الحلقه الخامسه من اسئله مع الأعضااء ومعانا "morshooo"

[bobaOo]

بعد التحيه والسلام
ازيكم جميعا
عساكم بخير



طبعا من العنوان عرفنا مين هوا ضيفنا
morshooo
العضو الي مرحمش حد من خزعبلاته
وتريقتو ع الاعضاء الكرام
عضو نشيط وغني عن التعريف
بيحب يهزر وبشوش وطيب القلب





تعالو نشوف ردو على اسألتي في الفقره الأولى
اسئله شخصيه:

يلا نبدأ بسم الله
قول ورايا والله العظيم هقول الحق

1-اسمگ وسنكگ ومنين?

احمد
31
القاهره

2-هل هاذا اسمك الحقيقي وان لم يكن فما هو »لك كامل الحريه في ذكره «

هذا اسم العائله
عجبنى هل هذا ^_^
اسمى ( احمد ) و ( morshooo ) لقب

3_ كم وزنك ؟

85

4_كم طولك ؟

181

5_ انت قوي-اذآ ( من الشخص الذي تضعف امامة) ؟

اى حد يكون قريب ليه
بس طبعا الاسرة والعائله اكيد
لو فى حاجا بكون ضعيف قدامهم

6_ لو انت مخير ان يكسر احد الأمرين (كرامتك)او (قلبك) ماذا تختار ؟

اولا انا مش بندم على حاجا بعملها
لانى اكيد عملتها وانا مقنتع بيها
فموضوع الاختيار دا اكيد وقتها هعمل
الى انا مقتنع بيه بس اكيد الكرامه الواحد بيفكر فيها
مليون مره قبل مايعمل اى حاجا تخص كرامته .

7_ ماهي نقطة ضعفك ؟

زى ما قولتلك اسرتى واهلى

8_ ما ردة فعلك عندما يقول لك حبيبك : أحبك نعم أتزوجك لا ؟

يمكن السؤال دا للبنات هيكون احسن
لان فكره ارتباط الولد ببنت بتكون ساعات
بالشكل دا انهم يقضو فتره مع بعض وبعد كدا
يشوف غيرها .

9_ اذا اردت ان تبكي الان , فعلى من تبكي؟

اكيد والدتى ربنا يرحمها

10_ من ستختار ليمسح دموعك ؟

لا هخلى الواد حودة عشان اضحك بعديها

11_لو خيروك بين حبيبك وبين اعز صديق فمن تختار ؟

هو بالنسبالى هتبقى زوجتى فاكيد
هختارها بس معتقدش هيبقى فى اى
اختيار بالشكل دا لحد يعنى وكلها اسئله
تخيلية مش اكتر .

12_ ((مستحيل انساك)) لمن تقولها ؟

اى حد بيفارقنا اكيد هقوله الكلمه دى سواء حدمن اعائله او من الاصدقاء

13_ (( انت كل شيء بحياتي )) لمن تقولها ؟

اسرتى اكيد

14_ متى اخر مره بكيت؟

بصى انا نادر جدا لما ببكى فحتى لو حصلت
مش بهتم امتى حصلت منى

15_هل انت راضي عن نفسك ؟

الحمد لله بنسبه كبيرة اكيد

16_بماذا تقر وتعترف أمامنا الان ؟

محمود بيسنن يا جدعان وقرفنا

17_ اغمض عينيك دقيقه لو سمحت, ماذا خطر على بالك وانت مغمض العينين .

