ممكن تساعدينى ..أكيد طبعاً

[Mind language]

السلام عليكم ورحمة الله وبركاته زمان كان اللى يعمل جميل لحد التانى بيفضل فاكرهوله طول عمره ونفسه انى تيجى الفرصه باى طريقة يرد الجميل بالشكر باى حاجه شبيهه لكدا طبعا الطرف التانى بيساعد لوجه الله مش محتاج اى حاجه من رد الجميل غير انه ربنا يرضى عنه ويردله الموقف ده فى عياله فى اهله فى اى حد تعالوا اوريكم انهارده رد الجميل بيكون ازاى ؟؟ وهل هو صح ولا غلط دى محادثة مابين اتنين الاول واحد معرفهوش والتانى انا على الواتس اب تعالوا نشوف الاول :ان الله وملائكته يصلون على النبى يا ايها الذين آمنوا صلوا عليه وسلموا تسليماً كل اللى يقرأها هتاخدى أجر عليها الثانى : ؟؟ الاول : لية الاستفهام الثانى : مين حضرتك الاول : هو انا قولت حاجه غلط الثانى : لا مش غلط بس عايزة اعرف مين اللى بيتكلم الاول : ضرورى الثانى : مش لازم والله بس متتكلميش من اساسه الاول : واحد عجبتنى الحالة فحبيت اعلق عليها لية بس ساكته لية الثانى : حاجه متخصش حد اسكت اتكلم دى حاجه ترجعلى وانا عارفه انى اخرك واحده بادره من صحباتى حابة تغتت على اخر الليل الاول : لا والله سكتى يعنى الثانى : ايوة يعنى اعمل ايه ؟؟؟ الاول : قولى لا اله الا الله محمد رسول الله لية ردك بطيئ الثانى : استغفر الله والعظيم اصلى ساقطة ابتدائى مبعرفش اكتب الاول : شكلك فى كلية وبتذاكرى ولا سهرانه وحدك ممكن اعرف اسمك ايه ولا ده كمان صعب الرد عليه الثانى :والله ده مش كافية تعارف تقدر تروح الجامعه وتتعرف على اى حد ويدردش معاك الاول : والله الالرسالة الاولى مش مفهومه ساكته ليه اتكلمى ولا الاستفسار حرام الثانى : هو ايه اللى مش مفهوم اه الاستفسار حرام هنا ممكن متسألش تانى الاول : ممكن اطلب طلب الثانى : لا الاول : ليه انتى بتذاكرى حالياً الثانى : حاجه متخصش حد الاول : ممكن طلب الثانى : انجزى الاول : اية الحرف الاخير اللى ف انجزى انجز ولا انا غلطان الثانى : بصى انا عارفه انك بنت وبتشتغلينى ولو شوفتك بكره هتسمعى احلى كلام فنجزى وقولى اسمك واتأسفى ليه وانا مش هقبل اسفك لانك معندكيش دم تمام الاول : والله انتى غلطانه مش واحده بالمره الثانى : امال انتى مييييييييييييين ؟؟؟؟؟؟ الاول : قوللى اسمك ايه الثانى : طيب يبقى واحده بردوا وعامله نفسها ولد وبردوا هتتأسفيلى الاول: لا والله الحلف بالله مفهوش هزار الثانى : ماشاء الله عليكى ما اديكى متدينه اهو قولى اسمك واعتذرى واما لو جت الساعه 1:00 هعملك بلوك الاول : انت سألتى الاول ولا انا الثانى : قولى اسمك وبردوا هتعتذريلى وهعملك بلوك هى مسابقة ولا باللى يلحق الاول باقى ربع ساعه الاول : انا اللى سألتك الاول الثانى : وهى مش بالدور الاول : فرضا قولت اسمى انتى هتقولى على اسمك الثانى : لا بس هعملك بلوك الاول : اسلوبك حاد على فكره انا كلمتك قبل كدا الثانى : لا والله مش فاكره الاول : انا كلمتك على الواتس بس من رقم تانى بس حبيت اعرف رد فعلك لو كلمتك من رقم غير الثانى : لا محصلش وايه تشوف رد فعلى دى ؟؟؟ دا اختبار تحليل شخصية ولا حاجه ثم انى كلام كلام كلام على الفاضى من غير جمله مفيده الاول : انا اسف على الاسلوب الثانى : قولى عايزة ايه لو انتى حد كلمته قبل كدا الاول : انا كلمتك مره والمدام مره من على الواتس الثانى : اه انت استاذ حماده صح الاول : تمام الثانى : طيب ودا اسلوب تسمح لنفسك تكلمنى بيه الاول : لما يكون معاك واحده زى اختك بتحب تختبرها الثانى: الف شكر على الاسلوب الاول : انا اسف الثانى : لو كلمتنى من رقم المدام كنت هقول اسمى بكل سهوله واظن انت مسجل رقمى باسمى الاول : على فكره دا رقم المدام والله الموضوع كله عباره عن هزار بس ماشاء الله عليكى جد على الاخر ودا اللى خلانى مزيدش فى الكلام السلام عليكم اتكلمت لحد الاخر بكل احترام واكتفيت بعمل بلوك لرقمه ورقم المدام دا مجرد واحد قابلنى عند جدول المحاضرات وقاللى لو سمحتى فهمينى الدنيا ماشية ازاى انا مش عارف اى حاجه فهمته كل الحوار ونظام المحاضرات فى الدبلومه التربوية فى الاخر قاللى مش انااللى عامل الدبلومه دا المدام ممكن تساعدينا لانها من مكان بعيدومش هتقدر تنزل كل يوم او تحضر ممكن رقمك وهى هتتواصل معاكى اكيد يافندم اتفضل كل ما كانوا بيسألوا عن حاجه كنت برد كل ما بتنزل كتب كنت بقول ودا فى النهاية رد المعروف بيختبر اخلاقى !!! هكذا بيكون رد المعروف اولاً : انا معرفكش عشان تهزر معايه وتحسيسنى انك ابن خالتى ثانياً : اخلاقى دى لنفسى وعلى نفسى محترمه مش محترمه فانت ملكش غير المساعده اللى بدهالك مهما كان انا ايه فدى حاجه متخصش حضرتك من اى ناحية ثالثاً : اية اللى استفادته من اللى عملته غير انى اتعملك انت والمدام بلوك سورى فى اللفظ لانت ولا المدام محترمين اصلا اذا كان دا رد المعروف عندكم فا انتوا متستهلوش المعروف اصلاً ولكم التعليق ياساده

