عايزه اروح عند امى

[big bốss]

هى : عايزه اروح عند امى يا حبيبى

هو : انتى مش كنت عندها اول امبارح هو كل شويه

هى : و ايه يعنى انت هتمنعنى عن اهلى انا عارفه انت بتكرها

هو : مش حكايه بكرها بس احنا مش فاضين انتى وراكى بيت و مسئوليه

هى : بقا كدا ماشى ( و اتقمصت الهانم )

تروح تتصل بمامتها

و تشكلها انه مكنش هو دا الى عرفاه قبل الخطوبه او متغير و مخادع و كذاب

و امها طبعاً سبيله البيت و تعالى و هنخليه يطلقك و نوديه فى ستين داهيه

ازاى مش يخليكى تشوفى امك حبيبتك

=============


دى من المشاكل الى بتحصل بين المتزوجين و هى طلب الزوجه زيارة الاهل

و الزوج بيرفض

فهل دا من حقه ؟

و هل لو رفض من حق الزوجه عدم الانصياع ؟

اصل محدش يقدر يمنع صلة الرحم و لكن لها مواعيد و بحدود

اما البنات معروف عندهم تحب تخرج كل شويه عند مامتها

و لو بايدها تروح فى اليوم تزور اماها 5 مرات

فلازم الزوج يشكمها

[۩۩ elMagic ۩۩]

طاعة الزوج واجبه ودا من الدين
واذا كانت الزوجه غلطانه في شئ
لازم هنا دور الام توعيها وتعرفها ايه الصح
مش تسعى لخراب بيتها !
دا غير ان اسرار البيت مينفعش تخرج لا لأم ولا لاب
كل حاجه تتحل ما بين الزوجين
وانا بردوا مش باحبذ كل يوم والتانى تلف عند العيله
ويا بخت من زار وخفف بقآآ
كل اسرة وليها مسئولياتها وامورها كافيه انها تنشغل فيها
موضوع قيم
تسلم للمجهود نور

[حـيـــــآة ❤]

آنت ذكرت حوآر او موقف عامة..
شوف انت متغلطش الزوجه بئآ
من حق الزوجه ان تزور اهلها..
وآه من حق الزوج انه يتامر و..و.. ودي شغلته اصلا !
لكن زي ماقلت صلة الرحم .
وجب عليه كمان يزور والدة زوجته..
....
انما حتة لو بايدها تروح لوالدتها5مرآت دي هقولك:
البنت اما بتبئا ف ذمة زوجها ده مش معناه ان خلاص
هي مش ف صمة اهلها (لا)
ودي فطره عند البنات عامة حبايب مامي
وبالذات بئا لو عروسه جديده هتلاقي الحته دي عندها
انها تحب تروح لوالدتها دائما
وهقولك نقطه .:ممكن معاملة الزوج من وجهة نظري بتفرق وبتتدخل ف الموضوع ده
يعني لو مش طايقك بمعاملته هتطلبي تزوري والدتك كتير
لانه بتلجأي ليها وبتشكيلها
ف الوقت ال مش هتلاقي حد تشتكيله ف بيت جوزك !
بس اولا واخيرا وبعيدا عن كل الهري دي↑
الفتاه فطرت على التعلق بالام بالذات ولو اصبحت ف ذمة رجل!
موضوع قيم
تسلم نور

[انجي_1]

بص انا هقول الحق
وهكلم عن تجربة
البنت لما بتجوز خلاص مبتبقاش من مسؤولية اهلها
بتبقا في مسؤولية راجل
الراجل دون له حق عليها بعد الزواج اكثر من اهلها
يعني لو قال لها متروحيش لاهلك واجبها تطيعه لان طاعة الزوج من طاعة الرب
فزمان كان حصل ف عهد النبي عليه الصلاة والسلام موقف مش فكراه فكانو لما سالوه قال لهم الزوجة يجب ان تطيع زوجها حتى لو اذن لها بعدم زيارة اهلها وجب طاعته
ناس كثيرة هتفتي بقا وتقعد تعترض
مش مهم
البنت لازم تشوف اهلها طبعا وتزورهم ويكون في صلة رحم وكده
بس مش لدرجة المبالغة
مش كل يومين الست هانم عايزة تروح لاهلها
المفروض هي اجوزت تركز بقا ف بيتها وزوجها وحياتها المقبلة
ومرة ف الاسبوع مثلا ف اجازت الزوج او كل 15 يوم
مرة ف الشهر ليه لاء تطلب انها تشوف اهلها زوجها يوديها والحياة تبقا جميلة بينهم
بس انا بجد ضد ان البنت تجوز وتكثر زيارات لبيت اهلها كل شوية بحيث توبقا كانها عايشة معاهم لسة
الزوج بيضايق كده
وهو اصلا بيكون عنده شغل ومش فاضي ولازم يجي يلاقي ست مهتمة بيه وببيتها مش كل شوية رايح يجيبها من عند اهلها
وبعدين لو اكلم فهو عنده حق لانه من يوم كتب عليها بقت تعتبر تحت مسؤوليته هو مش اهلها
اهلها تودهم تحبهم تزورهم تحي صلة الرحم معاهم بس تطيع زوجها بس
ربنا يهدي بنات المسلمين
والسلام

[ساحر الأحزان]

