الحلقه الـ 8 [في الملعب] مع واد حبيب [ خاصه جدا ]

[محمود الصاروخ]

ان كان للأبداع عنوان فهو واد حبيب المبدع والمتألق بمنتديات بنات مصر
وصاحب قلم مبدع في وصف فريقه النادي الاهلي بشكل أكثر من رائع
دائما يكون متواضع ودائما يرحب بالافكار الجديده التي تساهم في نجاح
أقسام المنتدي بشكل عام


من غير كلام كتير أهلا بكم معانا في البرنامج الرياضي
[ في الملعب ]

اعداد وتقديم محمود الصاروخ




وهذه المره جاء الانتقاء والاختيار لـ مشرف الخواطر سابقا
وأعتقد بأنه من الاشخاص النادريين والمحبوبين جدا في المنتدي ولهم نجاح
في كل مكان وأصحاب الشخصيات المتواضعه والرائعه


معايا النهارده في الملعب
[ واد حبيب ]



إستمتعوا بهذه الاسئله الخفيفه والأجوبه المميزه من ضيفنا
واتمني هذه الحلقه تنال إعجابكم جميعا




[ بسم الله نبدأ ]



1- البطاقه الشخصيه لـ واد حبيب و هواياته و إهتمامته ؟

محمد رمضان
28 سنه
من دوله طنطا الشقيق
ه مجوز وعندي اياد او رمضان الاتنين واحد
هويتي لعب الكرة مع العلم اني ملعبتهاش من زمان
والنت طبعا

2- كيف كانت بدايتك في المنتدي وماهو سر نجاحك ؟

انا عرفت المنتدي عن طريق عاشق ولهان
كنت في الاول معرفش حاجه فيه خالص عاشق علمتي هوه وجبل الخير
كنا احنا التلاته مع بعض في ******************
انا حبيت المنتدي اوي اول ما دخلت لدرجه اني مكنتش بنام بسببه
كتبت موضيع كتير والحمد لله كلها بقلمي
حبه الاعضاء هوه سبب نجاح اي عضو هنا

3- الكل يعرف بأنك مشجع أهلاوي وسبق ورأينا عدة تغريدات اظهرت ذلك ، ممكن توضح منذ متي شجعت النادي الاهلي ؟ ولماذا ؟

انا بشجع الاهلي من اول ما تفرجت علي كوره والدي الله يرحمه كام اهلاوي واخويا الكبير زملكاوي طبعا كنت لزم اكون مع ولدي لكن بعد كتير حب الاهلي بيجري في دمي يعني لو اتعورت دلوقتي هينزل دم مكتوب عليه هناخد الدوري من الزمالك
مين يقدر يشحع حد غير الاهلي

[ انا يامحمد بشجع الزمالك اهو ]


4 - كتير جدا بنسمع مقارنات بين الاسم الكبير محمد أبو تريكه وبين الاسم الكبير أيضا حازم امام برؤيتك الخاصه كلمني عنهم ؟

اكتر اتنين محترمين في عالم كره القدم المصريه
الاتنين لهم مهارات خاصه
لما تعمل مقارنه بين نجوم زي دولت اكيد هتكون صعبه اوي
لكن ابو تريكه يتفوق في عدد البطولات والانجازات مع الاهلي ومنتخب مصر

5- برؤيتك الخاصه ماهو أفضل محترف في الدوري المصري وماهو أفضل مدرب اجنبي موجود ؟

من وجهه نظري انا محمد كوفي لاعب الزمالك في الموسم الماضي
لكن لسه هنشوف السنادي مين هيكون احسن لاعب اجنبي في الدوري بس علي ما اعتقد هيكون جون انطوي
لعب عنده مهاره عاليه وهداف متميز

6- ما رأيك في الاصوات التي ظهرت وشككت في بطولات الزمالك العام المنصرم ؟ وهل تتوقع ان يواصل الزمالك مشوار التتويج هذا العام أم انه سيخرج بدون بطولات ؟

الزمالك ظهر الموسم الماضي مختلف عن كل المواسم لكن لسه تنقص بعض الخبره
الموسم الحالي هيكون صعب جداااا علي كل الفرق فبه منافسه جامده بين الاهلي والزمالك علي اللقب ودخل معاهم الاسماعيلي
بس بعد مبارة اسوان امس اقدر اقولك ان لو الزمالك فضلت علي كده هنشجعها السنه اللي جيه في القسم التاني

[ مش لدرجه القسم التاني يا محمد ما الاهلي الموسم اللي فات بدأ مشواره بخسارة من الرجاء احنا لسه في بدايه الدوري وربنا يكرم بس المدرب يغير سياسته ]

7- لو خيرت ب إختيار 11 لاعب من الاهلي و الزمالك و الاسماعيلي وتكوين فريق كامل من الحراسه للهجوم من ستختار ؟

