أولى حلقات برنامج \ على ورق أبـيض .. ومعانا ...!

[رآقيہ بأخلاقـى]

السلام عليكم ورحمة الله وبركاته النهاردة موعدنآا مـع أول حـلقة من بـرنـآمج على ورق أبيــض .. فى البدايه حابه اعرفكم فكرة البـرنامج الفكرة هى .. بيكون معايا خمس ورقات بيضاء مطلوب من ضيفى انه يـكتب عليهم خمس اشياء هتوضح الفكره أكتر لما أعرض عليكم فضفضة ضيفيتنا اول ضيفه معايا .. هى بنوته عسوله بحبها من اول ما دخلت المنتدى دمها خفيفه طيبه عقلها كبير ناضجه متفتحه قلبها كبير وبتحب كل الناس كلامها بيطلع بطريقه عفويه وتلقائيه مش بتحب تزعل منها حد ولا بتحب تزعل من حد ضيفتى هى حبيبتى واختى وصحبتى دكتور نوشه منسق يوميات الاعضاء الاول برحب بيكِ أول ضيفه فى برنامج على ورق أبيض اهلا بيك ينور وبكل اللي حيقروا فضفضتي ويتحملوا رغيي ده فى البدايه مطلوب منك انك تفتحى لينا قلبك ومتشليش حاجه جواه تمام معايا خمس ورقات بيضاء هتكتبى فيها خمس اشياء تخص عالمك الخاص والعام هل تسمحى لينا بالدخول إلى عالمك ؟ يلا ادخلي هتفتحى قلبك وتقولى كل شئ بوضوح ؟ اكيد ان شاء الله أول ورقة معايا .. عايزاكِ تكتبى فيها نبذه ليست بالقليل ولا بالكثير عن الدكتور نوشه مين هى ؟ اسمي هنا عندي 30 سنه حياتي هم اهلي ... ماما اقرب مخلوق ليا على الارض روحي فيها مابتحملش عليها الهوا صح كتير بتعصب عليها بس بتمتص عصبيتي بابا سندي وعزوتي وانا دلوعته مع ان عندي 3 اخوات بس انا بالنسبه له غير اي حد من اخواتي ربنا مايحرمني منهم دلوعنهم كلهم وعشان كده مرتبطه قوي بيهم صيدلانيه وشغلي حياتي ماقدرش اسيبه ولا اقدر اعيش من غير مشتغل ليا صحاب كتير جدا بس مش انتيم يمكن هي واحدة بس ممكن تكون انتيم ليا البلقي كله صحاب بس مش صحاب اسرار على الاقل من طرفي بحب قوي اتعرف على الناس واكون صداقات رياضي المفضله السباحه بحب اقعد مع نفسي كتير بحب انزل اقعد في كافيه حلو ومعايا نتي وموبايلي ساعه اتنين تلاته لوحدي ماحدش معايا اشحن نفسي واروح مخطوبه من قريب ثانى ورقة هتكتبى فيها عتاب منك على حد عزيز عليكى لـحد بره المنتدى !! انتيمتي ... اكيد دي حياتها ولازم تعشيها زي مايبقى مصلحتها فيها بس بعدك اكيد معوضنيش عنه اي تليفونات وزعلانه لان الحياه شغلتها عني مش حقول انها مقصرة قوي في حقي لكن على الاقل انشغلت عني ثالث ورقه تكتبى فيها عتاب لحد عزيز عليكى جوه المنتدى ! لمار ... اضايقت جدا لما اضطريتي تقفلي الفيس ومبلغتنيش انك حتقفلي ومبعتيش حتى في المنتدى تقولي انا مضطرة اقفل وقعدتي فترة منساليش عني بس انتي من احب واعز اشخاص ليا في المنتدى ... بصراحه ماعرفتش ازعل منك ابدا انتي شخصيه محترمه وطيبه وانا بحبك جدا .. ربنا يخليكي ليا يارب رابع ورقه تكتبى فيها حلم نفسك تحققيه .! افتح صبدليات خاصه بيا وماشتغلش عند حد .. اشتغل في مالي خامس ورقه تكتبى فيها فضفضه مختصره عن شئ مزعلك شئ مفرحك شئ عامل ليكى ازعاج يعنى المجال مفتوح امامك اكتبى ما يحلو لكِ بشكل فضفضه قصيره الخطوبه .... اكتر حاجه موتراني ومضايقاني ومعصباني مش حاسه غير براحه نفسيه وقبول ... مبحبش الارتباط ولا بحب اكون مضطرة اني ارتبط يمكن الحاجه الوحيدة اللي خلتني اوافق على الارتباط المرة دي ان التعارف تم بطريقه انا بحبها ... مش جواز صالونات وقبول ناحيته وراحه نفسيه بس مش لدرجه اجي على نفسي عشانه .. ولا اتنازل عن اي حاجه عشانه متاكده ان الغلط عندي مش عنده ولا في العلاقه نفسها يككن لاني دلوعه ديما وعلى الحجر وطلباتي مجابه ولو زعلت البيت كله يبقى لس كل وظيفته يطبطب عليا فارق معايا كل تصرف وموقف بينا وبقارنه باهلي اخر موقف حصل قريب عندي مشاكل في شغلي وكنت مضايقه وبكلم مع ماما وهو بيتصل كنسلت عليه اكتر من مرة لاني مضايقه جدا وبكلم مع ماما اخر مرة فتحت عليه سالني مالك بحكي .. رد عليا بكل برود واستخفاف للي جوايا "سيبي الشغل واقعدي في البيت" حسيت اني بركان حينفجر في وشه ... انت سالت .. انت كلبت احكي .. عارف ان الشغل مهم جدا ليا في حياتي ... كان نتيجه كل ده رد مستفز بالنسبه لي ده موقف كبير جداااااا نفسيا مش عايزة انزل لا اشتري شبكه ولا اشوف فستان ولا اي حاجه لها علاقه بالخطوبه غلط فيا غلط في العلاقه غلط فيه مش عارفه ... بس متلخبطه ومش مرتاحه حرام ادلمه واقول انه مش مهتم بيا او مبيحبنيش .... ومازالت الفضفضه متلخبطه ومش عارفه حتتحل ازاي ربنا يكرمك يارب نوشتى وتحققى كل أحلامك ويخلى ليكى أهملك وخطيبك ويفضل على طول يحبك ولمار كمان بتحبك متزعليش منها انتي عارفاني صريحه واي حاجه بقولها مش بفكر قبل مقول هههههه ايوه حبيبتى عارفه علشان كده قولت انك عفويه وتلقائيه وده بيدل ع طيبة قلبك وانه قلب ابيض مش بيشيل حاجة جواه تسلمي ع الاستضافه دي ويارب رغيي ميكونش ممل ههههه لا يا قمرى انتى كنتِ منورانى وانا سعيده انك معايا وانك قبلتى الدعوة وفتحتى قلبك وقولت كل حاجة بصراحه نورتى حبيبتى وبكده تنتهى حلقة اليوم من برنامجكم على ورق أبيض الى اللقاء