والا اى اندهاش هههههههههه
يمكن عشان فى الشغل ^_^

18_هل تؤيد الزواج العاطفي ام الزواج التقليدي ؟ ولماذا ؟

العاطفى اكيد
مع ان مبقاش يكمل والاغلبيه بيضيعو وقت مع بعض فيه

19_ هل من الممكن ان تتحول الصداقه الى حب ومن ثم الى زواج؟

والله الصداقه بتكون صداقه طالما
الاتنين متفقين على دا من البدايه

20_هل تعترف بشيء اسمه الصداقه بين الرجل والمرأة ؟

اها بعترف بيها
سواء نت او فى الحياه العاديه
انتى اهو بتدرسى ممكن كون اقرب حد ليكى
فى الجامعه واحد زميلك او بتاخدى رئيه فى كل امورك
ومعتقدش انه عيب دا يحصل

21_هل انت مدمن تفكير؟

لا بسبها كدا على ربنا ^_^

22_ من هو اكثر شخص تفكر فيه؟

اكيد الى فى البيت ^^

23_ماالذي يلفت انتباهك بسرعه في الشخص لكي تعجب به ؟

بصى فى ناس ممكن من اول مره تكلميهم
تحسى انهم ناس قريبين منك جدا ومش شرط
اكون بكلم عن البنات لا بكلم عموما
انا مثلا فى شغلى ممكن واحد يدخل يسئلنى عن حاجا
من طريقه كلامه وروحه اخد فكره كويسه عنه
فبالنسبالى الروح اهم حاجا فى الى بتعامل معاه
وفى ناس مجرد ما تشوفها او تشوف اسمها تقول
ربنا يهديهم وينزلو معانا كوكب الارض الشقيق
وفى برضو منهم فى المنتدى اكيد .

24_ اذا احببت شخصا في الوقت الخطأ وفي المكان الخطأ فماذا تفعل ؟؟

الاتنين خطا دا ايه العيشه الغلط دى الى رمتينى فيها
ههههههههههههه
بصى انا قولتلك عندى 31 سنه فالحمد لله الواحد
عنده البرة الى يقدر يعرف هو غلط والا صح
واقصد فى تصرفاته عموما مش شرط موضوع
الحب بس .

25_ حكمة تؤمن بها جدا؟؟

سأل الممكن المستحيل : أين تقيم ؟ فأجابه في أحلام العاجز

26_ هل بحياتك قصة حب الان ؟

انا عندى عيال الله يكرمك
بس اكيد طاما مجوز فاكيد عايش قصه حب

27_ هل ترى ان الحب الاول ناجح ام فاشل ؟

الاغلبيه بيكون فاشل خاصه اليومين الى احنا فيهم
والفيس بوك والنت عموما بيوكون سهل تحبى
وسهل تسيبى .

28_ سر لاول مره تقوله لنا ؟

دا غير ان حودة بيسنن فعنده برد

29-((ندمت اني عرفتگ )) لمن تقولهاا?

مبحبش الندم زى ما قولتلك
لكن مبحبش الشخص الى بيعيش فى الدور
سواء ولد او بنت عموما الى فجأة يحس بنفسه
دا بالنسبالى لو حتى كان فى بينا صباح الخير
بعتبرها مكنتش موجودة من الاساس ودا بالنسبالى
بيكون نقص عند الناس دى او حرمان ودا بنشوفه
كتير جدا فى الشغل فى الجامعه حتى فى عالم النت
سواء منتدى او فيس ..... الخ

30-رأيك فيا بصرااحه ؟

يمكن كلامى معاكى مش كتير انتى معانا من 2014
لكن واضح انك من الشخصيات الكويسه فى المنتدى
عرفت انك عصبيه بس الكويس انك بتعتزرى
فنصيحه بلاش عصبيتك تخسرك حد وياريت تقدرى
تعرفى مين بيتقبلك ومين لا انا ممكن ادخل توبيك
اقول لعضوة مثلا ( منورة يابت ) ممكن انتى عادى
وتهزرى معايا وممكن بنت تانيه تقولى ماتقوليش
يا ( بت ) دا مثلا
فانتى كمان اتاكدى من صداقاتك بشكل كويس

هقولكحاجا كمان بخصوص التوبيك والاسئله
فى اسئله متشابهه شليها وياريت انتى تضيفى
اسئله من عندك التوبيك هيكون احسن من كدا .
اتمنالك التوفيق

شكرا احمد حاضر المره الجايه بئا ^^

وبكده انتهينا من اول فقره الاسئله الشخصيه



الفقره الثانيه:اجيبلو اثنين من الأعضاء يمدح فيهم وينتقدهم بعد استأذانهم
جبنالو عضوه واحده وهيا:
جبل عالي

