حلمٌ ضائعُ

[همس الحنين]

السلام عليكم ورحمة الله وبركاته نتعلم وندرس ونتخرج ثم بعد التخرج ندرس مره اخرى لتحصيل اعلى شهادات كى نحصل على وظائف تناسب مؤهلاتنا احلامنا ضائعه مغلفه او ربما اوراق محفوظه فى ادراج المصالح الحكوميه فبعد حصولنا على اعلى المؤهلات نقف فى طابور البحث عن الوظائف فحكومتنا تعلن عدم توظيف الشباب والمجال اصبح مفتوح للحرف ومهنات السيارات دكتور وسائق او مهندس وعاطل ماجيستير وخياط فقط اصبحت الوظائف مخبئه فقط لابناء العاملين اذا فما ذنب الفلاح والحرفى بإن ابنه ليس من ابناء العاملين فيصبح الحلم بالتوظيف مقيد بأمرين اما الحرفه واما الهجره والغربه خارج بلدك وايضا لن تعمل بمؤهلك فأين وعد الحكومه للشباب اصبحت فى طى الكتمان وهل يخبرنا احد لما اذا نتعلم ونسلك طريق العلم مادامت بلدنا اصبحت بلد ابناء العاملين والحرفين عذرا لا اقلل من اى حرفى او صنيعيى ولكنى اخاطب فئه معينه قبل ان تصل للدكتوراه صرفت الالاف نحن من عامة الشعب والطبقه المتوسطه حلمنا فقط الوظيفه اذا هل نقول وداعا للعلم والتعلم ومرحبا للجهل وعدم التفكير بالمره حلم ضائع شاركونى في نقاشه تقديرى

[شاعر الحب الحزين]

ما هي دي المشكلة إنه حلم رغم انه حقيقة

واضحة زي الشمس

عندك حق ف تفسيرك ف الفرق بين الحرفيين والمتعلمين

لأن الحرفيين اغلبهم نشأووا من صغرهم على حرفتهم

ومنهم اللي قعد سنين يتعلم لحد ما بقى حرفي شاطر

ف لما ييجي واحد متعلم يدخل القطاع ده هيحتاج يتعلم

من أول وجديد للحرفة او المهنة دي بعيدا عن السواقة طبعا

وده طبعا هيحتاج تحدي نفسي كبير من الشخص ده

اللي فقد حلمه وطموحه في الوظيفة اللي كان بيحلم بيها

ع بال ما يكون كون نفسه يمكن يكون ف سن الأربعين وراحت فلوسك يا صابر

يا بسنت الحل مش اننا نبطل نتعلم مع ان الولد اللي عنده 3 سنين دلوقت فاهم الكفت

انا بصراحة ما كملتش دراستي هما 9 سنين درستهم وبس

بس اكيد لا بد الحلم يتحقق لما تتغير منظومة الفساد الحاكمة في البلد


تسلمي بسنت ع اطروحاتك اللي بتمس الواقع دايما

ربي يوفقك ويسعدك

[شاعرة الرومانسيه]

مش عيب ان الحكومه تفتح باب للحرفين

المجتمع محتاج حرفين فى كل المجالات

بالعكس انا شايفه انها فكره ايجابيه لم يعهدها المجتمع من قبل

[واد حبيب]

في ناس كتير دلوقتي بيقولو لو معاك مهنه احسن من التعليم
ده علشان عارفين ان مهما اتعلمت اخرك تفعد علي القهوه تطلب شيشه تفاح

[العاشق الذى لم يتب]

منظومة التعليم خاطئة من الاول
مافيش دراسة جدوى
ومافيش عمل من الاول
ومايحتاجه سوق العمل
وحكومة نايمة فى العسل

[ابو نصير]

