الحلقه 18 من برنامج (رحلة أعضائنا مع الأطفال ) ومعانا Hearts Whisper

[ياسمينااا]

أهلاً وسهلاً بيكم أعضاء منتدي بنات مصر موعدنا مع حلقه جديده من برنامج (رحلة أعضائنا مع الأطفال ) ضيفتي شخصيه جميله جداً ما شاء الله عليها شعلة نشاط في قسمها من وقت ما مسكت الإشراف والقسم تنهال عليه التوبيكات قولت أستضيفها يمكن القسم هنا يتعدي منها ولا حاجه ههههههههه لابجد هي شخصيه جميله تفكيرها راقي رغم صغر سنها إسمحولي أرحب بضيفتي Hearts Whisper مشرفة قسم اليوميات أهلا ً وسهلاً بيكي ي قمرايه اهلا بيكى يا ياسمنا وثانكس على الدعوة الحلوة دي .. ^^ في البداية كدا تحبي تشربي إيه كابشينو بقا وظبطينا إتفضلي حبيبتي الاسئله للطفل هي : الطفلة حنين 5 سنيين وانا مش مسئولة عن اى اجابة ليها ههههههه في إيه ي شيمو إتبريتي من أختك كدا ليه هتطلع إجاباتها عسوله ذيها مش تقلقي هههههه 1 - اذا كنت فاضي هتعمل ايه ؟ هلعب على الكومبيتر .. بس مش لاقية الالعاب 2- لو معاك 1000 جنيه هتعمل بيهم ايه ؟ هجيب حاجات حلوة كتيير .. واجيب اندوومي 3- لو عاوز تسافر تروح فين ؟ نطلع فوووق فى السما .. ونرووح ****************** لبابا 4 - تحبني يا .. حنين ...؟ طيب ليه ؟ بتقولى طبيعى بحبك هههههههه انا اتصدمت من الاجابة .. بقولها ليه .. بتقولى معرفش ^^ 5 - عاوز تبقي ايه لما تكبر ؟ اشتغل النااس فى الطيارة فى السما واوديهم الكوييت والروضة ^^ 6 - بتحب المدرسه ولا لاء ؟ طيب ليه ؟ اه بحب المدرسة .. بحب مدرسة احمد ومدرسة هدى ومدرستك وكليتك وشغل ماما .. بقولها ليه .. بتقووول .. معرفش 7 - لو كنت مدير مدرسه هتعمل ايه ؟ بتقول هضرب العياال ههههههههههههه 8 - بتحب مين اكتر بابا ولا ماما ؟ بابا ومااما 9 - كم مره عصبت عليك وضايقتك ؟ 3 مراات او5 مرااات .. ( قلبها قاااس .. دانا طيبة هههههه ) 10 - تعرف ايه عن :- البحر النااس كلها بتدخل فييه / السماء السما بتدخل فى البحر والان اسئلة العضو :- 1 - بتحب /ي الاطفال ؟ طبعا الاطفاال دوول ليهم عشق خااص لانك بتتعامل معاهم من غير اى تكلف بسبب برائتهم .. بالعكس انا بحس نفسي طفلة واتهبل معاهم 2 - تحب /ي الاطفال في عمر كم ؟ الاطفاال عامة .. ملهمش سن 3 - اذا كان جنبك طفل وانت مشغول والطفل دا عمال يبكي وازعجك هتعمل ايه ؟ بحاااول اهديه واراضيه .. ولو مهدااش والموضوع خرج مني .. ممكن نعد نصرخ قبال بعض عاادي 4 - كيف تتعامل /ي مع الاطفال ؟ قلتلك بتحوول زيهم 5 - مين اكتر طفل في عيلتك بتحبه ؟ حنيين اختى طبعا 6 - اسماء بناتك مستقبلا ايه ؟ هههههههه مفكرتش فى الموضوع دا قبل كدا بس عامة بحب تقي ولوجي 7 - اسماء اولاد بردو ايه ؟ ولااد ممكن سيف وعمر 8 - اذا دخلت محل ملابس اطفال ايه اول شئ يجذبك ؟ السلوبت .. حاجة كدا تجنن ^^ 9 - الطفل الكتوم كيف تتعامل معاه ؟ الاطفال عامة بتجذبهم ابتساامة .. وشوية شوية بتعوود ويفك بقا وكدا 10 - لو عندك بالبيت طفل عنيد ومزعج كيف هتتعامل معاه ازاي ؟ قلت فووق بحااول اراضيه منفعش بسيبه مع نفسه شوية لحد ما يراضي نفسه .. لان حنيين كدا 11 - ممكن انك تفكر /ي في يوم انك تاخد كل اطفال العائله وتمشيهم وتلعبهم ؟ لو اطفااال عيلتنا لا طبعا دول هما الى هيمشونى ههههههههه .. انما لو كيوووت وكدا عاادي خااالص 12- عمرك غيرت حفاضة طفل ؟ مرة وحدة غيرتها لحنيين وهى صغيرة .. بس محصلتش تااانى تسلمي ي شيمو علي قبول الدعوه نورتينا حبيبتي ثانكس ياسمينا بجد اسئلة مميزة وحلوة .. تسلم ايدك وكنت سعيدة جدا بالتجربة وسوى على التأخير ما شاء الله حنين إجاباتها جميله وعسوله ذيها ربنا يحميها ويخلهالكو يارب ويرجع باباكم بالسلامه إن شاء الله أتمني إن الحلقه تنال إعجابكم إنتظرونا بقي وحلقه جديده الإسبوع القادم بإذن الله

