استفيقوا فاض الكيل

[HoDa MoHaMeD]

السلام عليكم ورحمة الله وبركاته

فضفضه رياضيه مكبوته
فاض بها الكيل

هو يعني ايه كوره؟
سؤال يحيرنى تم الزج بها ف السياسه وكان من نتايجها موت وتشريد .....
دي رياضه ياجماعه مش حاقد وحاسد وساحر وزفت
دي مكسب وخساره دي حياه مش تضييع وقت دي عشق بغض النظر عن كونها تحت مسمي اي نادي الفكره فيها كلها ع بعضها كده يعني لما اكون مدريدي بس شوفت جول حلو للبرسا ابقي سعيد بالهدف مش عشان مدريدي اتفرج ع البرسا واقطع فيها والعكس صحيح
اما ف مصر الاهلاوي عمال يفتخر بالبطولات وخلاص بعض الاهلاويه طبعا والزمالكاوى وواقف للاهلي ع غلطه عشان يذلهم ويشمت فيهم بعضهم طبعا
حياتنا عباره عن نقار وشتيمه وقله زوق وبس
راحت المتعه راحت الفرحه راحت كل حاجه حلوه ف الكوره ومبقاش باقي الا اللي طالع ف الاعلام الرياضي (الفاسد) ونازل شتيمه ف الخلق ايا كان مين هو الشخص
ونفس الاعلام (الفاسد) يموت لما الدنيا تولع وتشعلل والناس تنزل شتيمه ف بعض
دي الاهداف متعه المهاره متعه حتى صفاره الحكم متعه (بعيد عن الحكام المرتشين)
ده طبعا بالنسبه لاي حد بيحب الكوره
للاسف بقي عندنا أعلام وهتافات لكل فريق
حد يقدر يقولي هما ليه اصلا عملوا فرق كوره ف العالم مش ف مصر بس
الفرق اتعملت عشان تكون منتخبات والمنتخبات تلاعب بعضها والكل يتمتع بلعب الكوره مش بمين كسب مين ومين خسر من مين
عشان لما يكون ف موهبه زي بيليه لازم العالم كله يشوفها مايبقاش بس ف البرازيل
للاسف المنظور اللي اتعمل منه الفرق اتغير 360 درجه
الكوره بقت عباره عن دربيات بين اكبر فرقتين ف البلد
اه الدربيات حلوه بس لما تكون تحت اطار الرياضه الفايز نقوله مبروك والخاسر نصفق ليه
لما الكوره تبقي عباره عن أعلام وشعارات يبقي عليه العوض ومنه العوض فيكي يابلد
ياخساره ويالف خساره
للاسف مقلدين الغرب ف كل شئ الا الاخلاق والقيم والمبادئ اللي هما ف الاساس اتعلموها من دينا اللي هما اصلا مش معتنقينه
لما يبقي حد بقوه وعزم جماهير زحفت ورا الفريق اللي بتشجعه ولفت وراه بلاد مصيرها الموت مره واتنين والحبس مراااااات كتير
يبقي ايه
انا مع ان الاولتراس شباب متهور الي حد ما بس متهور لان يكون فريقه فريق بطل وده حقه تحت اي مسمي نادي
بس لما يبقوا بيساندوا اللاعيبه ووراهم ف كل حته
وف الاخر يتشردوا ف بلاد غريبه حتى مش ف بلدهم
يبقي ف حاجه غلط
دول شباب حتى موصلوش لمرحله النضوج الفكري
يعني التعامل يبقي ع قد مستواهم الفكري حط ليهم قانون بس مش يبقي تعجيزي
يكرههم ع شئ هما اصلا ضده اتناقشوا معاهم كلهم يعنى اولتراس كل نادي مش نقول عليهم بلطجيه ومحرضين من كذا وكذا وكذا
كلامى ده جوايا من زمان
متعه الكوره معتش بحسها
بغض النظر انا بشجع فرقه مين
الفرق كلها بتصب ف مصلحه منتخب مصر
مش لمصلحه الفرق وبس
نحتاج للارتقاء بانفسنا
وياريت اللي بيحب الكوره يتابعها واللي مالوش فيها مايقعدش يفتي ويهري ف كلام اصلا مش فاهمه
الكره للجماهير بس مش لاي جماهير
للي بيفهموا كوره
اصل اللي مالهومش فيها مجرد ان فريقهم يكسب يطنطط وخلاص وهو زي الاهبل
لا فاهم حاجه ولا هايعرف يفهم
كله اللي يعرفه انه يهيص مع الهيصه
والله كلامى ده لاي حد ف مصر مش لحد معين ولا لجمهور معين
اصل انا جبت اخرى منكم والله
‫فضفضه مكبوته‬
‫الحريه لجماهير الزمالك‬
كلامى من قلبي
وانا لا ليا ف الكتابه ولا الصياغه والحوارات دي
اعذرونى ع الاطاله
وعدم التنسيق ف الموضوع
كل اللي هاممنى اخرج الطاقه اللي جوايا

