[ وجهة نظر ] دوري ابطال اوروبا !

[محمود الصاروخ]

السلام عليكم ورحمة الله وبركاته
زوار منتديات بنات مصر بشكل عام و أقسام الرياضه بشكل خاص

اتكلمنا كتير عن الكوره المصريه والعربيه والافريقيه بشكل عام
وأيضا تكلمنا عن بعض الدوريات الاوروبيه ولكن هذه المره كلامنا سيكون
علي البطوله الاقوي في العالم بل الأكتر اثاره ومتعه وتشويق !

» دوري أبطال أوروبا «



كما يعلم الجميع حينما نتكلم عن هذه البطوله دائما سنجد متعه وجماليه في كرة القدم
تلك البطوله التي يتابعها العالم من البدايه للنهايه لانها الاقوي في العالم

في البدايه علي المستوي الاوروبي انا بشجع فريق العاصمه الايطاليه روما
وأيضا عاشق للكره الايطاليه بشكل عام بما فيها منتخبها ودوريها وانديتها
وفي عام 2007 شعرت بالفخر لما فعله الميلان بالفوز بدوري الابطال
وتحطيمه للأنديه الانجليزيه في المربع الذهبي حامل للرايه الايطاليه
وفي عام 2010 بكل تأكيد شعرت بالفخر والفرح لإكمال الانتر ما فعله
جاره الميلان بفوزه بدوري الابطال وتربع علي عرش أوروبا
وفي عام 2014 كنت مع اليوفي حامل الرايه الايطاليه رغم عدم حبي
الشديد لهذا النادي ولكن المنطق يقول أنه الافضل في الفتره الاخيره في ايطاليا
ولا يعجبني رؤيته وهو يخسر في دوري الابطال وبالفعل وصل اليوفي
لنهائي البطوله وفرحت كثيرا بفوزه علي كبير أسبانيا وتأهل للنهائي علي حسابه
ولكن كان النهائي علي حساب ملك أسبانيا برشلونه وكنت اعلم تماما بأن كل
الترشيحات تصب في مصلحة برشلونه وكان لابد علي اليوفي أن يلعب بطريقه
متوازنه وتميل للدفاع أكتر لإيقاف ميسي ورفاقه من اختراق الدفاع
وفي النهايه فاز برشلونه وتوج بطلا لأوروبا ولكن برغم فوز برشلونه
كان واجب علينا نساند حامل الرايه الإيطاليه لأخر لحظه
لابد أن تعود هيبة الطليان من جديد

نرجع لكلامنا عن دوري الابطال بشكل عام اللي شايفه مبقاش فيه لا متعه ولا جماليه
وقليل جدا لو بصينا وشوفنا أي مفجأه من أي فريق يعني بالبلدي من يتربع علي
عرش أوروبا هم البايرن وبرشلونه ! حتي لو بصينا علي كل مجموعه من
دوري الابطال الموسم ده سهل جدا نتوقع مين هيوصل من المجموعه
قبل ما البطوله تبدأ عموما وبرأي ان دوري الابطال سيتلخص هذا العام
في برشلونه الاسباني و البايرن الالماني اما باقي الانديه وباقي الفرق
بتعاني معاناه شديده في وسط الانديه الكبيره دي كلها بما فيهم الطليان

البطوله حاليا ضاع منها فرق كتير جدا ليها بصمه كبيره في أوروبا
زي الميلان والانتر و الليفر يعني مثلا انا بشجع روما بس برأي ان روما مكانه
الدوري الاوروبي وليس دوري الابطال لان روما ليست ك الانتر أو الميلان في أوروبا
والارسنال ومانشستر سيتي مش ليسو كالليفربول !

فين دوري الأبطال ايام ماالريال الاسباني حقق خماسيه متتاليه
فين دوري الابطال أيام ما الانتر الايطالي حقق بطولتين متتاليين

مش هطول علي حضراتكم ولكن هقول ان برشلونه و البايرن حاليا
أقوي فريقين في البطوله بل في العالم ودي وجهة نظري فقط لا غير
وبنسبه كبيره الاتنين مرشحين للوصول لنهائي البطوله في حالة
لو متقابلوش في دور من الادوار اللي جايه قبل النهائي
دي كلها وجهات نظري والاختلاف في الرأي
لا يفسد للود قضيه !