اقولك مش فية مثل بيقلك

لما تحب تشترى ارض اشترى ارض قريبة

ولما تحب تتزوج ازوج من بعيد

لان دة طبيعى لواحدة فى بداية حياتها الزوجية وبيت اهلها قريب شو تتوقع

طبعا كل يوم ولا اتنين تروح لاهلها

غير لما تبعد المسافة

يبقى الزيارة كل شهر نص شهر فى المناسبات

وغيرة

وحتنسى بقى اهلها خالص

لانة حيكون كل حياتها

[Śลяą..ღ]

كلام احمد صح
الزوج ليه حق فى كدا
اما الزوجة برضو حقها بس مش باستهبال دايما
لان بعض الناس بيكونوا اخدنها عند
والام برضو شغلتها تصلح م تهدم
اصلا المشاكل دى مش هتنفع تخرج خارج اطار البيت
وربنا يهدىالجميع

[big bốss]

اقتباس المشاركة الأصلية كتبت بواسطة ۩۩ elmagic ۩۩ طاعة الزوج واجبه ودا من الدين واذا كانت الزوجه غلطانه في شئ لازم هنا دور الام توعيها وتعرفها ايه الصح مش تسعى لخراب بيتها ! دا غير ان اسرار البيت مينفعش تخرج لا لأم ولا لاب كل حاجه تتحل ما بين الزوجين وانا بردوا مش باحبذ كل يوم والتانى تلف عند العيله ويا بخت من زار وخفف بقآآ كل اسرة وليها مسئولياتها وامورها كافيه انها تنشغل فيها موضوع قيم تسلم للمجهود نور

على الام توعية البنت عندك حق فى الكلام دا

بس قليل الى بيعمله

المفروض يكون فيه توعيه ان البنت لما تتجوز بتكون زى الضيفه

مش واخده زى الدائرى رايحه جايه عند مامى

منور يا احمد

[big bốss]

اقتباس المشاركة الأصلية كتبت بواسطة ♥حيآة آلروح♥ آنت ذكرت حوآر او موقف عامة.. شوف انت متغلطش الزوجه بئآ من حق الزوجه ان تزور اهلها.. وآه من حق الزوج انه يتامر و..و.. ودي شغلته اصلا ! لكن زي ماقلت صلة الرحم . وجب عليه كمان يزور والدة زوجته.. .... انما حتة لو بايدها تروح لوالدتها5مرآت دي هقولك: البنت اما بتبئا ف ذمة زوجها ده مش معناه ان خلاص هي مش ف صمة اهلها (لا) ودي فطره عند البنات عامة حبايب مامي وبالذات بئا لو عروسه جديده هتلاقي الحته دي عندها انها تحب تروح لوالدتها دائما وهقولك نقطه .:ممكن معاملة الزوج من وجهة نظري بتفرق وبتتدخل ف الموضوع ده يعني لو مش طايقك بمعاملته هتطلبي تزوري والدتك كتير لانه بتلجأي ليها وبتشكيلها ف الوقت ال مش هتلاقي حد تشتكيله ف بيت جوزك ! بس اولا واخيرا وبعيدا عن كل الهري دي↑ الفتاه فطرت على التعلق بالام بالذات ولو اصبحت ف ذمة رجل! موضوع قيم تسلم نور

شكلك مش هتنفعى فى حته

اه حبيبت مامى بس خلاص لما بتتجوز بتبقى حبيبت الزوج

الفضفضه عادى تفضفض مفيش مشكله

بس مش معنى كدا كل شويه خروجه

منوره يا حبيبت مامى

[Fatma eissa]

خلينا نتكلم لأول
نقطه
نقطه
وهي البنت اخدد
انها طول عمرها عايشه
مع والدها ولدها
وخده رحتها
لما اتجوز
اعتبرت أنهى دخلت حياة
جديده غير عند بابها ومامتها
وغير كدا انها مبقتشي
تقعد معاهم زي لأول
ف،ي حاجه متغيره عليها
ولسه علي ماتستوعب
لأمور
وتعرف ان وراها مسؤلية
وفرض الزوج
يعينها علي ذاك واخد يدها
ويلفت برها بهدوء
لأن الكلام بيجيب نتيجه
ومش بنا عشان هتخليها تعاند
أما بنسبه
انه يدي ليه الحق انه
يمنعها عن زيارة لأهل فدع غلط
لأن لا طاعه لمخلوق في معصية الخالق
ولاهم حاجه طلة الرحم
وخصوصا لاب ولام
أن ليهم الحق لأكبر
وهما الخير وبركه
وأظن انها تضحي بيهم
عشان
لا يعوض
وبعدين الي ملوش خير فاله اكيد ملوش خير ليك

تسلم علي طرح القيم

[๓αℓάҝ]

ههههههه ده اللي بيحصل ؟

بتقوله عاوزه اروح عند أمي بس رايحه تتفسح يعني
هو اكيد في وقت بس مش من حقه يقولها لا متروحيش عندها

رد الغلط بالغلط مش بيصحح حاجة ،
فلا مدام قال لا متروحيش فهي تحترمه
لان الحاجات الصغيرة دي هي اللي بتقفل اللاتنين من بعض = ))

و عموما مفيش ست بتدور علي خراب بيتها ولا ام هتحاول تخرب بيت بنتها

لو بصيت علي الموقف من بعيد كنت هتلاقي لو كان أخدها شافت أمها
مكنش هيصدعنا الصداع ده ههههههههه