DoDa

[محمود الصاروخ]

انتي لخصتي موضوعك وانا هاخد من موضوعك نقطتين مهمين جدا !
الاعلام اللي عاوز يولعها دايما سواء الاعلام الاحمر او الاعلام الابيض
وفي النهايه الخسران شباب صغير زينا كده
والنهايه كلنا عارفينها
كانت احداث بورسعيد اولا ثم الدفاع الجوي ثانيا
أتمني الاعلام يهدي الجو شويه في مصر تحديدا

الكوره للجماهير
تلك الجماهير التي بسببها اطلق الافارقة على ستاد القاهره ستاد الرعب الدولي
لان تلك الجماهير كانت تزأر كالاسود في عرينها وكان زئيرها هذا سببا
في بث الرعب في قلوب لاعبي الفرق المنافسه !

وكان رد الجميل للجماهير ان تقتل في ملاعبنا وان تستباح دماؤها !
كان الغدر هو نصيب جماهير الكره في مصر

لابد من عوده الجماهير الان
لان الجماهير ملح كرة القدم هى التى تبث الروح والعزيمه داخل الاعبين
في الحقيقه كره القدم لا تسوى شىء بدون الجماهير
اتمنى عوده الجماهير في اقرب وقت ممكن

ومن ثم الروح الرياضيه !
بأي منطق حضرتك بتطالبي ب الروح الرياضيه من الجمهور اللي المفروض فاهم كوره
وكان حصل احداث غريبه في الايام الاخيره و حرق تيشيرتات الانديه لبعضها
من قبل الجماهير !

طلبك شبه مستحيل هدي في زمن كتر فيه الزياطين في الكوره !
شوفتي اجواء تونس كانت عامله ازاي !
اتمني تكون الرساله وصلت لكل المصريين
مفيش نادي مصري قادر يفوز علي ملعب سوسه ومن ضمنهم منتخب مصر
واهو بالحب بقي ..

[فداااااااااااء]

الامر اصبح سيئ فى مصر

ولازم يكون هناك تدخل جاد لاصلاح الوضع دا فى الكورة المصرية

وخاصة ان الجماهير العادية اللى من الاسر بدأو ينفروا من الكورة بسبب التعصب الاعمى

وبسبب الاعلام اللى عاشق فى اشعال الامور علشان يكسب مش مهم ايه اللى يحصل المهم يشعلوها

سلمتى ويدوم النشاط

[HoDa MoHaMeD]

