رمزية سهلة >> lesson

[Words Whisper]

✣ السلام عليكم ورحمة الله ✣ ✣ مش عملت أنا دروس قبل بس فكرت أجرب أعمل كدا واحد لحاجه بسيطة هيقدر ينفذها المبتدئين واللي لسه بيفكروا يبتدوا كمان وإن شاء الله أوفق في عرضه .. ✣ الدرس سهل جدا وهيكون فيه طريقة تغيير لون الصورة و تكرار اللير و ازاي أخلي لير جوا التانية كـ ماسك ليها ودا هيفيد اللي لسه مش يعرفوا في الفوتوشوب .. ✣ النتيجة النهائية :: ✣ الخطوات :: ( 1 ) نفتح عمل مقاس 250*420 اللي هو مقاس الرمزية فـ الفورم ونخلي الخلفية شفافة ودا مهم .. ( 2 ) نسحب الـ سكراب الأول زي الصورة ( 3 ) هنغير لون السكراب الطريقة : نقف على لير السكراب ونضغط ctrl + U واعملوا الإعدادات نفس الصورة ( 4 ) رندر الموديل هنشتغل عليها الأول نعمل duplicate للير وعندنا طريقتين : - تقفوا على اللير في الصندوق وكليك يمين وتختاروا تكرار - من الكيبورد تضغطوا : ctrl + J هنا دبلت الموديل عشان أظهرها أكتر وعشان استخدمت عليها فلتر توباز بس عادي اللي مش عنده الفلتر ممكن يكمل من غيره .. ( 5 ) نسحب الـ افكت المرفق على الصورة .. هيكون عندنا صندوق الليرات بعد مانعمل الخطوتين دول زي الصورة .. ( 6 ) نخفي اللير الأولى بأن نضغط على العين جنبها عشان نشتغل على الليرين التانيين بس .. ( 7 ) ندمج الليرين الباقيين من الكيبورد : Ctrl+Shift+E ونرجع نظهر اللير الأولى بعدين ندخل اللير التانية في الأولى من الكيبورد : ctrl + G هيظهر عندنا كدا : ( 8 ) ندمج بآ الليرين سوا .. طيب ليه عملنا دا ؟ لأن الخلفية هنسيبها شفافة واستخدمنا أكشن فكان لازم أدخله جوا الصورة بحيث تفضل الخلفية شفافة .. ( 9 ) نسحب بآ الموديل على شغلنا .. ( 10 ) نسحب تحت الموديل سكراب السحابة ونضغط عليه مرتين من الصندوق فهتظهر لنا إعدادات نعملها زي الصورة و نضغط OK ونسحب فوق السحابة سكراب الشكل التاني .. ( 11 ) نسحب تحت الموديل سكرب العلم وندوره بحيث الـ الزاوية تكون لتحت الطريقة : - من قائمة edit و نختار التدوير - أو ctrl + T وندورها بإيدنا .. ونضبط المقاس بردو من Ctrl + T وبعدين نعدل اللون زي ماقلنا قبل بالإعدادات اللي في الصورة .. ( 12 ) نسحب باترن المربعات فوق السكراب الأول وتحت باقي الليرات عشان ترتبوه كدا أسهل حاجه تقفوا ف صندوق الليرات على لير السكراب السكراب الأول وبعدين تسحبوا باترن المربعات وبعدين ندخله جوا السكراب الأول زي ماعملنا قبل كدا .. ( 13 ) نختار من الأدوات الشكل التاني زي الصورة ونرسمه في لير فوق الموديل وبعدين نقف عليه في صندوق الليرات وكليلك يمين ونختار restrize .. ( 14 ) دبل كليك على لير الشكل اللي رسمناه عشان يظهر layer properties وممكن بطريقة تانية كليك يمين وتختاروها وبعدين اختاروا pattern overlay واملوها أي باترن تحبوه وبعدين نعمل ستروك ونبرزه .. ( 15 ) نسحب سكراب الفكتور تحت الشكل وندوره و نضبط المقاس ونعمله sharpen من شكل المثلت اللي ظاهر في الأدوات نختاره ونمشي على الشكل .. سكراب الوردة امسحوا بس الساق وبعدين دوروا الوردة بحيث يكون الظاهر منها الجزء اللي مش فيه مسح ونغير بآ اللون للإعدادات دي .. ( 16 ) سكراب الوردة التانية نحطه فوق الشكل و نغير اللون للإعدادات دي .. ( 17 ) اختاروا بآ خط مناسب واكتبوا الحقوق .. ✣ أتمنى يكون الشرح واضح و تتطبقوا وأي استفسار أنا حاضرة .. الأدوات هنا .. ✣ ✣ تمـ بحمد الله ✣

[فداااااااااااء]

شرح مبسط
سلمتى يا قمر

[دمعه حائره]

هو الشرح جميل
موضحه كل خطوة بس الظاهر العيب فيا انا هههه
هشوف ياسمسم واجرب اعملها
تسلم ايدك حبيبتى

[bobaOo]

طرح وشرح رائع

تسلم ايدك

(

[SaMa.]

تصاميمك بتعجبني وي ريت اتعلم منك وابقا زيك
انا هطبق الشرح ي عسوله واوريكي الصورة
ثانكس ي جميلة..

[.Lamar]

الرمزية كتير حلوة

و الشرح واضح و سهل

تسلم ايديكى

لى عودة بالتطبيق

[♥○ moOoOoOna ♥○]

ايوا انا عايزه بالصور كدا

بالطريقه دى ممكن اتعلم

تسلمى ^ـ^

[الأميرة رودي]

جميل ي سمسم
وحشتنا تصاميمك.
تسلمى للشرح

[.Lamar]

ودة تطبيقى

[حافظة القرآن]

درس جميل جدا
والنتيجة تحفة
تسلم ايدك
تقييمى

ودة تطبيقى