اﻻشراف على صفحات مكشوفه

[الأميرة رودي]

السلام عليكم.

ازيكم يااحلى اعضاء..
زى ماانتو شايفين ظروف غيابى وغياب رووكه
وكل واحده فينا لها ظروفها فى الغياب غصب عنا مقصرين.
والقسم بقاله فتره محتاج متابعه وبما أن الصفحات معروف بخصوصية وأهميته
فﻻبد يكون معانا متابع تالت لحين حل مشكلاتنا.

اﻻشراف على الصفحات له شروط يمكن بتختلف عن باقي اﻻقسام.

وأهم شرط من وجهه نظري واللى استنتجته خلال الفتره الطويله اللى مسكت فيها القسم انه ﻻبد يكون المشرف على قدر كبير من الهدوء والبعد عن العصبيه فى التعامل مع المدونات وعدم التدخل فى كتابات اﻻعضاء مادام مش مخالفه.

كمان ضروري جدا المتابعه المستمره لكل المدونات وتشجيع اصحابها والتواصل معاهم من خلال الايكات والتقييمات. .

وعدم اﻻنحياز لمدونه بعينها لمجرد الميول أو اﻻراء السياسيه وغيره.

اللى شايف نفسه يقدر يكون مشرف الصفحات يقدم نفسه
وهيكون تحت المتابعه واﻻختبار لفتره وبعد كده هيتم إختيار اﻻفضل واﻻجدر.

بشرط يكون بقاله فتره فى المنتدى يعنى عارف وفاهم طبيعه اﻻقسام.وخاصه الصفحات. .
كمان يكون دائم التواجد الفتره الجايه
بتمنالكم جميعا التوفيق

[جبل عالي]

اولا منورة الدنيا يارودي فعلا والله
وتواجدك له قيمة كبيرة جدااا

وبصراحة انتوا اجدر ناس بالصفحات
ده عن رأيي بصراحة

اتمنى لكم كل التوفيق يارب

[♥○ moOoOoOna ♥○]

نوتى من تانى ^ـ^

بالتوفيق

[حـيـــــآة ❤]

قرار سليم
لكن انتوا كنتوا عاملين شغل

[الملكة كيلوباترا]

كويس انه يبقى فيه ثالث معاكم فى القسم بالذات
وباذن الله تلاقى مشرف متواجد
ويكون موجود فى قسم الصفحات المكشوفة

[العاشق الذى لم يتب]

يارب مايحرمناش منك ورووكة وحشتنااوى
وطال غيابهااكيد عندهاظروف
ترجعى انت وهى بالسلامة
وقسم الصفحات قسم مهم جدا
وعاوز اللى انت وصفتيه
بالتوفيق

[الفيلسـوف]

والله من وجهه نظرك صح بس بجد
القسم ف وجودك انتى وروكه ليه متعه خاصه
وع مااظن القصه دى ممكن تبقى بالمتابعه معاكى
مع حد يا ساره وده من خلال ملاحظتك الشخصيه
ومهما ان كان الجديد فانتوا من صنعتم
والاتى يكمل فقط من صنع الجذور
خالص احترامى و تقديرى

[محمود الصاروخ]

روكه ورودي
مش هقول أكتر من اللي قبلي
لان بالفعل القسم معاكم حاجه تانيه
انا واحد م الناس حبيت القسم ده عشان المشرفيين
هي وجهة نظر سليمه جدا منك يارودي
وربنا يكرم ان شاء الله
والدنيا تكون تمام

بالتوفيق ان شاء الله

[الأميرة رودي]

ماتحرمش منكم ومن آرائكم.
احنا هنفضل موجودين على القسم ومتابعين بقدر استطاعتنا
بس المشكله أننا مقصرين والقسم محتاج متابعه.
محتاج اهتمام وتكريمات شهريه وحركه ودم جديد.
ورووكه بتحاول تحل مشكلتها ولو قدرت هتكون موجوده والقسم مكانها فى اى وقت ترجع..
كذلك انا أن شاء الله هكون متواجده الفتره الجايه..
بس عشان نكسر حاله اﻻحتياج اللى فيه القسم محتاجين مشرف له مميزات خاصه..

والمطلوب مشرف متفرغ للقسم ده بس
مش ملتزم بإشراف أقسام اخرى. .

الفتره الجايه هيكون فيه متابعه للمتابعين باستمرار وخاصه المتابعين للمدونات. .
وربنا يوفقنا

[fanaa]

انا جديده معرفش حاجه بصراحه
هو ايه بقى قسم الصفحات دا