لوكاندة( بنات مصر ) حلقة ( 1 )

[αЛαstoOorα]

الحكاية بآختصار هتشوفها جوة قصة فيها آحنا وفيها غيرنا وفيها كل شيئ هاممنا هي قصة ومسرحيه من خيالنا ف القضية مش مهم تكون واقعيه بس الآهم آنها جمعت مابنا كلنا ف شيئ كان آسمه حلمنا عشان نحقق بيه النصر جوه ..لوكاندة؟ ( بنات مصر ) بسم الله وعلي بركة الله نفتح ستار آولي حلقاتنا ومعانا آول شخصية كانت الماجيك والحلقة الآولي هي عبارة عن توضيح للقصة واللي هيدور فيها ونبدء ........ كان الماجيك قاعد عالفيس عمال يشيت كالعادة ويتكلم مع معجبينه ^^ واتعرف على واحد ايطالي بالصدفة وهو بيشيت وعشان هو بيحلم بالسفر وبيحلم يكون حاجة كبيرة ..نفض لكل البنات ع الشات وبدء بدماغة البشعه يستدرج الراجل ف الكلام ويتعرف عليه الماجيك/ آهلاااااا حبيب قلبي يامراحب بآيطاليه وناسها ومزمازيلاتها ^^ الخواجة/ ميغسيتو خبيبي سوكرن سوكرن الماجيك / منور الجهاز ياباشا ..آسم الخواجة آيه بقة؟ الخواجة/ آنا خبيبي خواجة فينو آيطاليانو وآنتي؟ الماجيك/ آنتي؟ آها عشان خواجة بقة ههههه آنا آسمي آحمد ..آحمد الماجيك الخواجة/ خبيبي آهمادة زي لتقولوها في ميصر اهاهاهاههههه الماجيك/ خبيب قلبي يا فينو دا آنت طلعت آبن نكتة ههههه : و اخدوا وادوا فالكلام والماجيك اقنعه ينزل مصر زيارة وصل الخواجه فينو و راح الماجيك يقابله وقعده عالقهوة اللي قصاد بيته عشان معندوش شاي واخدوا و ادوا فالكلام مع بعض لحد ما اتفق معاه يفتحوا مشروع والمشروع دة عبارة عن لوكاندا بجوارها مصنع ملابس صغير لصنع اليونيفورم بتاع الموظفين عشان المكان يبقي اخر شياكه المهم الخواجه فينو راح مدي الماجيك شنطه فلوس عشان يعمل المشروع وسافر الماجيك/ لنفسه / آخيراً حلمي هيتحقق وهصمم المشروع بنفسي هفتح الوكاندا وهبنيها بآرخص تكاليف وبآرخص عمالة : وبدء يتشغل ع المشروع وجاب آول عامل وهو البنا : العامل /المونه دي مش هتكفي يا بيه الاسمنت ناقص الماجيك / مشي حالك اعم وخلص انت مالك آنت هتعملي بتفهم! العامل/ يابيه طب ليه الغلط طه مهو كدا غلط ع الزلط والمكان ممكن يقع عاللى فيه لو مخدمناش ف المونة الماجيك/ آنت حمار ليه آنا بقولك آشتغل باللي موجود ومش هجيب تاني هو آنا لاقي فلوسي ف الشارع دي فلوس يتامه العامل/ يتامة مين ياباشا دنا لسة سامعك بتقول الفلوس اللي واخدها من الخواجة كتير يا منشاوي هتشتغلني وتقولي يتامه الماجيك/ ايه دا ؟ آنت بتتجسس عليا وآنا بتكلم ف الموبايل؟ آنت قليل الزوق العامل/ ياعم اللي آداك يدينا وهو كل واحد وقع علي خواجة يدوس ع الناس الماجيك/ اوووف آخلص بقة بطل رغي وآرف خلص عاوزين نخلص بسرعه العامل/ ماشي بس آنت مش عاوزني آجيب صبي عشان متدفعش ناولني آنت المونة بقة عشان نخلص بسرعه يابيه الماجيك/ آنا آناولك مونة؟ العامل/ مش عجبك هجيب الصبي بتاعي وهتدفعله؟؟ الماجيك/خلاص خلاص هتزفت واساعدك بس خلص العامل/ للماجيك/ هات ياض قالب التوب دا الماجيك/ ياض؟ متحترم نفسك ياعم العامل/ الشغل مفهوش بيه وباشا آنت دلوقتي المناول بتاعي آجري ياض هات قالب التوب عشان مظروفكش بالمسطرين علي نفوخك الماجيك/ في سره / يابن التيييت ..نخلص بس وتنتهي من آوم البنا وهربيك العامل/ بتقول حاجة ياااض؟ الماجيك/ لا ياسيد المعلمين مبقولش بقول ربنا يخليك لينا العامل/ آهااا بحسب مفيش حشيش هنا الماجيك/ ينهار ابوك آسود ؟ حشيش؟ آنت بيئة ياعم العامل/طب ليه الغلط طه الماجيك/ ياعم آنت عبيط بتقول آيه مفيش الآرف دا العامل/ارف ..هو الارف ان آنا آشتغل للشخصيات اللي شبهكو الماجيك/ مش عاجبك بسلامه العامل/ طب انا ماااشي الماجيك/ لالالالالا مش هلاقي ارخص منك ولا احقر منك خليك آرجوك العامل/ ايوة كدا ناس متجيش غير بالعين الحمرا : المهم قعدو يناكفو في بعض دا يناكف ف دا لحد ما خلص الماجيك وبنى اللوكاندا والمصنع وسابها على الله وباقي الفلوس ضربها في جيبه عشان هو داخل علي جيش والحاله هتبقة ضنك عالاخر بس بقة لوحده فيها يعني المشروع لسه مكتملش؟ ولازم يعين موظفين بيهم تعلا وتكبر اللوكاندا وآكيد آكيد هيكون هو المدير كا المعتاد ^^ المهم الماجيك وهو قاعد عالرصيف قدام اللوكاندا بيفكر : الماجيك / لنفسه /كدة المشروع تمام ناقص اعين الموظفين بقا اول حاجه اشوف موظف الآستقبال لازم يكون واحد شيك كدة عشان يفتح نفس الزباين وف نفس الوقت لازم يكون كا هيكل هيكل بني آدم ؟ مين مين... : وهو قاعد يكلم نفسه لقى واحد ماشي ف الشارع لابس تيشرت عليه المصارع جون سينا وكاب احمر والفون فجيبه والسماعه ف ودانه وماشي يتدلع بسبسله وشاور الماجيك / بقولك ياااا عم جون سامر/ تكلم مين؟ تكلمني آنا؟ الماجيك/ آيوة ياعم آكلم آنت ههههه آنت تركي ولا آيه؟ للهجتك مش مصريه؟ سامر/ تركي يوناني مالك بي ياالزلمة الماجيك/ ياعم من غير غلط ..آنت آسمك آيه؟ سامر/ وليش تبي تعرف؟ الماجيك/ ياعم قولي بس سامر/ آسمي سامر الماجيك/ حلاوتك يا سمورة سامر/ ايش؟ الماجيك/ آنت بتلعب مصارعه ؟ سامر/ آها ف الدابليو دابليو اي الماجيك/ آنا كمان بلعب سامر / وين بتلعب الماجيك/ ف الدابليو دابليو سي هههههاااي سامر/ آنت تهرج ليش وعاوز مني ايه؟ الماجيك/ ياعم بهرج معاك شايف الوكاندة اللي وراك دي؟ سامر/ آها ..مالها الماجيك/ تحب تشتغل فيها؟ سامر / وهشتغل فيها ايه؟ الماجيك/ الوكاندة دي حلم حياتي وآنت هتشتغل معايه وهتكون آول موظف يتعين فيها وهعينك ف الآستقبال سامر/ ايش هادا الآستقبال؟ الماجيك/ الآستقبال يعني آنت اللى مسؤل عن العملاء بتوع اللوكاندة ترحب بيهم وتاخد وتعرفهم الآوض بتاعتهم سامر/ يس يس يس الماجيك/ آيه عجبتك الشغلانة؟ سامر /يا سلام يا سلام ياعين ياعين اهو دة الشغل والا بلا الماجيك/مبروك يا كبير يلا عشان تستلم الوظيفه : و اداله بدله زرقا من المصنع مقاسه لبسها سامر و وقف عند الاستقبال مبروك اسامر سابه الماجيك وطلع لمكانه المفضل عالرصيف يكمل تفكير فباقي الموظفين : الماجيك /لازم موظفه تمسك السجل وتقيد فيه كل حاجه شاف بنوته كيوت ماشيه ناداها الماجيك /ياربي ع الجمال بست بست البنوتة / بصة حقيرة من فوق لتحت ف صمت الماجيك/ ياجميل مش بعاكس آنا عاوزك ف كلمتين البنوتة/ لو مبعتدش عني هيك اللحظة لصوت وآقول حرامي الماجيك/ هههههه بس بس حرامي مين آنا عاوزك تشتغلي معانا البنوتة/ ايش؟ ويش ها السالفة ماني فاهمة شي الماجيك/ شايفة الوكاندة اللي قدامك دي؟ البنوتة / آها الماجيك/انا المدير بتاعها ومحتاج موظفين ولما لقيتك بمنظرك الشيك دا ماشية تتمختري وتتبغددي كدا قولت هي دي اللي تنفع معانا آنتي آسمك آيه بقة؟ البنوته الكيوت /انا اذار الماجيك/ آنذار؟ آذار/ آذار يا مخربط الماجيك/ آهاااا سمعت غلط آسف ..آهلا وسهلا آذار/ آهلا فيك آخي الماجيك/ آنتي بقة هتمسكي السجل والبيانات بتاعة العملا آذار/ آوك هيك موافقة آنما شيئ تاني نو الماجيك/ هي الوظايف عندنا كتير لسة وخاليه لو حابة تغيري لطباخه انا ممنون آذار/ يؤ يؤ يؤ ..ايش طباخه؟ آنا ست بنات في بلدي آشتغل طباخه هون ف مصر آكيد مو هوافق علي ها الخدمة الماجيك/ خلاص يا جميل خليك آنت ف السجل يا سجلكي يا رااايق ههههه آذار/ هيك موافقة : وعين الماجيك آول آتنين موظفين من سولالتين مختلفين وكان سامر ذكر وكانت آذار الآنثي ويبقة البحث جاري عن اكتمال العدد ف الوكاندة بتعين الموظفين كلها ويطلع تاني لمكانه المفضل ع الرصيف يصتاد البقية وتتوالي الآحداث ودي كانت آول حلقة بس اللي جايه آحلي وآجمل آنتظرونا ف ثاني حلقات الوكاندا ومتنسوش تقولولنا رآيكم وتدونا تقيماتكم وبنتمني نكون بنسعدكم سلااام ( لوكاندة بنات مصر ) تآليف وآجتهاد ( آيمان طلعت ) فكرة وتنفيذ وآضافة وآخراج ^^ ( المنشاوي )