فيه كتير بس اقولك برده
شريف اكرامي حارس عملاق بس ساعات كده بتضرب معاه وبيعمل فضايح
احمد الشناوي
احمد حجازي محمد كوفي احمد دودار رامي رابيعه
حسام غالي طارق حامد ايمن حفني عبدلله السعيد
جون انطون وعمرو جمال

8- من هو لاعبك المفضل عالميا ؟ وأيضا مدربك المفضل ؟ والمنتخب الذي يطربك أدائه ولعبه وانت تشاهده ؟

كرستيانو ده الاعب المفضل لي
المدرب مش متابع اوي في ده
منتخب اسبانيا
والمانيا

9- ما رأيك في اتحاد الكره المصري بشكل عام ؟ وما رأيك في أزمه وديه السنغال الشهيره ؟

اتحاد فاشل فاشل فاشل
ده مش ازمه دي فضيحه للمنتخب المصري
ولزم يكون في عقوبه شديده للمتسبب في كده

10- ما رأيك في الاعلام الرياضي المصري بشكل عام ؟ هل هو ضخم كما يعتقد البعض أم انه يريد إشعال الفتنه بين مشجعين الانديه فقط ؟

كل واحد عوز يظهر نفسه وخلاص
مش بيهمه ان كانت دي هتسبب مشاكل ولا لا
ومبيصدقو يمسكو فيها لو كانت صغير تكبر بسببهم

11- برؤيتك الخاصه هل تعتقد ان نصل لمونديال روسيا 2018 في ظل وجود كوكبه من اللاعبين المميزين من تشكيله الزمالك الرائعه وتشكيله الاهلي الباحثه عن الفوز دوما ام انه مجرد حلم فقط ؟

حاسس اننا هنفضل نحلم علطول
طول ما اتحاد الكره موجود ومفيش تنظيم في المنتخب
لو الحاجات دي اتصلحت هنوصل ان شاء الله

12- برشلونه تلك الاسم الكبير و الكبير جدا الذي فعلها من قبل و حقق سداسيه شهيره هل يستطيع فريق أخر يحقق ما حققه النادي الكتلوني ؟ ونحن نتحدث عن الاسم الكبير برشلونه

مين قالك ان برشلونه حقق السداسيه ده علي اساس انها اخدت كاس السوبر الاسباني ولا ايه وبعدين لسه كاس العالم للانديه ممكن فريق تاني ياخده
بس في فرق تقدر تعملها زي الريال والاهلي والباير

[ معلوماتك ماشاء الله قويه يامحمد بس برأي ان الاهلي ميقدرش يعملها لعده اسباب ]

13- من الأفضل برأيك فريق العاصمه الإيطاليه روما أم اليوفي ؟ وهل روما قادر علي تحقيق الدوري هذا العام في ظل رجوع مستوي منافسيه ؟

الموسم الماضي كان اليوفي افضل بكل تاكيد لكن
مش عارف الموسم ده مالو ايه اللي حصلو
في الوقت الحالي روما افضل وانا شاء الله هيحقق الدوري
في زي تراجع اليوفي بشكل ملحوظ وفورتينا اللي مش متقدر تكمل للاخر

14- نظره عامه علي دوري أبطال أوروبا وما يحدث فيه من مفاجأت ولكن برؤيتك الخاصه من ترشحه للحصول علي لقب دوري الابطال لهذا العام ؟

شكل السنادي هيكون دوري ابطال اروبا صعب جداااا
بس الريال هيفوز بلقب ان شاء الله

[ برأي يامحمد ان خلاص جه دور الانديه الايطاليه للتربع علي عرش أوروبا من جديد ]

15- جمله شهيره كنا نسمعها من قبل وتكررت كثيرا بأن مشاكل الاهلي كانت داخليه وليست خارجيه ، ما رأيك فيما حدث في النادي الاهلي في الفتره الاخيره ومجلس الاداره يوزع التهم علي الجميع ؟ وما رأيك في قرار محمود طاهر بتعيين بيسيرو مدرب للأهلي ؟

اول مره اسمع ان الاهلي المشاكل بتاعتو بتخرج للاعلان
هيه ظهرت من ساعه مشكلةحسام غالي و ائل جمعه
وانتهت بحوار محمود طاهر مع مني الشاذلي
انا طبعا ضد ده نهائي في النادي الاهلي بس اعتقد انه مش هيحصل تاني

16- الزمالك بعد أن حصل علي الدوري والكاس و أصبح بطلا لمصر تراجع مستواه في السوبر وأيضا تراجع مستواه في تاني لقاء في الدوري بشكل ملحوظ ، برأيك ماهو سبب التراجع ؟ هل للإرهاق دورا في ذلك ؟ أم ان ادارة الزمالك غرقت في العسل ونسيت ان الفرق الاخري دعمت صفوفها بأقوي اللاعبين ؟