تعالو نشوف قال ايه عن جبل:

جبل عالى

طبعا من اعمدة المنتدى لما بتكون رايقه بتبدع بصراحه
وجودها على الابداعات اعتقد دا مكانها الحقيقى
بس الفترة الاخيرة دخولها قليل ودا بسبب ظروف اكيد عندها
بصراحه وجودها على قسم ادم مش مقتنع بيه واعتقد
هى كمان مقصرة فيه جدا .
بشكل عام جبل عضو مهم اكيد فى المنتدى وعايزها بس
تمسك لسانها شويه هى عارفه قصدى

كده خلصنا الفقره الثانيه نيجي لاخر فقره



الفقره الأخيره اجيب لمورشو عضو مجهول يوجهلو اسئله عن طريقي
وميعرفوش الا هنا

العضو هوا:



تعالو نشوف محمود سأل مورشو قالو ايه ورد مورشو كان ايه :


1. ليه بتحب تعمل مقالب ومواضيع تريقه علي الناس ؟

سواء بعمل مقلب او موضوع تريقه
مابعملوش كتقليل من العضو دا
بالعكس لو هتشوفو مواضيع المقالب بتكون مع
الاعضاء الجدد اكتر وممكن يكون المقلب دا بيديهم
فكره كويسه عن المنتدى لان مش فى دماغهم
حد يعمل فيهم مقلب بالشكل دا .

مواضيع التريقه يمكن بعملهم فى الاعضاء
الى بتاكد انهم هيتقبلو الحكايه دى مع انى مفيش مانع
لو حد بعتلى انى مجبش اسمه فى توبيك وحصل من
عضوة بعتتلى تقييم انها مش عايزه اجيب صفحتها
فى توبيك مورشو وصفحات الاعضاء وخلاص الموضوع
بيعدى لان دى حريه شخصيه ليها .

فعموما كل عضو وليه شكل خاص بيه فى المنتدى
انا واخد الطريق دا المواضيع الترفيهيه سواء
كمقالب او تريقه والحمد لله كله متقبلها والاعضاء
بتتابع بشكل كبير المواضيع الى بنزلها .

2. إيه أكتر حاجه بتحب تعملها فى حياتك العاديه ؟

انا بحب شغلى جدا فالحمد لله مش موجود فى مكان
بكون شايل هم ياترى يومى هيكون ازاى فى الشغل
كمان الرياضه بحب اهتم بيها جدا خاصه كورة القدم .

3.لو خيروك بين حد بتحبه والأهلي تعمل إيه ؟

الاهلى والا الاهل

4.إيه أكتر حاجه نفسك فيها دلوقتي؟

مممممممم
اروح اقعد مع الاسرة الكريمه
دا بما انى فى الشغل
وياسلام بقى لو الحاج واخواتى واجوازهم
ياسيدى على القعدات

5.ياتري ممكن تعمل زي الناس اللي مشيت ومتدخلش المنتدي تاني ؟

لا معتقدش انا ممكن اريح فتره اوك
لكن امشى عشان خلاف مع حد فى المنتدى
اكيد لا والا كنت مشيت من زماااااااان .
المهم اننا فى منتدى والمنتدى مش مكتوب باسم واحد فينا .
ولو هو مهم جدا وكل واحد بيعتبره باسمه
كان صاحبه اهتم بالتواجد فيه بشكل يومى ^_^

6.لو جه عليك وقت وحبايبنا هناك فضلو مستلمينك تريقه فى مواضيع هتعمل إيه؟

هناك فين
قولولى وانا هتصرف ^_^
اكيد هتقبل المواضيع دى ماينفعش اعمل فى عضو
توبيك ولما ينزل موضوع بنفس طريقتى عنى
ازعل او اقول لا ماتعملش كدا تانى .