[توحد ارواح]

فضفضه جميله علي ورق ابيض واستضافه مميزه
تسلمي ع مجهودك راقيه

[Dr. AnOosHo]

اقتباس المشاركة الأصلية كتبت بواسطة توحد ارواح فضفضه جميله علي ورق ابيض واستضافه مميزه تسلمي ع مجهودك راقيه

هههههههههه لحقتي تقري الرغي ده ... شكلك كان شاطر في العربي

[phalsteen]

نوشه انتي عارفه معزتك عندي
بس انا عايزة اقولك انك غلطانه
فترة الخطوبة مهمه جدا بالنسبة للتعارف والتفاهم
وخلي بالك من كلمه تفاهم دي
ولازم تخلي بالك ان بايديك تخلي خطيبك مستقبلا جوز واب وام واخ وصديق
والامور متتاخدش اني انا كدة او دا طبعي وان كان عاجب
في حاجات لازم عشان نكمل مع بعض نتفق ونتكلم مرة واتنين
الهدوء مطلوب دايما
متخسريش حد متمسك بيكي حببتي عشان مترجعيش تندمي
محدش فينا بيحب التحكم او يحس انه مخنوق بعلاقه ما
بس لو في حب واحترام وارتاح صدقيني مش هتشوفيها بالمنطق دا
بالعكس
هتشوفها واجب وهتشتكي من قله التحكمات دي

