منتخب مصر يسحق تشاد برباعيه نظيفه .. ولكن !

[محمود الصاروخ]

السلام عليكم ورحمة الله وبركاته



انتهت منذ قليل مباراة العوده بين منتخب مصر ومنتخب تشاد بفوز الفراعنه
المصرين برباعيه نظيفه مع الرأفه ومبروك علينا الصعود لدور المجموعات
ولكن أحببت ان اكتب هذا الموضوع بعد نهاية المباراة مباشرة

الحمدلله رب العالمين سحقنا منتخب تشاد برباعيه نظيفه
ولكن يبقي السؤال هنا واتمني الاجابه من الجميع

هل سننافس بحق في دور المجموعات ام سنكون حصاله لباقى المنتخبات ؟

أتمني ان يشارك كريم حافظ في منتخب مصر بدلا من صبري رحيل
أتمني ان يشارك حسام غالي كأساسي لمنتخب مصر
اتمني ان يستمر مصطفي فتحي كأساسي مع منتخب مصر

سحقنا منتخب تشاد ولكن كما نعلم جميعا ان مركز الشباب افضل منه
هناك منتخبات أقوي مثل المغرب وتونس والجزائر وغانا والكاميرون والسنغال

عموما مليون مبروك علينا جميعا الفوز النهارده
وسؤال أخر للجميع اتمني ان اري الاجابه

- ما رأيك في اداء منتخب مصر اليوم ؟

( ما رأيك في )

- حسام غالي

- عبدالله السعيد

- مصطفي فتحي

- عمر جابر

- كوكا

- كهربا

وما توقعاتك لحظوظ منتخب مصر في دور المجموعات ؟

تحياتي للجميع
محمود الصاروخ

[حـيـــــآة ❤]

انا مشوفتش الماتش بس عرفت النتيجه والحمدلله انو فزنا
وان شاء الله نستحق الفوز ف المجموعات
تسلم لروحك محمود

[دمعه حائره]

مبروك لمصر وان شاء الله الجاى افضل
الحكايه عاوزة اصرار وشويه انتماء
تسلم على التوبيك محمود

[اذار .]

مبروك الفوز لمنتخبكم ، هارد لك لمنتخب تشاد ،

بس هسال ، هو فيه لاعب اسمه كهربا ؟ /:

[محمود الصاروخ]

اقتباس المشاركة الأصلية كتبت بواسطة حيــــــاة ❤ انا مشوفتش الماتش بس عرفت النتيجه والحمدلله انو فزنا وان شاء الله نستحق الفوز ف المجموعات تسلم لروحك محمود

الحمدلله رب العالمين
واتمني ذلك ان تكون حظوظنا كويسه في المجموعات

منوراني دايما حياة

[محمود الصاروخ]

اقتباس المشاركة الأصلية كتبت بواسطة دمعه حائره مبروك لمصر وان شاء الله الجاى افضل الحكايه عاوزة اصرار وشويه انتماء تسلم على التوبيك محمود

مليون مبروك علينا كلنا
ربنا يكرم ف اللي جاي ان شاء الله

منوراني دايما والله

[محمود الصاروخ]

اقتباس المشاركة الأصلية كتبت بواسطة اذار . مبروك الفوز لمنتخبكم ، هارد لك لمنتخب تشاد ، بس هسال ، هو فيه لاعب اسمه كهربا ؟ /:

محمود عبدالمنعم كهربا نجم منتخب مصر ونادي الزمالك
ومهمته المراوغه من اللاعبين بسهوله
لاعب مهاري جدا

منواني أذار
والله يبارك فيكي

[აα∂ Ԑγεა]

في البداية مبروك الفوز المتوقع والسهل والعادي جدا علي فريق من اقل فرق القارة !
حتي نتيجة الذهاب واللي كانت غريبة جدا مقللتش من يقيني بسهولة الماتش ,
فروقات ضخمة جدا بين المنتخبين والدور دا سهل علي كل منتخب كبير لانه المنافسة ميح ,

بخصوص المباراة عموما او تقييمات اللاعبين الفردية
مفيش اي لاعب اقدر احكم عليه قدام منتخب زي منتخب تشاد , لانه حكم غير موضوعي
مهما كان اداء اللاعب في المباراة كان ازاي , يبقي المنافس متواضع المستوي جدا ,

مفيش اي منتخب هيواجهنا في الدور القادم هيكون مهلهل بالطريقة دي ,
احنا تصنيف تاني وهنواجه منتخب تصنيف اول يعني مستوي مغاير تماما للمستوي دا ,
حتي فرق المستوي الثالث مستواها اقوي من كدة بمراحل ,
مفيش باكات بالضعف دا , مفيش خط نص هيريحك كدة , مفيش مهاجم هيختفي كدة ,
والاكيد مفيش حارس مرمي تاني هيكون ابيض كدة .


