تواجدك هايدي تسلمي

نورتيني واسعدني ردك

ربنا يوفقك ويسعدك

[Dr. AnOosHo]

عارف ياشاعرنا احلى حاجه في كلامك ايه

بيدخل القلب والعقل من غير منحتاج كترجم ولا نعيد ونزيد عشان نفهمه

رائع كالعاده .. وقضيه مطروحه مميزة جدا جدا

بجد تسلم ايدك

[شاعر الحب الحزين]

اقتباس المشاركة الأصلية كتبت بواسطة دكتور نوشه عارف ياشاعرنا احلى حاجه في كلامك ايه بيدخل القلب والعقل من غير منحتاج كترجم ولا نعيد ونزيد عشان نفهمه رائع كالعاده .. وقضيه مطروحه مميزة جدا جدا بجد تسلم ايدك

شهادة بعتز فيها جدا من انسانة تواجدها قيم

دكتورة نوشة انا سعيد بكلامك وتواجدك اللي

بالنسبالي هو دافع كبير لقيمة اي طرح ومحط ثقة واهتمام

اشكرك نورتيني واسعدني ردك وتواجدك

ربي يوفقك ويسعدك