الحلقة(49)من برنامج اجدد عضو ومعانا ابن الحتة

[دمعه حائره]

أهلا وسهلا بكل اعضاء منتدى بنات مصر الغاليين النهاردة ضيفنا عضو جديدونشيط ومن الحته اسمه ابن الحته اللى منور كل الحتة هانتعرف عليه ونعرف ايه هواياته وبياناته ابن الحتة عضو برونزي اهلا وسهلا بيك نورت المنتدى نتعرف على حضرتك من بياناتك الشخصيه اسمك؟ سمير ابن الحته انت منين حته ؟ من اى حته خخخخخ كفر الشيخ محل اقامتك؟ كفر الشيخ بتدرس ولابتشتغل؟ انا مدير مدرسه اعدادى واحسبيها انت بقه عندك كما سنه؟ فوق الاربعين عندك اخوات قد ايه؟ 2 رجال و3 نساء الحكمة المفضله ليك؟ الصبر مفتاح الفرج اتعرفت على المنتدى ازاى؟ احب الغوص فى المنتديات عموما وكنت فى منتدى اخر زهقت من معاملة الاداره بحثت عن منتديات مصريه طلع المنتدى بتاعنا سجلت فيه لاقيت ليا اهل زى الفل ليه اخترت النيم بتاعك؟ ماهو انا ابن حته برضه وح اقولك انا ريفى احب الهدوء والاصاله والجديه واحب البساطه وقوه الاراده ودى فى اهل الريف وابناء الحته ايه اول قسم شاركت فيه واو موضوع؟ التعارف اول موضوع هو عن التعارف كونت صداقات ولا لسه؟ كونت طبعا اتعرفت على كل الاقسام فى المنتدى؟ لا لسه اكتر قسم بتحبه؟ الفضفضه قسم النقاش خزعبلات الاعضاء القسم العام البرامج اكتر اعضاء بتابعهم؟ فى سباق مع الزمن لمتابعتهم ايه رايك فى التعديلات الجديدة؟ انا مع التعديلات الجديده .. وكان سبب تركى للمنتدى اياه ان ادارته رفضت وترفض اى تعديل مش معقوله يكون ثلاث اخماس الاقسام بدون مشاركات لمده شهور ونتمسك بها .. لازم من التطوير والتغيير والتعديل عندك اضافه او اقتراح تحب تعرضه على الاداره؟ سيكون عندى عندما تكتمل صورة المنتدى كامله لدى واستوعب كل اقسامه بتحب المسابقات وهل بتشارك فيها؟ احب اى موضوع مناقشه او مسابقات ثقافيه او غيرها قابلتك اى مشكله اثناء التصفح؟ لا تصفح المنتدى خفيف والحمد لله ايه رايك فى التفاعل وتعامل المشرفين مع الاعضاء؟ المشرفين قلبهم ابيض وكلهم اخوه وبصفتى هنا عضو لكن مارست سلطات الاشراف سابقا واعلم ما على المشرف وما له هل مشارك فى مواقع تانيه؟ كنت.. الان كل جهدى هنا.. ايه الميزة فى منتدى بنات مصر عن غير مواقع؟ له مميزات عديده منها 1- بصفته مصرى فاللهجه مريحه اتكلم زى ما انت عاوز كله مفهوم.. توجد كلمات لها دلالات خاصه ونكهه خاصه يفهمها المصرى 2- وجود الترابط الاخوى بين الذكور والاناث مع الاحترام والتقدير .. 3- الصداقه هنا مفعله خد وهات وتبادل اراء وزياده معرفه مش صديق على الورق وخلاص .. وده الهدف من المنتديات ماشاء الله نشاط ملحوظ فى وقت قصير ناوى تستمر معانا بنفس القوة ولا هاتغيب عننا؟ انا اشعلقت فى رقبكم وخلاص ايه يخلى العضو الجديد يستمر فى منتدى؟ كتير منها اندماجه مع الاعضاء على الاعضاء تشجيع كتاباته مهما كانت النصح يكون على الخاص باسلوب جيد تحب تقول ايه لاعضاء منتدى بنات مصر والله عاوز اقول كلام كتير الاول اشكر من استقبلنى مع انه لا يعرفنى اشكر اصدقائى كتير واشكر ادارة المنتدى عاوز اقول نمسح العصبيه مهما كانت سواء فى الكوره او الانديه كمان اقول لا تحكم على غيرك من اسلوبه ولا من اول مره واقول خليك متسامح متفاهم متفائل حسن النيه واقول بالتوفيق دائما للاعضاء والاداره اخوكم ابن الحتة وهنا تنتهى الحلقه مع استاذ سمير بشكركم على المتابعه واتركم للترحيب بيه

[واد حبيب]

الله ينور عليك يا مدير
حلو الحلقه باجابتك الجميله
تسلمي يا دمعه علي مجهودك

[انجي_1]

يا اهلا وسهلا بيك يا استاذ سمير
والله نورتنا
وان شاء الله تفضل ديما معانا
ليك مواضيع جميلة
بحب اتابعك

[الأميرة رودي]

أهلا بيك منور المنتدى.
بتمنالك التوفيق دايما.
تسلمى يامنه على المتابعه المتميزه
مانتحرمش من وجودك

[morshooo]

بصراحه كنت هكمل الحلقه
بس لما شوفت اول حاجا انك
مدير مدرسه
وشوفت رمزيتك

قولت ونعمه التربيه والتعليم
هههههههههههه
بصراحه انا حاسس انك عضو قديم فى المنتدى
وحتى الاجابات لما كملت الحلقه معتقدش ان
دا واحد معدى الـ 40 او مدير مدرسه
^_^

[جنون قلب]

حلقه جميله جدآ
مع شخصيه مُحترمه ,,
منور اخوى الفاضل تشرفنــآ ب حضورك اخوى


تسلم ايدك اختى منه
حوآر آكثر من رآقى
دُمتم ب امـآن الله

[حازم34]

اهلين اهلين اهلين بالزين

ابو سمره السكره نورت المنتدي

من اول ما جيت حسيت اانك ابن حته ومرجله



نورتنا واسعدتنا ودمعه حائره دايما مع الاعضاء الجدد منوره

مواضعيك الحلوه والمناقشه المتميزه والله شرفتنا

واسعدنا وجودك جنبنا

بحس دايما انك واحد مننا وقريب علي قلبنا ابن حته ومرجله

يسلموا علي الاستضافه الجميله للاخ الفاضل الاستاذ سمير

تسلمي اختنا دمعه حائره

اسعدني المرور والله

[bobaOo]

نورت أ/سمير
ويارب يديم نشاطك
تحياتي لك

تسلمي منه
مجهود عالي

[ابن الحتة]

كل ما قلته صحيح عن نفسى طبعا
اشكر الاخت دمعه حائره على حسن اختيار الاسئله اكيد
واشكر كل الاحباب والاصداء الذين كانوا هنا وتكوا بصمة ترحيب

[Fatma eissa]

حلقه جميله جدا
ولقاء اكتر من رائع ممتعه
مع استاذنا الكبير
شخصيه محترمه وأخ وصديق بمعني الكلمه
وتشرفنا بوجودك ياستاذ سمير

ومجهود رائع منك يادمعه