لوكاندة( بنات مصر ) حلقة ( 4)

[ايمان طلعت]

رجعت حلاوة روح من السوق وقعدت هي وسارة ينضفوا الملوخيه حلاوة روح/ ايه الريحه الحلوة دي انتي اشتريتي ارانب سارة/هو ارنب واحد بس لقيته هنا حلاوة روح مبرقه/هااااه يدهوتي دة بتاع حوري دي هتقلب الدنيا لو عرفت راحت حلاوة روح للماجيك /يا ماجيك فيه خبر كدة مش كويس خالص الماجيك/خير اللهم اجعله خير حلاوة روح قالت للماجيك وجريت /ارنب حوري سارة دبحته الماجيك بيلطم/دبحتوا الارنب الله يلعن اليوم اللي فتحت اللوكاندة دي فيه طلع وهو بيقلب كف علي كف اعمل ايه دلوقتي فالمصيبه دي شافه رائد من الملعب اللي بينضفه هو و محمود ساد فرحله رائد/ مالك يا كبير الماجيك/هو بقي فيها كبير ولا صغير هي مصيبه وحطت عليا رائد/خير بس فيه ايه الماجيك/البت سارة بتاعه مصر دبحت ارنب حوري وانت متعرفش معزته ايه عندها دي لو عرفت هتقفلنا المخروبه دي رائد/ولا يهمك يا كبير انا هحلها الماجيك/هتحلها ازاي يا فالح بقولك اندبح رائد/سيبها عليا ومتقلقش نصايه واجيلك بالحل رجع رائد لمحمود ساد/انا رايح مشوار نصايه وجاي محمود/انت هتسيبني فالمرمطه اللي انا فيها دي وتخلع رائد/دة مشوار للماجيك هقضيه وراجع علي طول محمود ساد/ادام للكبير روح بس متتأخرش دخل الماجيك وقعد فالهول مستني وهو قاعد دخلوا اتنين و راحوا ناحيه سامر قام سامر كالعادة وظبط بدلته وابتسم /ياعين يا عين اؤمروني عيوني واحد منهم عايزين اوضتين سامر/يا هلا منورين شو اسمك انا حسن العندليب صوتي يشق الجبال وقلمي يعدي الخيال سامر/منور شاعرنا العندليب وبص للتاني وانت شو اسمك انا خالد الحزين شاعر القطرين اكتب بالشمال واليمين سامر/يا مراحب باهل الكلمه اتفضلوا المفاتيح غرفتين جنب بعض عشان انت تكتب والعندليب يغني للصبح رحب بيهم الماجيك وطلعوا اوضهم دخل رائد و وقف فجنب / بس بس بس بص الماجيك و جري عليه/ ها عملت ايه فتح رائد كرتونه معاه و طلع منه ارنب ابيض الماجيك/ايه دة سرقته منين دة رائد/دة بتاع الوليه ام احمد جارتنا عندها كتير فمش هيفرق معاها واحد الماجيك/ايه ده كله ابيض التاني ودانه كانت سوده رائد /بسيطه نلون ودانه ولا تزعل دخلوا اوضه جنب المطبخ قاله يله لونه بسرعه رائد/معيش الوان الماجيك/اوف اومال نلونه ازاي بس استناني هنا ثواني طلع الماجيك اوضته جاب اللاب ونزل فتحه وقعد يكتب عليه بعدين قفله رائد/ايه عملت ايه الماجيك/واحدة صاحبتي عالفيس رسامه بعتلها تجيب الوانها وتيجي رائد/طيب اروح انا اشوف محمود وخلي الارنب معاك الماجيك/طب روح وخلصوا عايز الملعب جاهز بكرة عشان فيه ناس جايه تلعب فيه راح رائد لمحمود لقاه مرمي عالارض جري عليه وهو مخضوض محمود محمود قام محمود /ايوة ايوة انا صاحي اهو رائد/انت نايم ياعم خضتني بحسبك موت محمود/لا انا زي القرد بس كنت تعبان وعايز انام رائد/طب يلا نخلص عشان المدير عايزة جاهز بكرة في حين محمود و رائد بيشتغلوا وقف تاكسي قدام الباب و نزلت بنت منه ومعاها شنطه كبيرة و دخلت اللوكاندة راحت علي سامر/هاي سامر/هاي علي الجميل انا ايه و رسمي حكايه فين الماجيك ندة سامر عالماجيك جه وسلم علي ايه وقالها تعالي ورايا دخلوا الاوضه اللي فيها الارنب قالها/ الماجيك/عايزك تلوني ودان الارنب دة اسود ايه/ازاي انا برسم والون عالور ق بس الماجيك/اعتبريه لوحه بقي خلصي ايه/طب امسكه عشان بخاف الماجيك مسك الارنب لايه وهي طلعت الالوان وقربت منه وهي خايفه مسكت الفرشه ولسه بتمد ايديها وهووب راح ناطط عليها راحت رميه الفرشه و الالوان وقعوا علي هدوم الماجيك وصرخت وجريت راح الارنب طلع جري علي برة طلع الماجيك جري وراه شافه سامر واذار جريوا معاه عشان يمسكوا الارنب والارنب عمال يجري ويتنطط وطلع على فوق الماجيك وهو طالع راح وقع عالسلم/الحقوه اوعوا حوري تشوفه تبقي كارثه طلعوا وعمالين يدورا هنا وهناك والارنب فص ملح وداب صحيت حوري على دوشتهم حوري/ايه الدوشه دي مش عارفه انام الماجيك/ادخلي اوضتك دلوقتي عشان فيه فار بندور عليه حوري/هااااه فار يا مامي ابخاف منهم موت انا داخله ولما تمسكوه خبروني ياتري الارنب راح فين وهل حوري هتعرفه ولا لا ويانري مين الضيوف اللي جايه تلعب فالملعب كل دة هنعرفه الحلقه الجايه تآليف وآجتهاد ( آيمان طلعت ) فكرة وآخراج ^^ ( المنشاوي )