» للنقاش «

- احنا لسه في دور المجموعات ولكن من ترشحه لإكمال المشوار
والتربع علي عرش أوروبا ؟

- هل تعتقد بأن المال له دخل في موضوع التنافس ؟
وهل دخول المال يعني لك إفساد كرة القدم بشكل عام ؟



تحيــاتي للجميــع
محمــود الصــاروخ

[مــريــم]

انا مش بفهم اوى ف ده
لكن اعتقد ريال مدريد
ــــــــــــــــــــــــــــ
السؤال الاخر اكيد
اى شىء بيدخل منه المال ويكون له الصداره بيبقى فاشل وظالم
مججهود مميز محمود

[Just Ahuman]

دوري أبطال أوروبا فعلاً أنا مبقتش بستمتع بيه زي زمان لأسباب منها ضعف مستوي أنديه كبيره زي أرسنال ومانشيستر يونايتيد وعدم وجود الإنتر وميلان وليفربول العملاق الأحمر أحد أكبر أندية العالم .. من وجهة نظري المال مش كافي وعلي سبيل المثال ميلان وبيرلسكوني مش عايز أطول عليك .. بس فيه وجه سئ لموضوع المال زي اللي بيحصل فى مانشيستر سيتي حالياً تحس إنه عايز يلم لاعبي العالم كله لدرجة إنهم عرضو على ميسي راتب يورو أسبوعياً وعقد بقيمة 120 مليون جنيه إسترليني

بالنسبه لسؤالك الأخير التكهنات بتشير للعملاق البافاري وعملاق كاتالونيا فى النهائي بس أنا حاسس إن فيه مفاجأه قويه هتحصل فى الفتره اللي جايه وأتوقع عودة ريال مدريد الفتره اللي جايه .. ومانشستر يوناتيد يمتلك لاعبين ممتازين فى جميع الخطوط بس من وجهة نظري نقطة ضعفهم هو المدرب لويس فان خال غير قادر على توظيف اللاعبين توظيف جيد أمثال ممفيس ديباي وخوان ماتا وغيرهم .. أعتقد لو مانشستر إتخلت عن فان خال وتعاقدت من مدرب فني آخر هيكون أفضل وأقدر أقولك وقتها مانشستر ممكن تكون أحد أطراف المربع الذهبي ولكن ده فى حالة لو تخطو المجموعات بعد موقفهم اللي بقي صعب بتعادلهم مع إيندهوفن فى الأولدترافولد

تسلم محمود على الطرح

[محمود الصاروخ]

اقتباس المشاركة الأصلية كتبت بواسطة مــريــم انا مش بفهم اوى ف ده لكن اعتقد ريال مدريد ــــــــــــــــــــــــــــ السؤال الاخر اكيد اى شىء بيدخل منه المال ويكون له الصداره بيبقى فاشل وظالم مججهود مميز محمود

متفق معاكي وشايف ان تدخل المال أدي لوجود
أربع او خمس أنديه أقوي من باقي الفرق
وقل من موضوع التنافس والنديه

نورتيني مريم

[محمود الصاروخ]

اقتباس المشاركة الأصلية كتبت بواسطة just ahuman دوري أبطال أوروبا فعلاً أنا مبقتش بستمتع بيه زي زمان لأسباب منها ضعف مستوي أنديه كبيره زي أرسنال ومانشيستر يونايتيد وعدم وجود الإنتر وميلان وليفربول العملاق الأحمر أحد أكبر أندية العالم .. من وجهة نظري المال مش كافي وعلي سبيل المثال ميلان وبيرلسكوني مش عايز أطول عليك .. بس فيه وجه سئ لموضوع المال زي اللي بيحصل فى مانشيستر سيتي حالياً تحس إنه عايز يلم لاعبي العالم كله لدرجة إنهم عرضو على ميسي راتب يورو أسبوعياً وعقد بقيمة 120 مليون جنيه إسترليني بالنسبه لسؤالك الأخير التكهنات بتشير للعملاق البافاري وعملاق كاتالونيا فى النهائي بس أنا حاسس إن فيه مفاجأه قويه هتحصل فى الفتره اللي جايه وأتوقع عودة ريال مدريد الفتره اللي جايه .. ومانشستر يوناتيد يمتلك لاعبين ممتازين فى جميع الخطوط بس من وجهة نظري نقطة ضعفهم هو المدرب لويس فان خال غير قادر على توظيف اللاعبين توظيف جيد أمثال ممفيس ديباي وخوان ماتا وغيرهم .. أعتقد لو مانشستر إتخلت عن فان خال وتعاقدت من مدرب فني آخر هيكون أفضل وأقدر أقولك وقتها مانشستر ممكن تكون أحد أطراف المربع الذهبي ولكن ده فى حالة لو تخطو المجموعات بعد موقفهم اللي بقي صعب بتعادلهم مع إيندهوفن فى الأولدترافولد تسلم محمود على الطرح

