عش العصفور (مسابقة العودة للطفولة)

[دمعه حائره]

وعندما يأتى المساء ويعم الهدوء كل الأجواء تسرع تلك الطفله الصغيره لحضن جدتها الجميله تنعم بدفئه وتشتم عطره فما أحنها من جده تفهما بدون كلام وتعيش معها الأحلام وها قد حان موعد الحكاية قبل أن تنام هيا جدتى أحكى لي حكاية قمر ومايحلي الكلام الإبذكر النبي عليه افضل الصلاة والسلام قمر أميرة جميلة عايشة حياة تتمناها اى بنت فى سنها عايشة فى قصر كبير فيه كل حاجه تخطر على بالها ونفسها لكنه كل شبابيكه عليها قضبان حديد وكأنة سجن والجنينة مع انها واسعة وفيها الألعاب اللى بتحبها بس بابها كبير حاجز عنها شكل الشارع وعمرها ماخرجت منها كل يوم الصبح تقف جمب الشباك وتكلم عصفورها هو كمان محبوس زيها وتسأله نفسك فى أيه ياعصفور يبصلها بحزن وكأنه بيقولها نفسى أخرج وأطير ويكون ليا عش صغير على الشجره اللى بعيد تبص الأميره على الشجرة اللى بعيد جمب البحر وتتمنى تحقق حلم عصفورها اللى هو نفسه حلمها وكل ماتقرر إنها تفتح القفص وتخرجه تفتكر أنه الوحيد اللى كل يوم يكلمها وتكلمه ولو سابته يخرج مين هايكون جمبها ترد تقوله ياعصفورى وأنت ناقصك إيه كل اللى نفسك فيه بإشاره منى يكون عندنا حتى من غير مانطلب الدنيا كلها ملكنا تكدب عليه وتقنعه باللي هى نفسها بترفضه لحد مافي يوم شافت من بعيد شاب جميل كان راكب مركب صغير ومن على شط النهر شكله تايه ومتحير وبسرعه هبت رياح قويه وعلى المركب كانت مستقويه قلبت المركب والشاب الجميل كان هايغرق صرخت بصوت عالي إلحقوا ياحراس غريق هناك من الناس جريوا عليه وبسرعه انقذوه وفى جنينة القصر حطوة نزلت بسرعه ووقفت قدامه تبصله وعينها من الدموع كانت بتسأله وتكلمه.. هو القدر جابك عشان تحلى دنيتى ولا انت كمان هاتسيبنى لحيرتى ودمعتى فاق الشاب وأول نظره كانت عليها ضحكت عينه لما جات فى عينيها وقال انا فى الجنة والحور حواليا ولاانتى انسية وهديه ربنا ليا ضحكت فى خجل وقالت انكتبلك عمر جديد وهاتكون عندنا ضيف سعيد وطلعت تحكى للعصفور عن أجمل شعور غنالها غنوة جميله ورقصت على انغامها ماالدنيا ضحكت لها والمستقبل قدامها وكل يوم تشوفه وهو يبصلها يوعدها بالحب اللى كان طول عمرها تتمناه والعش هايبقا جنة طول ماهيا معاه وتمر الأيام والجاى ديما صعب وعلينا يتجنى طلب الجميل ايدها وكانت للجميع صدمة ازاى فقير زيك يقرب من الملكة وياحراس اطردوا اللى رفض النعمة وماصانش حق الضيافة وإتجرأ على الملكة تبكى الأميرة فى ليلها ونهارها تشكى لعصفورها يرد يقولها شوفتى القصر مهما ان كان دهب وملكك وايه يسوى جمب اللى حبه قلبك .. ساعتها فتحتله باب القفص عشان يعيش حياته ويحقق امنياته يبنى العش اللى كان نفسه فيه ويعيش معاه اللى يتمناه قلبه وعينيه وهى من بعيد على الشجرة هاتشوفه يمكن فى يوم تقدر وتخرج من سجنها يوم لما الجميل يقدر يسرقها من سجنها ماهو الحلم مهما كان صعب بالحب يتحقق وهايجى اليوم اللى نقول أهو حصل ونصدق وتوته توته خلصت الحدوته دمعه حائره mena_hassan 2-12-2015

[واد حبيب]

تسلم يدك يا ام الولاد
دايما متميزك في موضيعك

[Lamees]

ايوة كده
حكاية وحدوتة وتوتة توتة
انا بحب الجو ده
والله نعست منك انا ونمت ^_^
القصة جميلة تتحدث عن الحرية
وما زال الأمل موجود عند البطلة
وهي تحلم انها في يوماً ما ستحقق حلمها
كما حققته الى العصفور

رائعة كنتِ منون
موفقة

[دمعه حائره]

اقتباس المشاركة الأصلية كتبت بواسطة واد حبيب تسلم يدك يا ام الولاد دايما متميزك في موضيعك

شكرا ابو اياد نورتنى

[دمعه حائره]

اقتباس المشاركة الأصلية كتبت بواسطة اطياف الماضي ايوة كده حكاية وحدوتة وتوتة توتة انا بحب الجو ده والله نعست منك انا ونمت ^_^ القصة جميلة تتحدث عن الحرية وما زال الأمل موجود عند البطلة وهي تحلم انها في يوماً ما ستحقق حلمها كما حققته الى العصفور رائعة كنتِ منون موفقة

ههههههه
انا كمان هانام بقالى كام يوم عاوزة انزلها وانام بدرى
عجبك كده رونى
نورتينى حبيبتى

[Lamees]

وكمان موسيقى انا نمت خلاص ^_^

[bobaOo]

ليييييه
كنت انبسطت
قفلتيها ف الاخر لييه
بس شيقه
وممتعه
والي يبدأ فيها
ميسبهاش الا ميخلصها
تسلم ايدك بجد
تحياتي

[دمعه حائره]

اقتباس المشاركة الأصلية كتبت بواسطة boba0o ليييييه كنت انبسطت قفلتيها ف الاخر لييه بس شيقه وممتعه والي يبدأ فيها ميسبهاش الا ميخلصها تسلم ايدك بجد تحياتي

هههه
عشان تنامى ياهوبا يلا حبيبتى
نورتينى

[Just Ahuman]

جميله جداً .. تسلم إيدكـ بالتوفيق إن شاء الله

[الفيلسـوف]

بصرحه تحفه يامنه هههههه هو انتى كده بتحكى لاولادك
يبقى انا واثق انهم بيناموا ومش بيرحوا المدرسه
تسلم مواضيعك وكتابتك الجميله التى تبث عن انسانه خلوقه
دمتى ودام نبض قلمك