سيدتى............
لا تعلمو العلم لأولاد السفهاء أو لأولاد السفله
ابو نصير
عندما يكون تاجر المخدرات يدفع رشوه ويدخل ابنه كلية الشرطه هل هذا يبنى مجتمع
أم يفسد المجتمع....
ونقيس على ذالك فى مجتمعنا
والمسؤول الأول على تعين هؤلاء سفهاء الوطن الذى جعل العلم حلم وجعل الجهل حقيقه
تحياتى موضوع يستحق

[big bốss]

الوظائف و البطاله مشكلة العصر من سنوات مضت و لم يجد لها احد حل

مشكلة كل الحكومات المتعاقبه

لان عدد العماله اكبر من عدد الوظائف فيه تضخم و مفيش توازن

محتاجين عمل مشاريع جديده و توفير وظايف للخريجين

و ربنا يعين الشباب

[فداااااااااااء]

الوظيفة فى بلدنا اشبه بمهمة صعبة ولمن لا يملك الوسطة فهى مهمة تكاد تكون مستحيلة

المشكلة ان الرد بيكون مافيش ميزانية لتعيين الشباب

لكن فى ميزانية لرفع رواتب بعض الفئات الكبرى فى الدولة

اظاهر احنا بنعيش فى زمن الاقطاع
لا فى تعليم محترم

ولا فى تقدير للمتعلم

يللا نحن نعيش مصر فلا عجب

سلمتى همس

[محمود أبوزيد]

وكأنكي أقتربتي من الجرح
وكأن الدماء اذا سكنت عادت
لتتساقط لامستي الواقع بحروفك
ابدعتي وليس كلماتك بموضوع للنقاش
بل بحقيقة لا سبيل للهروب منها
فأنا كحاصل علي درجة ماجستير قد القوا بي خارجا
وتميز عني دبلوم صنايع ابن الوساطة وحينما ذهبت
انا وزملائي لنطالب بحقوقنا كان الرد قويا

وتم حبسنا مرتين متتاليتين وكانت تهمتنا
#الجريمة #دكتور
لنا الله
ولكي الله يامصر
وتحيا مصر
أنحنائي لكل حرف من احرفك همس
أحترامي

[همس الحنين]

اقتباس المشاركة الأصلية كتبت بواسطة شاعر الحب الحزين ما هي دي المشكلة إنه حلم رغم انه حقيقة واضحة زي الشمس عندك حق ف تفسيرك ف الفرق بين الحرفيين والمتعلمين لأن الحرفيين اغلبهم نشأووا من صغرهم على حرفتهم ومنهم اللي قعد سنين يتعلم لحد ما بقى حرفي شاطر ف لما ييجي واحد متعلم يدخل القطاع ده هيحتاج يتعلم من أول وجديد للحرفة او المهنة دي بعيدا عن السواقة طبعا وده طبعا هيحتاج تحدي نفسي كبير من الشخص ده اللي فقد حلمه وطموحه في الوظيفة اللي كان بيحلم بيها ع بال ما يكون كون نفسه يمكن يكون ف سن الأربعين وراحت فلوسك يا صابر يا بسنت الحل مش اننا نبطل نتعلم مع ان الولد اللي عنده 3 سنين دلوقت فاهم الكفت انا بصراحة ما كملتش دراستي هما 9 سنين درستهم وبس بس اكيد لا بد الحلم يتحقق لما تتغير منظومة الفساد الحاكمة في البلد تسلمي بسنت ع اطروحاتك اللي بتمس الواقع دايما ربي يوفقك ويسعدك

كلامك منطقى والله يا خالد

بس الظلم الحقيقى شئ ان يختصر التعينات لابناء العاملين

ده ظلم واضح

منكرش مجتمعنا بيحتاج للحرف لانها اساس اى تقدم بس لو بقينا كلنا حرفيين مين هيكون فى يوم الطبيب والمعلم والوزير ولا هنفضل نشوف القضاه خرجين المقبول

الامر مؤلم لا يشعر به الا من ذاق مرارته واغلب المصريين تذوقوا المراره بما يكفى

خالد

اسعدنى تواجدك القيم