مخنوقة جاوبونى

[فتاة القمر]

ااااااااااااااااه
اعرف ان الشكوى لله وليس لبشر
بس انا حاسة انى قربت اتخنق عمرى ما اشتكيت
كل ما افوق من جرح الاقى اللى بعده مستنينى وجع كبير حتى البكى مبيدويش الجراح اللى جوايه كان قلبى بيموت كل ما بيمر عليه الوقت خارجة من مجموعة تجارب عبارة عن بقايا يعنى فتافيت معلش دوشت دماغكم بس مش لاقية حد احكيله غيركم
اتولدت لقيت عمى بيحارب بابا عشان ميراث جدى رافض يدى لبابا حقه ممكن يعمل اى حاجة عشان بابا يتنازل عن حقه لدرجه انه ممكن ياجر واحد بعربيه يخبط حد فينا
حاولت اعيش حياتى رغم ان احنا اتحطينا فى ازمات مدية كتير بسبب عمى وانا طفلة
دلوقتى حلتنا المادية اصبحت جيدة جدا تكاد تكون مرتفعة
كبرت مع جارتى اللى فى نفس عمرى جارتى مكنش ليها اخوات بنات كانت بتقولى انى انا زى اختها اللى مش موجودة 9 سنين اكتر من الاخوات وفى الاخر سابتنى عشان واحد باعت صداقة عمر عشان واحد وياريته كويس
تعبت كتير بعديها بس.................. دخل واحد فى حياتى حاول يفهمنى ان اللى يبعنى المفروض مبكيش عليه حبيته ونسيت بيه حجات كتير قاسية فى حياتى كلمة بحبك اللى قلهالى خلتنى اعيش بعد ما كنت خلاص بموت
هههه وبعدين هو اللى باعنى نسى كل حاجة سنة بحب فيه وهو حجر ده لوكان بيكرهنى على الحب اللى حبيته كان زمانه حبنى باع زى غيره

مبقاش لي حد بقيت خايفة من كل الناس رجعت لاهلى فهمت امى كل حاجة طبطبت عليه شويه وبدل ماتداوى اللى فاضل منى بتجرح فيه برضه

اختى هى اللى فضلالى بس هى كمان عندها هموم مبحبش اوجعها اكتر بهمومى
معرفش جيت اشكلكم ليه يمكن انتو صحابى ممكن عشان صحبتونى من غير اى مصلحة او هدف حاسة انكوا اقرب ناس ليه
عجزت قبل الاوان مخنوقة .............خايفة من كل البشر حاسة انى مبقتش قادرة اعمل حاجة حتى البكى مش قادرة عليه
سمحونى لوكنت طولت عليكم وسمحونى لوكنت دوشتكم بمشاكلى
اسفة

[بنوته اسكندرنيه]

خليكى اقوى من كدة
وسيبى كل حاجه على الله سبحانه وتعالى
اكيد الايام الى جايه احسن بكتير
اوعى تياسى
دة اختبار من ربنا
ومتفقديش الامل فى حاجه
زى ما فى ناس وحشه
فى ناس كويسه جدا جدا
انتى لسه صغيرة يا قمر
والى سابك يبقا مش يستهلك

[فــــــــــرح]

انتي اخت ليا فالاسلام قبل ماتكوني اخت ليا فالمنتدى
فنصحتي ليكي اهم شي تقوى الله
واعرفي ان كل الحاجات ديه ابتلاء واختبار من الله عز وجل ليكي
ولصبرك واحنا فدنيا القابض على دينه كالقابض على الجمر
وبلاشي حب وكلام فاضي انتي مش سلعه كل شويا فيد واحد
انتي جوهره لو بيحبك مامتك ربنا يخليها ليكي موجودة
وبس ومتنسيش ان ربنا موجود
اما صحبيتك من حقك تبكي تسعه سنين مش شويا بس اصبري واحتسبيها عند ربنا

[marwoo]

عارفه يا فتاة القمر لما تشوفى مشكال غيرك او تسمى عنها صدقينى حتجسى بالرضا واللى باعك متزعليش منه بالعكس انتى تزعلى عليه لانه هو اللى خسران واوعى تندمى على حاجه عملتيها مدام بتتقى الله فى عملك وتعاملك مع غيرك فده كفايه المفروض متحسيش باليأس بل بالانتصار عارفه ليه لان ولا حد من الجرحك حيقدر يرفع عينه فعينك النظره دى لوحدها تحسسك بالانتصار واوعى تبينى للى قدامك ضعفك بل خليكى اقوى واحسن واكبرى اكتر علشان يعرف قد ايه هو خسرك خلى ضعفك هو قوتك
وربنا يجعل ايامك الجايه كلها فرح يا قلبى
تقبلى مرورى يا قمرايه

[yasmine refat]

أختي**

صدقني حياتك مستقرة أكثر من غيرك

فأولا وأخرا قولي الحمد لله

أنا هقولك على طريقة بعملها أما أكون محبطة وبترفع جداااااااااا من معنوياتي

من يوم متقومي من نومك لين متنامي قولي الحمد الله

لما تحطي رجلك على الأرض أحمد الله أنك مش محتاجه حد يرفعك

لما تتكلمي أفتكري أنك قادرة تعبري عن نفسك

وقولي الحمد لله وأهم حاجه تحسي بيها

والأحلى أنها دي تكون عادتك حتى لو مش محبطة

وأفتكري أن الله كريم

أما عن مشاكلك فمش هقدر أنصحك لأني مش معاكي ومش عارفة وضعك بظبط

غير أن فعلا أنا شايفه أن حياتك مستقرة ومشاكلك الفعلية أنتهت

يمكن أمك بتعمل كده بظن منها أنه لمصلحتك

فأكيد تفكير أمك مختلف عنك تماما

يكفني أقلك أحمدي الله

أتمنى لكي حياة أفضل

بالتوفيق

أختك

[فتاة القمر]

شكرا لمشركتكم همومى من كل قلبى