الحلقة(48) من برنامج اجدد عضو ومعانا ,,Just Ahuman

[bobaOo]

منور في وسطينا ي عمو
منه بتاخد مني ضيوفي
اضربوها
هههههههعع

حوار جميل
ومجهود عالي منك منون
تسلم ايدك

[مــريــم]

ماشاء الله محمود شخصيه مميزه جداا
من الى شوفتهم هنا
ربنا يارب يديم عليه التواجد فى المكان
ويحبب
فيك جميع الناس

[سيناا]

ماشاء الله ع حضورك محمود

خليك هيك ع طول


بجد آبليتي برامجك دا

حلاوته استمر واستمر


الله يسعدك

[ايمان طلعت]

محمود اثبت وجودة سريعا
وان شاء الله يستمر معانا
جميله الحلقه منه
تسلمي للمجهود

[عهود~]

حلقة مميزة ورائعة

يعطيكم العافية على هذا النشاط الجميل

[Just Ahuman]

اقتباس المشاركة الأصلية كتبت بواسطة دمعه حائره أهلا وسهلا اعضاء منتدانى الجميل وحقله جديدة ومع عضو جديد فى البدايه حابه اقول ان المنتدى الفتره دى ماشاء الله بيسجل فيه اعضاء موهوبين واضافه مميزة معانا وان شاء الله قريب نشوفهم فى مراكز متقدمة النهاردة معانا عضو نشيط وقدر فى فتره بسيطة يثبت وجوده ويلفت نظرنا واهتمامنا لمواضيعه عضو ذهبي just ahuman اهلا وسهلا بيك نورت المنتدى والبرنامج فى البدايه حابين نتعرف عليك من بياناتك الشخصيه اسم؟ محمود سنك؟ 26 وشهرين بلدك ومحل الاقامه؟ مصري مقيم بالإسكندريه عروس البحر المتوسط هل بتدرس ولاخلصت وبتشتغل؟ خريج كلية حاسبات ومعلومات جامعة المنصوره وبشتغل عندك اخوات قد ايه؟ 3 بنات وولد واحد ايه الحكمة المفضله عندك؟ حب ماتعمل حتى تعمل ما تحب .. إفعل كما شئت كما تدين تُدان ايه اهم هواياتك او الرياضه اللى بتمارسها؟ رياضه : كرة القدم والجري والمشي بعشق المشي على البحر .. هوايات تانيه : الرسم .. والكتابه قطعت فتره وبدأت أكتب معاكو هنا تاني .. القراءه .. وبشتغل على النت uploader بقالي أكتر من 8 سنين اتعرفت على المنتدى ازاى؟ كنت بتصفح فدخلت على صوره بالغلط جابني هنا وكانت صدفه ظريفه بصراحه هههه دى اغرب طريقه تعارف بجد وصدفه جميله بصراحه جميله جداً ليه اخترت النينم بتاعك؟ زي ما ذكرت قبل كده إني مجرد إنسان زي أي حد وإن كلنا واحد مجرد أختلاف فى الأسماء ايه شجعك تسجل فى بنات مصر؟ روح الصداقه والمحبه اللى كنت مفتقدها من زمان بصراحه أنا قديم جداً فى موضوع المنتديات وزي ما ذكرت كنت إداري فى منتديات ومواقع كبيره اول قسم شاركت فيه كان ايه؟ الترحيب بالأعضاء عملت موضوع لنفسي عشان اتعرف ع الناس هنا اكتر اقسام بتحبك تشارك فيها؟ المناقشه طبعا أكتر حاجه بحبها المناقشات .. وطبعاً أقسام الأفلام لأني مسئول عنها وبحب المجال عامة لأني شغال وبفهم فيه الحمد لله متابع مين اكتر من الاعضاء؟ متابع الكل إلي حد ما بس أكثرهم أبو نصير ومحمود الصاروخ كونت صداقات ولالسه؟ للأسف لسه بس أتمني كلكو تبقو أصدقائي لأني عندي فراغ كبير فى حياتي فى موضوع الأصدقاء بعد صديقي رحمة الله عليه الله يرحمة ليك مواضيع بقلمك؟ أكيد المناقشات بكتبها بنفسي وكتبت موضوع بقلمي فى قسم الرياضه وموضوع فى الفضفضه وقصيدة سأظل فى الإنتظار بتحب المسابقات وهل شاركت فيها؟ آه بحبها جداً .. ومشترك فى إتنين بس حاسس إني مش هكسب هههههاى .. مش مهم بس أهم حاجه ننبسط ماشاء الله مشاركاتك باين منها نشاطك فى وقت قصير هل هانشوف النشاط ده دايما ولا حماس البدايه؟ لا دايماً إن شاء الله وبيني وبينك كده أنا عايز أبقي من أعمدة المنتدي متعودتش أدخل فى حاجه وأفشل مبدأ الفشل فى حياتي مرفوض إنتظروني قريبا مشرف هههههههههههههاى بهزر أكيد مش مهم المكان أهم حاجه يكون ليا أهميه مش اللون هو اللي هيدل على إني مهم أو لا ان شاء الله تبقا من اعمدة المنتدى بس اياك تعدينى فى الاحصائيات عشان تبقى عارف يعنى من اولها مقدرش أوعدك أنا طموحاتي 100 ألف مُشاركه قابلتك مشاكل اثناء تصفح المنتدى؟ لا الحمد لله أنا إلي حد ما ملم بالقصه كلها مش جديده عليا سواء أدوات المراقبه أو أي حاجه فى المنتدي مفيش أي مشاكل منها زي ما قولتلك أنا خبرتي طويله فى المنتديات ايه رايك فى المميزات المضافه جديد ؟ جميله جداً أكيد بس لو كان فى المنتدي إهتمام بأقسام التحميلات سواء من مراقبه أو مواضيع جديده كان هيكون للمنتدي شأن تاني خالص وخصوصاً لو كان ليها مجله هل عندك اى اقتراح تحب تقدمة لينا؟ آه نفسي عدد الأعضاء يزيدو واللي ليه عضو أو مشرف صديق بره المنتدي وفيه مشاكل بتخليه ميدخلش أو خلافه يكلمه ويحاول يصفي الأمور ويرجع تاني أنا شايف أعضاء كتير مميزه مش بيدخلو ومشرفين سابقين نفس الوضع لو رجعو هيبقي فيه تفاعل وشغل جبار ... وحاجه تانيه رجاء للجميع الإهتمام بالأقسام المهجوره ويتضاف فيها مواضيع ويكون فيه تعليقات ويبقي عليها مراقبين عشان الوضع يبقي أحسن لأني بحس إن الأقسام اللي تحت محدش سائل فيها .. وعايزكم تزوروني فى الأقسام الفنيه وتقيمو الشغل بتاعي فضلاً وليس أمراً اقتراحات ممتازة وان شاء الله يتعمل بيها قريب أتمني ذلك ايه رايك فى تعامل الاعضاء والمشرفين هنا؟ أنا مقدرش أحكم دلوقتي عشان متعمقتش معاكو أوي السؤال ده ممكن أجاوب عنه كمان أسبوعين كمان ولا حاجه بشكرك على قبول الدعوة واتمنى ليك كل التوفيق والاستمرار معانا أنا اللي بشكرك والله وأتمني التوفيق ليكي ولكل أخواتنا هنا.. تحياتي ليكي وللجميع : محمود وهنا تنتهى حلقه النهاردة مع محمود بشكركم على المتابعه ويلا رحبوا بيه مش تكسفونا