وانجزي بئه عايزين نفرح بيكي
ربنا يسعدك

عسل يا بت نور
بس زودي الاسئله شوية يختي
البرنامج مميز ويستاهل
وابقي نزليه في الكافيه بئه

تسلموا يا بنوتات
حلو اللقاء

[ŌиĹч.Ḿё]

يسلام على الكلام الجميل دا

ضيفة جميلة بتمنالك الخير فى حياتك

ودى

[♥○ moOoOoOna ♥○]

جميله الاستضافه يا نووور ♥♥

نورتى الاستضافه يا نوشه

[.Lamar]

حلقة مميزة و فضفضة صريحة

يا نوشة انا عمرى ما قصدت ازعلك

الظروف كانت غصب عنى و شرحتها لك

و كانت نفسيتى كتير سيئة وقتها

فى الوقت دة تكونى لوحدك احسن ما تضايقى حدا معاكى اكتر

انتى قلبك بلاك ليه يا هنا دة انتى حبيبتى ههههه

عموما الجزء الاخير انا قولت لك قبل كدة رايى فيه

و بتكونى فى بيت والدك مدللة

لكن فى بيتك الوضع بيختلف

و الحياة لازم تكون مشاركة و اخد و عطاء

ربي يسعدك يا هنا و يوفقك بحياتك كلها

حلقة جميلة يا نور و بداية قوية و الهيدر تحفففة

منتضرة الضيف الجاى باة

[فداااااااااااء]

حوار جميل جداا
وزاد من حلاوتة تلقائية دكتورة نوشة فى الحوار

ويا عزيزتى التوتر فى الخطوبة امر طبيعى لكن متخلهوش يأثر عليكى

فكرى مع نفسك شوى

تسلم ايدك قمرى على نشاطك المميز

دامت المحبة بينكن

[الفيلسـوف]

اتضافه جميله وبرنامج لذيذ يانور وجايب الاخره
تسلم ايدك
ام عن نوشه ربنا يوفقك يارب انتى شخصيه محترمه وتستاهل كل خير
وربنا يريح قلبك ويديك كل ما تتمنيه يارب
وتسلم ايدك يانور بجد
ودى واحترامى

[Dr. AnOosHo]

اقتباس المشاركة الأصلية كتبت بواسطة nefertiti نوشه انتي عارفه معزتك عندي بس انا عايزة اقولك انك غلطانه فترة الخطوبة مهمه جدا بالنسبة للتعارف والتفاهم وخلي بالك من كلمه تفاهم دي ولازم تخلي بالك ان بايديك تخلي خطيبك مستقبلا جوز واب وام واخ وصديق والامور متتاخدش اني انا كدة او دا طبعي وان كان عاجب في حاجات لازم عشان نكمل مع بعض نتفق ونتكلم مرة واتنين الهدوء مطلوب دايما متخسريش حد متمسك بيكي حببتي عشان مترجعيش تندمي محدش فينا بيحب التحكم او يحس انه مخنوق بعلاقه ما بس لو في حب واحترام وارتاح صدقيني مش هتشوفيها بالمنطق دا بالعكس هتشوفها واجب وهتشتكي من قله التحكمات دي وانجزي بئه عايزين نفرح بيكي ربنا يسعدك عسل يا بت نور بس زودي الاسئله شوية يختي البرنامج مميز ويستاهل وابقي نزليه في الكافيه بئه تسلموا يا بنوتات حلو اللقاء

فرحااااااااانه جدا انك دخلتي الكنتدى لو اعرف ان الفضغضه دي حتطلعك اون لاين وتشاركي كنت كتبتها من زماااان

وحشاني والله ينفرو
وانتي غاليه جدا عندي وكلامك حطيته في دماغي وحاخد بالي وربنا كريم حبيبتي