[الفيلسـوف]

انا اعترض ياابوى انا مش حتيوب عليه ربنا من مسح اللكوندا
انا عايز اترقى ههههه رائد بيروح مشاوير وانا بنظف
منك لله يا بعده هههههه
تحفه الحلقه ياايمى روعه كالعاده

[فداااااااااااء]

ههههههههههههه والله تجننى ايمان

كل دا علشان ارنب هههه

يللا ان شاء الله حورى تعرف وتبهدلهم هههههههه

سلمتى ايمان لخفة دمك يا قمر

[۩۩ elMagic ۩۩]

ههههههههههههه
دايما انتو عاملين قيمه للفران
كويس جات مصلحه
واما نشوف شكلنا هندبح حوري ونخلص

[Arco Baleno]

ههههههههههههههههههههههههههههههههههههههههه
فصلتني ضحك مش قادره ابطل ضحك
ارنبي د ماركه عالميه ومجنن لوكانده بنات مصر
والماجيك خايف تتقفل الوكانده
يوومك اسود ساره لان ذبحت ارنوبي اللطيف
والماجيك خايف اكشف الموضوع وطلب الاذن يتلون اسود هههههههههههههههههههه

ياربي ايه الحلقه لي زي العسل دي
ورائد جايب ارنب الجاره ام احمد ههههههه
الويل لكم الويل لكم
عاوزه ارنبي هههههههههههههه
مليش دعوه عاوزه رنوبي
هههههههههههههههههههههههههه
روعه روعه ايمان استمري حبيبتي

[Arco Baleno]

ايه يا احمد بهون عليك
فين الملح والماء والعيش الي بيننا قال تذبحني دا انا اقفل لك الوكانده كلها
ههههههههههههههههههههه

[حازم34]

حلوه اللوكانده بساكنيها

وارنب حوري ابيض وودانه سود وعامل فيها

والحل سهل ويسير وفكروا فيها ركبوا ودان ال راح علي الجديد ونداريها

حلو السيناريوا ايمان والحلقه دي الروح والدم الخفيف ماليها

يسلموا وعاملين جو جميل وحلوه اللوكانده بساكنيها


لوكانده بنات مصر سيناريو وحوار ايمان طلعت

اخراج المنشاوي

الدخول مجانا والخروج بفلوس

يسلموا تقبلوا مروري

[حافظة القرآن]

ههههههههه
عايزين يلونوا ودان الارنب
ليها حق آية تجرى هههه

حلقة جميلة
تسلموا
فى انتظار الحلقة الجاية ان شاء الله

[شاعر الحب الحزين]

على فكرة الأرنب عندي انا والعندليبو ههههههاي

اول مرة اشوف حلقة ف اللوكاندة بس بجد جميلة

تسلمي شمعتنا المضيئة ع الحلقة الحلوة

والروح الاحلى اكيد يدوم عزك ونبض قلبك ايمان

ربي يوفقك ويسعدك

[Steve Austin]

اول حلقة اقراها وبحاول اجمع يعني بس فهمت

ابداع ف الحبكة عجبني جدا ومنتظر جديدك