نظرا لوصول اليوفي للنهائي الموسم الماضي علي حساب كبير اسبانيا ريال مدريد
هل تعتقد بأن نشاهد نادي ايطالي وسط هؤلاء الكبار في الادوار القادمه ؟
ولا الأسبان والالمان والانجليز سيظلوا مسيطرين علي أوروبا
والطليان لم يكن لهم مكان ؟

متفق معك في كلامك
منور محمود

[Just Ahuman]

اقتباس المشاركة الأصلية كتبت بواسطة مـح ـ الصاروخ ـمود نظرا لوصول اليوفي للنهائي الموسم الماضي علي حساب كبير اسبانيا ريال مدريد هل تعتقد بأن نشاهد نادي ايطالي وسط هؤلاء الكبار في الادوار القادمه ؟ ولا الأسبان والالمان والانجليز سيظلوا مسيطرين علي أوروبا والطليان لم يكن لهم مكان ؟ متفق معك في كلامك منور محمود

تواجد اليوفي فى النهائي الموسم ده غير متوقع بالنسبه ليا .. مستواهم مهزوز محلياً ورغم نتائجهم الإيجابيه فى دوري الأبطال أدائهم غير مقنع بصراحه .. أتوقع باريس سان جيرمان أحد أطراف نصف النهائي باقي الفرق هقد أقولك بعد الجوله الأخيره من دوري المجموعات ..

والقسم منور بيك والله حبيبي

[واد حبيب]

علي الرغم ان المنافسه جامده اوي السنادي
بس الاقولي حالا برشلونه بقوه ثلاثي الهجوم
بس نفسي يكون الريال حامل اللقب بس صعب اوي لقوه المناقسه

[جنون قلب]

- احنا لسه في دور المجموعات ولكن من ترشحه لإكمال المشوار
والتربع علي عرش أوروبا ؟
من خلآل مُتـآبعتى ل الفرق المشـآركه
الوآحد ممكن يقول مثلآ .. مع انى مدريدى
بس اللى شايفه .. البـآيرن .. فريق متكـآمل
وبرشلونه فريق جمـآعى
شـآيف واحد منهم هم الاتنين


- هل تعتقد بأن المال له دخل في موضوع التنافس ؟
ليس شرطـآ
فهنـآكـ العديد من آلآمول يتم دفعهــآ فى صفقـآت لآ تسـآوى شىء
جـآريث بيل الصفقه .. المدويه . .
لم تثبت نفسهــآ ل آلآن ..
وعندكـ نيمــآر .. لكن نشوف الفرق

وهل دخول المال يعني لك إفساد كرة القدم بشكل عام ؟
لآ لآ لآ .. إزأى
انا شايف المـآل له دور هَــآم
إنت معـآكـ فريق لآزم يكون متكـآمل
لآعيبه .. وإدآره وجهــآز فنى
وجمـآهير
مينفعش وآحد من دول ميكنش موجود
ومهمـآ عملت ومكنش فى فلوس
صدقنى يوم والتانى هتقع


.
.
مشكور اخوى
لكن ملحوظه
آلفرق الآيطـآليه السنه دى ليهــآ شأن عَــآلى جِدآ
صفقـآت الموسم فى الدورى الآيطـآلى تشهد على نفسهـــآ

[محمود الصاروخ]

اقتباس المشاركة الأصلية كتبت بواسطة just ahuman تواجد اليوفي فى النهائي الموسم ده غير متوقع بالنسبه ليا .. مستواهم مهزوز محلياً ورغم نتائجهم الإيجابيه فى دوري الأبطال أدائهم غير مقنع بصراحه .. أتوقع باريس سان جيرمان أحد أطراف نصف النهائي باقي الفرق هقد أقولك بعد الجوله الأخيره من دوري المجموعات .. والقسم منور بيك والله حبيبي

انا شخصيا اتمني وجود الانديه الايطاليه !
لابد من عودة الطليان والتربع علي عرش اوروبا من جديد

تسلم ياكبير

[محمود الصاروخ]

اقتباس المشاركة الأصلية كتبت بواسطة واد حبيب علي الرغم ان المنافسه جامده اوي السنادي بس الاقولي حالا برشلونه بقوه ثلاثي الهجوم بس نفسي يكون الريال حامل اللقب بس صعب اوي لقوه المناقسه

أتوقع النهائي يكون بين برشلونه و البايرن
اذا لم تحدث مفجأت

منور ياغالي