[/ALIGN]

[الفيلسـوف]

شيماء دمها خفيف فعلا واتمنى انى ربنا يوفقها ف مستقبلها الدراسى يارب
ام بالنسبه لياسمينا جميله وخفيفه كالعاده ياياسمينا
تسلم ايدكم حلقه جميله

[رآقيہ بأخلاقـى]

ههههههههههه
شوفتى ياسمينا
كل الاطفال عندهم نفس الامنيه
لو بقيت مدير مدرسه هتعمل ايه
اللى هينفخ العيال واللى هيضربهم
عاد لينتقم ..
حلقة حلوة وظريفه وشيماء عسل هى وحنين
ربنا يخليكم بعض حبيبتى
ويخلى ماما وبابا
كنتى منورة يا شيمو .
تسـلمى ع الدعوة ياسو
بالتوفيق ليكى فى التوبيك يا قلبى

[العقل الباطن]

انا مليش دعوة انا هخطب حنين
عشان نكون ع نور يا اما هعملك جنايه
اجابتها جميله اوى وماشاء الله عليها ذكيه جداً
ذكاء فطرى ولسه لما تكبر محدش هيعرف يكلمها عشان كدا الحقها وهى صغيره ههههههه


موضوع جميل و دمه خفيف
وياسمينا محاور ماشاء الله عليكِ سهل فى كلماتك سهله فى اسلوبك
واللى يسمعلك يشعر انه عاوز يسمع اكتر

اما همس القلوب : فهى ماشاء الله عليه عقلها اكبر من سنها
وعجبتنى ردودها و تلقائيتها و فطنتها
ماشاء الله عليكم و ربنا يحفظكم
وفى انتظار الحلقات القادمه

[واد حبيب]

شمياء منور الحلقه واجابتها جميله
ربنا يخليلك اختك حنين
بس خليكي في مصر وبلاش تيجي عند بابا في ****************** في الحر اللي هنا ده
تسلمي يا ام يوسف علي الحلقه

[Abdallah]

فكره حلوه و شكرا لكما

[الملكة كيلوباترا]

حلقة ممتعة ياياسمينا
واجابات Hearts Whisper فى غاية الجمال

[.Lamar]

حوار جميل ياسمينا و اجابات حنين عسولة خالص

و شيماء كانت ضيفة خفيفة و اجابتها حلوة كتير

استمتعت بالحوار

و تسلموا حبيباتى

[العاشق الذى لم يتب]

وحشتيناام يوسف وبرنامجك الجميل
افتقدناه لماغيبت
اقولك تانى حمدالله على السلامة
ومنورة المنتدى وقسم الاطفال
جميلة الاسئلة وفكرة البرنامج
احييك عليك
وادعيلك ربنايباركلك فى يوسف ويحيى وباباهم وشكله هو كمان فى ******************
وشموسة عسولة ومنورة اليوميات ماشاءالله عليها
زى ماقولت خلت القسم شعلة نشاط
كانت نعم الضيفة والاجابات روعة
وحنين عسل وسكروشطورة خالص
وان شاءالله ربنايكرم بابا ويبطل يسافرتانى
ويجي بالسلامة

[فداااااااااااء]

والله حوار ممتع جدا

استضافة رائعة يا قمر

واجابات حلوة ودمها خفيف

تسلم ايدكم ويدوم الود والمحبة