[مجرد روشنه] فيريرا هرب ياجدعان + رساله لمورشو =d

[محمود الصاروخ]

السلام عليكم ورحمة الله وبركاته

هبدأ الموضوع ب رساله للاخ الغالي مورشو وللعلم انا ومورشو دايما في كل موضوع
للأهلي او للزمالك تلاقينا مختلفين دايما وممكن نفضل نتكلم شهر كامل في موضوع
مفيش أي مشكله وفي النهايه مورشو بالنسبالي أخ غالي جدا
صحيح أهلاوي اه بس ميمنعش انه يكون اخ



دي كانت رساله من مورشو ليا في موضوع كنا بنتكلم فيه
بس هو دلوقتي اعم مورشو ان انا أقول رأي وتحليلي لحاجه بشوفها اكون غلطان ؟
وبعدين شيخ طه اسماعيل مين والناس نايمين ؟
خد شوف مين محمود الصاروخ من هنا


وانا عملت الموضوع ده تحديدا مجرد روشنه علي الزمالك مش أكتر
انما الجميع يعلم حبي لنادي الزمالك بس حبيت اعلق علي الاحداث الاخيره
عشان محدش يقول الصاروخ دايما مع الزمالك وماسك ف الاهلي والانديه الاخري بس
وأي خدمات بقن

وهقولك ان هيتم غلق نادي مرتضي منصور
في ساعته وتاريخه


مبدئيا كده وخلينا متفقين ان انا واحد من ضمن الناس
كنت حابب جدا ان مدرب الزمالك فيريرا يرحل عن النادي والدليل هنا و هنا



وأخيرا والاحداث الاخيره داخل نادي الزمالك ان المشاكل رجعت من تاني
خناقات وفضايح وحكايات وكلمات وأهااات

يارجاله مدرب الزمالك فيريرا هرب
وبيقول بسبب معاملة مرتضي منصور له وانه بيعامله وحش
وانه له فلوس متاخره والزمالك اداله فلوسه بالجنيه المصري
وهو عاوز فلوسه بالدولار وهرب علي بلده بسبب مرتضي منصور
وقال كمان ان مرتضي منصور رئيس الزمالك مش عايزه


طب تيجو نشوف رد مرتضي منصور علي مدرب الزمالك كان ايه ؟



وطبعا كلنا عارفين ان مرتضي مش هيعدي الموضوع بالسهل كده ويسيب الراجل
وبما ان مرتضي منصور عنده انتخابات النهارده بس طلع امبارح بلليل مع
خالد الغندور وقال ايه عن مدرب الزمالك ؟ طب تيجو نشوف قال ايه ؟

مرتضي منصور بيحرر محاضر وبيشتم في الراجل وقال كلام كبير اوي
قال انه خمورجي وبيشرب خمره وممثل وبيضحك علي الناس
وانه مدرب فاشل وغيره وغيره وغيره

طب تيجو نشوف رسالتي انا لمرتضي منصور ؟



اسمحلي ياسيادة المستشار وانا عارف انك ممكن تنط ليا في الموضوع
وتعرفني مقامي كويس وتطلع لي سيديهات وكلام من ده


بس خلاص الراجل هرب وبما انك راجل بتاع قانون ممكن تاخد حقك
بالقانون بعيد عن قلة الادب اللي ع القنوات دي صح ولا اية ؟

انا حاسس ان الزمالك هيتقفل علي ايدك اليومين دول والله ياضاضا
مع ان حابب انجازاتك في النادي بس ميمنعش ان اقول كده عشان افرح
أخويا مورشو وانا بتكلم علي الزمالك ورئيسه


هو صحيح خبر سيء جدا لأكتر الزملكاويه بس مش ليا انا شخصيا
بس ممكن الناس تفرح أكتر بسقوط ضاضا النهارده وبكره في الانتخابات
والتفرغ للنادي فقط بعيد عن أي حاجه تانيه

ما تيجو بقي نتناقش مع بعض في شوية الروشنه دول

- من ترشحه لقياده الزمالك في الوقت الحالي ؟ هل مدرب اجنبي ام مصري ؟
بعد هروب البرتغالي فيريرا ؟

في النهايه كانت مجرد روشنه مش اكتر
والجميع يعلم مدي حبي وعشقي لنادي الزمالك
بس يالا نفرفش مع بعض شويه


تحياتي محمود الصاروخ

[Just Ahuman]