تسلمي على إستضافتك الجميله دي

[Just Ahuman]

اقتباس المشاركة الأصلية كتبت بواسطة واد حبيب اهلا يا محمود ربنا يرحمك صديقك ان شاء الله تكون ليك توجد جيد في المنتدي تسلمي يا ام العيال علي الاستصافه

تسلم ربنا يخليك .. وربنا يرحمه ويرحم موتانا جميعاً

[Just Ahuman]

اقتباس المشاركة الأصلية كتبت بواسطة توحد ارواح حوار جميل اتعرفنا علي شخصيه مميزه ماشاء نشاطه كويس ف فتره قليله باذن الله تبقي فعلا من اعمدة المنتدي تسلمي دمعه ع المجهود الجميل

ربنا يخليكي يارب .. وإن شاء الله أقدر أقدم حاجه للمنتدي .. أسعدني تواجدك الجميل

[Just Ahuman]

اقتباس المشاركة الأصلية كتبت بواسطة ۩۩ elmagic ۩۩ اصلي ي محمود انت من الناس اللى فرضت اسلوبها بشكل مميز وليها مستقبل ان شاء الله في الموقع ربنا يكرمك ويوفقك ف حياتك تسلمي دمعه للمجهود القيم دمتما بكل ود

تسلم يا أحمد ربنا يخليك . وإن شاء الله أقدر أضيف ليكم حاجه

[Just Ahuman]

اقتباس المشاركة الأصلية كتبت بواسطة فداااااااااااء حوار جميل جدا حبيبتى منون واخى محمود بنرحب بيك تانى وتالت ورابع وسطنا لحد ما تزهق ههه سعدنا بوجودك ونشاطك المميز سلمتم

يارب إنتو بس اللي متزهقوش هههههههههههاى ... وأنا مبسوط معاكم بصراحه ربنا يديم المحبه .. دمتي بود فدااء