التأهل مهم والفوز كويس لكن دا مش المنتخب اللي نقيس عليه نجاحات .

[توحد ارواح]

المنتخب ادي مباراه كويسه والاعيبه ركزوا


كان من المهم الفوز لان الفريق سهل
النتيجه طبيعيه وكان ممكن تزيد ف الشوط الثاني

مجموعة اللاعبين ف وسط الملعب والهجوم ادوا اللي عليهم
الشناوي والدفاع مش اختبروا اوي


المكاسب ف ماتش النهارده مصطفي فتحي اظهر شخصيه قويه وهيبقي عنصر مهم
وكل تحركاته كانت في مساحات فاضيه كان ممكن يجيب منها اجوان
عمر جابر مع مصطفي فتحي كان ثنائي جميل
كهربا محتاج يلعب اكتر مع اللاعيبه وكان شعلة نشاط
وعبدالله السعيد قدر يحرز بدماغه هدف صعب والقائد حسام غالي
العرضيات بتاعة صبري رحيل كويسه
واحمد كوكا لعب كويس جدا
النهارده المباراه تشكيلها ممكن يكون صح
احنا هندخل علي ماتشات صعبه واولها نيجيريا

[morshooo]

ياااااااااا يا صارووووخ
لما شوفت العنوان وسحقنا تشاد ضحكت ^_^

الحاجا الايجابيه فى المباراة انها ظهرت طبيعه اللاعب المصرى
واصبح معروف عنه ( الرعونه ) لما يلاعب منتخب ضعيف
والدليل انك لعبت ضد منتخب مركز شباب تشاد 45 دقيقه مش عارف
تجيب جول وعندك الانانيه ظهرت بشكل كبير على اتنين من امهر لاعبين مصر
كهرباء ومصطفى فتحى رغم ان مصطفى كان نجم النهاردة
وباكين ضعاف جدا جدا جدا جدا
عمر جابر وصبرى رحيل ولو لعبنا ضد منتخب متوسط المستوى
هياكلو عليهم عيش وحلاوة ^_^
خط الوسط حسام غالى اكد انه رقم واحد فى مصر
الننى بحس انه مالوش شخصيه مش ( معلم ) واعتقد
عشان كدا مش هيتحرك من ( بازل ) لو اتحرك مش
هنشوفه فى نادى قوى .
عبد الله السعيد مفيد للفريق معندوش حته الانانيه
وبيرفع بشكل كويس الكرات الثابته
كوكا لعب مع المنتخب 6 مباريات احرز 5 اهداف
يعنى هيقدر يعمل حاجا مع المنتخب مع باسم مرسى لو رجع تانى

المنتخب فى حاجا كويسه بس المنتخب مش كامل محتاج وقت كبير
مش لازم اعتمد على الشباب بس انا لو هلعب برا مصر
الاعبين دى معندهاش خبرة ماينفعش اروح العب مع منتخب مثلا
نيجيريا او غانا او الكاميرون او السنغال
ويكون منتخب مصر فيه
سعد سمير وعمر جابر وصبرى رحيل وكهرباء
ومصطفى فتحى ورمضان صبحى وعمرو جمال
وعمرو وردة .
الاسماء دى لاعبين كبار لكن ماينفعش يكونو فى جميع
مراكز الملعب منهم مدافعين ووسط ومهاجمين انا ممكن
ارمى لاعبين تلاته فى وسط لاعيبه خبرة لكن مارميش
لاعيب او اتنين خبرة فى وسط شباب واروح العب مع
منتخبات كبيرة ومليانه خبرات ومحترفين .

ودا دور كوبر الفتره الجايه لازم الاعبين دى
تروح دورى المجموعات وكلها خبره ومباريات ودية
بشكل مستمر ورا مصر ماروحش اجيب فرق تعبانه
والعب ضدها واكسب 3 و 4 و 5
وفجاه اخسر ماتش مالوش لازمه يخسرنى كاس عالم ..

( ما رأيك في )

- حسام غالي

8.5

- عبدالله السعيد

8.5

- مصطفي فتحي

9

- عمر جابر

7

- كوكا

9

- كهربا

7.5