7.إيه رأيك فى المنتدي دلوقتي وهل شايف ممكن الوضع يتحسن ؟

طالما قولت الوضع يتحسن يبقى انتى شايفه انه
مش بنفس قوته الى متعودين عليها .
بس انا عايز اقول حاجا التغيرات الكتير مابتبقاش كويسه
يعنى مجيش احط 20 مشرف و 4 مراقبين و 3 أداريين
الارقام مش متاكد منها بس بقول مثلا
عموما ما ينفعش اكون فى مكان الطاقم الادارى
اكتر من الاعضاء الواحد بيدخل المنتدى بيلاقى
المشرفين والمراقبين والاداريين بس .
ورغم قله الاعضاء بتلاقى اقسام
عليها 3 مشرفين و 2 مشرفين

8.مين أقرب حد ليك فى المنتدي هنا؟

اعضاء كتير بالاخص
اى عضو بجيب اسمه او سيرته
فى اى توبيك اكيد بيكون عضو قريب منى
ومش شرط معنى قريب اننا بنكلم فيس او ميل
او خاص بس فى اعضاء مفيش بينى وبينهم اى كلام
خارج المنتدى ومواضيعه بس بعتبرهم قريبين منى.



وبكده نيجي لنهايه حلقتنا مع العضو مورشو
اتوك لكم التعليق بئا
وانتظرونامع ضيف جديد وحلقه جديده

[ايمان طلعت]

ربنا يرحم والدتك
وبخليلك حودة ويشفيه
حوار ممتع بوبا استمري
تحياتي

[اذار .]

موروشو بقى ،
حد يستضيف الشرير دا يا بوبا ؟
بس كانت استضافه اسئلتها جميله ، و الردود وحشه طبعا
هو انا هجاملك يا احمد لا سمح الله ؟

المهم ،
مروشو من الشخصيات ، الجميله في المنتدى ،
رغم ان مالوش تواصل كتير مع حد
بس عرفنا انه شخصيه جميله من مواضيعه القاتله للاعضاء
و كمان هو شخصيه مستفزه ،
اول شخص استفزني في المنتدى ، لسى فاكره اهو

و ربنا يخليلك حوده ، و مبروك عليه الاسنان ،
و ما يشوف شر ان شاء الله ،

و منور بقى ، خلاص مدح فيك كدا

شكرا لك بوبا الجميله على المجهود الحلو زيك ،
و ب انتظار استضافاتك القادمه ،

[Fatma eissa]

لقاء جميل مع احمد
وأسئلة وأجوبة ممتازه
وربنا يوفقه
في حياته


ومجهود رائع منك

[فداااااااااااء]

استضافة حلوة بوبا لاخى أحمد

سلمتم لروعة الحوار
ارق التحايا لكم

[الفيلسـوف]

حبيبى ياابو حوده منور والله الراجل زى الفل وبعيد عن اى شى بحترم فيه حاجه بقولها من وراه وقولته لاكتر من واحد الصراحه الشديده وعدم المجامله طبعا بعيد عن خفه دمه نورت ياكبير

[توحد ارواح]

حوار جميل جدا واسئلة شامله
تسلمي بوبا ع المجهود والاستضافه المميزه
تحيتي

[شاعر الحب الحزين]

بصراحة مورشو بعتبره كابيتانو المنتدى

الجد عنده جد والهزار عنده هزار

وهو من الناس اللي عاملين جو حلو للمنتدى

الله يرحم والدته ويسكنها فسيح جناته

ويحفظه هو وأسرته الكريمة ويخليله حودة ويبارك فيهم جميعا


هبة بحييكي ع الاستضافة الحلوة المختلفة جدا

حقيقي عجبتني الحلقة وصراحة مورشو ف اجاباته

ربي يعطيكي العافية على مجهودك هبة

ربي يوفقك ويسعدك

[countess]

مورشو الغالي ع قلبي والله

اجابتك جميله يا بؤ حوده

نايس توبيك يا موذيعتنا العسووورله 💕💕💕💕💕💕

[Just Ahuman]

بصراحه حوار جميل وأنا إستمعت بردودكـ يا أبو محمود
ربنا يرحم والدتكـ ويباركلك فى ولادك

وتسلمي يا بوب على الإستضافه الجميله دي