بتتفرجو علي ماتش الاهلي والزمالك فين ؟ ممنوع الدخول لـ فداااااء

[محمود الصاروخ]

السلام عليكم ورحمه الله وبركاته !
أخباركو شبابنا ؟ يااارب بخييير كده دايما
:d:d

ان شاء الله يوم الخميس في ماتش قمه جديد واكيد الماجيك
هيعملنا مفجأه جميله و مسابقه توقعات زي كل ماتش
وعارف انا الناس بتحب الحاجات دي
عشان المكسب فيها ببلاش


يوم الخميس في ماتش جامد جدا
بين الاهلي و الزمالك من جديد !

الزمالك بطل مصر عن جداره
الاهلي وصيف الدوري و الكاس

مطلوب أولا القبض علي العضوه الاهلاويه فدااااء
يوم الاربع بلليل و الافراج عنها يوم الجمعه الصبح بعد الماتش


حبيت اعمل الموضوع ده و اسأل الناس كلها
بس السؤال مش موجه ل فداء وياريت متجاوبش عليه

بتتفرجو علي ماتش الاهلي و الزمالك فين ومع مين ؟

السؤال ده مخصوص عشان عارف ان الناس كلها ملهاش ف الكوره
وماشاء الله يوم الماتش ده الكل بيكون له في الكوره
:d:d:d

في أمان الله

[ساحر الأحزان]

حتفرج علية عندى

ما بحب اخرج برة

عشان اعيش مع نفسى واعرف اتابع

المفروض مرتضى منصور

يعطيك العضوية تبع الزمالك

ومبروك مقدما يا فداء

[فداااااااااااء]

وأنا ادينى التزمت بالأمر أهو ومادخلتش
انا مش انا على فكرة علشان متقولش امال مين اللى دخل دلوقتى
وأن شاء الله هتفرج عليه فى البيت

وإن شاء الله المباراة تنتهى بالتعادل
3/0 للأهلى
وربنا يديم الروح الرياضية

اه انا مادخلتش

الله يبارك فيك يا ساحر ربنا يكرمناونهزم الخطين الحمر دول

[احمد مرادونه]

ان شاء الله الفوز للنادي الملكي نادي الزمالك بطل الدوري هسمعو مع الزمالكويه اكيد والنتيجه المتوقعه 4-1 للزمالك باسم -حفني-2كهربا

[حـيـــــآة ❤]

طب ماحنا اهلاويه يابركه
عامة الماتش ده جه ف وقته
وبالتوفيق للجميع
والفوز للاهلي

[واد حبيب]

انا بحب اسمعو لوحدي
الاهلي بطل السوبر يا محمود

[محمود الصاروخ]

اقتباس المشاركة الأصلية كتبت بواسطة ساحر الأحزان حتفرج علية عندى ما بحب اخرج برة عشان اعيش مع نفسى واعرف اتابع المفروض مرتضى منصور يعطيك العضوية تبع الزمالك ومبروك مقدما يا فداء

انت بتهزر ياساحر
ده لو مرتضي سمعك هيقول
مين محمود الصاروخ ده اقسم بالله اجيبه الارض

منور ياباشا

[محمود الصاروخ]

اقتباس المشاركة الأصلية كتبت بواسطة فداااااااااااء وأنا ادينى التزمت بالأمر أهو ومادخلتش انا مش انا على فكرة علشان متقولش امال مين اللى دخل دلوقتى وأن شاء الله هتفرج عليه فى البيت وإن شاء الله المباراة تنتهى بالتعادل 3/0 للأهلى وربنا يديم الروح الرياضية اه انا مادخلتش الله يبارك فيك يا ساحر ربنا يكرمناونهزم الخطين الحمر دول

مين اللي بيتكلم فداء ولا مين

انا توقعاتي زيك كده تعادل
بس 1/0 للزمالك مش طماع انا

منوره فدااااء

[محمود الصاروخ]

اقتباس المشاركة الأصلية كتبت بواسطة احمد مرادونه ان شاء الله الفوز للنادي الملكي نادي الزمالك بطل الدوري هسمعو مع الزمالكويه اكيد والنتيجه المتوقعه 4-1 للزمالك باسم -حفني-2كهربا

ان شاء الله المكسب للزمالك وبأي نتيجه
انا زملكاوي زيك بس اللي انت بتقوله ده م الاخر وهم ومستحيل يحصل !
الماتش ده تحديدا متكافيء بين الاهلي و الزمالك أه ان معاك ان احنا
ممكن نكون متفوقين في العامل النفسي وان شاء الله تكون حاجه لصالحنا !
أما باقى النقاط فـ التكافىء بين المستويات موجود فى الفريقين
هيلعبوا ب إتنين مساكين دوليين حجازي و ربيعه
هيلعبوا ب نص ملعب حديد غالى وصالح جمعه و عاشور
عندهم الحته اليمين هتتقفل بفتحي والشمال برحيل
وعندهم قوه هجوميه مفتريه من وليد و إيفونا و السعيد و رمضان وأنطوي و عمرو ومتعب و الشيخ و حمدي ذكي

فريق فيه العناصر دى لو أتقعد معاهم نفسيا يومين بس واتحمسوا بشكل جيد ودا سهل وأترصوا بس فى الملعب بشكل صحيح صدقني لهم كل الحظوظ فى الفوز بالبطوله

بلاش نقول الكلام ده و نضحك علي نفسنا
الماتش صعب ولازم لاعيبتنا تعرف الكلام ده كويس

نورتني ياريس

[محمود الصاروخ]

اقتباس المشاركة الأصلية كتبت بواسطة ♥حيآة آلروح♥ طب ماحنا اهلاويه يابركه عامة الماتش ده جه ف وقته وبالتوفيق للجميع والفوز للاهلي

منا عارف انك اهلاويه يابركه

الفوز للافضل ان شاء الله
منوراني حيااااة دايما