انا وجهه نظرى دي من زمان تقريبا لما بدا مستوى الكوره ف مصر ينحدر لما بقي الاعلام بدل مايصلح بقي يخرب
لما الناس بدات تكره بعضها
ده اثر سلبا ع الكوره ومتعتها
انا واحده من الناس اللي معتش بتمتع بالكوره بعد ماكانت الكوره دى كل حياتى
فكره التعصب وجمهور يشتم ف جمهور وجمهور يحرق تيشيرتات ده بدأ بسبب السوشال ميديا
يعنى مثلا صفحه زى صفحه حسام غالى اللي هي اصلا مش بتاعته وضامه كذا مليون شخص وكذلك صفحه اطاليانوا زمالك دى كمان ضامه كذا مليون
نفترض فيها ادمن قال كلمه شعللت الدنيا تروح الصفحه التانيه واخداها اسكرين شوط وهاتك ياقله ادب
الكذا مليون اللي ع الصفحتين
بيولعوا ف بعض
وبيكون ف النهايه السبب شاب بعقل طفل (ادمن)
وحاجات وحاجات وحاجات تانيه كتير
ولكن مفيش حاجه اقولها الا
لك الله يامصر

اقتباس المشاركة الأصلية كتبت بواسطة مـح ـ الصاروخ ـمود انتي لخصتي موضوعك وانا هاخد من موضوعك نقطتين مهمين جدا ! الاعلام اللي عاوز يولعها دايما سواء الاعلام الاحمر او الاعلام الابيض وفي النهايه الخسران شباب صغير زينا كده والنهايه كلنا عارفينها كانت احداث بورسعيد اولا ثم الدفاع الجوي ثانيا أتمني الاعلام يهدي الجو شويه في مصر تحديدا الكوره للجماهير تلك الجماهير التي بسببها اطلق الافارقة على ستاد القاهره ستاد الرعب الدولي لان تلك الجماهير كانت تزأر كالاسود في عرينها وكان زئيرها هذا سببا في بث الرعب في قلوب لاعبي الفرق المنافسه ! وكان رد الجميل للجماهير ان تقتل في ملاعبنا وان تستباح دماؤها ! كان الغدر هو نصيب جماهير الكره في مصر لابد من عوده الجماهير الان لان الجماهير ملح كرة القدم هى التى تبث الروح والعزيمه داخل الاعبين في الحقيقه كره القدم لا تسوى شىء بدون الجماهير اتمنى عوده الجماهير في اقرب وقت ممكن ومن ثم الروح الرياضيه ! بأي منطق حضرتك بتطالبي ب الروح الرياضيه من الجمهور اللي المفروض فاهم كوره وكان حصل احداث غريبه في الايام الاخيره و حرق تيشيرتات الانديه لبعضها من قبل الجماهير ! طلبك شبه مستحيل هدي في زمن كتر فيه الزياطين في الكوره ! شوفتي اجواء تونس كانت عامله ازاي ! اتمني تكون الرساله وصلت لكل المصريين مفيش نادي مصري قادر يفوز علي ملعب سوسه ومن ضمنهم منتخب مصر واهو بالحب بقي ..

[HoDa MoHaMeD]

اتمنى التدخل الجاد ده فعلا
ويتحسن حال الكره المصريه
شكرا ليكى
نورتى

اقتباس المشاركة الأصلية كتبت بواسطة فداااااااااااء الامر اصبح سيئ فى مصر ولازم يكون هناك تدخل جاد لاصلاح الوضع دا فى الكورة المصرية وخاصة ان الجماهير العادية اللى من الاسر بدأو ينفروا من الكورة بسبب التعصب الاعمى وبسبب الاعلام اللى عاشق فى اشعال الامور علشان يكسب مش مهم ايه اللى يحصل المهم يشعلوها سلمتى ويدوم النشاط

[ساحر الأحزان]

هو التعصب السبب

والبعد عن الروح الرياضية بتشجيع اللعبة الحلوة

والى يجتهد ويلعب نبارك لية

انما الى بيحصل دة اسمة تعصب غير محمود

جميل موضوعك

[HoDa MoHaMeD]

صحيح
الانحطاط الاخلاقي اللي بقي فينا
غير معالم كل حاجه حلوه
الاجمل هو مرورك

اقتباس المشاركة الأصلية كتبت بواسطة ساحر الأحزان هو التعصب السبب والبعد عن الروح الرياضية بتشجيع اللعبة الحلوة والى يجتهد ويلعب نبارك لية انما الى بيحصل دة اسمة تعصب غير محمود جميل موضوعك