[ايمان طلعت]

لوكاندة بنات مصر
لوكاندة كلها مفاجأت
خليكوا معانا
اوعوا تغيروا المحطه
ههههههههه
والف تحيه لمديرنا

[Eng Esraa]

اهو ده احمد اللي نعرفه ههههههه
الفكرة جميلة... و تسلم ع مجهودگ
منتظرة باقي الحلقات بقي
بالتوفيق

[Arco Baleno]

ايش معنى الوكانده ؟.؟
بجد مش عارفه معناها
بجد فكره روعه والقصه واالحوار شي يموت ضحك
ويدخل عالم تاني
متابعه اايش يحصل تاني
الماجيك منور بس بالله كلم الخواجه تبعك وقله عاوزه
لفه وحده في ايطاليا هههههههههههه
واذار منوره بس انا عاوزه تبقي طباخه
ههههههههههه
منورين جميعا
ومجهود كبير منك فارس انت وايمان

[۩۩ elMagic ۩۩]

يا نهااار ازرق
كل دا حصل
لا بس انت موضحتش ان ربيت الواد بتاع المونه ولا لسه
هو كده كده زي ما بيقولوا استر ع الولايا
بس واضح كده انى طالع شرير
وواضح كمان ان فيه اجماع ع كده
استمروا استمروا

[Stop Ana Eltop]

جمييل اوى الفكره والتنفيذ
تسلموا لمجهودكم بقن

[Dr. AnOosHo]

حلوووووة حلوة حلوة يا اموشه

استمتعت وانا بتخزعبل (يحصلي خزعبلات) معاها هههههههه

تسلم بمخرج منشاوي .. منتظررررين الحلقه التاااانيه بجد

حوراء لوكاندة مينز اوتيل

[حافظة القرآن]

هههههههههه
حلقة حلوة جدا
الحوار تحفة ههههه
الفكرة والتأليف والتنفيذ حلوين اوى
تسلموا
فى انتظار باقى الحلقات إن شاء الله

[Arco Baleno]

تسلميلي يانوشتي
اوتيل يعني فندق صح
هههههههههههههههه

[الفيلسـوف]

منشاوى ده لذيذ والنعمه
استمر ياولدى الواد ده موهوب يا جماعه بس تسيبوها يابدع
مشكور ايمان للتاليف
وتسلم يامنشاوى للاخراج
وف انتظار محاطت لوكنده بنات مصر