الارهاق ظهر بشكل كبير جدااااعلي لاعبي الزمالك في مبارة اسوان
وتراجع مستوي باسم مرسي في الوقت الحالي
كان لزم يكون في مهاجم افريقي سوبر في الزمالك
وكمان الجهاز الفني دايما تحت ضغط من مرتضي منصور وتهديدو المستمر باقاله

[ ركز علي مهاجم افريقي سوبر يامحمد لان ده راي من زمان جدا ]

17- ما رأيك في حظوظ الانديه المصريه المشاركه في دوري الابطال والكونفدراليه العام القادم ؟ هل يفعلها الاهلي ويعود لمنصه التتويج الافريقي مره أخري أم الزمالك يقول كلمته ويقول انا موجود ؟ ام يظهر لنا فريق من خارج مصر ؟

اتوقع ان الاهلي والزمالك هيكون لهم شكل تاني في افريقيا
اما المقاصه وانبي مش هيكملو

18- لو خيرت بعمل مقارنه بين صفقات الزمالك هذا الموسم و صفقات الاهلي ماذا تقول ؟ ومن الافضل والانجح فيهم حتي الان ؟

صفقات الزمالك والاهلي مقدرش احكم عليها دلوقتي الكل قاعد علي الدكه
بس محمود كهربه وجون انطون هما اللي ظهربن حتي الان

19- برؤئيتك الخاصه من سيكون هداف الدوري المصري هذا العام ؟

هيكون افريقي ومن الاسماعيلي

20- ماهو أفضل دوري عربي برأيك ؟

السعوديه

21- ماهو أفضل منتخب عربي يقدم كرة قدم جميله وممتعه في الوقت الحالي ؟

مفيش غير الجزائر

22- الكل يعلم قوة قطبي مصر الاهلي و الزمالك هل تتوقع ان يكون نهائي دوري الابطال القادم مصري ؟

اتمني ذلك بفعل

[ كلمه أخيره ]
رأيك في برنامج الملعب وهل تتوقع له النجاح في المنتدي فيما لا يقل عن 5 سطور

قبل اي شئ استني لما ادعي عليك انا طلع عيني
علشان بحاوب من علي الفون
البرنامج بجد جميل
والاسئله ممتازه فعلا
بس لزم كل حلقه تغير في الاسئله علشان محدش يزهق من المتابعين
ربنا يوفقك ان شاء الله

[ تسلم ع النصيحه يامحمد نورتني بجد ]



وبكده نكون وصلنا لـ نهايه الحلقه
وأتمني تعجبكم الاستضافه والاسئله اللي طرحت


إنتظرونا قريبا مع عضو جديد في برنامج
[ الملعب ]



خالص حبي
محمود الصاروخ

[فداااااااااااء]

حوار رائع اخى محمود

واستضافة قيمة لاخونا واد حبيب

اسئلة رائعة واجابات جميلة

سلمت روحكم

[Eng Esraa]

استضافة جميلة منك محمود ...
و محمد اجاباته قيمة ...
يدوم النشاط .. بالتوفيق بقي

[حـيـــــآة ❤]

يحيآ الاهلي
استضافه جميله
ومنور أبو اياد
تسلم محمود
دمتم بخير

[نسيم الورود]

استضافة جميلة
و اجابات رائعة
مجهود جميل
بتوفيق ليكم

[Fatma eissa]

استضافه حلوه
وحوار ممتع
تسلم ايدك يامحمود

[محمود الصاروخ]

اقتباس المشاركة الأصلية كتبت بواسطة فداااااااااااء حوار رائع اخى محمود واستضافة قيمة لاخونا واد حبيب اسئلة رائعة واجابات جميلة سلمت روحكم

تسلمي فداء علي مرورك الأجمل والاروع
منوراني دايما كده

[محمود الصاروخ]

اقتباس المشاركة الأصلية كتبت بواسطة eng esraa استضافة جميلة منك محمود ... و محمد اجاباته قيمة ... يدوم النشاط .. بالتوفيق بقي

تسلمي اسراء مرورك هو الأجمل
منوراني دايما

[محمود الصاروخ]

اقتباس المشاركة الأصلية كتبت بواسطة ♥حيآة آلروح♥ يحيآ الاهلي استضافه جميله ومنور أبو اياد تسلم محمود دمتم بخير

يحيا يحيا الزمالك
منورانا دايما حياة والله
تسلمي علي مرورك الاجمل

[محمود الصاروخ]

اقتباس المشاركة الأصلية كتبت بواسطة نسيم الورود استضافة جميلة و اجابات رائعة مجهود جميل بتوفيق ليكم

تسلمي اختي علي مرورك
منورانا