والله ده كان رأيي فى مُرتضي منصور وهيخربها قريب والله صدقني .. بالنسبه لفيريرا أنا شايفه فعلاً مضافش حاجه للزمالك الراجل جه ع الجاهز بعد حسام وميدو كانت كل حاجه متظبطه خد الدوري ع الجاهز والدليل المنافسه القويه بالنسبه ليه اللي هي الكونفدراليه خرج منها رغم أنا من وجهة نظري الزمالك أقوي فريق كان في الـ4 اللي إتأهلو لنصف النهائي .. بالنسبه لمين المدرب أنا شايف إن حسن شحاته الأقرب لتدريب الزمالك

تسلم ع الطرح يا محمود

[morshooo]

بص يا صاروخ يا غالى
لو المدرب دا فاشل وبيشرب خمر .... الخ
ليه مرتضى اتعاقد معاه
ليه دائما مرتضى كل خسارة فقط يطلع يقولك دا فاشل
وفى الفوز يطلع يكلم عن نفسه وانه جاب لاعبين وعمل انجازات
لو الراجل دا فاشل على الاقل مكنش حافظ على فرق 8 نقاط
زى ما مرتضى بيقولك دا جاى فرق 8 نقاط ونسى ان الزمالك
كان بيفرق بالـ 13 نقطه وبيخسر الدورى .
انا قولتلك قبل كدا انه مدرب اصبح مكشوف للجميع
وحتى تغيراته محفوظة لكن بيجيد قراءة الملعب
ودى ميزة كبيرة فى المدربيين البرتغاليين عندك
مورينيو بعيد عن الموسم دا طبعا وحتى جوزية فى الاهىل
وعندك فينجادا فى الزمالك بيتميزو بالتغيرات وقراءة الملعب .

بخصوص انه فاشل وخموركى انتا اكيد عارف سبب التصريحات
دى انه كان مانع اى حد من مجلس الادارة يحضر التدريبات
ودى غريبة على الزمالك خاصه لو مرتضى رئيس النادى
الى شعارة مفيش اى قرار الا منى انا .
فازاى مدير فنى ياخد قرار بكدا مع ان مرتضى مش بيحضر
تقريبا تدريبات الزمالك .

عموما الراجل مشى وخلاص وانا شايف
ان اى كلام لمرتضى او حد من الادارة عن المدير الفنى
مش هيجيب اى نتيجه لانه خلاص مشى وسؤالى هنا لصاروخ

كام مدرب مسك الزمالك من يوم مامسك مرتضى الزمالك ؟
مستحيل كل المدربين كان العيب فيهم .


- من ترشحه لقياده الزمالك في الوقت الحالي ؟ هل مدرب اجنبي ام مصري ؟
بعد هروب البرتغالي فيريرا ؟

اكيد مدرب اجنبى
والافضل يكون برتغالى
مع ان احمد مرتضى قال
انه المانى او برازيلى بس لو دا حصل
انا شايف ان الزمالك هيخسر كتير لو جاب مدرب المانى او برازيلى .

[انجي_1]

انه الصراع القديم يا سادة
انه الصراع بين العملاقين
الزمالك والاهلي
ربنا يهديكم يا عيال

[ابن الحتة]

1-هو المدرب هرب ولم يقدم استقالته وده عيبه فى حقه
2-مرتضى منصور بيحط مناخيره فى شؤون اى مدرب وده غلط
3-عيب اوى ينقال كلام خمورجى و.. .وو فى حق مدرب
4-انتصارات الزمالك كانت بفضل عوامل معينه:
ا)غياب الاهلى
ب)تجديد لاعبى الزمالك فى وقت الاهلى غائب
ج)لو الاهلى موجود ماكنش الزمالك لمع بالشكل ده
5- بلاش تشويه صورة مصر امام العالم عامة والبرتغال خاصه
وفيه قانون دولى وعقود موثقه ويجب ان نحافظ على منظر مصر
6- فى الامور دى لازم ننسى اهلى وزمالك ونبص لمصر
7- للعلم انا اهلاوى
ده كان رد فعلى عن الموضوع

[محمود الصاروخ]

اقتباس المشاركة الأصلية كتبت بواسطة just ahuman والله ده كان رأيي فى مُرتضي منصور وهيخربها قريب والله صدقني .. بالنسبه لفيريرا أنا شايفه فعلاً مضافش حاجه للزمالك الراجل جه ع الجاهز بعد حسام وميدو كانت كل حاجه متظبطه خد الدوري ع الجاهز والدليل المنافسه القويه بالنسبه ليه اللي هي الكونفدراليه خرج منها رغم أنا من وجهة نظري الزمالك أقوي فريق كان في الـ4 اللي إتأهلو لنصف النهائي .. بالنسبه لمين المدرب أنا شايف إن حسن شحاته الأقرب لتدريب الزمالك تسلم ع الطرح يا محمود

