شبكات التواصل الاجتماعي هل هي توحّد ام تفرّق

[ابن الحتة]

باختصار هل الفيس بوك وما شابهه له فائده حقيقيه
انها تستهلك وقتاً مبالغاً فيه باستخدامها و متابعتها لتلك المواقع اكثر من اهتمامها لواجبات و سلوكيات الحياة الاساسية , وبالتالي

فمن المنطق ان اهملنا امور هامه فى حياتنا فهي نتيجة اهتمامنا بامور يمكن الاستغناء عنها .ولكن لا يعني ان تحسب السلبيات جميعها لمواقع التواصل الاجتماعي , وما يلجأ اليه البعض لاغراض هامة , انما بصورة عامة فقد غطّت السلبيات على الايجابيات و خاصة التي تدعونا للتكاتف وللمحافظة على التراث المبدئي والمذهبي و الاخلاقي .
الفيس بوك وشركات المحمول وشركات النت اكذوبه كبيره تلعب على الهاء
الشعوب وخاصه الشباب
نرى شتائم وحوارات رديئه ولا اى فائده من ورائها
نرى خليط من عدم تجانس
نرى اكاذيب
نرى انه لا فائده منه تستاهل وقتا او تستحق جهدا او مالا
اذاً ما هو رأيك عزيزي ..؟؟

وما ردك على السؤال المطروح في بداية هذا الموضوع ..؟؟

[big bốss]

هى فرقت جدا و شتت الانتماء و الترابط الاسرى

بس ارجع و اقول كل مستخدم هو الى بيحدد أما يكون عبد للتكنولوجيا او يتحكم فيها

لان مواقع التواصل فى الاصل هى لخدمة الناس و لها ايجابياته

بس الانسان بيستغلها بتطرف و بفطرته السيئه فبتتحول لشىء تانى

[حـيـــــآة ❤]

الـتكنلوجيـآ: سِلآح ذو حدين!
يـآ تُحسن إستخدآمه يـآ تسيئ إستخدآمَه
ومخترعه لـو علم باستعمآلاته الآن..
مـاكان اخترعه!
ربـنآ يهدي
تسلم للطرح آخـِي

[همس الحنين]

هى بصراحه بتعمل عزله جداً ويمكن لو من الاشخاص مدمنى الفيس او النت عموما هتعيش فى وحده وتكتفى بالاصدقاء على المواقع ودى من عيوب مواقع التواصل او النت ككل
الافضل ان نتوسط الامور نتعامل بعقلانيه بعيد عن ادمان النت والمواقع

لانها فعلا بتعمل عزله

تقديرى

[bobaOo]

بيرجع للي بيستخدم المواقع

اذا كان سئ النيه هيسئ استخدامها

اذا كان حسن النيه هيحسن استخدامها

ومفيش حد مش عارف الصح والغلط والعيب

تسلم ع الطرح

تحياتي

[دمعه حائره]

شيفاها وسيله لمعرفه المعلومات والاخبار كمان تواصل بين الناس سهل امور كتير
لكن زى اى حاجه لو حصل فيها مبالغه بتكون غلط ويحصل العكس منها
وده على كل المجالات مش الفيس بوك بس
يعنى النت او المبالغه فى الخروج وتضيع الوقت فى اللعب والكافيهات
كل دى امور المبالغه فيها غلط
تسلم على النقاش