[bobaOo]

تصرف ممتاز منك ورزين

وربنا يسامح بئا الي مايستاهلش ادينا عملنالو لوجه الله وخلاص

ربنا يهدي الجميع
هوا في كده

لاحول ولاقوة الا بالله 😐

[♥○ moOoOoOna ♥○]

انا مش فاهمه الموضوع اوى

كل اللى فهمته ان حد بيختبر حد

و الحد التانى دا عمل فيه جميل

طيب التانى دا بيرد عليه ليه ويطول فى الكلام ؟

كدا سمحله بفرصه انه يتسلى ويضيع وقت

وبعدين مش اى حد يتكلم نقعد نسأل مين طب ماممكن حد مانعرفهوش

وحكاية صلوا عليه وسلموا دى بتبقى موجوده كتير وفيه ناس بتحب ترسلها

مش لازم ادقق بقى ومين ومش مين

ممكن يكون حد عايز يكسب حسنات او عايز يتسلى

[ابن الحتة]

برضه الموضوع لافف وملفوف وفين اوله وفين اخره

[جبل عالي]

حبيبتي انتي عملتي بأخلاقك وشهامتك في البداية والنهاية
بالنسبة له ولايهمك في شيء ولاتنتظري رد فعل للطيب بتاعك
وف النهاية دي حريتك أكيد ومحدش له عندك حاجة

وصدقيني فعلا اللي بيعمل الطيب بيترد له في وقت يعلمه الله
والرد بيكون من عند ربنا مش من عند الناس

واللي يعامل ربنا ميندمش ولايفكر في مخلوق
تقبلي تحيتي ومحبتي

[ايمان طلعت]

ولا يهمك
اعملي الخير واتكلي علي الله
بس لو لقيتي حد يستاهل
فيه ناس كتير ماتستاهلش
بس انتي بتعملي لربنا

[حـيـــــآة ❤]

انتي بتعملي وانتي نيتك خير
مهما كان الشخص ميستاهلش
بس ف النهايه انتي كان ف نيك المساعده فقط بغض النظر عن
الشخص التاني^^
فضفضه جميله اميره

[Just Ahuman]

هو مش بيختبرك ولا حاجه .. هو مش كويس أصلاً فكان بيرمي الكلام يشوفك هتردي إزاي .. مع إني مش فاهم إزاي متجوز ويعمل كده أكيد بني آدم مش مظبوط .. وأنتي بصراحه طلعتي تمام بحسدك علي ثباتك الإنفعالي معاه .. وإمشي بمقولة أعمل خير وإرميه البحر .. ربنا يصلح حالنا جميعاً

[جنون قلب]

فى البدآيه كُنتى إنتى
وبرضه فى النهــآيه كُنتى انتى
اتعـآملتى كمــآ يجب
فى الاولى حبيت انسـآنييتكـ
وفى الثــآنيه حبيت تصرفكـ بس هو متأخر شويه
كـآن لآزم يكون بدرى
لآنكـ مش مجبره على كده


مشكوره اختى
وبرضه مش هنقول ان دى قآعده
لآزم تعآملى بيهــآ كل النــآس
لان الناس مش زى بعضها



مشكوره اختى
وكونى كما يجب ان تكونى
ب التوفيق

[Mind language]

اقتباس المشاركة الأصلية كتبت بواسطة ♥○ moooooona ♥○ انا مش فاهمه الموضوع اوى كل اللى فهمته ان حد بيختبر حد و الحد التانى دا عمل فيه جميل طيب التانى دا بيرد عليه ليه ويطول فى الكلام ؟ كدا سمحله بفرصه انه يتسلى ويضيع وقت وبعدين مش اى حد يتكلم نقعد نسأل مين طب ماممكن حد مانعرفهوش وحكاية صلوا عليه وسلموا دى بتبقى موجوده كتير وفيه ناس بتحب ترسلها مش لازم ادقق بقى ومين ومش مين ممكن يكون حد عايز يكسب حسنات او عايز يتسلى

وبعدين مش اى حد يتكلم نقعد نسأل مين طب ماممكن حد مانعرفهوش

الكلام دا لما يبقى فى الشارع مينفعش نسأل كتير
ونستفسر انما الحوار كله على موبيلى ومن حقى
اعرف مين اللى بيتكلم معايه والاية القرآنية دى الحالة
بتاعتى اللى كتاباها على الواتس ودا واحد بيبعتلى
ويكلمنى بهدف التسليه لو عملت حظر لرقمة من الاول
من السهل جدا يجيب رقم تانى ويعيد الحوار ثم انى
كلامى معاه مفهوش اى نوع من التسليه ولا اجابه
عن اسمى وكملت الكلام كله لغرض انى اعرف
مين الشخصية دى ولولا انى كملت كان مين هيعرفنى
انه نفس الشخص اللى بساعده بحسن نيه ؟؟

نورتى يامنى برايك