متفق معاك في كلامك ياغالي
منور الدنيا

[محمود الصاروخ]

اقتباس المشاركة الأصلية كتبت بواسطة morshooo بص يا صاروخ يا غالى لو المدرب دا فاشل وبيشرب خمر .... الخ ليه مرتضى اتعاقد معاه ليه دائما مرتضى كل خسارة فقط يطلع يقولك دا فاشل وفى الفوز يطلع يكلم عن نفسه وانه جاب لاعبين وعمل انجازات لو الراجل دا فاشل على الاقل مكنش حافظ على فرق 8 نقاط زى ما مرتضى بيقولك دا جاى فرق 8 نقاط ونسى ان الزمالك كان بيفرق بالـ 13 نقطه وبيخسر الدورى . انا قولتلك قبل كدا انه مدرب اصبح مكشوف للجميع وحتى تغيراته محفوظة لكن بيجيد قراءة الملعب ودى ميزة كبيرة فى المدربيين البرتغاليين عندك مورينيو بعيد عن الموسم دا طبعا وحتى جوزية فى الاهىل وعندك فينجادا فى الزمالك بيتميزو بالتغيرات وقراءة الملعب . بخصوص انه فاشل وخموركى انتا اكيد عارف سبب التصريحات دى انه كان مانع اى حد من مجلس الادارة يحضر التدريبات ودى غريبة على الزمالك خاصه لو مرتضى رئيس النادى الى شعارة مفيش اى قرار الا منى انا . فازاى مدير فنى ياخد قرار بكدا مع ان مرتضى مش بيحضر تقريبا تدريبات الزمالك . عموما الراجل مشى وخلاص وانا شايف ان اى كلام لمرتضى او حد من الادارة عن المدير الفنى مش هيجيب اى نتيجه لانه خلاص مشى وسؤالى هنا لصاروخ كام مدرب مسك الزمالك من يوم مامسك مرتضى الزمالك ؟ مستحيل كل المدربين كان العيب فيهم . - من ترشحه لقياده الزمالك في الوقت الحالي ؟ هل مدرب اجنبي ام مصري ؟ بعد هروب البرتغالي فيريرا ؟ اكيد مدرب اجنبى والافضل يكون برتغالى مع ان احمد مرتضى قال انه المانى او برازيلى بس لو دا حصل انا شايف ان الزمالك هيخسر كتير لو جاب مدرب المانى او برازيلى .

ياغالي المدرب كويس جدا مقولناش حاجه
بس مبقاش عنده جديد زي ما قولتلك قبل كده
وانت نفسك بتقول اتكشف للجميع
والمدرب الذكي اللي يقدم كل يوم جديد لـ لاعيبته صح ولا ايه ؟

اتمني نجاح المدرسه الالمانيه
انا شخصيا معجب بيها و وجهات نظر
وربنا يقدم اللي فيه الخير

منور ياغالي

[محمود الصاروخ]

اقتباس المشاركة الأصلية كتبت بواسطة انجي_1 انه الصراع القديم يا سادة انه الصراع بين العملاقين الزمالك والاهلي ربنا يهديكم يا عيال

والصراع ما زال مستمر يا انجي


منوره

[محمود الصاروخ]

اقتباس المشاركة الأصلية كتبت بواسطة ابن الحتة 1-هو المدرب هرب ولم يقدم استقالته وده عيبه فى حقه 2-مرتضى منصور بيحط مناخيره فى شؤون اى مدرب وده غلط 3-عيب اوى ينقال كلام خمورجى و.. .وو فى حق مدرب 4-انتصارات الزمالك كانت بفضل عوامل معينه: ا)غياب الاهلى ب)تجديد لاعبى الزمالك فى وقت الاهلى غائب ج)لو الاهلى موجود ماكنش الزمالك لمع بالشكل ده 5- بلاش تشويه صورة مصر امام العالم عامة والبرتغال خاصه وفيه قانون دولى وعقود موثقه ويجب ان نحافظ على منظر مصر 6- فى الامور دى لازم ننسى اهلى وزمالك ونبص لمصر 7- للعلم انا اهلاوى ده كان رد فعلى عن الموضوع

متفق معاك في كل كلامك ماعدا نقطه ان سبب انتصارات الزمالك غياب الاهلي
لان لو هحسبها علي نفس مبدأك هقولك ان الاهلي سيطر علي البطولات
السنين الماضيه لغياب أقرب منافسيه وهو الزمالك
ليه متقولش انه اجتهاد من الزمالك ؟

منور ياغالي

[ابن الحتة]

وبعدين لك بقى؟؟؟؟؟؟؟؟