اهلاوي ؟ .. زملكاوي ؟ .. طب تعالي :/

[محمود الصاروخ]

السلام عليكم ورحمة الله وبركاته

فازت تشاد علي مصر وبدأ العرض المستمر والمعتاد من الجمهور المصري
وانتشرت بطريقه غريبه وعجيبه علي مواقع التواصل الاجتماعي
والمنتديات وغيرهم

مواضيع تهاجم اسامه نبيه لمجرد انه زملكاوي
مواضيع تهاجم لاعبي الزمالك في المنتخب

وتقابلها مواضيع تقلل من لاعبي الاهلي في المنتخب
ومواضيع تقول بأن حسام غالي لاعب الاهلي فاشل في المنتخب

طب انا عندي سؤال لكل اهلاوي ولكل زملكاوي
طالما انتو الاتنين حلوين كده والاهلي والزمالك جامدين ليه منتخبنا ضعيف ؟
وليه الاهلي والزمالك حاليا مابينفعوش المنتخب وبنخرج بفضايح ؟

الاهلي والزمالك
جامدين علي بعض أه بس في افريقيا حاليا إحنـــا صفـــر
سواء منتخبات أو أنديــه والدنيا واضحه للجميع
بس إحنا شعب بيحب التعصب وبيجري في دمه

حالة الاحتقان اللي عملها الاعلام الرياضي ظهرت نتيجتها علي المنتخب
ولاعيبة الاهلي والزمالك مش حابين بعض وصدقوني الهزيمه من تشاد
دي البدايه واحنا أه هنكسبهم هنا ونصعد ولكن

طول ما الروح دي موجوده والاحتقان ده موجود
عمرنا ما هنشوف خير أبدا لمنتخبنا

اتمني أن يتجمع الجميع ويساند من هم في موقع المسئوليه ومن هم في الملعب
بصرف النظر عن الانتماءات فنحن جميعا مصريين ونحب الخير لمنتخبنا

نعلم بأنها منظومه فاشله ولكن كما نساند أنديتنا
يجب أن نساند منتخبنا

شكرا

[مــريــم]

ههههههه نعم منظومه فاشله
احسنت نشر

[ابو نصير]

اقتباس المشاركة الأصلية كتبت بواسطة مـح ـ الصاروخ ـمود السلام عليكم ورحمة الله وبركاته فازت تشاد علي مصر وبدأ العرض المستمر والمعتاد من الجمهور المصري وانتشرت بطريقه غريبه وعجيبه علي مواقع التواصل الاجتماعي والمنتديات وغيرهم مواضيع تهاجم اسامه نبيه لمجرد انه زملكاوي مواضيع تهاجم لاعبي الزمالك في المنتخب وتقابلها مواضيع تقلل من لاعبي الاهلي في المنتخب ومواضيع تقول بأن حسام غالي لاعب الاهلي فاشل في المنتخب طب انا عندي سؤال لكل اهلاوي ولكل زملكاوي طالما انتو الاتنين حلوين كده والاهلي والزمالك جامدين ليه منتخبنا ضعيف ؟ وليه الاهلي والزمالك حاليا مابينفعوش المنتخب وبنخرج بفضايح ؟ الاهلي والزمالك جامدين علي بعض أه بس في افريقيا حاليا إحنـــا صفـــر سواء منتخبات أو أنديــه والدنيا واضحه للجميع بس إحنا شعب بيحب التعصب وبيجري في دمه حالة الاحتقان اللي عملها الاعلام الرياضي ظهرت نتيجتها علي المنتخب ولاعيبة الاهلي والزمالك مش حابين بعض وصدقوني الهزيمه من تشاد دي البدايه واحنا أه هنكسبهم هنا ونصعد ولكن طول ما الروح دي موجوده والاحتقان ده موجود عمرنا ما هنشوف خير أبدا لمنتخبنا اتمني أن يتجمع الجميع ويساند من هم في موقع المسئوليه ومن هم في الملعب بصرف النظر عن الانتماءات فنحن جميعا مصريين ونحب الخير لمنتخبنا نعلم بأنها منظومه فاشله ولكن كما نساند أنديتنا يجب أن نساند منتخبنا شكرا

عارف يامحمود المشكله فين اللعيبه فاقده الروح والتيم الواحد
ولما كل واحد عاوز يبئى هو التوت فروت فلازم نخسر على طول
فلا بد من مدرب يعمل للأصلح وليس من أجل الراتب المادى ويجمع اللعيبه على حب واحد وروح واحده وكل واحد يعمل اللى عليه..
فبذلك نشعر جميعا ان اللعيبه قدت اللى عليها سواء فى المكسب او الخساره.......
الروح ياصحبى هى الفيصل
ابو نصير

[۩۩ elMagic ۩۩]

ربنا يهدي الاحوال بقى ي محمود
ما ضاقت الا ما فرجت

[Mohamed zaki]

المدرب شخصيته ضعيفة
اللاعيبه مفيش ترابط
دعاء الوالدين اللى كان فى 2006 و2008 و2010. مش موجود
لأن اللاعيبه ما تستاهلش

[الأميرة رودي]

نتمنى لمنتخبنا كل الخير.
مفيش حاجه اسمها اهﻻوى أو زملكاوي طالما بتتكلم عن اسم مصر والمنتخب
المهم اسم بلدنا
موضوع جميل محمود
تسلم